Vasilii Zaicev

Vasilii Mihailovič Zaicev
Sündundpäiv	26. elokud 1910(1910-08-26)
Sündund sija	Puzakino-külä, Opočetskii ujezd, Pskovan gubernijas, Venäman imperii
Kolendpäiv	7. tal'vkud 1941(1941-12-07) (31 vot)
Kolend sija	Lazarevičad-külä (Piterin agj), Tihvinan rajon, Piterin agj, RSFSR, SSSR
Rahvahuz’	Venäman imperii, SSSR
Voiskiden sugu	tankist
Služban nimi	noremb leitenant
Torad/voinad	Sovetsko-suomalaine voin (1939—1940), Sur' Kodiman voin
Pauklahjad da premijad

Vasilii Mihailovič Zaicev (ven.: Василий Михайлович Зайцев, 1910—1941) — Suren Kodiman voinan ühtnik, 4. erižen armijan 46. tankbrigadan 46. tankpolkan vzvodan komandir, noremb leitenant, Sovetskijan Sojuzan Geroi.

Elostarin

Oli sündunu 26. elokud vodel 1910 Puzakino-küläs maorjan kanzas. Venänik.

Konz vodel 1929 lopi manradon tehnikuman, radoi agronoman Pskovan zonaližel manradon stancijal, sid' — agronoman Sičovskijal Mašin-traktoran stancijal da vanhemban agronoman Oloncan rajonan maerištos.

Vodelpäi 1930 vodhesai 1931 radoi tehnikan opitnijan azjan mödhe Stremutka-küläs Pskovan rajonas opitnijal stancijal. Vodel 1932 — vanhemb agronom Zalučskijas rajonas, vozil 1934—1935 — vanhemb agronom Sošinskijas rajonas. Vodel 1936 radoi manradon ozutelusen agronom-tegijan Ličkovskijas rajonas.

6. sulakuspäi vodelpäi 1931 15. tal'vkuhusai vodhesai 1936 openzihe Leningradan manradon institutas pöudradoiden tedokundal, vozil 1933—1936 oli gruppan proforgan, jäl'ghe institutad oli oigetud vanhemban agronoman velikogubskijan mašin-traktoran stancijale Karjalan Avtonomižehe Sovetskijaha Socialistižehe Valdkundaha. 15. vilukud vodel 1937 oli pandud azjantundijaks KASSRan Rahvahaližen manradoiden komissariatan ozuteluzkomitetas — niše vaumitas Venäman manradoiden ozuteluseks. 1. elokuspäi vodelpäi 1937 radoi Karjalan ASSRan ezilidnalaižiden sovhozoiden trestan vanhemban agronoman Petroskoiš (toižiden tedoiden mödhe — sovhozoiden trestas Karjalan ASSRan Rahvahaližiden Komissaroiden Nevondištos, sovhozoiš).

Vodel 1939 oli kuctud Rad-maorjan Rusttaha armijaha. Ühtni Sovetsko-suomalaižehe voinaha vozil 1939—1940 — služi tankan komandiran Leningradan voinümbrusen bronetankoiden častiš.

Jäl'ghe demobilizacijad radoi Karjalaiž-Suomalaižen SSRan Rahvahaližen komissariatan apparatas, mehanizacijan erišton pämehen, KFSSRan Rahvahaližen komissariatan sovhozoiden varapämehen.

Kuverdad se aigad eli Danilovskan rajonas Jaroslavlin agjas.

Konz zavodihe Sur' Kodiman voin 26. kezakud vodel 1941 Zaicev oli ottud Rusttaha Armijaha. Kül'mkuhusai vodhesai 1941 ühtni vointoroihe ühtes 4. erižen armijan 46. tankbrigadan 46. tankpolkanke Karjalaiž-Suomalaižen SSRan territorijal, möhemba — Volhovan frontal oli tankvzvodan komandiran.

Bojiš Tihvinal Lazarevičad-külänno 1. tal'vkuspäi 1. tal'vkuhusai vodel 1941 ozuti rohktust da geroizmad. Vzvodan tankistad, kudambid ohjanzi V. M. Zaicev, murenziba 3 tankanvasthapäi azeged da äjak se pulem'otoid, ambuiba vihanikan soldatoiden rotad da oficeroid. Bojas V. M. Zaicevan tank oli muretud da polttud vihanikal. Hän käski ekipažale lähtta mašinaspäi, a iče jäi tankaha da jatksi ampta vihanikad. Hän paloi ičeze tankas. Jäl'ghe bojad Vasilii Zaicev oli pandud maha läz Lazarevičad-külänno.

Möhemba oli udes pandud maha vellenkaumištol Svobodan avoinirdal Tihvinal.

SSSRan Ülembaižen Nevondišton prezidiuman käskön mödhe 17. tal'vkud vodel 1941 noremb leitenant Zaicev Vasilii Mihailovič jäl'ghe surmad oli pauklahjoitud Sovetskijan Sojuzan Gerojan nimel, Leninan ordenal.

16. tal'vkud vodel 1941 46. tankpolkan komandir major Kuz'menko kirjuti Sovetskijan Sojuzan Gerojas Zaicevas muga:

"Bojiš Tihvinan lidnan al 1.-6. tal'vkud vodel 1941 Zaicev ozuti rohktust da geroizmad. Tuldes rohktas tankoil Lazarevičad-küläha vihanik pageni, hän ambui läz sadad soldatad da oficerad, koume protivotankan orudijad, 20 pulem'otnijad pezad, 3 avtomašinad".

Kanz

Ak — Zoja Vasiljevna, tütär — Svetlana.

Mušt

Muštznam V. M/ Zaicevale Šuja-küläs

Petroskoi

Vasilii Zaicevan nimi om pandud muštho erazvuiččiš Petroskoin objektoiš:

• Zaicevan ird;
• Vasilii Zaicevan skver;
• muštznam V. M. Zaicevale;
• muštlaud V. M. Zaicevale;
• V. M. Zaicevan modkuva om pandud Sovetskijan Sojuzan Gerojan Galerejaha;
• pu, mitte om ištutadud V. M. Zaicevan muštoks Gerojoiden allejal (om ripputadud muštlaudaine).

Šuja-külä

• Muštpacaz V. M. Zaicevale.
• V. M. Zaicevan nimi om anttud sovhozale Šuja-küläs Änižröunas, kus hän radoi voinahasai (nügüd' — ОАО "Agrofirma V. M. Zaicevan nimel").

Tihvin

• Ird V. M. Zaicevan nimel.

Lazarevičad Piterin agj

Vasilii Zaicevan muštoks om pandud stela Lazarevičad-küläs.

Homaičendad

Literatur

• [www.az-libr.ru/index.htm?Persons&000/Src/0007/9837217d Зайцев Василий Михайлович] // Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
• Арсеньев А. Я. Псковичи — Герои Советского Союза / А. Я. Арсеньев, А. П. Арсеньева. — Л.: Лениздат, 1983. — С. 136-138. — 271 с.
• Герои земли советской. — 2-е изд., испр., доп. — Петрозаводск, 1968. — С. 117—128.
• Зайкова Т., Смирнова Ф. Он прославился в Тихвине // Ленинская правда. — 1970, 17 марта.
• Зайцев Василий Михайлович // Героям Родины — слава! — 3-е изд., испр. и доп. — Петрозаводск, 1985 — С. 260—261.
• Герои Тихвина — герои Ленинграда // Буров А. В. Твои герои, Ленинград. — 2-е изд., доп. — Л., 1970. — С. 116—119.
• Кондратьев Ф. Г. Агроном-танкист // Наши улицы. — Петрозаводск, 1962 (и др. лет издания). — С. 85-89.
• Наградной лист на командира взвода 46-го танкового полка младшего лейтенанта В. М. Зайцева от 10 декабря 1941 г.// ЦАМО РФ, ф. 33, оп. 793 756, д. 17, л. 96.
• Хилтунен Р. Во имя Родины. — Петрозаводск, 1961.
• Хилтунен Р. Парень из нашего города // Герои земли советской. — Петрозаводск, 1968. — С. 117—129.

Tarkendused

Vasilii Zaicev  (рус.). Сайт «Герои страны».

• Из наградного листа.
• Твои герои, Ленинград. Зайцев Василий Михайлович.