Vasilii Filippov

Vasilii Makarovič Filippov
Sündundpäiv	14. vilukud 1921(1921-01-14)
Sündund sija	Vohtozero-külä, Karjalan radkommun, Petrovan rajon, nügüd' Kondopogan rajon, Karjala
Kolendpäiv	5. redukud 1944(1944-10-05) (23 vot)
Kolend sija	Pol'ša
Rahvahuz’	Sovetskii Sojuz SSSR
Voiskiden sugu
Služban voded	1939—1944
Služban nimi
Torad/voinad	Sur' Kodiman voin
Pauklahjad da premijad

Vasilii Makarovič Filippov ven.: Васи́лий Мака́рович Фили́ппов (14. vilukud vodel 1921, Vohtozero-küläs, Karjalan radkommun — 6. redukud vodel 1944, Pol'ša) — gvardijan vanhemb leitenant, Sovetskijan Sojuzan Geroi.

Elostarin

Sündui maorjan kanzas, karjalaine.

Openzihe Vohtozero-külän augotižškolas, jäl'ges Spasskaja Guba-külän školas. Konz lopi kahesa klassad radoi Vohtozero-külän kolhozas lugijan.

Vodel 1939 om ottud Rusttaha Armijaha. Lopi heredad norembiden leitenantoiden kursad artillerižes radmahttehnikumas vodel 1941.

Vojui Leningradan, Karjalan da Voronežan frontoil, Novorossiiskanno, Levoberežnaja Ukrainal, vointoroiš Čehoslovakijas da Pol'šas.

Tankoiden vastha batarejan ohjandai 299. gvardeiskian artillerižen polkan 129. gvardeiskian ambunddivizijan 1. gvardeiskian armijan, 4 Ukrainan front.

Urohontego

Sügüz'kus vodel 1944 läksi artillerižen batarejanke Kamenne-külänno voinsijan ezižele röunale da zavodi ampta vihanikoid oiktaha, vastusti 4 vihanikoiden vointacindad.

Ühtes tacindtoras redukus vodel 1944 lopi 5 ambundan sijad, lendi da vedi ambujid otmaha vastustajiden dotad da sai surmaližen hibjan satatusen.

Ülembaižen Nevondišton Prezidiuman käs'kon mödhe 24. keväz'kud vodel 1945 V. M. Filippovale om anttud Sovetskijan Sojuzan Gerojan arvnimi surman jäl'ghe.

Om pandud maha Baligrud-küläs (Pol'ša).

Kanz

Vel'l' — P'otr, sizared Vera da Maria.

Pauklahjad

Om pauklahjoitud Leninan ordenal, Rusttan Tähthaižen ordenal, medalil «Rohtuses», medalil "Leningradan varjoičendas".

Mušt

• V. М. Filippovan muštoks om pandud muštlaudad Vohtozero-küläs, Spasskaja Guba-küläs da Kondopog-lidnas.
• Gerojan modkuva om pandud Sovetskijan Sojuzan Gerojiden Galerejaha Petroskoiš vodel 1977.

Homaičendad

Literatur

• Герои земли советской. — Петрозаводск: Карельское книжное издательство, 1968. — С. 325-336. — 367 с. — 20 000 экз.
• Филиппов В. М. // Героям Ленина — Слава! — Петрозаводск. 1985. с. 292—293.
• Гринин Н. А. Подвиг артиллериста. — Петрозаводск. 1964. 40 с.

Tarkendused

• Vasilii Filippov  (рус.). Сайт «Герои страны».
• Дом в д. Вохтозеро, в котором родился В. М. Филиппов.
• Из наградного листа Героя Советского Союза Филиппов Василия Макаровича.
• Филиппов В. М.