Sen'kin Ivan Iljič

Рувики-späi

Venäman tedoakademijan azjtarkištuz

Logo-ran.png
Om tehtud
Venäman tedoakademijan azjtarkištuz
Venäman tedoakademii
Kodvdud kirjutez
В Рувики есть статьи о других людях с фамилией Sen'kin.
Ivan Iljič Sen'kin
СенькинИванИльич.jpg
Флаг
KPSSan Karjalan agjan komitetan
ezmäine sekretar'
17. sügüz'kud vodel 1958 — 18. sulakud vodel 1984
Ken oli ende Lubennikov Leonid Ignatjevič
Ken tuli jäl'ghe Stepanov Vladimir Sevastjanovič
Флаг
Karjalan ASSRan Ülembaižen Nevondišton
Prezidiuman pämez'
18. sulakud vodel 1984 — 18. tal'vkud vodel 1985
Ken oli ende Man'kin Ivan Pavlovič
Ken tuli jäl'ghe Filatov Kuz'ma Filippovič
Sündundpäiv 16. elokud 1915(1915-08-16)
Kolendpäiv 20. uhokud 1986(1986-02-20) (70 лет)
Mahapanendan sija
Partii KPSS
Openduz Moskvan manradon akademii K. А. Timir'zevan nimel
Professii agronom, ekonomist
Pauklahjad
Leninan orden Leninan orden Орден Октябрьской Революции Kodiman voinan II stepenin orden
Орден Трудового Красного Знамени Орден Трудового Красного Знамени Орден Дружбы народов "Arvostusen znam"-orden
Medal' «Voin arvtegoiš» ссылка=Medal' "Arvtegoiš rados" Юбилейная медаль «За доблестный труд (За воинскую доблесть). В ознаменование 100-летия со дня рождения Владимира Ильича Ленина» SU Medal For the Defence of the Soviet Transarctic ribbon.svg
Medal' «Vägestuses Germanijan päl Sures Kodiman voinas vozil 1941—1945» SU Medal Twenty Years of Victory in the Great Patriotic War 1941-1945 ribbon.svg SU Medal Thirty Years of Victory in the Great Patriotic War 1941-1945 ribbon.svg SU Medal Forty Years of Victory in the Great Patriotic War 1941-1945 ribbon.svg
Медаль «Ветеран труда» SU Medal 50 Years of the Armed Forces of the USSR ribbon.svg SU Medal 60 Years of the Armed Forces of the USSR ribbon.svg
Орден «Сампо» (Карелия).png ПочётныйГражданинКарелии.png
Armii
Voinnimi vanhemb leitenant
Torad
Логотип РУВИКИ.Медиа Mediafailad RUWIKI-tedoiš
Внешние изображения
Muštpacaz I. I. Sen'kinan muštoks Petroskoiš
Muštkirj I. I. Sen'kinan polhe

Ivan Iljič Sen'kin (ven.: Ива́н Ильи́ч Се́нькин, 16. elokud 1915, Oloncan gubernii[d] — 20. uhokud 1986, Moskva) — sovetskii partijan radnik da valdmez', Sovetskijan Sojuzan Kommunistižen partijan Karjalan agjan komitetan ezmäine sekretar' (vozil 1958—1984), Ülembaižen Nevondišton Prezidiuman pämez' (1984—1985), Sovetskijan Sojuzan Ülembaižen Nevondišton 4., 6., 7., 8., 9., 10. da 11. kucundoiden deputad, SSRan Kommunistižen partijan XXI, XXII, XXIII, XXIV, XXV da XXVI suimiden delegat, Avtonomižen Karjalan SSRan 5.-11. kucundan deputat, Venäman Ülembaižen Nevondišton deputat[1].

Elostarin

Oli sündunu 16. elokud vodel 1915 Namajevo-küläs, mitte om läz Petroskoi-lidnad (nügüd' Änižröun, Karjala), maorjan kanzas, karjalaine. Lopi fabrik-zavodan seičemevoččen školan Kondopogan rajonas Suna-küläs. Openzihe Petroskoin mecradmahtehnikumas, läksi koumandel kursalpäi.

Muštpacaz Sverdlovan irdal pertil nomer 10 Petroskoiš

Vodelpäi 1933 vodehesai 1938 openzihe da lopi Moskvan manradonakademijan K. A. Timir'azevan nimel ekomomižen tedokundan.

Vozil 1939—1941 radoi Povencan da Rugozeron mašin-traktoran stancijan vanhemban agronoman, päogronoman Änižröunan maerištos.

Heinkus vodel 1940 ühtni Sovetskijan Sojuzan Kommunistižehe partijaha[2]. Keväz'kus vodel 1940 jäl'ghe Venä-suomalaišt voinad (1939—1940) Rugozero-küläs oli tehtud partijan aktivistoiden jouk, mitte oppi voinmahtoid ühtes komandiranke A. F. Levoškinanke (raispolkoman sekretarinke) da I. I. Sen'kinanke (Rugozeron mašin-traktoran stancijan päagronomanke).

Muštpacaz I. I. Sen'kinan muštoks Sulažmägen kaumištol

Suren Kodiman Voinan aigan redukuspäi vodelpäi 1941 sügüz'kuhusai vodhesai 1944 I. I. Sen'kin oli Karjalan frontan Rad-maorjan Rusttan Armijan[ru] ühtnik, Medvežjegorskan operjoukus da 32. armijan štabas. Ivan Iljič pörzihe frontalpäi «Vanhemb leitenant»-voinnimenke. Tal'vkuspäi vodelpäi 1944 sügüz'kuhusai vodhesai 1946 — Sverdlovskan agjan vojenkomatan üleižen častin pämez'[3].

Vodel 1946 oli vahvištadud Sverdlovkan agjan Kommunistižen partijan komitetan maerišton instruktoraks. Jäl'ges oli valitud Butkinskian raikoman Kommunistižen partijan ezmäižen sekretarin, a jäl'ges Sverdlovskan agjan VKP(b) komitetan maerišton ohjandajaks. Vozil 1951—1952 da 1954—1955 radoi Sverdlovskan agjan Kommunistižen partijan VKP(b) komitetan sekretarin.

Sulakun vodel 1955 oli oigetud Karjala-Suomalaižen SSRan Kommunistižen partijan Keskuzkomitetaha. Vozil 1955—1956 radoi Karjala-Suomalaižen SSRan Ministroiden Nevondišton varapämehen.

Nenil vozil Sovetskijan Sojuzan valdmehed pätiba küzundad Karjalaiž-Suomalaižen SSRan vajehtamižes avtonomižeks valdkundaks. Karjalaiž-Suomalaižen SSRan Kompartijan Keskuzkomitetan ezmäine sekretar' Leonid Ignatjevič Lubennikov tugezi necidä idejad da kirjuti "Pravda"-lehteses programmkirjutesen "Karjalaiž-Suomalaižen SSRan vajehtamižes avtonomižeks valdkundaks". Karjalaiž-Suomalaižen SSRan Ministroiden Nevondišton pämez' Pavel Stepanovič Prokkonen da hänen varapämez' I. I. Sen'kin oliba vajehtusen vastustajad da hödhüvin eciba abud Sovetskijan Sojuzan Ülembaižen Nevondišton Prezidiuman varapämehel Otto Kuusižel[4]. Закон «О преобразовании Карело-Финской ССР в Карельскую АССР с включением её в состав РСФСР» был принят на V-й сессии Верховного Совета СССР IV-го созыва 11-16 июля 1956 года[5].

Vilukuspäi heinkuhusai vodel 1956 — Karjalaiž-Suomalaižen SSRan Kompartijan Keskuzkomitetan toine sekretar'. Heinkuspäi vodelpäi 1956 17. sügüz'kuhusai vodhesai 1958 — Karjalan Avtonomižen SSRan KPSSan obkoman toine sekretar'.

17. sügüz'kuspäi vodelpäi 1958 18. sulakuhusai vodhesai 1984 — Karjalan Avtonomižen SSRan KPSSan obkoman ezmäine sekretar'.

14. uhokud vodel 1984 pidi paginad Karjalan partorganizacijan polespäi KPSSan Keskuzkomitetan Päsekretarin Jurii Andropovan mahapandendan aigan, kus Andropov hätken radoi, prostinsanoid mitingal V. I. Leninan Mavzolejaspäi[6].

18. sulakud vodel 1984[7] oli valitud Karjalan ASSRan Ülembaižen Nevondišton Prezidiuman pämeheks.

Sovetskijan Sojuzan Kommunistižen Partijan Keskuztarkištusen laudkundan ühtnik (vozil 1961—1966), Kommunistižen partijan Keskuzkomitetan kandidat (vozil 1966—1971) da sen ühtnik (vozil 1971—1986), Kommunistižen partijan suiman delegat, Sovetskijan Sojuzan Ülembaižen Nevondišton deputat, Karjalan ASSRan Ülembaižen Nevondišton deputat, RSFSRan Ülembaižen Nevondišton deputat.

Tal'vkuspäi vodelpäi 1985 — sojuzznamoičendan personaline pensioner.

Koli 20. uhokud vodel 1986 Keskuzläžundkodiš Moksvas. Oli pandud maha Petroskoiš Sulažmägen kaumištol.

Kanz

  • Ezmäine ak — Anastasia Arhipova, koli vodel 1943. Poig ezmäižes akaspäi — Vladimir Ivanovič Sen'kin (om sündnu vodel 1942), lekar', radoi Petroskoin valdkundaližen universitetan[ru] tervhuz'tedokundal.
  • Toine ak — Vera Mihailovna Tverskova, koli vodel 1979. Vasthaotandpoig — I. V. Karmanov (lekar'). Toižeы akaspäi poig — Sergei Ivanovič Sen'kin (om sündunu vodel 1952).

Pauklahjad da arvnimed

  • Kaks' Leninan ordenad (16.08.1965; 25.08.1971)
  • Redukun Revol'ucijan orden (15.08.1975)
  • Kodiman voinan II stepenin orden (11.03.1985)
  • Rusttan Radznaman kaks' ordenad (15.04.1958; 11.12.1973)
  • Rahvahiden sebruden orden (15.08.1985)
  • "Arvostelusen znaman"-orden (13.04.1963)
  • Medal' "Voin arvtegoiš" (03.11.1943)
  • Medal' "Hüväs rados" (25.12.1959)
  • toižed medalid
  • "Sampo"-orden (28.10.2019, Karjalan Valdkund, jäl'ghe surmad) — rados Karjalan Valdkundan da eläjiden hüvüdeks kul'turas, taidehes, tedos, sportas, tervhuz'kaičendas, valdkundaližes sauvondas da hüviš satusiš ekonomik-, social-kul'turižes, valdkundaližes da kundaližes rados[8]
  • Jäl'ghe surmad oli anttud "Karjalan Valdkundan arvostadud eläi"-nimi[9].

Mušt

Vodel 2005 Karjalan voinan da radon veteranad pakičiba Karjalan pämehel Sergei Katanandoval panda muštho I. I. Sen'kinan nimen. Rindkuvan tegendan täht oli pidetud konkurs. Rindkuvan pohjaze oli pandud E. Grigor'anan da L. David'anan vestajiden projekt. "Petrozavodskmaš"-zavodal oli tehtud vaskine rindkuva. Muštpacaz oli avaitud 17. elokud vodel 2007 Petroskoin puištos German Titovan-irdal, Karjalan Parlamentan pertin kohtas.[10]. Puištole om anttud I. I. Sen'kinan nimi[11].

Muštpachan avaidamine valdmehen, partijan mehen da Surem kodiman voinan ühtnikan I. I. Sen'kinan muštoks (1915-1986 гг.).

Tarkendused

  1. ↑ Карелия: энциклопедия: в 3 т. / гл. ред. А. Ф. Титов. Т. 3: Р — Я. — Петрозаводск: ИД «ПетроПресс», 2011. — 384 с. : ил.,карт. — стр. 86 ISBN 978-5-8430-0127-8 (т. 3)
  2. ↑ Карельский государственный архив новейшей истории: путеводитель. Издательство «Правда»., 1985
  3. ↑ Подвиг народа. Дата обращения: 14 vilukud 2018. Архивировано 1 vilukud 2021 года.
  4. ↑ Н.М. Прилепо ЛЕС И ЛЮДИ: Воспоминания и размышления / М.:2007
  5. ↑ Закон СССР «О преобразовании Карело-Финской ССР в Карельскую АССР с включением её в состав РСФСР», 16 июля 1956 г.
  6. ↑ Похороны Юрия Владимировича Андропова, журнал «Смена», № 1363, март 1984. Дата обращения: 3 elokud 2012. Архивировано 12 vilukud 2014 года.
  7. ↑ Постановление IX сессии Верховного Совета X созыва
  8. ↑ Указ Главы Республики Карелия от 28.10.2019 № 66 «О награждении государственными наградами Республики Карелия» Архивная копия от 4 semendkud 2021 на Wayback Machine (Дата обращения: 30 redukud 2019)
  9. ↑ Постановление Председателя Правительства Республики Карелия. Дата обращения: 12 keväz'kud 2013. Архивировано 26 elokud 2014 года.
  10. ↑ Губернатор Карелии открыл памятник главе обкома КПСС, 17 августа 2007. Дата обращения: 13 semendkud 2011. Архивировано 27 tal'vkud 2011 года.
  11. ↑ Открытие памятника И.И.Сенькину » Объекты историко-культурного наследия Карелии (англ.). monuments.karelia.ru. Дата обращения: 17 keväz'kud 2025.

Literatur

  • Очерки истории Карельской организации КПСС. Петрозаводск, 1974
  • Народные избранники Карелии: Депутаты высших представительных органов власти СССР, РСФСР, РФ от Карелии и высших представительных органов власти Карелии, 1923—2006: справочник / авт.-сост. А. И. Бутвило. — Петрозаводск, 2006. — 320 с.
  • Четверть века во власти: Воспоминания об Иване Ильиче Сенькине / Ред.-сост. А. Макаров. — Петрозаводск, 2008. — 256 с. : фот. ISBN 978-5-94804-139-1

Tarkendused

Om sadud "https://vep.ruwiki.ru/w/index.php?title=Sen%27kin_Ivan_Iljič&oldid=524989"