Aleksandr Mašakov
| Aleksandr Rodionovič Mašakov | |||
|---|---|---|---|
 | |||
| Sündundpäiv | 5. semendkud 1914 | ||
| Sündund sija | Tataran Mägi-külä, Pudožan ujezd, Oloncan gubernii | ||
| Kolendpäiv | 2. redukud 1943 (29 vot) | ||
| Kolend sija | Sičov-sar' Dnepr-jogel, Ukraina | ||
| Rahvahuz’ |
 SSSR |
||
| Voiskiden sugu | desantnik | ||
| Služban voded | 1936—1943 | ||
| Služban nimi | kapitan | ||
| Torad/voinad |
Sovetsko-suomalaine voin vozil 1939—1940 Sur' Kodiman voin |
||
| Pauklahjad da premijad |
|
||
Aleksandr Rodionovič Mašakov (ven.: Алекса́ндр Родио́нович Машако́в, 5. semendkud vodel 1914, Tataran Mägi-külä (nügüd' Kriveckoje küläkund (Karjala), Pudožan rajon Karjala — 2. redukud vodel 1943, Sičov-sar' Dnepr-jogel, Ukraina) — Sovetskijan Sojuzan Geroi (1944), il'm-desantan polkan rotan komandir, gvardijan kapitan[1].
Elostarin
Om sündunu maorjan kanzas. Venälaine. Jäl'ghe vanhembiden surmad kahesas vodespäi kazvoi vanhemban vellen Mihail Rodionovičan kanzas. Konz lopi školas seičeme klassad, radoi kolhozas, Belomoro-Baltijan kanalan objektoiden sauvomižel Soroka-küläs, lämoipaločastiš Kem'-lidnas.
Vodel 1936 oli kuctud Rad-maorjan Rusttaha Armijaha, vodel 1939 lopi norembiden komandiroiden kursad, ühtni Sovetsko-suomalaižehe voinaha vozil 1939—1940.
Suren Kodiman voinan augotižespäi — leitenant, oli vzvodan komandiran Karjalan frontal, oli jügedas ranitud. Konz tegihe tervheks gospitališ, oli oigetud Päivlaskmanpolen frontale, ühtni toraha Moskvas. VKP(b)-partijan ühtnik vodelpäi 1942.
Vodel 1942 jäl'ghe ut vaumičust Ülembaižil komandiroiden "Vistrel"-kursoil oli oigetud Voronežan frontale, ühtni toraha Kurskan dugal.
Öl 2. redukud vodel 1943 4. gvardijan armijan 7. gvardijan il'm-desantan devizijan 29. gvardeiskijan il'm-desantan polkan avtomatčikoiden rotan komandir-kapitan Aleksandr Maškov ühtes avtomatčikoiden gruppanke mäni Dnepr-jogensus päliči da tuli Sičov-sarele, kus ambui vihanikan garnizonad da varjoiči saren suren minom'otan l'moin al, heiti kontratakad. Koli, konz peitihe ičeze soldatoiden lähtendad.
Socetskijan Sovetan Ülembaižen Nevondišton Prezidiuman käskön mödhe "Sovetskijan Sojuzan Gerojan nimen andmižen polhe Rusttan Armijan generaloile, oficeroile, seržantoile da soldatoile" 22. uhokud vodel 1944 jäl'ghe surmad A. Maškov sai Sovetskijan Sojuzan Gerojan nimen "parahimas voinrados Dnepr-jogen ülikävutamižen aigan, voinsatusiš jogen oiktal randal, ozutadud rohktudes da geroizmas"[2].
Om pandud maha Vellidenkaumha Gradižsk-külän päavoinirdal Poltavskan agjas Ukrainal.
Mušt
- Pudož-lidnas Karjalas gerojan nimi om anttud irdale, om pandud stela.
- Petroskoiš gerojan nimi om anttud irdale.
- Petroskoiš A. R. Mašakovan modkuva om pandud Sovetskijan Sojuzan Gerojan Galerejaha, kuna om keratud mehed, ked oliba sündnuded Karjalas.
- Muštlaud Mašakovan muštoks om ripputadud Venäman voin-istoriližen sebran abul Ust'-Reka - külän školseinäl Pudožan rajonas, kus openzihe Aleksandr Mašakov.
Homaičendad
- ↑ Карелия: энциклопедия: в 3 т. / гл. ред. А. Ф. Титов. Т. 2: К — П. — Петрозаводск: «ПетроПресс», 2009. — 464 с.: ил., карт. ISBN 978-5-8430-0125-4 (т. 2) — стр. 199.
- ↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 22 февраля 1944 года // Ведомости Верховного Совета Союза Советских Социалистических Республик : газета. — 1944. — 5 keväz'kud (№ 13 (273)). — С. 1.
Literatur
- Герои земли советской. — Петрозаводск: Карельское книжное издательство, 1968. — С. 145-155. — 367 с. — 20 000 экз.
Tarkendused
- Aleksandr Mašakov. Сайт «Герои страны».
- Из наградного листа
Sovetskijan Sojuzan da Venäman Gerojad Karjalaspäi | ||
|---|---|---|
| Sovetskijan Sojuzan Gerojad (Karjala) |
|   |
| Venäman Gerojad (Karjala) | ||
