Anna Lisicina
| Anna Mihailovna Lisicina | ||||
|---|---|---|---|---|
| ven.: Анна Михайловна Лисицына (Лисицина) | ||||
 | ||||
| Sündundpäiv | 14. uhokud 1922 | |||
| Sündundsija: | Kaleig, Ozrei-külä Karjalan radkommun | |||
| Kolendpäiv: | 3. elokud 1942 (20 vot) | |||
| Kolendsija: | Süvär'-jogi | |||
| Rahvahuz' | Sovetskii Sojuz | |||
| Tat | Mihail Petrovič Lisicin | |||
| Mam | Maria Ivanovna Lisicina | |||
| Pauklahjad da premijad |
|
|||
 Mediafailad RUWIKI-tedoiš | ||||
Anna Mihailovna Lisicina (ven.: Лисицына Анна Михайловна; sündui 14. uhokud vodel 1922, Ozrei-külähä, Karjalaine radkommun — koli 3. elokud vodel 1942, Süvär'-jogi, Piterin agj) — Sovetskijan Sojuzan Karjala-Suomalaižen Valdkundan Kommunistižen partijan keskuzkomitetan sidonik, partizan. Sovetskijan Sojuzan Geroi. Hänele anttihe Leninan da Rusttan Tähthan orden.
Elostarin
Anna oli sündnu vodel 1922 Ozrei-külähä (ven. Житноручей), nügüd' Kaleig-külä Änižröun, Karjalan Valdkundas). Hän oli vepsläine. Anna lopi Kaleigan školan da vodelpäi 1938 vodehesai 1940 hän openzihe Karjalan kul'turopištos kirjišton holitajaks (toižeks Piterin kirjišttehnikumas). Jäl'ges opendust Anna radoi Segeža-lidnas kirjišton holitajan[1].
Konz zavodihe voin Anna mäni frontale. Hän tahtoi abutada kaikel, mil voi. Kezakus vodel 1942 Anna Lisicinad da hänen sebranikad Maria Melentjevad oigetihe anastadud Šoutjärven rajonaha. Šoutjärves hö sädiba peitkomitetoid, konspirativižid peittahoid, tedišteliba , kus oma vihanikad, kus seižuba sured ambundsijad, midä saldatad tegeba küliš i kut vedäba ičtaze rahvahanke, miččed planad heil oma. Hö radoiba Marianke Kaleiges läz kud suomalaižiden saldatoiden nenan tüves. Konz Anna da Maria tegiba kaik anttud tegod Kaleiges, heile pidi pörtas tagaze ičeze armijan častihe päliči Süväriš. Kahten hö tegiba plotan da läksiba päliči joges öl. Jogen keskel plotun parded päzuiba sidogespäi i neiččed oliba vilus vedes. Anna rižoi, miše vilus vedes hänen jaugad vedäškanzi i hän zavodi upta. Anna ehti antta Mariale azjbumagad da vaikti upsi. Nece oli elokun 3. päiväl vodel 1942.
Sügüz'kun 25. päiväl vodel 1943 hüviš tehtud rados da ičeze rohktudes Anna Lisicinad nimitadihe Sovetskijan Sojuzan Gerojaks[2]. Hänele antttihe Leninan da Rusttan Tähthan orden.
Pauklahjad da arvnimed
- Sovetskijan Sojuzan Geroi (1943);
- Leninan orden;
- Rusttan Tähthan orden[3].
Mušt
- Podporožjen rajonan Nikol'skii-poselkas da Karjalan Kaleig-küläs oma Anna Lisicinan muštpachad.
- Anna Lisicinan nimi om anttud Petroskoin irdale, Podporožjen rajonan Nikol’skii-poselkan irdale[4], Karjalan Ledmozero-poselkan irdale, Karjalan kul'turopištole, Merilaivišton Ministerstvan laivale da kalatuzlaivale. Kaleiges i Nikol’skii-küläs oma hänen muštpachad.
- Annan da Marian muštoks Aleksandr Ivanov kirjuti pjesan «Se oli Karjalas»[5], a Gennadii Fiš kirjuti kirjutesen «Sebranikad»[6].
- Anna Lisicinan muštlaudad oma Karjalan kul'turopišton seinäl da Anna Lisicinan irdan pertin №2 seinäl Petroskoiš.
- Anna Lisicinan modkuva om pandud Sovetskijan Sojuzan Gerojiden muštpachišton gallerejaha, mitte oli avaitud Petroskoiš vodel 1977 läz Antikainena da Krasnaja irdad.
- Semendkun 11. päiväl vodel 2021 Änižröunan Kalagen školale lahjoitihe part, miččel om Sovetskijan Sojuzan Gerojan Anna Lisicinan nimi. Gerojan part - nece om projekt, mitte radab Venämal erasid vozid. Partal om Annan foto, sid'-žo om kirjutadud hänen polhe da hänen sures tegos[7]
Anna Lisicinan muštlaud Petroskoiš Lisicina irdal
Muštlaud Anna Lisicinan pertin №2 seinäl Petroskoiš venän da suomen kelel
Anna Lisicina muštpacaz Nikol'skii-poselkas
Homaičendad
- ↑ Дочь вепсского народа.
- ↑ Список Героев Советского Союза (Липкин — Лосев).
- ↑ Из наградного листа. Юбилею Великой Победы (11 sulakud 2005). Дата обращения: 24 sulakud 2024. Архивировано 6 sulakud 2018 года.
- ↑ В поселке Никольском реализован проект «Улица Героя - сегодня и завтра».
- ↑ Пьеса «Это было в Карелии».
- ↑ Книга «Подруги».
- ↑ Открытие парты Героя.
Literatur
- Aлександр Иванов. Это было в Карелии: пьеса о Героях Советского Союза А. Лисициной и М. Мелентьевой // — Петрозаводск, 1957. — 76 с.
- Герои земли советской. — Петрозаводск: Карельское книжное издательство, 1968. — С. 169-186. — 367 с. — 20 000 экз.
- Геннадий Фиш. Карельские девушки (о А. М. Лисицыной и М. В. Мелентьевой) // Героини. Очерки о женщинах — Героях Советского Союза. / ред.-сост. Л. Ф. Торопов. вып.1. М., Политиздат, 1969. стр. 327—345.
- Анатолий Гордиенко. На пути к рассвету: повесть о Героях Советского Союза А. Лисициной и М. Мелентьевой. — Петрозаводск, 1990. — 295 с.
Tarkendused
- Anna Lisicinan biografii «Man vägimehed»-saitas (warheroes.ru). (venäkelel)
- Дню победы посвящается. Герои Советского Союза Лисицына Анна Михайловна и Мелентьева Мария Владимировна
- Дом в Рыбреке, где родилась и жила А. М. Лисицына
- Памятник А. М. Лисициной в Рыбреке
- К 100-летию со дня рождения А. М. Лисицыной
- Пьеса «Это было в Карелии»
- Читка пьесы «Это было в Карелии»
Sovetskijan Sojuzan da Venäman Gerojad Karjalaspäi | ||
|---|---|---|
| Sovetskijan Sojuzan Gerojad (Karjala) |
|   |
| Venäman Gerojad (Karjala) | ||
