Dmitrii Kondratjev

Рувики-späi
Dmitrii Jurjevič Kondratjev
Кондратьев, Дмитрий Юрьевич.jpg
Valdkund  Venäma
Special'nost' lendai-kosmonavt
Voinnimi Погон полковника ВКС с 2010 года.png
Venäman Voinväged, polkovnik varas
Tedištuzmatkad Sojuz TMA-20[d], MKS-26[d] da MKS-27[d]
Aig kosmosas 229 397
Sündundpäiv 25. semendkud 1969(1969-05-25) (57 лет)
Sündundtaho
Pauklahjad
Логотип РУВИКИ.Медиа Mediafailad RUWIKI-tedoiš

Dmitrii Jurjevič Kondratjev (ven.: Дми́трий Ю́рьевич Кондра́тьев, om sündunu 25. semendkud 1969, Irkutsk) — venälaine lendai-kosmonavt (Kosmonavtoiden vaumičendkeskusen J.A. Gagarinan nimel otr'ad)[1], Venäman Geroi.

Elostarin

Sikš ku tatad paksus oigetihe službale erazvuiččihe sijoihe, kanz äi kerdoid vajehti eländsijoid. Irkutskaspäi se ajoi N'urba-küläha N'urbinskan rajonaha Jakutskan ASSRaha (kus openzihe keskškolas № 2), a sišpäi Alma-Ata-lidnaha.[2]

Vodel 1986 lopi 10 klassad Alma-Ata - lidnas. Vodel 1990 lopi Kačinskijan korktan lendajiden aviacijan voinškolan А. F. M'asnikovan nimel "gruppan taktičeskii istrebitel'nii aviacii"-special'nostin mödhe, sai lendai-inženeran diploman[1]. Uhokus vodel 2012 polesti dissertacijad da tegihe ekonomikan tedokandidataks "Venäman arvokahiden bumagoiden rinkan valdkundaline ohjandamine rahoiden globalizacijan aigan" - teman mödhe.

Služi Besovcan aviacijan polkas Čalna-1 sijas läheli Petroskoi-lidnad.[3]

Lendand Rahvahidenkeskeižele avaruz'stancijale

Oldes ekipažan komandiran lendi kosmosaha "Sojuz ТМА-20"-avaruz'laival.

Läksi 15. tal'vkud vodel 2010 oldes "Sojuz ТМА-20"-avaruz'laivan komandiran, Rahvahidenkeskeižen avaruz'stancijan bortinženeran 26. programman mödhe da 27. pätedištuzmatkan komandiran, ühtes astronavtoidenke Paolo Nespolinke da Ketrin Koulmanke. 17. tal'vkud koski laival Rahvahidenkeskešt avaruz'stancijad.

Lendamižen aigan kaks' kerdad läksi avaitud avarudehe:

  • 21. vilukud vodel 2011 — aigpidusel 5 časud 22 minutad. Lähtendan aigan kosmonavtad paniba ülipiguden tedoandmižen sisteman monoblokan "Tähthaine"-službmodulin pindan suren diametran radsijale da ühtenzoitiba sen kabelid sistemaha, mugažo heitiba "IPI-SM" da 'EXPOSE-R'-tedoapparaturad "Tähthaine"-službmodulin pindaspäi, paniba telekamerad penel MIM-1 "Rassvet"-tedištuzmodulil passivižen stičkovijan agregatan polespäi muga, miše se radaiži.
  • 16. uhokud vodel 2011 — aigpidusel 4 časud 50 minutad. Lähtendan aigan kosmonavtad paniba Rahvahidenkeskeižen avaruz'stancijan pindale irdpolespäi tedoapparaturad "Molnia-Gamma" eksperimentan täht, miše oppida gamman il'mantöngahtusid da optišt hoštelendoid jumalanjurun aigan da vedäda "SVČ-radiometrii" eksperimentad. Kosmonavtad heitiba kaks' "Komplast" panelid konstrukcionnijoiden materialoiden ozutesidenke da kaičendpälusidenke, miččed oliba avaitud avarudes enamba 12 vot, da heitiba "Jakor'"-pidimed.

Oldes Rahvahidenkeskeižen avaruz'stancijan laival Dmitrii Kondratjev tegi radioühtenzoitust laps'kodin kazvanikoidenke, kadetklassoiden openikoidenke da lapsidenke Petroskoin aviamodelistoiden sebraspäi. Konz pörzihe Male, kosmonavt vastsihe Petroskoin lidanan aktivižiden eläjidenke.[3][4]

24. semendkud vodel 2011 "Sojuz ТМА-20"-avaruz'laivan apparat pehmdas lanksi male 147 kilometras päivnouzman poles Džezkazgan-lidnaspäi Kazahstanas[5].

D. Kondratjevan lendamižen aig oli 159 sutkad 07 časud 16 minutad.

Lendamižen aigan D. Kondratjev vedi ičeze blogad Federaližen avaruz'agenstvan saital[6], mugažo oli "Om aig avarudehe!"-laps'programman korrespondentan "Karusel'"-telekanalal.[7]

25.07.2012 läksi voinvägišpäi da Kosmonavtoiden vaumičendkeskusespäi da zavodi rata kommercižes erištos, taci kosmonavtoiden otr'adad.[8]

Statistik[9]
# Augotižlaiv Augotiž, UTC Tedištuzmatk Ištundlaiv Ištund, UTC Lendand Lähtendad avaitud avarudehe Aig avaitud avarudes
1 Sojuz ТМА-20 15. 12. 2010, 19:09 Sojuz ТМА-20, МКS-26/МКS-27 Sojuz ТМА-20 24. 05. 2011, 02:26 159 sutkad 07 časud 17 minutad 2 10 časud 14 minutad
159 sutkad 07 časud 17 minutad 2 10 časud 14 minutad

Voinnimed

  • leitenant (21.10.1990);
  • vanhemb leitenant (27.10.1992);
  • kapitan (11.11.1994);
  • major (26.12.1997);
  • podpolkovnik (päiv ei ole märitadud);
  • polkovnik (16.12.2006).

Pauklahjad

Venäman Gerojan Kuldaižen Tähthaižen pauklahjoičemine.
Moskva, Kreml'. 3. semendkud vodel 2012
  • Venäman Geroi da Venäman lendai-kosmonavt (3. keväz'kud vodel 2012) — rohktudes da geroizmas, miččed oli ozutadud pit'kän avaruz'lendamižen aigan Rahvahidenkeskeižele avaruz'stancijale[10];
  • II stepenin orden "Hüväs rados Kodimal" (2012)[11];
  • Nesterovan medal'[12];
  • Venäman Voinvägiden medal': II stepenin medal' "Hüväs voinslužbas" (Polestuzministerstv), I, II, III stepenin medal' "Parahimas voinslužbas" (Polestuzministerstv), Medal' "Službas Voin-il'mvägiš";
  • "50 vot avaruz'aiganlugendale"-muštznam;
  • Aleksei Leonovan medal' (Kemerovan agj, 2015) — kahtes tehtud lähtendas avaitud avarudehe[13];
  • NASAn medal': Medal' "Parahimas kundaližes službas" (NASA) da Medal' "Avaruz'lendamižes";
  • klassan kvalifikacijad: "1. klassan voinlendai" "oficer-čuklahtai".

Mušt

Kanz

  • Om nainu, ak – Kondratjeva Dinara Gajarovna;
  • Kaks' last: poig – Vladislav (sünd. 2005); poig – Väčeslav (sünd. 2009)[14].

Melentartused

Tedomašinad, sport[14].

Homaičendad

  1. ↑ 1 2 Дмитрий Юрьевич Кондратьев Dmitri Yuriyevich Kondratiyev. Дата обращения: 16 tal'vkud 2010. Архивировано 28 uhokud 2014 года.
  2. ↑ 1 2 Лобков К. С берегов Вилюя к звёздам. // Красная звезда. — 2021, 6 сентября. — С.10. Дата обращения: 11 sügüz'kud 2021. Архивировано 11 sügüz'kud 2021 года.
  3. ↑ 1 2 Летчик-космонавт Дмитрий Кондратьев из Карелии стал Героем России. Дата обращения: 5 semendkud 2012. Архивировано из оригинала 16 semendkud 2012 года.
  4. ↑ Звёздный герой. Лётчик-космонавт Дмитрий Кондратьев из Карелии стал Героем России. Газета «Мой Петрозаводск — Карелия». № 16 (66). 07 мая 2012 года, страница 4
  5. ↑ Спускаемый аппарат «Союз ТМА-20» совершил мягкую посадку. Дата обращения: 10 kezakud 2011. Архивировано 3 elokud 2012 года.
  6. ↑ Блог Дмитрия Кондратьева. Дата обращения: 10 kezakud 2011. Архивировано 11 kezakud 2011 года.
  7. ↑ «Пора в космос!». Программа телеканала «Карусель». Дата обращения: 10 kezakud 2011. Архивировано 26 semendkud 2011 года.
  8. ↑ Будущий экипаж МКС с единственной в РФ женщиной-космонавтом лишился командира: Герой России подался в коммерцию. Дата обращения: 6 sügüz'kud 2012. Архивировано 21 sügüz'kud 2012 года.
  9. ↑ Statistics - Kondratiyev Dmitri Yuriyevich (англ.). spacefacts.de. Дата обращения: 4 uhokud 2018. Архивировано 28 semendkud 2012 года.
  10. ↑ Указ Президента Российской Федерации от 3 марта 2012 года № 270 «О награждении государственными наградами Российской Федерации». Дата обращения: 12 kül'mkud 2025.
  11. ↑ Награждённые государственными наградами Российской Федерации. kremlin.ru (3 semendkud 2012). Дата обращения: 12 kül'mkud 2025.
  12. ↑ Дмитрий Кондратьев: «Полёт в космос – только начало» / roscosmos.ru. Дата обращения: 25 kül'mkud 2020. Архивировано 15 sulakud 2021 года.
  13. ↑ Первые космонавты получили медали имени Алексея Леонова в Звездном городке. Дата обращения: 12 kül'mkud 2025. Архивировано 17 elokud 2021 года.
  14. ↑ 1 2 Дмитрий Юрьевич Кондратьев. roscosmos.ru. Дата обращения: 12 kül'mkud 2025.

Lähtked

Om sadud "https://vep.ruwiki.ru/w/index.php?title=Dmitrii_Kondratjev&oldid=528955"