Pudož

	Pudož
Fail:Flag of Pudozh.svg	Fail:Coat of Arms of Pudozh.svg
Флаг	Герб
	61°48′00″ с. ш. 36°32′00″ в. д.GЯO
Valdkund	Venäma;
Istorii da geografii
Tegemižen päiv	1382
Pind	8;
Высота	55
Aigvö	UTC+3:00[d]
Ekonomik
Eläjad
Eläjad	▼7356 чел. (2021);
Lugud
Telefonan kod	81452
Počtan indeksad	186150
-
	lugeda • diskussii • redaktiruida

Pudož (Karjalan Tazovaldkundan suvipäivnouzmas, Pudožan rajonan administrativine keskuz da üks'jäine lidn. Vspäi 1991 se om Venäman istorižen lidnan statusanke.

Istorii

Eländpunkt mainitase ezmäižen kerdan vl 1382 kuti Pudog (Anuslidnale Pudožan makundan keskuseks. Vn 1922 sügüz'kuspäi Pudož om mülünu Karjalha (ühten aigan sen sädandanke), vozil 1926−1943 oli žilon statusanke pordaigaižešti.

Pudožan ižandusen sarakod oma mecan varhapanend da transport, mecan i kiven ümbriradmine, betonantegim, turizm (läz kümned adivpertid), mugažo leibtegim om lidnas.

Geografijan andmused

Lidn sijadase rajonan suvipäivlaskmas, seižub Vodlanjogen oiktal (korktal) randal, 55 m ü.m.t. keskmäižel korktusel. Matkad Änižen randhasai om 25 km päivlaskmha. Matkad Petroskoihesai om 113 km orhal päivlaskmha (Änižen vastrandal), 352 km avtotedme. Lähembaine lidn om Vitegr 102 km suvhe.

Kaik koume pen't žilod (Aeroport, Kolovo i Kos'kenaluine (ven. Подпорожье)) da kahesa küläd mülüdas Pudožan lidnankundha mugažo, niiden ühthine ristitišt om 1 167 eläjad vl 2016. Lidnankundan pind om 410,47 km².

Eläjad

Vl 1913 lidnan eläjiden lugu oli 2 800 ristitud. Kaikiš suremb ristitišt oli 11 700 eläjad vl 1992. Vn 2010 kaiken Venäman rahvahanlugemižen mödhe lidnan eläjiden lugu oli 9 698 ristitud. Kaik 9 044 eläjad oli lidnas i 10 200 eläjad kaikes lidnankundas vl 2017, rajonan ristitišton pol'.

Ortodoksižen hristanuskondan koume pühäpertid^[2] om lidnas:

Pühän Jumalanmaman «Rigomanahin'»-jumalaižen jumalanpert';
ph. Serafim Sarovalaižen jumalanpert';
ph. Aleksandr Nevalaine-ruhtinasen jumalanpert'. Se om saudud vl 1903 lidnan kaumžomas. Jumalanpert' om pühästadud tošti, sen udessündutamine jätktase.

Pohjoižen kolledžan filial (Segež) om lidnan professionaližen opendusen aluzkundaks, ende sen nimi oli A.N. Loginovan nimed professionaline škol nomer 22.

Transport

Federaline «Dolmatovo (läz M8)»-avtote (R2) lähteb lidnaspäi päivnouzmha.

Pudož-lendimport (ПДЖ) om civiližiden südäireisiden täht, se sijadase koume kilometras pohjoižpäivnouzmha lidnaspäi, vspäi 2011 se om olmas vaiše lämoipaloaviacijan täht (punolendimed). Vodl-jogi sättub laivoiden täht vaiše Kos'kenaluine-žilhosai (11 km päivlaskmha lidnaspäi avtotedme).

Lähembaižed raudtestancijad, kuna voib sadas avtotedme, sijadasoiš Medvežjegorskas (192 km lodeheze) i Nändomas (236 km päivnouzmha).

Galerei

Lidnankundan da rajonan administracijan sauvuz lidnan keskuztorgul (2018)
Church in the name of icon 'Skoroposlushnitsa', Pudozh city, Karelia province.jpg

Jumalanmaman «Rigomanahin'»-jumalaižen pühäpert', vn 2018 nägu
Aerial view of Pudozh (1).jpg

Lidnan keskusen ühthine nägu. Pakuine pert' om ehtal'ne škol
Garden of Pudozh.jpg

Kezasad (2021)
Day4-pudozh-uaz.jpg

Puine pertišt i UAZ-počtavto vl 2013

Homaičendad

Irdkosketused

Pudož Vikiaitas

	Karjalan Tazovaldkundan lidnad
	Olonec \| Suojärv' \| Sortavala

[_15bd2465f028e4c3-1] 1,0 ^1,1 https://rosstat.gov.ru/storage/mediabank/tab-5_VPN-2020.xlsx

[2] Храмы Карелии. — Заонежский округ (Karjalan pühäpertid. — Änižentagaine ümbrik) (eparhia.karelia.ru). (ven.)

[1]

[2]