Olonec

Рувики-späi
Lidn
Olonec
karj.: Anus, Anuksenlinnu
Олонец, центр сверху (1).jpg
Флаг Герб
Флаг Герб
60°59′ с. ш. 32°58′ в. д.GЯO
Valdkund  Venäma
Venäman subjekt Karjalan Valdkund
Municipaline rajon Olonec
Lidn Olonec
Lidnan pämez' - Lidnan nevondišton pämez' Denis Viktorovič Vasiljev
Istorii da geografii
Om pandud 1137
Lidn  1649
Pind
  • 6
Korktuz' meren pindan päl 20 m
Aigvö UTC+3[d]
Eläjad
Eläjad
  • ▼7663 чел. (2021)[1]
Rahvahad karjalaižed, venälaižed
Uskondad ortodoksine uskond
Katoikonim olončanad
Lugu-identifikatorad
Telefonan kod +7 81436
Počtan indeks 186000
Kod ОКАТО 86230501000
Kod ОКТМО 86630101001
Olonec (Россия)
Точка
Olonec
Точка
Логотип РУВИКИ.Медиа Mediafailad RUWIKI-tedoiš

Olonec (ven.: Оло́нец, paginas — Olonec[2][3], karj.: Anus[4], Anuksenlinnu) — lidn Karjalas Venämal, üks' vanhoišpäi Venäman pohjoižes. Oloncan rajonan da Olonec-lidnan administrativine keskuz.

Etimologii da fonetik

Lidnan nimi om mugoine-žo kut Olonec-jogel (nügüd' Olonka, karj.: Anuksenjogi), mitte voib olda saamelaine, rindatadas amuižsaamelaižen sananke *ōlō venäks ‘паводковые воды’ + toponiman tegemižen täht suffiks nčē → *ōlōnčē → Olonec. Nece todenzoittas, ozutesikš, sil, miše lidn om jogen alangal Oloncan tazangištos, mitte amuižsaamelaižen rahvahan elon aigan oli täuz' vet kevädel. Om mugažo tedoid, miše nece nimi tuli suomalaižes suom.: alanko sanaspäi — «alang»[5] libo amuižvepsläižes «alnus» — snaspäi, mi mugažo znamoičeb «alang». Aigemba necen sijan nimi oli Алонѣсь, Олонѣсь (voib lugeda venäks kut Алонесь, Олонесь).

Paineg venän kelel — toižele vokalile, Оло́нец[6]. No:

  • paineg jäl'gmäižele vokalile, venäks Олоне́ц, om enamba sanakirjoiš[3] и допустимо[2];
  • paineg adjektivas, venäks «олоне́цкий» — koumandele vokalile[6], no voib olda variant venäks оло́нецкий[5][6];
  • litaraturpaineg, venäks Олоне́ц (üks'nimine Aleksandr prokofjevan runo, kus om rifm venäks молодец[6]).

Paineg lidnan eläjan nimes om koumandele vokalile, venäks: олонча́нин[5].

Geografii

Olonec om kahten Olonkan da Megregan jogen keskes, Oloncan tazangištos 140 kilometras ehtbokha Petroskoišpäi, 269 kilometras homendezbokha Piterišpäi avtodorogadme Р21 («Kola»-avtodorogadme).

Il'mišt
  • Vodenkeskmäine il'man temperatur — 3,3 °C
  • Keskmäine tullein piguz' — 3,1 m/s
Олонца
Ku Vil. Uho. Keväz'ku Sul. Semendku Kezaku Heinku Elo. Süg. Red. Kül'. Tal'. Voz'
Absol'utine maksimum, °C 6 5 10 23 30 32 36 34 30 20 11 7 36
Keskmäine maksimum, °C −6 −5,4 −0,5 7,1 13,8 18,7 21,0 18,5 12,6 6,3 −1,1 −4,8 6,8
Keskmäine temperatur, °C −9,2 −8,7 −4,2 3,0 9,6 14,5 16,8 14,5 9,6 4,0 −3,3 −7,8 3,3
Keskmäine minimum, °C −12,5 −12,2 −8,2 −1,3 4,8 9,5 12,1 10,3 6,3 1,6 −5,9 −10,9 −0,5
Absol'utine minimum, °C −54 −44 −36 −29 −10 −4 0 −3 −9 −20 −28 −42 −54
Sadegiden lugumär, mm 38,7 30,1 31,1 35,9 42 50,6 64,3 80,6 76,1 69,1 63,4 44 625
Lähte: Метеостатистика Карелии, World Climate,[7]

Istorii

Olonec — üks' amuižiš Karjalan eländtahoišpäi. Amuižen mehen seižutimed, miččed arheologad löuziba Olonka-jogen alangas (Ladogan järven bassein) 3-2 voz'tuhoil edel meiden erad.

Pohj

Novgorodan ripmatomuden aigan Olonec oli Novgorodan kn'azin valdas.

Oloncan lidnoitusen kuvahaine. Karjalan Rahvahaline muzei

Ezmäižen kerdan kirjutuzlähtkiš Olonec johtutadas Novgorodan kn'azin Sv'atoslav Ol'govičan käskrijan kirjuteses. Iče käskkirj om tehtud vodel 1137. no nügüdläižed istorikad pagižeba XIII voz'sadan kirjutese[8], ezmäine johtutez oli tehtud vodel 1228, konz Olonec johtutadas erazvuiččiden aigkirjoiden kirjutesiš[9].

Venä-švecijan voinaoiden aigan XVI—XVII voz'sadoil lidn äi kerdoid gollištui.

Stolbovskan mirkožmusen voden 1617 mödhe röun Švecijanke mäni 40 km Oloncan pagastalpäi. Vodel 1648 Oloncan Raštvoiden pagast oli anttud kaznaha. Sijas, kus ühtenzoitasoiš Olonka- da Megrega-joged, oli pagastan päeländsija, miččen nimi oli Tolmačov-navolok. Sügüz'kus vodel 1649 Kn'azin Aleksei Mihailovičan käskön mödhe kn'azin F'odor Volkonskijan da djakan Stepan Jelaginan ohjandusel oli sauvdud «porubežnii Olonec-lidnoituz». Olonec-lidnoituz tegihe lidnan keskuseks, Änižjärventagan da Lopskijoiden pagastoiden administrativižeks keskuseks, forpostaks, miše vastustada švedoile. Lidnoitusen sein (seiniš oli 1300 boinicad) mäni pudust' jogen randad 1,5 km, sil oli 19 čuhundust. kaikid korktemb — Rusked čuhunduz korktudel 32 metrad. Lidnoituses oli sauvdud Troican pühäpert', leibaitad, vojevodoiden tanhad da 155 tanhad, kus švedoiden tacindoiden aigan peitihe lidnan eläjad. Garnizonas oli 31 puškad da 824 mušketad. čuhusiden lugun, seinuden pidusen da voinazegiden lugun mödhe lidnoituz oli paremba Arhangel'skad da kaikid Sibirin lidnoid, suremb oliba vaiše Holmogorad.

Miše lidn oliži täuz' rahvast, tänna Aänižjärventagapäi tuliba elämaha tänna bohatad maorjad, kudambad möiba, tegiba raudad, ajoiba laivoil eskai Stokgol'maha.

Vozil 1670 Oloncan vojevodan oli Jakov Strešnev. Sil aigal Olonec tegihe Karjalan ühthižeks mönd-, voin- da administrativižeks keskuseks.

Petran I aig

XVII voz'sadan lopus Oloncas oli 726 tanhad.

Elokus vodel 1700 P'otr I zavodi voinad Švecijanke, tuli Sur' Pohjoižvoin.

XVII—XVIII voz'sadoil Olonec oli sur' kupcoiden möndkeskuz.

Vodeks 1702 pohjoižpolhe Oloncaspäi jo oliba raudtegendan zavodad, se om sanutud Petran I käskös poigale A. Butenantale 5. vilukud 1702:

«Tehta A. Butenantan zavodal 100 raud- da čugunpuškad südäimel 12 funtad, 1000 südäint kaikuččehe puškaha, da oigeta Oloncaspäi Novgorodaha ei möhemba keväz'kud vodel 1702»[10].

Pohjoižvoinan ezmäižil vozil 1702—1703 venälaižed voiskad otiba Ingrijad.

Vodeks 1703 läheli Oloncad, Pöudos Süvär'-jogel oli tehtud Oloncan verf'. Baltial laivišton fregatad sauvdihe Oloncan verfil, puškad niiden täht tehtihe Oloncan zavodoil. Siš johtutab oloncan valdkundanznam, kus om ozutadud kaks' knippel'ad ristati. Knippel' om meripuškan bojepripas kahtes südäimespäi, miččed om ühtenzoittud čapil.

Vodel 1707 Aleksandr Menšikoban käskön mödhe oli pandud počtstancii Piterišpäi Oloncahasai da möhemba — Petran oružjan zavodahasai.

Vodel 1708 oli tehtud Ingermanlandine gubernii, kuna mülüi Olonec-lidn.

Vodel 1712 Olonec oli anttud Admiralteistvaha.

Oloncan — lidnoitusen znamoičend kaičihe vodhesai 1721, konz Švecijan röun oli sirttud edahemba pohjoižehe.

Vodel 1724 P'otr I tuli spravitamha tervhut Oloncaha jäl'gmäižen kerdan.

XVIII voz'sada

Vodel 1727 imperatriican Jekaterinan I aigan Ülembaine peitnevondišt pästi käskön Senatale udes administrativižes reformas, konz Piterin gubernijaspäi läksi Novgorodan gubernii[11]. möhemba jo noren imperatoran P'otr II aigan Ülembaine peitnevondišt pästi käskön, miše Novgorodan gubernijaha oli ližatud Olonec-lidn.[12]. Se möst tegihe Oloncan ujezdan administrativiž-sudan keskuseks.

Vodel 1741 Oloncan lidnoituz oli polttud pažagas[13].

Vodel 1773 Jekaterinan II käskön mödhe oli tehtud Oloncan provincii. Olonec tegihe Oloncan provincijan oblastin lidnaks.

Vodel 1784 se tegihe Oloncan namestničestvan ujezdan lidnaks (ezmäižele sijale tuli Petroskoi).

Konz XVIII voz'sadal oli tehtud Oloncan gubernii, Petroskoi tegihe administrativižeks keskuseks, a Olonec vajehtihe hilläks provincialižeks lidnaižeks.

XIX voz'sada

Vodelpäi 1801 Olonec — ujezdan lidn Oloncan gubernijas.

Konz oli heittud krepostnii oiktuz vodel 1861, tuli zemskii reform vodel 1864, mitte abuti tehta zemstvad.

Vodel 1880 oli pühävalatadud časoun', miččen lendi К. А. Čertov Pühän kn'azin Aleksandr Nevskijan muštoks[14].

Vodel 1887 Oloncan ujezdas oli 7 volostid da Olonec-lidn. Oloncas eli 1427 ristitud[15].

Vodeks 1896 eläjid tegihe 1496: dvor'anad — 118, hengeline soslovii — 23, arvostadud eläjad da kupcad — 49, meščanad — 1037, voinsoslovijad — 143, finl'andcad — 88, toižed — 38. Ortodoksižed — 1445, raskol'nikad — 1, katolikad — 16, l'uteranad — 29, magometanad — 5. Ortodoksine pühäkodid — 1 kivesine da 4 puspäi tehtud, 2 časoun'ad. Zemskii bol'nic 12 magaduzsijale. Lidnan učilišče 70 openikanke da akoiden prihod 27 openikanke. Kivipertid — 1, pupertid — 171; möndsijad — 28. Kupcoiden todištused om anttud — 12, penele möndale — 16, saskelmižele — 4, prikazčikad — 12. Jarmarkad — 2. Lidnma 7954 des'atinad. Kaks' bogadel'n'ad, üks' miččišpäi — prijut lapsiden täht (19 mehele); jogavozne rahapidänd — 423 rub. Lidnan rahatulo 7674 rub., rahapidänd 7244 rub.; varakapital 2400 rub.

XX voz'sada

Vodel 1909 sildal päliči Megrega- da Olonka- jogiš oli avaitud muštpacaz cesarevičan Aleksei Nikolajevičan muštoks, ülähän om kaks'päine sur' habuk (ei ole kaitud)[16].

Vodel 1912 Oloncas eli 2058 ristitud.

Revol'ucii, rahvhaline voin

Jäl'ghe monarhijan murendust Venämal vodel 1917 zavodihe Venäman imperijan ajamine. Voden 1917 lopus oli sanutud Suren Finl'andskijan kn'ažestvon ripmatomudes. Rahvahaližen voinan voziden 1918—1920 aigan da Ezmäižen sovetsko-suomalaižen voinan jäl'ges Karjalan pohjoižvolostid pakičiba ripmatomut Sovetskijal Venämalpäi.

Vodel 1919 Oloncan ujezdan revol'ucojan komitetan pämeheks, Oloncan voinkomissaraks tegese bol'ševik Filipp Jegorov. Vozil 1920—1921 hän om Oloncan ujezdan komitetan pämez'.

Vodel 1920 bol'ševikad tegiba Karjalas sovetskijad valdad. Ühtes suomalaižen socialistanke Edvard Güllinganke da Vladimir Lenina abul 8. kezakud vodel 1920 VCIKan dikretal oloncan da Arhangel'skan gubernijoiden karjalaižiden abul oli tehud Karjalan radkomunn[17].

SSSR

Vodel 1923 Karjalan radkomunnoli vajehtadud Avtonomižeks Karjalan Sovetskijaks Socialistižeks Valdkundaks.

Vodel 1927 Olonec oli vajehtadud sel'skijaks eländtahoks.


Sovetsko-suomalaižen voinan aigan 5. sügüz'kud vodel 1941 Suomen man Karjalan armijan častid otiba Oloncad.

25. kezakud vodel 1944 Karjalan frontan častid Svirsko-Petroskoin tulendoperacijan aigan tuliba jättud suomalaižil voiskil lidnaha[18].

7. heinkud vodel 1944 Olonec möst sai lidnan statusan.

Eläjad

Eläjiden lugumär
1856[19]1897[20]1913[21]1939[22]1959[23]1970[24]
1200→1200↗2000↗2668↗5009↗7756
1979[25]1989[26]1992[27]1996[28]1998[29]2002[30]
↗10 404↗11 888↗12 100↘11 800↘11 600↘10 240
2003[31]2005[32]2006[33]2007[34]2009[35]2010[36]
↘10 200↘9800↘9600↘9500↘9217↘9056
2011[37]2012[38]2013[39]2014[40]2015[41]2016[42]
↗9100↘8818↘8645↘8402↘8249↘8162
2017[43]2018[44]2019[45]2020[46]2021[47]
↘8130↘8091↘8070↘8026↘7663
2500
5000
7500
10 000
12 500
15 000
1939
1992
2005
2011
2016
2021

Venäman rahvahan kirjutamižen tedoiden mödhe vodel 2020, 1. redukuks vodel 2021 eläjiden lugun mödhe lidn oli sijal 1118 [48] Venäman lidnoiden keskes[49].

Rahvahad

Olonec om üksjaine lidn Karjalas, kus karjalaižid om enambišt, paiči necidä Oloncan rajonas eläba karjalaižed-livvikad, tägä eläb enamba kaikid karjalaižid Karjalas.

Paiči karjalaižid Oloncas eläba suomalaižed, venänikad, mugažo belorusad, ukrainalaižed, pol'akad da litovcad. i ku venänikad eliba necil mal amussai, ka toižed rahvahad tuliba Karjalaha Oloncan rajonaha ei amu. Belorusad da ukrainalaižed päazjas tuliba tänna jäl'ghe voinad Belorussijan da Ukrainan muretud külišpäi, pol'akoid da litovcoid oigetihe tänna ssilkaha. Suomalaižed tuliba Karjalaha 50-vozil XX voz'sadal, sikš ku sil aigal suomen kel' oli Karjalas toine oficialine kel'.

Rahvahad Venäman rahvahan 2020 voden kirjutamižen mödhe[50]:

Rahvahuz' Lugumär, rist. Pala
Venälaižed 4435 57,88 %
Karjalaižed 2706 35,31 %
Belorusad 81 1,06 %
Čečencad 55 0,72 %
Ukrainalaižed 47 0,61 %
Suomalaižed 46 0,60 %
Azerbaidžancad 22 0,29 %
Tadžikad 8 0,10 %
Toižed[51] 263 3,43 %
Ühtes 7663 100,00 %

Ekonomik

Tegeližuz'

  • Oloncan maidkombinat,
  • Oloncan leibzavod.

Ei edahan lidnaspäi oma fermeroiden tanhad.

Mönd

Lidnas oma mugoižed sured möndverkod, kut «P'at'oročka», «Magnit», «DNS», «Fix Price», «Krasnoje&Beloje». Oma internet-laukoiden «Ozon» da «Wildberries»-punktad, «Karelfarm», «Serdce Rossii», «Nevis» da «Socialine»-aptekad.

Sured möndkeskused — TRC-1", «Leto», «Mai», «Gubernskii».

Rahad

Lidnas oma «Sberbank», «Rossel'hozbank», «Počta Bank».

Telekommunikacijad

Telefonan sidomuz'

LTE standartan mödhe tägä radaba «MTS», «Megafon», «Tele2», «Bilain», «Rostelekom», «Yota»-kompanijad.

internet

Sur'pigališt internetad andaba «Svir'Telekom» da «Rostelekom»-kompanijad.

TV

Lidnas om lugutelevidenii, sputnikTV da kabel'TV.

Ajamed

Olonec-stancii

Avtodorog

Läheli lidnad mäned federaline «Kola»-avtodorog Р21, se ühtenzoitab Oloncad Pöud-lidnanke longibokas da Petroskoi-lidnanke homendezbokas.

Lidnan keskuses Svoboda-irdal om avtostancii, mitte ühtenzoitab Oloncad külidenke, Petroskoi-, Piter-, Sortavala- da Pitkäranta-lidnoidenke. Päajamed — «Karelavtotrans», «SKSavto», APT ATK Olonec". Pert' om avariinijas olendas, no oma planad, miše sauvda uden pertin[52].

Raudte

Lidnan pohjoižes om Okt'abr'skan raudten Janisjärv-Pöud raudte «Olonec»-stancijanke. Sen raudten vokzal om Proletarskaja irdan augotišes. Rahvast vedetas vodelpäi 2014 года[53], no kezakuspäi vodelpäi 2021 ajaba reisavtobusad Pöud — Sortavala-stancijan matkan mödhe[54].

Openduz

Oloncan rajonan noriden naturalistoiden stancii oli avaitud 17. tal'vkud vodel 1971[55].

Muzik-, sport- da taidehškolad.

Ližaopendusen keskused. Lapsiden da norišton sädaipert' om avaitud vodel 1951, möhemba — lapsiden sädaipert'[56].

Kaks' keskmäšt školad, kuz' päivkodid.

Kul'tur da taideh

  • Oloncan rahvahaline karjalaižiden-livvikoiden muzei N. G. Prilukinan nimel oli avaitud vodel 1959[57].
  • Oloncan karjalan rahvahan hor «Karjalan koivu» oli tehtud vodel 1935[58].
  • «Okt'abr'»-kinoteatr oli avaitud vodel 2018[59].
  • Oloncan rahvahaline kirjišt oli avaitud vodel 1861[60].

Melentartuisijad

Pühän Bogorodican Uspebjan pühäpert'
Jumalan Mamoin Smolenskan ikonan pühäpert'

Lidn kaiči XVIII voz'sadan planirovkad.

  • Sovetskijoiden soldatoiden vel'l'kaumad Olonec-lidnan kaumištol, ked koliba Suren Kodiman voinan aigan[61][62]. В братских могилах захоронено 449 советских воинов[63].
  • Sovetskijoiden soldatoiden da lidnan eläjiden vel'l'kaumad, keda ambuiba vaugedsuomalaižed interventad oloncan okkupacijan aigan vodel 1919[64].
  • Muštpacaz sovetskijoiden voinlendajiden — Svirsko-Petroskoin voden 1944 operacijan ühtnikoiden muštoks[65]. Памятник (крыло боевого самолёта) установлен в 1974 году улице Карла Маркса[63].
  • Muštpacaz Oloncan podpoljen gerojoiden muštoks[66].
  • Muštpacaz sovetskijoiden soldatoiden-pästnikoiden muštoks[67] om pandud Svirskijoiden divizijoiden irdal vodel 1969 (76-millimetrine divizionnii voden 1942 pušk)[63].
  • Kuttujevan kupcan pert'[68]
  • Jumalan Mamoin Smolenskan ikonan pühäkodi (1828).
  • Uspenjan pühäkodi Kunilican küläs.
  • Purist dorogal (XIX voz'sadan augotiž) Tatčelica-küläs.
  • Frolan da Lavran pühäkodi (1613) Megrega-küläs 10 kilometras Oloncaspäi.
  • Pühäkodi Jeroila-küläs.
  • Amuižed pučasoun'ad Novinka-, Pertisel'ga-, Utozero-, Gavrilovka-küliš.
  • Ingrijan pühäkodin Pühän Ristan pühäkodi.
  • Ripputadud pusild Ripuškalicad-küläs.

Lidnalaižed praznikad da azjtegod

  • Kaikuččen voden vodelpäi 1999 Oloncan lidnan enččen pämehen Vasilii Popovan tahton mödhe tal'ven ezmäižel päiväl zavottihe vedäda «Oloncan Pakaiž-Ukon vändod»[69].

Venäman bankan muštmonet

«Olonec»-monet. 10 rubl'ad (2017)

20. sulakud vodel 2017 Venäman bank pästi muštmonetan nominalal 10 rubl'ad «Venäman amuižed lidnad»-serijal: Olonec-lidn, Karjalan Valdkund (voz' 1137)[70].

Lidn literaturas da taidehes

Runoilii Aleksandr Prokofjev omišti lidnale tutab kaikile «Olonec»-runod.[71]

Lidnan istorijale om omištadud runoilijan Pavel Velikžaninan «Olonec»-runo.[72]

Homaičendad

  1. ↑ https://rosstat.gov.ru/storage/mediabank/tab-5_VPN-2020.xlsx
  2. ↑ 1 2 Вопрос № 208160 на грамота.ру
  3. ↑ 1 2 И. И. Митин. Олонец, столица символов. Архивировано 25 vilukud 2012 года., со ссылкой на Географический энциклопедический словарь, 1983.
  4. ↑ Республика Карелия. Список названий насёленных пунктов на русском, карельском и вепсском языках (в местах компактного проживания карелов и вепсов). — Петрозаводск: КарНЦ РАН, 2006. — С. 13 — 24 с. illhportal.krc.karelia.ru. Дата обращения: 18 tal'vkud 2020.
  5. ↑ 1 2 3 Статья «Олонец». Этимологический словарь русского языка = Russisches etymologisches Wörterbuch : в 4 т. / авт.-сост. М. Фасмер ; пер. с нем. и доп. чл.‑кор. АН СССР О. Н. Трубачёва, под ред. и с предисл. проф. Б. А. Ларина [т. I]. — Изд. 2-е, стер. — М. : Прогресс, 1986—1987.
  6. ↑ 1 2 3 4 А. В. Суперанская. Ударение в собственных именах в современном русском языке. Хайка, 1966. С. 51.
  7. ↑ Научно-прикладной справочник по климату СССР. — Ленинград: Гидрометеоиздат, 1988. — Т. серия 3. Многолетние данные. — 692 с. — 520 экз.
  8. ↑ С. И. Кочуркина, Н. В. Куспак, Н.Н Мамонтова, В. Г. Платонов. Древний Олонец. Ин-т языка, лит-ры и истории Карельского науч. центра РАН. Петрозаводск, 1994. С. 16
  9. ↑ С. И. Кочуркина, Н. В. Куспак, Н.Н Мамонтова, В.Г Платонов. Древний Олонец. Ин-т языка, лит-ры и истории Карельского науч. центра РАН. Петрозаводск, 1994. С. 16
  10. ↑ Александр Шарымов. Книга первая. Предыстория Санкт-Петербурга. Раздел 1. Из допетровской истории Озёрного края
  11. ↑ ПСЗ, т VII, № 5065
  12. ↑ ПСЗ, т VII, № 5183
  13. ↑ Карелия: энциклопедия: в 3 т. / гл. ред. А. Ф. Титов. Т. 2: К — П. — Петрозаводск: «ПетроПресс», 2009. — 464 с. : ил., карт. ISBN 978-5-8430-0125-4 (т. 2)
  14. ↑ Олонец православный
  15. ↑ Опыт деятельности Олонецкого уездного земства
  16. ↑ Алексеевские мосты и памятник цесаревичу Алексею в Олонце
  17. ↑ Об образовании Корельской Трудовой Коммуны : Декрет ВЦИК от 8 июня 1920 г. // Собрание узаконений и распоряжений рабочего и крестьянского правительства. Отдел первый. М., 1920 г. № 53, ст. 232
  18. ↑ Знамя над атакующими
  19. ↑ Народная энциклопедия «Мой город». Олонец.
  20. ↑ Народная энциклопедия «Мой город». Олонец.
  21. ↑ Народная энциклопедия «Мой город». Олонец.
  22. ↑ Всесоюзная перепись населения 1939 года. Численность сельского населения СССР по районам, крупным селам и сельским населённым пунктам - районным центрам.
  23. ↑ Всесоюзная перепись населения 1959 года. Численность городского населения РСФСР, её территориальных единиц, городских поселений и городских районов по полу.
  24. ↑ Всесоюзная перепись населения 1970 года Численность городского населения РСФСР, ее территориальных единиц, городских поселений и городских районов по полу.
  25. ↑ Всесоюзная перепись населения 1979 года Численность городского населения РСФСР, ее территориальных единиц, городских поселений и городских районов по полу.
  26. ↑ Всесоюзная перепись населения 1989 г. Численность городского населения РСФСР, ее территориальных единиц, городских поселений и городских районов по полу.
  27. ↑ Народная энциклопедия «Мой город». Олонец.
  28. ↑ Народная энциклопедия «Мой город». Олонец.
  29. ↑ Народная энциклопедия «Мой город». Олонец.
  30. ↑ Всероссийская перепись населения 2002 года. Том. 1, таблица 4. Численность населения России, федеральных округов, субъектов Российской Федерации, районов, городских поселений, сельских населённых пунктов - райцентров и сельских населённых пунктов с населением 3 тысячи и более.
  31. ↑ Народная энциклопедия «Мой город». Олонец.
  32. ↑ Народная энциклопедия «Мой город». Олонец.
  33. ↑ Народная энциклопедия «Мой город». Олонец.
  34. ↑ Народная энциклопедия «Мой город». Олонец.
  35. ↑ Численность постоянного населения Российской Федерации по городам, поселкам городского типа и районам на 1 января 2009 года.
  36. ↑ Перепись населения 2010. Численность населения России, федеральных округов, субъектов Российской Федерации, городских округов, муниципальных районов, городских и сельских поселений.
  37. ↑ Народная энциклопедия «Мой город». Олонец.
  38. ↑ Численность населения Российской Федерации по муниципальным образованиям. Таблица 35. Оценка численности постоянного населения на 1 января 2012 года.
  39. ↑ Численность населения Российской Федерации по муниципальным образованиям на 1 января 2013 года.
  40. ↑ Таблица 33. Численность населения Российской Федерации по муниципальным образованиям на 1 января 2014 года.
  41. ↑ Численность населения Российской Федерации по муниципальным образованиям на 1 января 2015 года.
  42. ↑ Численность населения Российской Федерации по муниципальным образованиям на 1 января 2016 года.
  43. ↑ Численность населения Российской Федерации по муниципальным образованиям на 1 января 2017 года.
  44. ↑ Численность населения Российской Федерации по муниципальным образованиям на 1 января 2018 года.
  45. ↑ Численность населения Российской Федерации по муниципальным образованиям на 1 января 2019 года.
  46. ↑ Численность населения Российской Федерации по муниципальным образованиям на 1 января 2020 года.
  47. ↑ Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более.
  48. ↑ с учётом городов Крыма
  49. ↑ Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более (XLSX).
  50. ↑ Итоги Всероссийской переписи населения 2020 года. Том 5. Национальный состав и владение языками. Таблица 1. Национальный состав населения
  51. ↑ Арабы (3), Армяне (2), Болгары (2), Венгры (4), Вепсы (3), Вьетнамцы (2), Гагаузы (1), Каракалпаки (2), Киргизы (7), Корейцы (1), Латыши (1), Литовцы (4), Марийцы (1), Молдаване (7), Мордва (4), Поляки (3), Поморы (1), Татары (6), Турки (2), Удмурты (3), Узбеки (1), Финны-ингерманландцы (2), Цыгане (1), Чуваши (5), Эстонцы (1), Указавшие другие ответы о национальной принадлежности (38), Нет национальной принадлежности (7), Лица, в переписных листах которых национальная принадлежность не указана (152)
  52. ↑ Названы основные проблемы Олонецкого района в Карелии. karelinform.ru. Дата обращения: 22 elokud 2022.
  53. ↑ Петрозаводск Транспортный: с 24.08.2014 полностью отменён пригородный поезд N 6083/6084 «Питкяранта — Лодейное Поле — Питкяранта».
  54. ↑ «Орланы» полетят по Северному Приладожью. ОАО «РЖД» (4 kezakud 2021).
  55. ↑ Календарь знаменательных дат Карелии — декабрь 2021 года
  56. ↑ Календарь знаменательных дат Карелии — декабрь 2021 года
  57. ↑ Юбилей музея. Дата обращения: 31 vilukud 2014. Архивировано из оригинала 4 keväz'kud 2016 года.
  58. ↑ 65 песенных лет («Карелия», 2000). Дата обращения: 3 redukud 2015. Архивировано из оригинала 14 keväz'kud 2017 года.
  59. ↑ Новый кинозал открылся в Олонце. https://tv-karelia.ru/ (25 tal'vkud 2018).
  60. ↑ История Олонецкой национальной библиотеки. biblioteka-olon.karelia.ru.
  61. ↑ Братская могила советских воинов на ул. Комсомольской
  62. ↑ Братская могила советских воинов на гражданском кладбище
  63. ↑ 1 2 3 Великая Отечественная война в Карелии: памятники и памятные места. — Петрозаводск, 2015. — 334 с.: ил.
  64. ↑ Братская могила советских воинов и мирных граждан (1919 год)
  65. ↑ Памятник военным лётчикам — участникам Свирско-Петрозаводской операции
  66. ↑ Памятник героям олонецкого подполья
  67. ↑ Памятник советским воинам-освободителям
  68. ↑ Новая жизнь дома купца Куттуева » Объекты историко-культурного наследия Карелии. monuments.karelia.ru. Дата обращения: 17 heinkud 2022.
  69. ↑ Олонецкие Игры Дедов Морозов. Дата обращения: 18 elokud 2012. Архивировано из оригинала 4 redukud 2015 года.
  70. ↑ Вестник Банка России, N 40, 26.04.2017
  71. ↑ «Олонец, карельский город, ты единственный на свете» «Anus, Aino mualimas livgilazin linnu».
  72. ↑ Участник конкурса в номинации "Поэзия" Великжанин Павел.

Literatur

  • Олонец. (Памятка читателю). [Сост. И. И. Горячева]. — Петрозаводск, Карел. кн. изд., 1964. — 22 с.
  • Васильев А. И. Олонец. / 2-е изд., испр. и доп. — Петрозаводск: «Карелия», 1984. — 151 с.: ил. — (Города и районы Карелии).
  • Воронов А. П. Олонец // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  • Егоров Ф. И. Олонец. Ист.-краевед. очерк о городе и районе. — Петрозаводск, Госиздат КАССР, 1959. — 103 с. с илл.
  • Кондратьев И. В. К истории города Олонца и его окрестностей (сообщил Е. М. Прилежаев) // Олонецкий сборник: Материалы для истории, географии, статистики и этнографии Олонецкого края. Вып. 3. — Петрозаводск, 1894. С. 227—237.
  • С. И. Кочкуркина, Н. В. Куспак, Н. Н. Мамонтова, В. Г. Платонов. Древний Олонец. Ин-т языка, лит-ры и истории Карельского науч. центра РАН. — Петрозаводск, 1994.
  • Олонец: Историко-краеведческие очерки в двух частях / А. М. Пашков (отв. ред.) — Петрозаводск: ПГУ, 1999. (Ч. 1. — 185 с. Ч. 2. — 209 с.)
  • Прилежаев Е. М. Краткая историческая записка об Олонце (уездный город Олонецкой губернии). — Петрозаводск: Губерн. тип., 1887. — 16 с.

Tarkendused

Om sadud "https://vep.ruwiki.ru/w/index.php?title=Olonec&oldid=518404"