Maria Melentjeva

Рувики-späi
Kodvdud kirjutez

Om tehtud azjtarkištuz

Venäman tedoakademii

Om tehtud azjtarkištuz
Venäman tedoakademijal
Maria Melentjeva
ven.: Мария Владимировна Мелентьева
Mariya Melentyeva.png
Sündundpäiv

1924(1924-03-25)

Sündundsija

Präža, Avtonomine Karjalan SSR, RSFSR, SSSR

Kolendpäiv

1943(1943-07-02) (19 vot)

Kolendsija

Topornaja Mägi-külä, Medvežjegorskan rajon, Karjalan ASSR, RSFSR, SSSR

Valdkund
  • SSSR
Rad

voinmez'

Mam

Jevdokia Andrejevna Melentjeva

Pauklahjad da premijad

Sovetskijan Sojuzan Geroi

Leninan orden Rusttan Tähthaižen orden
diskussii • redaktiruida
Marjan Melentjevan rindkuva Petroskoiš.

Maria Vladimirovna Melentjeva 1924, Präža, Avtonomine Karjalan SSR — 1943, Topornaja Mägi-külä, Segozerskan rajon, Karjalaiž-Suomalaine SSR) — partizanka, Kommunistižen partijan Keskeižen komitetan sidonik da Karjalaiž-Suomalaižen Sovetskijan Socialistižen Valdkundan Komsomolan keskmäižen komitetan instruktor. Sovetskijan Sojuzan Geroi. Om pauklahjoitud Leninan ordenal, Rusttan Tähthaižen ordenal.

Aigaližed voded

Oli sündunu 25. keväz'kud[1] (по другим данным 24 января[2][3]) vodel 1924 Präža-küläs maorjan kanzas. Karjalaine. Lopi školan Präža-küläs. Radoi sanitarkan gospitališ Segežas.

Sur' Kodiman voin

Suren Kodiman voinan ühtnik vodelpäi 1942.

Kezakus vodel 1942 Maria Melentjevad da Anna Lisicinad oigetihe okkupiruitud suomalaižil Šoutjärven rajonaha. Hö tegiba sigä javkad peittud komitetoiden täht, keraziba tedoid okkupacionnijas režimas, lämoisijoiš da vihanikoiden kaičuzsauvondoiš, pidiba hüvän sidon külän eläjidenke. Pörttes kodihe Anna Lisicina koli, konz ujui Süvär'-joges päliči, a Maria Melentjeva ujudes jogen lophusai toi tarbhaižid tedoid. Necil-žo vodel sügüzel Melentjeva oli möst oigetadud vihanikoiden tilaha razvedčikoiden gruppanke, no händast maniti üks' külän eläi, da Melentjeva oli arestuidut suomalaižil ookupantoil Topornaja Mägi-küläs Medvežjegorskan rajonas. Händast mokitihe, no hän vedi ičtaze rohktas, ei andand vihanikoile nimiččid arvokahid tedoid. 2. heinkud vodel 1943 händast amptihe[1].

Oli pandud maha Topornaja Mägi-küläs Medvežjegorskan rajonas Karjalas[4].

SSSRan Ülembaižen Nevondišton Prezidiuman käsköl 1943 Maria Melentjeva sai Sovetskijan Sojuzan Gerojan arvnimen rohktuses da geroizmas, tehtud tärktoiš azjoiš.

Pauklahjad

  • «Kuldaine Tähthaine»-medal'[4];
  • Leninan orden[4];
  • Rusttan Tähthaižen orden[4].

Mušt

  • Muštpachad:
  • rindkuva Präža-küläs[4];
  • rindkuva Petroskoi-lidnas Maria Melentjevan irdal[4].
  • Muštlaudad:
  • kaks' muštlaudad Petroskoiš[4];
  • muštlaud Präža-küläs pertin seinäl, kus eli Maria Melentjeva (Sovetskaja ird).
  • Gerojan nimi om vesttud Präžan eläjiden muštpachas, kudambad koliba voinoiden aigan.
  • Modkuva da gerojan nimi om vesttud Sovetskijan Sojuzan Gerojoiden Galerejas — ked oliba sündnuded Karjalas Petroskoiš. Galerejan rindal om ištutadud pu Maria Melentjevan muštoks.
  • M. V. Melentjevan nimi om anttud Präžan külän keskškolale[5], irdale Petroskoiš, buksirlaivale, Petroskoin kalakombinatan seinerale, Belomorsk-Änižen laivišton biksirteplohodale, erazvuiččile pioneroiden otr'adoile da družinoile[4].
  • Maria Melentjevan kodimal Präža-küläs oli avaitud muzei. Hänele da Anna Lisicinale om omištadud Aleksandr Aleksandrovič Ivanovan "Nece oli Karjalas"-pjesa da Gennadii Sem'onovič Fišan "Podružkad"-očerk.

Homaičendad

  1. ↑ 1 2 95 лет со дня рождения Марии Владимировны Мелентьевой. Национальный архив Республики Карелия Архивная копия от 25 sügüz'kud 2020 на Wayback Machine.
  2. ↑ Информация на сайте Медвежьегорского районного музея
  3. ↑ Информация из списка Героев Советского Союза Подпорожского района.
  4. ↑ 1 2 3 4 5 6 7 8 Герои Советского Союза: краткий биографический словарь в 2-х тт. / редколл., предс. И. Н. Шкадов. том 2. М., Воениздат, 1988. стр. 67.
  5. ↑ Геннадий Фиш. Карельские девушки // Вечно живые / сб., сост. П. Корзинкин, Ю. Новиков. М., «Молодая гвардия», 1958. стр.191-201

Literatur da lähtked

  • Sovetskijan man gerojad. — Petroskoi: Карельское книжное издательство, 1968. — С. 169—186. — 367 с. — 20 000 экз.
  • Г. С. Фиш. Карельские девушки (о А. М. Лисицыной и М. В. Мелентьевой) // Героини. Очерки о женщинах — Героях Советского Союза. / ред. сост. Л. Ф. Торопов. вып. 1. М., Политиздат, 1969. — стр. 327—345.
  • Гордиенко А. А. На пути к рассвету: повесть о Героях Советского Союза А. Лисициной и М. Мелентьевой. — Петрозаводск, 1990. — 295 с.

Tarkendused

Om sadud "https://vep.ruwiki.ru/w/index.php?title=Maria_Melentjeva&oldid=236962"