Jurii Padorin

Рувики-späi
Jurii Ivanovič Padorin
Jurii Ivanivič Padorin.jpg
Sündundpäiv 17. elokud 1926(1926-08-17)
Sündund sija Petroskoi, Avtonomine Karjalan SSR, SSSR
Kolendpäiv 2. semendkud 1980(1980-05-02) (53 vot)
Kolend sija Severomorsk, Murmanskan agj, SSSR
Rahvahuz’  SSSR
Voiskiden sugu  SSSR
Služban voded 1943—1980
Služban nimi Вице-адмирал ВМФ СССР
Ohjanzi Pohjoižen laivišton politsebran ohjandai
Torad/voinad Sur' Kodiman voin,
Vilu voin
Pauklahjad da premijad

Sovetskijan Sojuzan Geroi

Leninan orden Орден Трудового Красного Знамени Rusttan Tähthaižen orden Rusttan Tähthaižen orden
Medal' «Voin arvtegoiš» Nahimovan medal' Юбилейная медаль «За доблестный труд (За воинскую доблесть). В ознаменование 100-летия со дня рождения Владимира Ильича Ленина» SU Medal For Distinction in Guarding the State Border of the USSR ribbon.svg
Medal' "Leningradan polestuses" Medal' «Vägestuses Germanijan päl Sures Kodiman voinas vozil 1941—1945» SU Medal Twenty Years of Victory in the Great Patriotic War 1941-1945 ribbon.svg SU Medal Thirty Years of Victory in the Great Patriotic War 1941-1945 ribbon.svg
SU Medal Veteran of the Armed Forces of the USSR ribbon.svg SU Medal 30 Years of the Soviet Army and Navy ribbon.svg SU Medal 40 Years of the Armed Forces of the USSR ribbon.svg SU Medal 50 Years of the Armed Forces of the USSR ribbon.svg
SU Medal 60 Years of the Armed Forces of the USSR ribbon.svg SU Medal In Commemoration of the 250th Anniversary of Leningrad ribbon.svg I stepenin medal' "Parahimas voinslužbas" SU Medal For Impeccable Service 2nd class ribbon.svg

Jurii Ivanovič Padorin ven.: Юрий Иванович Падо́рин (17. elokud vodel 1926, Petroskoi-lidn, Avtonomine Karjalan SSR — 2. semendkud vodel 1980, Severomorsk-lidn, Murmanskan agj) — sovetskii vedenaluižiden laivoiden voinmez', politradnik, Pohjoižen laivišton politsebran ohjandai (1976—1980), Sovetskijan Sojuzan Geroi (25.05.1976). Vice-admiral (31.10.1978)[1].

Elostarin

Sündui Petroskoiš. Norišton aig mäni Piteriš, kus lopi kes'kškolan[2].

Suren Kodiman voinan ühtnik[3]. Heinkus vodel 1943 saubaližes Piteriš mäni ičetahtnikan službale Sovetskijan Sojuzan Voinmeren laivištoho, vodel 1944 lopi Baltian laivišton Openduzjoukun ühtenzoituzškolan Kronštat-lidnas. Sulakuspäi služi vastvenehiden laivoil 4. da 11. divizionoiden varjoičiivenehiden Kronštatan polestuzagjan Baltian laivišton gidroakustikan, pauklahjoitud Nahimovan medalil'. Sulakus vodel 1946 om sirttud Suvi-Baltian laivišton Libavskijan voinmeren bazale da pandud divizionan komsomol'skijan organizacijan sekretarikš. Vodel 1948 om oigetud opendusele.

Vodel 1951 lopi voinmeren politikradmahttehnikuman A. A. Ždanova nimel Piteriš. Sügüz'kuspäi vodel 1951 mäst služi Kronštatas: «Volhov»-kaičuzvenehen komsomol'skijan organizacijan sekretarin 85. openduzlaivoiden joukun da 28. openduzlaivoiden divizijan, tal'vkuspäi vodelpäi 1952 vodehesai 1954 — om vanhemb erišton nevonik Kronštatan voinmeren lidnoitusen politerišton komcomol'coiden keskes, om oigetud akademijaha.

Vodel 1958 lopi Voinpolitižen akademijan V. I. Lenin nimel da oli oigetud Pohjoižlaivištole, služi atomvedenaluižen «K-40»-venehen ohjandajan politikerišton varapämehen, vodelpäi 1963 — politikerišton ohjandai — politikerišton ohjandajan varapämez' 303. erilaižen joukun konendajiden vedenaluižiden venehiden laivišton, sügüz'kuspäi vodelpäi 1966 — ezmäižen laivišton Pohjoižlaivišton vadenaluižiden venehiden politikerišton ohjandajan ezmäine varapämez'. Vodelpäi 1967 radoi KPSSan Kes'kuzkomitetas, jädes Voinmeren laivišton radnikan. Heinkuspäi vodel 1973 — om Rusttanznamaižen Pohjoižlaivišton politikan keskusen ohjandajan ezmäine varapämez'. Vodel 1975 lopi Voinpolitižen akademijan V. I. Lenin nimel Akademižed kursad. Kontr-admiral (25.04.1975).

Vodel 1976 laivoiden joukun vanhemban politikradnikan sijas töndui vedenaluižen «К-171»-atomkreiseran strategišt znamoičendad da torpedatomvedenaluižen «К-469»-venehen pit'kha matkaha Pohjoižlaivišton polelpäi Tün' valdmeren laivišton polhe suvimerimatkal, päliči koumes valdmeres libumata veden pindale.

Hüviš vointegoiš da rohktudes SSSRan Ülembaižen Nevondišton prezidiuman käsköl 25. semendkud vodel 1976 Ju. I. Padorinale oli anttud Sovetskijan Sojuzan Geroi nimi, Leninan orden da «Kuldaine Tähthaine»-medal'.

Heinkus vodel 1976 oli pandud Voinnevondišton ühtnikan — Pohjoižlaivišton Politikan keskustan ohjandajan.

Uhokus vodel 1980 oli valitud RSFSRan Ülembaižen Nevondišton 10. kucundad deputataks.

Koli äkkid službal 2. semendkud vodel 1980 Severomorskas. Om pandud maha Moskvas Kuncevan kaumištol.

Pauklahjad

  • Sovetskijan Sojuzan Geroi (25.05.1976)
  • Leninan orden (1976)
  • Rusttan Radznaman orden (1974)
  • kaks' Rusttan Tähthaižen ordenad (1963, 1968)
  • medal' "Voinsatusiš" (1953)
  • Nahimovan medal' (1944)
  • medal' "Leningradan varjoičendas" (1944)
  • toižed SSSRan medalid
  • «Kuban Teraviden Voinvägiden 20 vot»-medal' (Kuba)

Kanz

Tat: Parodin Ivan Petrovič (1895 - 1980, Piter), sovetskii, külän elomišton radnik. Om Cerkovničeskijan volostošpäi Holmogorskovan ujezdan Arhangel'skan agjan maorj, Rahvahaližen voinan ühtnik, Mudjug-saren kocentracionižen lagerin uznik. Vodelpäi 1923 – Karjalan ASSRan mectegeližuden rahvahan komissar, Suren Kodiman voinan aigan – sauvondbataljonan ohjandajan varapämez' «Elon Tel» ven.: Дорога жизни; vodelpäi 1946 – mectegeližuden radnik. Pauklahjoitud Leninan ordenal.

Mam: Padorina Antonina Ivanovna (1902 - 1968, Piter), kodiemäg.

Ak: Padorina L'ubov' Mihailovna (sündui vodel 1926, Piter), inžener, lopi Piterin kinoohjandajiden institutan (LIKI), eläb Moskvas.

Tütär: Padorina Ol'ga Jurjevna (sündui vodel 1953, Piter), лингвист, kändai, filologijan tedokandidat, lopi Moskvan valdkundaližen universitetan, eläb Moskvas.

Vunuk: Stromova Maria Aleksejevna (sündui vodel 1978, Moskva), televedäi, kändai, lopi Moskvan valdkundaližen universitetan, eläb Moskvas.

Mušt

  • Gerojan nimel om nimitadud Severomorsk-lidnas ird, miččen ühten pertin seinal om pandud muštlaud[4]
  • Sur' «Admiral Padorin»-atomlaiv (atomtrauler) (BAT) (rados vodelpäi 1982).
  • Muštpac Gerojan modkuvanke om pandud Pudož-lidnan školanno №3 (Karjala) vodel 2017.[5]
  • Modkuva Ju. I. Padorinan om pandud Petroskoiš Sovetskijan Sojuzan Gerojoiden galerejaha — Karjalan sündujid.

Homaičendad

  1. ↑ Воробьев Е., Лурье В. Подводники — Герои Советского Союза. Падорин Юрий Иванович. // Морской сборник. — 2007. — № 3. — С. 85—86.
  2. ↑ Карелия: энциклопедия: в 3 т. / гл. ред. А. Ф. Титов. Т. 2: К — П. — Петрозаводск: ИД «ПетроПресс», 2009. — 464 с. : ил.,карт. — стр. 338 ISBN 978-5-8430-0125-4 (т. 2).
  3. ↑ Память народа
  4. ↑ Улица адмирала Падорина Архивная копия от 4 keväz'kud 2016 на Wayback Machine.
  5. ↑ Официальный отдел. // Морской сборник. — 2017. — № 2. — С.7-8.

Literatur

  • Военные моряки — герои подводных глубин. — М., 2006.
  • Долматов Н. Юрий Иванович Падорин // Не просто имя — биография страны. — Мурманск, 1989. — Кн. 2.
  • Барсуков И. И., Йолтуховский В. М., Кондрашов А. Б. «Адмиралы и генералы Военно-морского флота. Руководители структур политической и воспитательной работы. Биографические хроники (1917—2013)». — М.: «Кучково поле», 2014. — 432 с. — ISBN 978-5-9950-0408-0.
  • Сорокажердьев В. В. Они служили в Заполярье. — Мурманск: Типография «Бенефис-О», 2009. — С. 96. — 160 с. — ISBN 978-5-9900752-3-8.

Tarkendused

Om sadud "https://vep.ruwiki.ru/w/index.php?title=Jurii_Padorin&oldid=502384"