Karjalan valdkundanznam
| Karjalan valdkundanznam | |
|---|---|
 | |
| Tedod | |
| Armiger |
 Karjalan Valdkund |
| Om vahvištadud | 25. redukud 1993 |
| Korona | Kahesačogaine kuldaine tähthaine navrešijas |
| Ščit |
ispanialaine ščit. Kahtišti Karjalan valdkundaližen flagan mujuiden ristikoičend |
| Ščitan pidäjad | Stilizoitud kuzen da pedajan kuva kuldaižel mujul. |
| Toižed elementad |
Keskelement — konjan figur  |
| Nomer в Venäman valdkundaližes geral'dikan lugetišes | ei pandud |
| Valdkundanznaman avtor | Jurii Nivin[1]. |
 Mediafailad RUWIKI-tedoiš | |
Karjalan valdkundanznam (ven.: Государственный герб Республики Карелия, karj.: Karjalan tazavallan vuakuna; suom.: Karjalan tasavallan vaakuna) — Karjalan valdkundaline simvol.
Om vahvištadud Karjalan Valdkundan Ülembaižen XII kucundan Nevondištol 25. redukud vodel 1993. Om ližatud 5. redukud vodel 2001.
Ei pandud Venäman valdkundaližes geral'dikan lugetišehe[2].
Tedod
Karjalan valdkundanznamal om oigedčogaine form, mitte om kehker alembaižes palas, koume kerdad ristokoitud Karjalan valdkundaližen flagan mujuil ščit seižutadud mustan kondjanke. Ščitan kuldaine röun vajehtase stilizoitud kuzen kuvaha huras polespäi da pedajan — oiktaspäi. Ščitan naveršijas om kahesačogaine tähthaine (kahtišti tehtud rist) kuldaižel mujul[3].
Istorii
Ezmäižed valdkundanznamad
Ezmäižen kerdan valdkundanznam johtutadas XVI-voz'sadal, konz karjalaine ma oli Švecijan valdas.
Valdkundanznam vodel 1562.
Valdkundanznam vodel 1634.
Rusttal var'ažskijan tipan ščital om kuldaine korona da kaks' hobedad käded, miččed oma vaumhed löda. oiged päivlaskmanpolen käzi om latoiden valdas, se pidäb oiktan mečin, a hur päibnouzman käzi om kaitud kol'čugal da pidäb sabl'ad. Valdkundanznam päidei - äivoz'sadaine rida Švecijan da Venäman keskes Karjalan mas.
Venäman Imperijas
Johtutez Korelan man polhe om carskin titulas («kn'az' Korel'skii») jäl'ghe Ništadtskijan mirun dogovorad. Jäl'ghe necidä valdkundanznam kävutoiti venälaine imperator. Karjalan valdkundanznam om tehtud Švedckijan pohjal Francisk Santil:
"Karel'skoi: Rusked pöudol om kaks' ülähäks letud käded künambrusil ühtenzoittud ristati da niiden päle om pandud kuldaižed vai pakuižed šlemad (voib olda latad) oiged käzi pidäb mečun, a huras kädes om hobedaine libo vauktaine sabl'a, ned oma vaumhed kaita kuldaižen koronan, mitte om pandud niiden päle".
Valdkundanznaman tegi Franc Santi. 1730
Titulan man valdkundanznam
Titulan Korelan valdkundanznam ühtenzoitud suomalaiž-ugrilaižiden valdkundanznamoiden ščital (Venäman imperijan valdkundanznam)
Viborgan gubernijan valdkundanznam (1797-1812)
_crop.png)
_%D1%82%D0%B8%D1%82%D1%83%D0%BB%D1%8C%D0%BD%D1%8B%D0%B9_%D0%B7%D0%B5%D0%BC%D0%B5%D0%BB%D1%8C%D0%BD%D1%8B%D0%B9_%D0%B3%D0%B5%D1%80%D0%B1.gif)
Venälaižes valdkundanznaman versijas molembad käded oliba latoiš. Vägekahiden käziden keskes oli üks', erašti kaks' koronad.
Karjalan valdkundanznam čomenzoiti Finl'andskijan Suren kn'ažestvan gubernijoiden Kupiosskijan da Sankt-Mihel'skijan valdkundanznamoid[4]. Konz Suomi tegihe ripmatomaks se tegihe Karjalan administartiviž-territorialižiden subjektoiden pohjaks.
Kupiosskijan gubernijan valdkundanznam
Sankt-Mihel'skijan gubernijan valdkundanznam
Ripmatomas Suomes Viborgskijan gubernijas kävutoittud valdkundanznam, möhemba Pohjoiž-Karjalan gubernijan valdkundanznam
Pohjoiž-Karjalan gubernijan nügüd'aigaline valdkundanznam
Pohjoiž-Karjalan valdkund
Voinan aigan Karjalan pohjoižes lühüdan aigan oli Arhangel'skan Karjalan keskaigaine valdmehišt. Se sündui kezal vodel 1919 Uhta-küläs (nügüd' Kalevala). 21. keväz'kud vodel 1920 nece valdmehišt kucui Pojoiž-Karjalan ezitajiden suiman.
Tehtud Akseli Gallen-Kallelan valdkundanznamal oli must kondi, käbäläs ščitanke. Kondjan päl oliba pohjoižhohtatesen sädeged, alahan - čap. Ščitan lopus oli tradicionaline mecnikoiden "kukel'".
Gallen-Kallelan valdkundanznam
.svg)
Sovetskijad variantad
- Гербы Карельской АССР
Voded 1937 — 1940
Karjalaiž-Suomalaižen SSRan valdkundanznam vozil 1940 — 1956
Vozil 1956 — 1978
Vozil 1978 — 1991
Nügüdläine variant
Kül'mkus vodel 1991 Karjalan ASSR oli vajehtadud Karjalan Valdkundaks. 27. kül'mkud Karjalan Ülembaižen Nevondišton Prezidium vahvištoiti valdkundaližen simvolikan vajehtusid da Karjalan uden valdkundanznaman, flagan da gimnan konkursan tegemišt. 15. tal'vkud vodel 1991 oli vahvištadud Karjalan Ülembaižen Nevondišton Prezidiuman käsk konkursan sändoiš da komissijan ühtnikoiš. Tahtoitihe vedäda flagan da valdkundanznaman konkursad 1. uhokuspäi 30. sulakuhusai апреля 1992 года[5].
Semendkus vodel 1992 konkursale tuli 60 flagan projektad da 20 — valdkundanznaman projektad. Necen aigan valdkundas mäniba teravad paginad valdkundanznamas da flagas.
28. sügüz'kud vodel 1993 Karjalan Ülembaine Nevondišt vahvištoiti Karjalan valdkundanznaman, miččen projektan avtor oli grafik Jurii Nivin.
Ottud variantan pohjaze oli pandud Uhtan Valdkundan valdkundanznam[6] (1920—1922), miččen tegi suomalaine taidehpirdai Akseli Gallen-Kallela, vaiše ščitan kuval nügüdläižes variantas oma Karjalan Valdkundan flagan mujud, miččed tuliba Karjalaiž-suomalaižen SSRan flagaspäi da mugažo ližatud karjalaižen rahvahaližen ornamentan elementad.
Üks' erasiš Venäman valdkundanznamoišpäi, miččes om ispanialaine, a ei francialaine ščit.
Kacu mugažo
- Karjalan Valdkundan flag
- Karjalan Valdkundan gimn
- Karjalan rajonoiden valdkundanznamad
Homaičendad
- ↑ Юрий Нивин — автор государственного герба Карелии
- ↑ Государственный геральдический регистр Российской Федерации (по состоянию на 1 января 2005 года)
- ↑ Об изменениях и дополнениях Конституции (Основного Закона) Республики Карелия.
- ↑ Бурков В. Г. К истории государственных символов Карелии // «Клио», № 7 (79), 2013 — С. 74–77 — ISSN: 2070-9773
- ↑ Гербу Республики Карелия — 10 лет, 17.10.2003 Архивная копия от 13 sulakud 2014 на Wayback Machine.
- ↑ Гербы городов Республики Карелия Архивная копия от 29 semendkud 2011 на Wayback Machine.
Literatur
- Ведомости Верховного Совета Республики Карелия. 1994. — № 1—2.
- Пашков А. М. Гербы и флаги Карелии. — Петрозаводск, 1994.
- Карелия: энциклопедия: в 3 т. / гл. ред. А. Ф. Титов. Т. 1: А — Й. — Петрозаводск: ИД «ПетроПресс», 2007. — С. 266—267 —400 с. — ISBN 978-5-8430-0123-0 (т. 1).