Aleksei Fofanov

Рувики-späi
Aleksei Ivanovič Fofanov
Aleksei Ivanovič Fofanov.jpg
Sündundpäiv 15. semendkud 1915(1915-05-15)
Sündund sija Klimovskaja-külä, Pudožan ujezd, Oloneckan gubernii
Kolendpäiv 4. sügüz'kud 1986(1986-09-04) (71 vot)
Kolend sija Kijev
Rahvahuz’  SSSR
Voiskiden sugu
Бронетанковые войска
Služban voded 1937—1960
Služban nimi
Майор
Torad/voinad Sovetsko-suomalaine voin (1939—1940)]]
Sur' Kodiman voin
Pauklahjad da premijad
Sovetskijan Sojuzan Geroi
Leninan orden SU Order of the Red Banner ribbon.svg Kodiman voinan I stepenin orden
 Lebul vodelpäi 1960

Aleksei Ivanovič Fofanov (ven.: Алексе́й Ива́нович Фо́фанов) (15. semendkud vodel 1915, Klimovskaja-külä (nügüd' Pudožan rajon Karjala) — 4. sügüz'kud vodel 1986, Kijev, Ukraina) — Sovetskijan Sojuzan Geroi, 344. tankbataljonan 91. erilaižen tankbrigadan 3. gvardeiskian tankarmijan 1. Ukrainan frontan tankrotan ohjandai, vanhemb leitenant[1].

Elostarin

Sündui tetaban runoiden starinoičijan Ivan Terentjevič Fofanovan kanzas[2]. Vozil 1934—1936 openzihe Petroskoin kooperativnijas radmahttehnikumas, radoi päbuhgalteran abunikan raipotrebsojuzas Pudožas.

Vodel 1937 oli kuctud Russtaha armijaha, služi tankvoiskvägiš. Vodel 1939 lopi norembiden ohjandajan školan. Om Sovetsko-suomalaižen voinan (1939—1940) ühtnik. Vodel 1941 tegihe Kommunistižen partijan ühtnikan.

Kezakuspäi vodel 1941 vojui Suren Kodiman voinan frontoil, ühtni varjoičendvointoroiš Ukrainal da Moskvanno, oli Dnepr-jogen otandan da Kijevan vointacindan ühtnikan. 7. kül'mkud vodel 1943 tankrot Aleksei Fofanovan ohjandusel ezmäine tuli Fastov-lidnaha. Hänen tank vointoras ambui viž tankvasthapäi orudijad, nel'l' pulem'otad da saiba vastustajiden koume zenitorudijad, Tigr-T6-tankan, koume avtomašinad.

Om pauklahjoittud Sovetskijan Sojuzan Gerojan nimel mahtokahas rotan ohjanduses, geroizmas da rohktudes. Socetskijan Sovetan Ülembaižen Nevondišton Prezidiuman käskön mödhe "Sovetskijan Sojuzan Gerojan nimen andmižen polhe Rusttan Armijan generaloile, oficeroile, seržantoile da soldatoile" 10. vilukud vodel 1944 «parahimas voinrados frontal nemcoiden vihanikoiden vasthapäi da ozutadud rohktudes da geroizmas» om anttud Sovetskijan Sojuzan Geroi nimi, Leninan orden da «Kuldaine Tähtaz» medal'[3].

Jäl'ges voinad radoi südäinazjoiden azjmehištos da Karjal-suomalaižen SSRan valdkundaližen varumatomudes.

Vodelpäi 1958 eli Kijevas. Vodelpäi 1960 oli majoran voinvaras.

Koli 4. sügüz'kud vodel 1986 Kijevas da om pandud maha Mecan kaumištol.

Kanz

Tat — Ivan Terentjevič Fofanov, mam — Natalia Timofejevna Fofanova, vel'l' — Vasilii.

Ak — Lidia Vasiljevna Fofanova, tütär — Galina, poig — Sergei.

Mušt

  • Gerojan modkuva da nimi oma vesttud Sovetskijan Sojuzan Gerojiden Galerejas — Karjalan sündujid Petroskoiš.
  • Kijevan agjan Fastov-lidnas gerojan muštoks om nimitadud ird.

Homaičendad

  1. ↑ Карелия: энциклопедия: в 3 т. / гл. ред. А. Ф. Титов. Т. 3: Р — Я. — Петрозаводск: «ПетроПресс», 2011. — 384 с.: ил., карт. ISBN 978-5-8430-0127-8 (т. 3) — стр. 219.
  2. ↑ Гвоздева Ж. В. Родословная пудожского сказителя И. Т. Фофанова в свете полевых материалов и архивных источников Архивная копия от 7 keväz'kud 2016 на Wayback Machine.
  3. ↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 vilukud (№ 3 (263)). — С. 1. Архивировано 7 tal'vkud 2021 года.

Literatur

  • Соколов А. Крепче брони. [О командире танковой роты Герое Советского Союза А. И. Фофанове]. — Петрозаводск, Карел. кн. изд., 1963. — 75 с.; 1 л. портр.
  • Герои земли советской. — Петрозаводск: Карельское книжное издательство, 1968. — С. 337—350. — 367 с. — 20 000 экз.

Tarkendused

Om sadud "https://vep.ruwiki.ru/w/index.php?title=Aleksei_Fofanov&oldid=509604"