Vladimir Pčelincev

Рувики-späi
Vladimir Nikolajevič Pčelincev
Pčelincev Vladimir Nikolajevič.jpg
Sündundpäiv 30. elokud 1919(1919-08-30)
Sündund sija Tambov, RSFSR
Kolendpäiv 27. heinkud 1997(1997-07-27) (77 vot)
Kolend sija Balašiha-lidn,[Моskvan agj, Venäma
Rahvahuz’  SSSR
Voiskiden sugu Пехота Войска связи
Služban voded 1941—1976
Služban nimi
Полковник Войск связи Красной Армии
Čast' Piterin frontan 8 armijan 11 ambundbrigad
Ohjanzi 5-den ambundbataljonan tedištelend vzvod
Torad/voinad Sur' Kodiman voin,
Pauklahjad da premijad
Sovetskijan Sojuzan Geroi
Leninan orden Kodiman voinan I stepenin orden Rusttan Tähthaižen orden III stepenin orden "Službas Kodimale SSSRan voinvägiš"
Medal' «Vägestuses Germanijan päl Sures Kodiman voinas vozil 1941—1945» SU Medal Twenty Years of Victory in the Great Patriotic War 1941-1945 ribbon.svg SU Medal Thirty Years of Victory in the Great Patriotic War 1941-1945 ribbon.svg SU Medal Forty Years of Victory in the Great Patriotic War 1941-1945 ribbon.svg
RUS Medal 50 Years of Victory in the Great Patriotic War 1941-1945 ribbon.svg
 Lebul с 1976 года
Логотип РУВИКИ.Медиа Mediafailad RUWIKI-tedoiš

Vladimir Nikolajevič Pčelincev ven.: Влади́мир Никола́евич Пчели́нцев (30. elokud vodel 1919, Таmbov — 27. heinkud vodel 1997, Balašiha) — Suren Kodiman voinan ühtnik, polkovnik. Snaiper. Sovetskijan Sojuzan Geroi (1942). Toižen mail'man voinan parahim peitambui[1].

Elostarin

Elo edel voinad

Vladimir Pčelincev sündui Rad-maorjan Rusttan Armijan ohjandajan kanzas. Vozilpäi 1930 eli Petroskoiš. Školopendusen aigan mel’dui likundelusehe da al’pinizmaha, no surid sattusid sai ambundsportas, äi kerdoid oli lidnalaižiden da valdkundaližiden ambundan sportvoibištelendoiden vägestajan[2]. Vodel 1938 päzui opendamhas, а kezakus vodel 1941 lopi koumanden kursan Piterin mägiinstitutan geologotedišteluzkundan[3]. Vodel 1939, opendusen aigan, sai Osoaviahiman peitambujan školas peitambujan radmahton, 22. uhokud vodel 1940 — 1-n klassan ambui, 14. kezakud vodel 1940 sai SSSRan sportmastarin arvnimen, а 27. sulakud vodel 1940 tegihe III kategorijan ambundan sportan nevonikaks.

Sur' Kodiman voin

Heinkus vodel 1941 ičetahtnikan mäni Rusttaha Armijaha da sai tedištelusen vzvodan ohjandajan radsijan 5 ambundan bataljonan 11 erilaižen ambundan joukun[4].

6. sügüz’kud vodel 1941 hänen bataljon sai tahodusen oiktal Neva-jogen randal Nevskaja Dubrovka-pos’elkanno, kaites tagenuzid Rusttan Armijan voinvägid. 8. sügüz’kud vodel 1941 bataljonan tahodusennoks tuliba tacindan motomehaniziruižed vermahtan voinpalad, necel päiväl Pčelincev avaiži ambundan lugetišen, hän rikoi peitambujan vintovkaspäi kaks' germanian saldatad [5].

Konz Pčelincevan abundan lugetišes tegihe 36 riktud vastustajiden saldatad da oficerad, hän zavodi vaumita ezmäižen peitambujiden openikoiden joukun (8 mest), da mugažo kärauzihe 8. armijan «Leninskii put'»-lehtesen kal't toižidennoks peitambunjidennoks taričendanke ühtneda mahtišton vajehtusehe [5].

Vilukus vodel 1942 Pčelincev da hänen openikad oliba kuctud armijan peitambujiden suimale Koltušiš[5].

22. uhokud vodel 1942 Smol'nijas mäni Leningradskijan frontan parahimiden peitambujiden suim, miččel Pčelincevale anttihe pauklahjad: Sovetskijan Sojuzan Gerojan Tähtaz da nimitud peitambujan vintovka[5].

Ezmäižen voinan vodes (semendkun lophusai vodel 1942) Pčelincev rikoi 144 germanian saldatad da oficerad. Uhokus vodel 1942 hänele anttihe arvnimen Sovetskijan Sojuzan Geroi.

Heinkus vodel 1942 om kuctud frontalpäi da pandud opendajan Keskmäižehe peitambundan nevonikoiden školaha Moskvas. Elokuspäi vodelpäi 1942 vilukuhusai vodel 1943 oli Amerikas ezmäi kut sovetskijan ezikundan ühtnik Rahvahidenkeskeižel antifašistižel üläopenikoiden suimal, a jäl'ges ühtni agitacionižehe matkaha valkundadme. Pörttes tagaze jatksi opendajan radon peitambujiden školas. Äi kerdoid ajelihe armijaha, kus tegi radkodvused školan pästnikoiden keskes, da iče-ki ühtni «peitambundan mechudehe».[6]

Tegihe Toižen mail'man voinan kaikid satusekahaks peitambujaks (vastustajiden 456 saldatad, unter-oficerad da oficerad )[1].

Hänen johtutandan mödhe[7]:

Vilukuhusai vodel 1943 minun ambundan lugetiž oli sada vižkümne kaks' fašistad sada vižkümne nel'l' ambundaspäi. Nu, а kaikes voinas nece lugu om nel'l'sadad vižkümne kuz'.

Vodel 1944 lopi Ülembaižed käskikundan pehotan «Vistrel»-oficerjoukun parembzoituzkursad.

Rad jäl'ghe voinad

Jäl'ges voinad Vladimir Nikolajevič jatksi službad armijas. Hän oli äjiš öbokan polen maiš, miččed Toižes mail'man voinas oliba SSSRan polel. Vodel 1952 lopi ühtenzoituzvoiskiden S. M. Budenova nimel voinakademijan Piteriš[3].

SSSRan Vastil'man varjoičendan voiskiden radioelektronižen voibuižen ohjandajan vodel 1970 polkovnik Pčelincev oli oigetud Jegiptaha Jegipto-izrail'skan voinan aigan oficeroiden da generalioden joukus, miččen ohjandajan oli Vastil'man varjoičendan voiskiden Sovetskijan Sojuzan Maršal P. F. Batickii, miše ladida Jegiptan vastil'man varjoičendad[8].

Vodelpäi 1976 — om varas, polkovnik-voinnimes. Eli da radoi Moskvan agjan Balašiha-lidnas. Radoi repatriacijan komitetas, oli voin-patriotižen radon norištonke ühtnikan[4]. Om pandud maha Balašihan Nikolo-Arhangel'skian kaumištol.

Otegod

Tulnuded elokun lopus vodel 1942 Vašingtonaha Rahvahidenkeskeižele üläopenikoiden suimale sovetskijad delegatad Krasavčenko, Pčelincev da Pavličenko tulend päiväl oma kuctud Vauktaha pertihe, kus öduba prezidentan adivoiden sijas. Koumandel päiväl sovetskijad delegatad eziniba radiol. Heiden pagin oli ezitadud surel vašingtonan radiostancijal. Sovetskijad delegatad starinoičiba ičeze mahtištos voibištelendas gitlerovcoidenke.

Erilaižes radiopaginas, mitte oli 28. elokud Amerikas, tarkas starinoičiba Pavličenkon, Krasavčenko da Pčelincevan tulendas. Homendezlehtesed paniba üläopenikoiden fotokuvad, paginan heidenke da tarkan starinon heiden tulendas Vašingtonaha.

Pcelincev starinoiči peitambujan mahtištos da lopus sanui[9]:

Mö voim vägestada da vägestam. Muga sanui Stalin, muga i linneb

Pauklahjad

Muštlaud Petroskoin školan № 9 seinal
  • "Kuldaine tähtaz"-medal'[5];
  • Leninan orden;
  • Kodiman voinan I stepenin orden;
  • Rusttan Tähthaižen orden;
  • III stepenin orden "Službas Kodimale SSSRan voinvägiš";
  • medalid:
    • medal' "Vägestuses Germanijan päi Sures Kodiman voinas vozil 1941—1945";
    • "Vägestusen 20 vot Sures Kodiman voinas vozil 1941—1945"-jubileimedal';
    • "Vägestusen 30 vot Sures Kodiman voinas vozil 1941—1945"-jubileimedal';
    • "Vägestusen 40 vot Sures Kodiman voinas vozil 1941—1945"-jubileimedal';
    • "Vägestusen 50 vot Sures Kodiman voinas vozil 1941—1945"-jubileimedal';
  • pauklahjoitud oružj: nimitud snaiperan vintovk[5].

Jäl’genduz

Vladimir Pčelincev nor’aigaspäi kaiči da ližazi suren kanzan arhivad. miččes om kaičenus äi harvusid[3]. Necen arhivan pala om anttud oppindmehile hänen akal, M. N. Pčelinceva-frontmehel.

Mušt

  • Muštlaud Sovetskijan Sojuzan Gerojan V. N. Pčelincevan modkuvanke om pandud Sovetskijan Sojuzan Gerojiden Galerejaha Petroskoiš.
  • Muštlaud Zar'a-mikroraionas Balašiha-lidnas Lesnaja-irdal pertil №2, miččes eli Geroi.
  • Nimitadud peitambujan vintovk om Valdkundaližes Piterin istorijan muzejas.
  • KRDOO «Karjalan kadetad»-nevondišt sädi Vladimir Pčelincevan vajehtuzsportmal'l' «Metkii strelok»-sportvoibištelendoiden täht[10].
  • Ird Krasnosel'skijas rajonas Piteriš, elokun 15. päiväspäi vodelpäi 2019[11].

Bibliografii

Homaičendad

  1. ↑ 1 2 The Sniper Log Book Архивная копия от 2 semendkud 2010 на Wayback Machine.
  2. ↑ Карелия: энциклопедия: в 3 т. / гл. ред. А. Ф. Титов. Т. 2: К — П. — Петрозаводск: ИД «ПетроПресс», 2009. — 464 с. : ил.,карт. — стр. 455 ISBN 978-5-8430-0125-4 (т. 2).
  3. ↑ 1 2 3 Капков Ю. Н. Пчелинцев Владимир Николаевич Архивная копия от 5 keväz'kud 2010 на Wayback Machine // «Ленинградский геофизик».
  4. ↑ 1 2 Зарубин А. «Твои герои, Ленинград. Пчелинцев Владимир Николаевич. Подвиг снайпера» Архивная копия от 22 tal'vkud 2015 на Wayback Machine.
  5. ↑ 1 2 3 4 5 6 В. Пчелинцев. Боевая перекличка // Комсорги переднего края. Ленинградский фронт / сб., сост. Ю. С. Кринов. Л., Лениздат, 1978. стр.58-66
  6. ↑ Солоницын Г. Снайпер Пчелинцев. // Военно-исторический журнал. — 1973. — № 1. — С.59-61.
  7. ↑ Russian Snipers of 1941—1945 years. «Пчелинцев Владимир Николаевич» Архивная копия от 16 tal'vkud 2009 на Wayback Machine.
  8. ↑ Тестов В. В. Позиция «Зелёная зона». // Военно-исторический журнал. — 2015. — № 5. — С. 73.
  9. ↑ Хроника ТАСС. Пребывание в Вашингтоне советских делегатов на Международный съезд студентов. Вашингтон, 30 августа 1942 г. (ТАСС). Цитируется по книге: Пчелинцев В. Н. Накануне Ассамблеи // Особая миссия. — М.: Молодая гвардия (издательство), 1991. — С. 58,59. — 218 с. — 50 000 экз. — ISBN 5-235-01453-7.
  10. ↑ Кадеты Карелии. Дата обращения: 21 semendkud 2013. Архивировано 3 sügüz'kud 2014 года.
  11. ↑ В Петербурге появилось 10 новых улиц. Дата обращения: 19 kül'mkud 2019. Архивировано 10 elokud 2020 года.

Tarkendused

Vladimir Pčelincev. Сайт «Герои страны».

Лучший снайпер Ленинградского фронта. Журнал "Камертон" https://webkamerton.ru/2021/05/luchshiy-snayper-leningradskogo-fronta

Om sadud "https://vep.ruwiki.ru/w/index.php?title=Vladimir_Pčelincev&oldid=511179"