Vodlojärven Il'l'an pagastan aid
| Melentartuisija | |
| Vodlojärven Il'l'an pagastan aid | |
|---|---|
 | |
| 62°22′48″ с. ш. 36°54′28″ в. д.GЯO | |
| Valdkund | |
| Sija | Kuganavolokan küläkund[d] |
| Sündundpäiv | 1798 |
| Status |
 Venäman rahvahiden kul'turjäl'gestusen objekt federaližel znamoičendal. Рег. № 101610443400016 (ЕГРОКН). Objekt № 1010050001 (БД Викигида) |
 |
|
 Mediafailad RUWIKI-tedoiš | |
Vodlojärven Il'l'an pagastan aid (ven.: Огра́да Ильи́нского Водлозе́рского пого́ста) om čaptud puine aid XVIII voz'sadan lopun, forman da konstrukcijan mödhe mülüb amuižiden lidnoituzsauvotusiden keskhe. Mülüb Il'l'an Vodlojärven pagastan arhitektuzkogomusehe, mitte sijadase Pen' Kolgostrov-sarel Vodlojärven rahvahaližen puišton tahol Karjalan Pudožan rajonas. Kaičihe surita kadotusita da uzita sauvotusita. Tegihe Kižin pagastan nügüdläižen aidan sauvondan ozuteseks. Om Venäman kul'turjäl'gestusen objekt federaližen znamoičendad[1][2].
Tedod
Aidan kontur om pojav vedädud väräičoganikale, mitte toštab randan da reljefan kuvad. Südäimes ehtbokan poles om jumalanpert', а päivnouzman poles om kaumišt. Aid om tehtud koumečogaižiden parz'sauvotusiden pohjal, miččed oma haškuil 8 m, da miččil om kontrforsoiden znamoičend. Parz'sauvotused om oigetud ladvoil südäimehe muga, miše aidan kontur tegese koumečogainikan irdpol'seinil. Aidan čogad om čaptud "käpšhu". Ülähänpäi om pandud parzpogonad, miččed aidan ülahäižiden parzidenke da čuhuslegoidenke oma kaks'poližen katusen karkas. Aidan katuz om kattud t'osal (hoikil laudoil). T'oskatusiden ühtenzoitused om kattud ülähanpäi knäz'pardel[3][4].
Suviseinäs jumalanpertin perdedesen kohtas om aidan päverai, mitte om tehtud kahten vižseinäžen sauvotusen abul, miččid kävuttihe möndlaukoiden sijas, niiden keskes om tehtud sur'kulud verajad trapeciivuiččenke agjanke da aidverai. Sauvotusiden irdpoližiš seiniš oma levedad reigud ikunlaudoidenke, miččed avaidasoiš alahaks da kävutoitasoiš möndlaudan sijoiš. Laukoiden sauvotused oma korktembad aidan päpalad. Sauvotusen tulendjouk om ühtenzoitud ühthižel kaks'poližel katusel. Tulendan čuhun päl katusel om rist. Tulendsauvotusen gorizontaline suruz' om 13,68 × 2,12 m[3][4].
Völ ei sur' aidverai om päivlaskman aidan seinäs[5].
Istorii
Il'l'an pagastan istorijad todištadas XVI voz'sadan kirjutuzlähtked. Aidan, mitte kaičihe nügüd'aigahasai, aigan mödhe rindatadas Il'l'a Prorokan jumalanpertin sauvondanke vodel 1798, miččen sauvoiba Vodlojärven pusepid jumalaihižiden ristituiden rahoile enččen šatrpühäkodin sijal, mitte oli heittud kulutusen täht. Ozakaz pagastan sijaduz Venäman Pohjoižen tärktoil möndteil, sen lugus tel Soloveckijaha monastirihe, abuti kazda necen regionan elomišton hüvinvoindale voz'sadan XVIII lopus. Susedsarel oliba levedad varažoman honused erazvuiččiden tavaroiden täht, miččid mösketihe praznikan da jarmarkan päivil vodlojärvelaižed manradajad da kupcad, sikš sauvotud aidas oliba tehtud möndsijad[6].
Pagastan ekonomikan hüvinvoin jatksihe sovetskijan valdan tulendahasai. Vozol 1930 jumalanpert' oli saubatud, a sen papid oliba repressiruidud[6].
Vozil 1950—1953 tehtihe avariikohendusen. Endištamižen märoiden da projektan tegii om A. V. Opolovnikov, radod tegi Karjal-suomalaižen sovetskijan socialističeskijan valdkundan Arhitekturan azjoidme ohjanduzkundan tedo-endištamine töpaja[4].
Vodel 1960 aid pagastan arhitekturkogomusen joukus ühtes jumalanpertinke da časoun'anke om mülütadud arhitekturan muštpachiden lugetišhe, miččid pidab kaita valdkundoližen korktudel[2].
Vodel 1983 VOOPIK-sebran Karjalan erišton radjoukun vägel om kohetud aidan katuz[4].
Vodel 1991 om tehtud Vodlojärven rahvahaline puišt, miččen territirijaha oli mülütadud Pen' Kolgostrov-sar' Il'l'an pagastanke. Vodel 2006 Karjalan mitropolijan Petroskoin eparhii sädi sid' mužikoiden monastirin — Pühän Il'l'an Vodlojärven monastir'man[6].
Vozil 2006—2007 aidan avariioloiden täht om tehtud endištamine V. N. Kuspakan projektan mödhe (Kiži-muzei-kaičuztahon päarhitektoran). Radod tegi ven.: ООО «Архитектурно-реставрационный центр „Заонежье“»[7][8].
Vodel 2016 aid om mülütadud Kul'turjäl'gestusen valdkundaližen objektoiden ühthižehe lugetišhe kut kul'turjäl'gestusen objekt federaližen znamoičendad[1].
Homaičendad
- ↑ 1 2 Приказ Министерства культуры Российской Федерации № 967 от 04.05.2016 / Министерство культуры Российской Федерации. — Москва, 2016.
- ↑ 1 2 Постановление Совета Министров РСФСР № 1327 от 30.08.1960 / Совет Министров РСФСР. — Москва, 1960.
- ↑ 1 2 Орфинский, 1972, с. 108.
- ↑ 1 2 3 4 Паспорт 1010050001, 1988.
- ↑ Паспорт 1010050000, 1988.
- ↑ 1 2 3 НП Водлозерский, 2019.
- ↑ Ильинский погост – центр возрождения Водлозерского края [Электронный ресурс] // ГКУ Республики Карелия «Республиканский центр по государственной охране объектов культурного наследия». — 2006.
- ↑ Итоги работы за 2007 год [Электронный ресурс] // ГКУ Республики Карелия «Республиканский центр по государственной охране объектов культурного наследия». — 2007.
Literatur
- Орфинский В. П. Деревянное зодчество Карелии. — Ленинград : Стройиздат, 1972. — 120 с.
- Паспорт памятника истории и культуры СССР. Погост Ильинский. Ворота ограды и торговые лавки / составитель Е. В. Вахрамеев. — Петрозаводск, 1988. — 11 с.
- Паспорт памятника истории и культуры СССР. Погост Ильинский. Комплекс / составитель Е. В. Вахрамеев. — Петрозаводск, 1988. — 8 с.
- Ильинский погост [Электронный ресурс] // ФГБУ «Национальный парк „Водлозерский“». — 2019.