Nikolai Repnikov

Nikolai F’odorovič Repnikov
Sündundpäiv	1914(1914-12-16)
Sündund sija	Petrograd, Venäman imperii
Kolendpäiv	1941(1941-12-04) (26 vot)
Kolend sija	Medvežjegorskan rajon, Karjalaiž-Suomalaine SSR, Sovetskii Sojuz
Rahvahuz’	Venäma
Voiskiden sugu
Služban nimi	Vanhemb leitenant
Torad/voinad	Sovetsko-suomalaine voin vozil 1939—1940, Sur’ Kodiman voin
Pauklahjad da premijad

Nikolai F’odorovič Repnikov (ven.: Николай Фёдорович Ре́пников) - om sündunu 16. tal'vkud vodel 1914, Petrograd libo Kegostrov — om kolnu 4. tal'vkud vodel 1941, Käppäsel’gan rajon — Medvežjegorsk, Karjalaiž-Suomalaine SSR, sovetskii voinmez’, Sovetskijan Sojuzan Geroi, 152. Istrebitel’nijan aviacionnijan polkan eskadriljan komandir (103. Segoitud aviacionnii devizii, 7. Eriline armii, Karjalan front), vanhemb leitenant.

Elostarin

Oli sündunu vodel 1914 Petrogradas (toižiden tedoiden mödhe Kegostrov-mikrorajonas Arhangel’skan gubernijas). Laps’aig mäni Pudožas. Vodel 1929 kanz ajoi elämaha Petroskoihe.

Lopi seičemevoččen školan da fabrik-zavodan openduzškolan Petroskoiš. Radoi slesarin-instrumental’ščikan Änižen traktorzavodal, ližaks openzihe Petroskoin aeroklubas uhokuspäi vodelpäi 1934.

18. uhokud vodel 1935 tegi tegi ičeze ezmäižen lendandan üksnäze. Jäl’ghe aerokluban lopendad zavodi tehta lendajan-instruktoran radod. 1. semendkud vodel 1935 Petroskoiš avaižihe paraš’utan ülüz, miččelpäi Repnikov hüppi üks’ ezmäižišpäi. Jäl’ges aeroklubas oli avaitud paraš’utan škol, I konk hän päzui tarbhaižiden sportnormiden kal’t, Repnikova sai paraš’utistan znaman, da oli oigetud Moskvan paraš’utškolha. Jäl’ghe hüväd lopendad tegihe paraš’ut-lendajan - instruktoran nimen.

Sügüzespäi vodelpäi 1936 hän oli Rusttan Armijan aviadesantnijoiden voiskiden riviš, oli kuctud voinale Karjalan ASSRan Petroskoin lidnan vojenkomatal. Jäl’ghe’ kirjutadud pakičust maršalannoks Kliment Vorošilovannoks oli oigetud istrebitel’nijaha aviacijaha Kegostrovaha Arhangel’skan agjaha, lendi iče istrebitel’al.

Ühtni Sovetsko-suomalaižehe voinaha (1939—1940) istrebitel’nijaha aviacijaha. Tal’vkus vodel 1939 oli ottud VKPb-organizacijan ühtnikaks.

28. kezakud vodel 1940 hän nai. 16. Keväz’kud vodel 1941 hänel sündui Tatjana-tütär.

Kezakuspäi vodelpäi 1941 — Suren Kodiman voinan ühtnik, “I-16”-istrenitel’oiden zvenan komandir. Tal’vkuhusai vodhesai 1941 Repnikov lendi 51 kerdad bojas da ambui 5 vihanikan lendandmašinad.

4. tal’vkud vodel 1941 koli, üks’ ezmäižišpäi Karjalan frontal iški vihanikan il’mas. Hänen žertvaks tegihe mugažo amptud suomalaine seržant-as Т. Тomminen LeLv28-gruppaspäi, hän vägesti bojas 6 kerdad. Hänen Morane-Saulnier MS.406 – lendimmašin vastsi oc ocha Repnikovan Hawker Hurrican - lendimmašinad. Nece taran tuli ezmäižeks sovetskijaks mugoižen tipan lendimmašinaks taivhas.

SSSRan Ülembaižen Nevondišton prezidiuman käsköl “Sovetskijan Sojuzan Gerojan nimen andmižen polhe Russtan armijan pämehile da soldatoile” 22. Uhokud vodel 1943 ”hüväs vointegendoiden tegemižes frontal nemcoiden vihanikoiden vasthapäi da rohktudes” tegihe Sovetskijan Sojuzan Gerojaks jäl’ghe surmad.

Mugažo om pauklahjoitud kahtel Leninan ordenal da Rusttan Znamenin ordenal.

Mušt

• Gerojan nimel om nimitadud ird da irdkujo Petroskoiš.
• Pertin seinäle Kirovan irdal Petroskoiš, kus hän eli, oli ripputadud muštlaud. Nügüdläižel aigal pert’ om heittud, laud om muretud.
• Nikolai Repnikovan modkuva om pandud Sovetskijan Sojuzan Gerojoiden galerejaha, mitte oli avaitud vodel 1977 Pteroskoiš Antikainenan da Rusttan irdoiden keskes.
• Läz Galerejad Nikolai Repnikovan muštoks om ištutadud pu.
• Repnikovan irdal Sovetskijan Sojuzan Gerojan muštoks om pandud stela.

Homaičendad

Literatur

• Анатольев А. Отважный сокол. [Герой Советского Союза Н. Ф. Репников]. — Петрозаводск, Госиздат КАССР, 1960. — 64 с. с илл.
• Герои земли советской. — Петрозаводск: Карельское книжное издательство, 1968. — С. 256—270. — 367 с. — 20 000 экз.
• Гордиенко А. А. Минута жизни: Повесть. — Петрозаводск, 1967. — 108 с.

Tarkendused

• Nikolai Repnikov  (рус.). Сайт «Герои страны».
• Календарь памятных дат.
• Дню Победы посвящается. Герой Советского Союза Репников Николай Фёдорович.
• Репников Николай Фёдорович.