Vladimir Baskov

Рувики-späi
Vladimir Sergejevič Baskov
Vladimir Sergejevič Baskov.jpg
Sündundpäiv 26 elokud (8. sügüz'kud) 1913(1913-09-08)
Sündund sija Pečenga-külä, Murmansko-Kolonistskajan volost', Aleksandrovskii ujezd, Arhangel'skan gubernii
Kolendpäiv 3. sulakud 1989(1989-04-03) (75 vot)
Kolend sija Petroskoi
Rahvahuz’  SSSR
Voiskiden sugu
Авиация
Služban voded 1933—1945
Služban nimi Major VVS SSSR Major
Torad/voinad Sur' Kodiman voin
Pauklahjad da premijad
Sovetskijan Sojuzan Geroi
Leninan orden SU Order of the Red Banner ribbon.svg SU Order of the Red Banner ribbon.svg SU Order of the Red Banner ribbon.svg
Kodiman voinan I stepenin orden Kodiman voinan II stepenin orden "Arvostusen znam"-orden Medal' «Voin arvtegoiš»
Юбилейная медаль «За доблестный труд (За воинскую доблесть). В ознаменование 100-летия со дня рождения Владимира Ильича Ленина» Medal' «Vägestuses Germanijan päl Sures Kodiman voinas vozil 1941—1945» SU Medal Twenty Years of Victory in the Great Patriotic War 1941-1945 ribbon.svg SU Medal Thirty Years of Victory in the Great Patriotic War 1941-1945 ribbon.svg
SU Medal Forty Years of Victory in the Great Patriotic War 1941-1945 ribbon.svg Medal' "Berlinan otandas" SU Medal For the Liberation of Warsaw ribbon.svg SU Medal 30 Years of the Soviet Army and Navy ribbon.svg
SU Medal 50 Years of the Armed Forces of the USSR ribbon.svg SU Medal 60 Years of the Armed Forces of the USSR ribbon.svg SU Medal 70 Years of the Armed Forces of the USSR ribbon.svg
 Lebul Petroskoin aeroportan pämez'
Логотип РУВИКИ.Медиа Mediafailad RUWIKI-tedoiš

Vladimir Sergejevič Baskov (ven.: Влади́мир Серге́евич Ба́сков) (26. elokud (8. sügüz'kud) 1913; Pečenga-külä, Murmansko-Kolonistskajan volost', Aleksandrovskii ujezd, Arhangel'skan gubernii — 3. sulakud vodel 1989, Petroskoi) — Sovetskijan Sojuzan Geroi (1948), major (1944), voinlendai, Avtonomižen Karjalan ASSRan rahvahan elomišton arvostadud radnik.

Elostarin

Sündui 26. elokud (8. sügüz'kud) vodel 1913 Pečenga-küläs, Murmansko-Kolonistskan volostiš, Aleksandrovskijas ujezdas, Arhangel'skan gubernijas (nügüd' Pečenga-külä Murmahskn agjas). Laps'aigan mäneti Aleksandrovsk-lidnas [1] da Povenec-lidnas[2], vodelpäi 1917 [3] kanz eli Petroskoiš (Karjalas)[4].

Vodel 1927 lopi 7 klassad školas, vodel 1930 — Petroskoin pedagogižen radtehnikuman 3 kursad. Vozil 1930—1931 radoi Petroskoiš «Kareldortrans»-organizacijas čert'ožnikan, vozil 1931—1933 — raudsepän linotipoiden zavodal Piteriš. Vodel 1933 lopi Piterin Osoaviahiman lendajiden školan.

Oli kuctud Rad-maorjan Rusttaha Armijaha redukus vodel 1933. Keväz'kuhusai vodel 1934 openzihe Luganskan voinaviacionižes lendajiden školas, tal'vkus vodel 1934 lopi Odessan voinaviacionižen lendajiden školan. Vozil 1935—1939 — oli lendai-nevonikan Vorošilovogradskian voinaviacionižen lendajiden školas (Lugansk-lidn).

Kezakuspäi vodel 1939 redukuhusai vodel 1940 — lendai-kodvii Polestuzministerstvan V. P. Čkalava nimel valdkundaližes lendand-kodvižes keskuses. Tegi kuverz'-se kodvusid lendandmašinoil I-153 da I-16.

Kül'mkuspäi vodelpäi 1940 služi Voin-il'mvägiden voiskiden palas Orlovskian voinkundas.

Suren Kodiman voinan ühtnik: kezakus-redukus vodel 1941 — oli 170. aviaistrebiteližen polkan aviaeskadriljan ohjandajan varapämez' (Öbokan front). Ühtni polestuztoroihe Belorussijas da Ukrainal. Heinkus vodel 1941 käskmaližen murenuden lendandmašinan ištundan aigan sai jügedad pän satatesed, 22. sügüz'kud vodel 1941 sai pilazmol satatest sel'gha, 9. redukud vodel 1941 om kovas randet jaugha da oigetud gospital'ha.

Keväz'kuspäi vodel 1942 keväz'kuhusai vodel 1943 — oli 19. varaaviacionižen polkan aviaeskadriljan ohjandai (Novosibirsk-lidn).

Kezakus-elokus vodel 1943 — 518. aviaistrebiteližen polkan aviaeskadriljan ohjandai (Öbokan front). Oli Orlovskian vointoran ühtnikan. 8. elokud vodel 1943 käskmaližen lendandmašinan ištundan aigan katkaiži huran rindazlun da oli oigetud gospitalihe.

Kezakuspäi vodel 1944 sulakuhusai vodel 1945 — 291. aviaistrebiteližen polkan aviaeskadriljan ohjandai (3 da 1 Belorusskijad frontad). Om Belorusskijan, Vislo-Oderskan, Paivnouzm-Pomeranskian da Berlinskian tabaduztegoiden ühtnik. Sulakun lopus vodel 1945 sai satatust videnden kerdan voinan aigas da kadoti oiktan sil'män.

Kaiken voinan aigan tegi 293 voinlendandad istrebitelil' I-16, LaGG-3, Jak-1, Jak-7 da Jak-9, mäneti 58 il'mtorad, miččiš iče sordi 12 da joukus 6 vihanikoiden lendandmašinad [5][6].

Voinan jäl'ghe heinkuhusai vodel 1945 jatksi ohjata aviaistrebiteližen polkan aviaeskadriljad Öbokan Ukrainal.

Elokuspäi vodel 1945 major V. S. Baskov — om voinvaras.

Sovetskijan Sojuzan Ülembaižen Nevondišton Prezidiuman käsköl 23. uhokud vodel 1948 majorale voinvaras Vladimir Sergejevič Baskakovale anttihe Sovetskijan Sojuzan Gerojan nimen, Leninan ordenan da "Kuldaine Tähthaine"-medalin.

Uhokus-kezakus vodel 1948 radoi vendoiden kodvijan da Karjalaiž-Suomalaižen erižen rahvahaližen aviacijan joukun štaban ohjandajan.

Vozil 1948—1952 radoi Petroskoin aeroportan pämehen.

Vozil 1952—1959 — oli 69. aviajoukun man radoiden täht ohjandajan varapämez' (Petroskoi).

Eli Petroskoiš, om pandud maha Sulažmägen kaumištol.

Pauklahjad da arvnimed

  • Sovetskijan Sojuzan Geroi (23.02.1948)
  • Leninan orden (23.02.1948)
  • 3 Rusttan Znaman ordenad (8.08.1944; 5.05.1945; 4.06.1945)
  • Kodiman voinan I stepenin orden (11.03.1985)
  • Kodiman voinan II stepenin orden (18.01.1945)
  • "Arvostelusen znaman" orden (7.01.1953)
  • medalid
  • Karjalan ASSRan rahvahan elomišton arvostadud radnik.

Kanz

Ak — Klavdia, poig — Sergei.

Mušt

Sovetskijan Sojuzan Gerojoiden galerei — Karjalan sündujiden
Petroskoiš Antikainenan da Rusttan irdoiden rajonas
Галерея героев советского союза.петрозаводск.jpg

V. S. Baskovan modkuva, kut i kaikiden 28. Sovetskijan Sojuzan Gerojoiden, — Karjalan poigiden da tütriden modkuvad, om pandud Sovetskijan Sojuzan Gerojoiden galerejaha, mitte oli avaitud vodel 1977 Karjalan pälidnas Petroskoiš Antikainenan da Rusttan irdoiden rajonas.

Petroskoiš Drevl'anka-rajonas om nimitadud Vladimir Baskovan nimel ird.

Homaičendad

  1. ↑ Nügüd' Murmanskan agjan Pol'arnii-lidn.
  2. ↑ Nügüd' Medvežjegorskan rajonan poselk Karjalas.
  3. ↑ По сведениям из собственноручно написанной автобиографии В. С. Баскова, он вместе с родителями переехал в Петрозаводск в 1920 году.
  4. ↑ Карелия: энциклопедия: в 3 т. / гл. ред. А. Ф. Титов. Т. 1: А — Й. — Петрозаводск: ИД «ПетроПресс», 2007. С. 150—400 с.: ил., карт. ISBN 978-5-8430-0123-0 (т. 1)
  5. ↑ Toižiden tedoiden mödhe iče sordi 14 da joukus 2 vihanikoiden lendandmašinad.
  6. ↑ Bikovan tedoiden mödhe tedi 88 il'mtorad, enamba 310 lendandad, sordi iče 11 da 6 joukus

Literatur

  • Бизюков Н. С. Неистовая душа. [Герой Советского Союза В. С. Басков]. — Петрозаводск, Карел, кн. изд., 1962. — 95 с. с илл. 1 л. портр.
  • Герои земли советской. — Петрозаводск: Карельское книжное издательство, 1968. — С. 70—82. — 367 с. — 20 000 экз.
  • Финогенов Н. Как и прежде, в строю: [Из воен. биогр. Героя Совет. Союза летчика В. С. Баскова] // Север. – 1973. – № 12. – С. 104–105.
  • Герои Советского Союза. Краткий биографический словарь. Том 1. М.: Воениз., 1987
  • Героям Родины — слава! — Петрозаводск: Карелия, 1985
  • Карелия: энциклопедия: в 3 т. / гл. ред. А. Ф. Титов. Т. 1: А — Й. — Петрозаводск: ИД «ПетроПресс», 2007. С. 150—400 с.: ил., карт. ISBN 978-5-8430-0123-0 (т. 1)
  • М. Ю. Быков. Все Асы Сталина 1936—1953 гг.. — Научно-популярное издание. — М.: ООО «Яуза-пресс», 2014. — С. 97. — 1392 с. — (Элитная энциклопедия ВВС). — 1500 экз. — ISBN 978-5-9955-0712-3.

Tarkendused

Om sadud "https://vep.ruwiki.ru/w/index.php?title=Vladimir_Baskov&oldid=513079"