Maksim Potašev
| Maksim V'ačeslavovič Potašev | |
|---|---|
 | |
|
| |
 Mehitomiden lendandmašinoiden erišton komandir
 |
|
|
|
|
| Sündundpäiv |
1994 Šun'ga-külä, Medvežjegorskan rajon, Karjalan Valdkund |
| Pauklahjad |
   |
| Armii | |
| Omištuz |
 Venäma |
| Voiskiden rod | Venäman mavoiskad |
| Voinnimi | noremb leitenant |
| Ohjanzi | Mehitomiden lendandmašinoiden erišt |
 Mediafailad RUWIKI-tedoiš | |
Maksim V'ačeslavovič Potašev (ven.: Макси́м Вячесла́вович Пота́шев, sünd. 1994, Šun'ga-külä, Karjalan Valdkund) — Venäman Voinvägiden voinmez', noremb leitenant, Krasnosel'skijan Leninan ordenan Rusttan znamenin 138. eriližen gvardeiskijan motoambundan brigadan, Mehitomiden lendandmašinoiden erišton komandir. Venäman Geroi (2023)[1].
Ezmäižiš päivišpäi ühteb Eriližehe voinoperacijaha Ukrainal (vodelpäi 2022). Kucundnimi frontal — "Zadira"[2].
Urohontego
Maksim Potašev tegihe ezmäižeks Mehitomiden lendandmašinoiden ohjandajaks (operatoraks), kudamb sai mugoižen korktan valdkundaližen pauklahjan — Venäman Gerojan "Kuldaižen Tähthaižen".
Kut homaiči Venäman prezident ičeze paginas praznikaližen pauklahjoičemižen aigan Sures Kremlin pertiš:
Pauklahjoitud mehiden keskes om äi mugoižid, ked vointegendan tegemižen aigan, kävutoiti lujas mahtokas nügüd'aigaližid tehnologijoid, mehitomid lendandmašinoid, ked тех, кто с риском для жизни спасал, эвакуировал раненых сослуживцев[3].
Potaševan erišt ambui Ukrainan voinvägiden 11 broniruitud mašinad, mugažo Ukrainan neonacistižiden erištoiden läz sadad vihanikad[2]. Jügedoiš olotegoiš, konz oli tehtud uroh, pagištihe Venäman prezidental pauklahjoitud mehiden formalitoman paginan aigan Vladimir Putin homaiči:
Minä tedan, sigä om jüged. Elo frontal, konz amptas, konz nene [mehitomad lendandmašinad — vajeht.] lendaba kut kärbhaižed — nece kaik om jügedemb da prozaistižemb, mi bokal šampanskijanke Gerojoiden tähthaižil pauklajoičemine Kremlin dvorcas. No teiden voinradospäi ruppub lujas äjan, midä linneb Venämal tulebas aigas[4].
Bojec äi kerdoid azoti Ukrainan voinvägiden tegoid putta Venämale da sirtta röunad eriližen voinoperacijan voinsijas. Pagišteluses hän starinoiči ližatedoid, kut homaiči Ukrainan ühten razvedgruppan:
Minä nägištin voinvihanikoid kahtes časus. Minä jo el'genzin, kuna da kut hö mäneškandeba. Miden prihad varastiba heid sauptud lämoisijoiš. Vihanikad oli ümbärzoittud, ei ehtnugoi nimidä tehta, a heiden ližaväged varaižiba tulda abuhu. Meil — ni-üht ranenijad, a kaik boicad-vihanikad oli amptud.
Ohjata voindronoil Maksim openzihe eriližen voinoperacijan aigan. Sosluživcad nimitaba händast brigaban "sil'mikš", sikš ku hän pigai löudab vihanikoid, ei anda heile tulda peitoiči venälaižiden sijoidennoks, i muga kaičeb ičhižid:
Tozi sanuda Zadira kaikuččen päivän tegeb mittuš-se urohod: kaiči kolonnad, sid' toižen. Hän nouzeb "linduižen" — da nägeb kaiken[2].
Pauklahjoičemine
Maksim Potaševan pauklahjoičemine Venäman Gerojan “Kuldaižel Tähthaižel” mäni Georgijevskas zalas Sures Kremlin dvorcas 8. tal'vkud vodel 2023 — kanman Kodiman gerojoiden päiväd.
Sil päiväl 15 voinmehed, kudambad ühtniba eriližehe voinoperacijaha Ukrainal, sai necen valdkundaližen pauklahjan: Maksim Dev’atov, Dmitrii Jer’omin, E. Kazimov, Aleksandr Kornilov, Jurii Mizernii, А. Mihailov, Dašibal Munkožargalov, I. Muhamedejev, М. Poluškin, I. Spon’akov, N. Harčenko, S. Hašegul’gov, А. Šelest, J. Jakubov[5].
Enambišt pauklahjoitud mehišpäi mülüba norembaha komanderištoho, nece todištab oficeroiden pigaline professionaline kazvatamine eriližen voinoperacijan aigan.
Praznikvastusen lopus “Spartak”-bataljonan komandir Art’om Žoga da Venäman Voinvägiden toižed voinmehed pakičiba Vladimir Putinad ühtneda Venäman prezidentan valičusihe vodel 2024[6].
Ližatedod
Kaikes enamb, mi tuhale mehele om anttud Venäman Gerojan nimi. Vozil 2022—2023 enambišt pauklahjoitud mehišpäi — eriližen voinoperacijan ühtnikad[7].
Maksim Potašev jäl’ges starinoiči, miše pauklahjoičemižen aigan Venäman president küzui, kuspäi oma hänen jured. Konz hän tedišti, miše Potaševan kanz om Medvežjegorskan rajonaspäi Karjalaspäi, homaiči, miše, mitte nece om čoma röun. Iče bojec läksi-ki sinna, hän sai lebupäivid jäl’ghe pauklahjoičendad:
Ezmäine lebu kaikes aigas, heimolaižed vastsiba lujas hüvin. Karjala — nece om minun. Änine minun täht om kuti meri. Minä olen järvel ani laps’aigaspäi, se tedab mindai, da kaik kala tedab mindai. Konz pördamoi kodihe, lähten tatanke püdmaha kalad. Voib sanuda, minä tulin-ki necen täht[8].
Maksim Potaševan vel’l’ mugažo ühtneb eriližehe voinoperacijaha.
Homaičendad
- ↑ Айсель Герейханова,Владимир Кузьмин. Владимир Путин вручил в Кремле "Золотые Звезды" Героев России. https://rg.ru (8 tal'vkud 2023). Дата обращения: 13 tal'vkud 2023.
- ↑ 1 2 3 Анастасия Чуяшова. «Каждый день совершает подвиг»: командир отряда БПЛА удостоен звания Героя России. https://russian.rt.com (12 tal'vkud 2023). Дата обращения: 13 tal'vkud 2023.
- ↑ Вручение медалей «Золотая Звезда» Героям России. http://kremlin.ru (8 tal'vkud 2023). Дата обращения: 13 tal'vkud 2023.
- ↑ Павел Зарубин. Москва. Кремль. Путин. https://smotrim.ru (8 tal'vkud 2023). Дата обращения: 12 tal'vkud 2023.
- ↑ Награждённые медалями «Золотая Звезда». http://www.kremlin.ru (8 tal'vkud 2023). Дата обращения: 11 tal'vkud 2023.
- ↑ Беседа с участниками торжественного мероприятия по случаю празднования Дня героев Отечества. http://www.kremlin.ru (8 tal'vkud 2023). Дата обращения: 11 tal'vkud 2023.
- ↑ Герои Отечества. Кто и за что удостаивался высшей награды России. https://tass.ru (9 tal'vkud 2022). Дата обращения: 11 tal'vkud 2023.
- ↑ Герой России Максим Поташев приехал домой в Карелию. https://rk.karelia.ru. Дата обращения: 13 tal'vkud 2023.
Sovetskijan Sojuzan da Venäman Gerojad Karjalaspäi | ||
|---|---|---|
| Sovetskijan Sojuzan Gerojad (Karjala) |
|   |
| Venäman Gerojad (Karjala) | ||
