Katanandov Sergei Leonidovič

Рувики-späi
Sergei Leonidovič Katanandov
Катанадов Сергей Леонидович.jpg
Флаг
Venäman Federaližen Parlamentan Federacijan nevondišton ühtnik — Karjalan valdmehišton ezitai
Флаг
22. sügüz'kud vodel 2010 — 25 sügüz'kud vodel 2017
Ken oli ende Devlethan Alihanov
Ken tuli jäl'ghe Aleksandr Rakitin
1. kezakud vodel 1998 — 14. tal'vkud vodel 2001
Ken oli ende Viktor Stepanov
Ken tuli jäl'ghe Viktor Stepanov
Флаг
Karjalan pämez'
Флаг
12. semendkud vodel 2002 — 30. kezakud vodel 2010
Prezident Vladimir Putin
Dmitrii Medvedev
Ken oli ende radsija om vahvištoittud, hän kut Karjalan valdmehišton pämez'
Ken tuli jäl'ghe Andrei Nelidov
Флаг
Karjalan valdmehišton pämez'
Флаг
1. kezakud vodel 1998 — 31. tal'vkud vodel 2002
Prezident Boris Jel'cin
Vladimir Putin
Ken oli ende Viktor Stepanov
Ken tuli jäl'ghe Pavel Černov (kut Karjalan valdmehišton pämez');
hän iče (kut Karjalan pämez')
voden 2002 semendkun 12. päiväspäi — premjer-ministr
Флаг
Petroskoin
2. sulskud vodel 1994 — 12. keväz'kud vodel 1998
Ken oli ende radsija om vahvištoittud, hän iče kut Petroskoin mer
Ken tuli jäl'ghe Andrei D'omin
Флаг
Petroskoin mer
9. tal'vkud vodel 1991 — 2. sulakud vodel 1994
Ken oli ende radsija om vahvištoittud, hän iče kut Petroskoin gorispolkoman pämez'
Ken tuli jäl'ghe radsija om vahvištoittud, hän iče kut Petroskoin sijaližen ičenaižen valdelimen pämez'
Флаг
Petroskoin gorispolkoman pämez'
21. kezakud vodel 1990 — 9. tal'vkud vodel 1991
Ken oli ende Pavel Peščenko
Ken tuli jäl'ghe radsija om heittud, hän iče kut Petroskoin mer
Petroskoin nevondišton deputat
1987 — 1990
Sündundpäiv 21. sulakud 1955(1955-04-21) (71 год)
Partii KPSS (vodehesai 1991)
Kodima — Kaik Venäma
Jedinaja Rossia (vodelpäi 2004)
Openduz Petroskoin valdkundaline universitet
Tedostepen' filosofijan tedokandidat
Professii inžener-sauvoi
Mel'pido 
uskonduz		 Ortodoksine pühäkodi
Pauklahjad
Логотип РУВИКИ.Медиа Mediafailad RUWIKI-tedoiš

Sergei Leonidovič Katanandov (ven.: Серге́й Леони́дович Катана́ндов, om sündunu 21. sulakud 1955, Petroskoi) — sovetskii da venälaine valdmez'.

Karjalan korged person (valdmehišton pämez' da valdkundan gubernator) voden 1998 kezakun 1. päiväspäi voden 2010 kezakun 30. päivähasai.

Venäman Federaližen Parlamentan Federacijan nevondišton ühtnik Karjalaspäi voden 2010 sügüz'kun 22. päiväspäi voden 2017 sügüz'kun 25. päivähasai. Folosofijan tedokandidat.

Elostarin

Om sündunu 21. sulakud vodel 1955 Petroskoiš Leonid Dmitrijevič (1929—2001) da L'udmila Aleksandrovna (1930—1982) Katanandovoiden kanzas. Om venälaine[1].

Tat oli Maikopaspäi, Leningradan inženeran-sauvojan institutan pästnik (1953), Karjalan ASSRan arvostadud sauvoi (1978) da Venäman arvostadud sauvoi (1999), Karjalan arvokaz eläi (2000), vozil 1965—1986 ohjanzi RSFSRan tegeližen sauvondan ministerstvan "Glavsevzapstroi"-sauvondühtištust (Petroskoi). Leonid Katanadovan ohjandusel kazvoiba Karjalan tegeližed radištod — Petrozavodskmaš, Nadvoicoiden aluminine zavod, Änižen traktorzavod, Segežan cel'l'ulozan-bumagan kombinat i Kondopogan cel'l'ulozan-bumagan kombinat[2].

Mam — igähine Leningradan eläi, Piterin valdkundaližen univrsitetan juridižen tedokundan pästnik (1954), Petroskoin üleižen varjoičusen prokuror,Petroskoin prokuroran abunik, Karjalan Ülembaižen sudan ühtnik vodel 1969 tal'vkuspäi, Karjalan ASSran arvostadud jurist (1980)[3].

Leonid Katanandov openzihe Petroskoin školas № 30.

Vodel 197, konz lopi školan, päzui Petroskoin valdkundaližehe universitetha tegeližen da rahvahaližen sauvondan tedokundale. Vides vodes päliči, vodel 1977 lopi sen[4].

Vozil 1977—1988 radoi "Petrozavodskstroi"-sauvondühtištusen Sauvondan-montažan ohjanduses № 1 (SMO), radoi mastarin sauvondtahol, tegihe päinženeraks. Voden 1989 semendkuspäi voden 1990 kezakuhusai radoi pämehen projektan-sauvotusen ühtištuses Petroskoiš.

Karjeran augotiž

Petroskoin nevondišton deputat (1987—1990)

Vodel 1987 oli valitud Petroskoin lidnan nevondišton deputataks, oli ekonomikan komissijan pämehen.

Petroskoin mer (1990—1998)

21. kezakud vodel 1990 oli valitud rahvahan deputatoiden Petroskoin nevondišton tegendkomitetan pämeheks[5]. Tal'vkus vodel 1991 tegihe Petroskoin meraks.

Voden 1991 elokun aigtegoiden aigan ühtes Petroskoin ohjaduzkundanke läksi partijaspäi, ühtni joukmitingoihe Äkkiližiden azjoiden valdkundališt komitetad vastte. Sudi valdkundan valdmehišton kubahtamatomut tehtud azjas[6].

Konz oli politine krizis redukus vodel 1993, hän tugezi Karjalan Ministroiden nevondišton pämest Sergei Blinnikovad, kudamb oli ridas XII kucundan Karjalan Ülembaižen nevondižton.

28. tal'vkud vodel 1993 oli valitud Petroskoin lidnan nevondišton pämeheks[7].

Vodel 1994 lujas hüvin lopi Öbokan radnikkundan keskusen "valdkundaline da municipaline ohjanduz"-specizližuden mödhe.

Vodel 1996 lopi Öbokan valdkundaližen služban akademijan (ven.) (vep. "jurisprudencii"-specaližuden mödhe.

Karjalan zakonoiden tegendan kundas, kus hän oli Valdkundan palatan ühtnikan, oli mugažo Zakonkogomusen komitetan pämehen.

12. keväz'kud vodel 1998 aigvodhe jäti radsijan[8], miše ühtneda regionan pämehen valičusihe.

Karjalan ohjandai

Karjalan valdmehišton pämez' (Premjer-ministr) (1998—2002)

26. sulakud vodel 1998 oliba Karjalan valdmehišton pämehen, regionan korktan radsijan personan valičused. Ridas olijan valdkundan pämehen Viktor Stepanovanke Sergei Katanandov sai politiktugen NDRan i LDPRan partojoilpäi, a mugažo rahatugen Petroskoin biznesmehelpäi Leonid Belugalpäi i Piterin "Orami"-kompanijoiden joukuspäi[9], i sai ezmäižen sijan (36 % än't). Toižes turas, mitte mäni 17. semendkud vodel 1998 vägesti valičusil, sai 49,48 % än't.

Zavodi ohjata 1. kezakud vodel 1998.

Oldes Karjalan valdmehišton pämehen sai Venäman Federaližen parlamentan (ven.) (vep. Federacijan nevondišton (ven.) (vep. ühtnikan valdoiktusid, kus mülüškanzi federacijan azjoiden, federacijan kožmusen da regionaližen politikan komitetha.

Kül'mkus vodel 1998 ühtni Jurii Lužkovan "Kodima — Kaik Venäma"-sebran tegemižehe, elokus vodel 1999 mülüškanzi sen Kesknevondišton kundaha. Valdkundaližen Duman valičusil vodel 1999 ohjanzi regionališt joukud Karjalaspäi, Novgorodan da Pskovan agjoišpäi "Kodima — Kaik Venäma"-blokan federaližes lugetišes. No blok ei voind sada korktad satust, se kerazi vaiše 9 % än't, oli videndel sijal, siloi konz keskregionaline "Ühtmuz'"-organizacii sai 31,8 % än't kacmata sihe, miše sil ei olend regionališt erištod (sädajiden suim mäni vaiše vilukus vodel 2000[10]) Karjalas.

Keväz'kus vodel 2000 kanman prezidentan valičusid (2000) Sergei Katanandov sanui ičeze mel'pidon siš, miše pidab valita Venäman prezidentad seičemeks vodeks vai elonaigaks, i hökkähti idejanke valita Venäman subjektoiden pämehid prezidentan käskön mödhe[11].

12. keväz'kud — 17. sügüz'kud vodel 2001 — Venäman Valdkundaližen nevondišton prezidiuman ühtnik[12].

26. tal'vkud vodel 2001 Sergei Katanandov jäti radsijan Federacijan nevondištos. Senatoraks tegendazjmehištospäi hän tariči endišt konkurentad Viktor Stepanovad.

Voden 2002 semendkun 12. päiväspäi ühthižvaldkundaližen referenduman tegendan jäl'ghe radsijan nimi om "Karjalan valdmehišton premjer-ministr". Sergei Katanadov oli necil radsijal voden 2002 tal'vkun 31. päivähasai.

Karjalan pämez' (2002—2006)

28. sulakud vodel 2002 Karjalan pämehen valičusil Katanandov vägesti ezmäižes turas, sai 53,35 % än't. Valičendkampanijan aigan mäni tedotora Vasilii Popovan da valdkundaližiden jokvestištoiden keskes Katanandovan ohjandusel[13]. Gubernator hökkähti udes ühtneda valičusihe, kacmata sihe, miše hänel oli voimuz' ohjata Sauvondan da kodi-holitusiden služban federališt agentstvad.

Kül'mkus vodel 2004 Katanandov tariči kacta Karjalan zakonoiden tegendan kundale zakonprojektad "Eläjiden socialižes tuges", miččen vaumištadihe hänen administracijas. Zakon oli oigetud federaližen reforman "süvembaha kacundaha" i annulirui valdkundaližid velgusid vällendusiden mödhe, sidä kesken heiti kodi-holitusiden odvenduzmaksun 50 %, necen sijas tariči antta kompensacii 200—300 rubl'ad. Kül'mkus-tal'vkus Petroskoiš zavodihe mitingad, miččid tugeziba "Jabloko"-partii i KPRF, ned pakičiba lopta kacta zakonad i gubernatoran heitändad radsijalpäi. Parlamentan deputatad azotiba processad zakonanprojektan vahvištoitandan mödhe, no reakcijad administracijan polespäi ei olend[14].

Uhokus vodel 2005 zakon vajehtusidenke vahvištoittihe, a valdmehed hökkähtiba sureta maksuiden märäd ottes homaičusehe valdkundan rahavaroiden kazvatandad[15].

Uz' radsija i koumanz' aigmär (2006—2010)

9. uhokud vodel 2006 kacmata sihe, miše Ilja Klebanov ezmäi ei tahtoind tugeta Katanandovan kandidaturad hänen panendas Karjalan pämehen radsijale udeks aigmäraks, hän kaiken-se möst tariči panda Katanandovad gubernatoraks i pani hänen nimen lugetišehe toižidenke kandidatoidenke, heiden keskes oliba Pavel Černov i Nikolai Levin. 26. uhokud vodel 2006 Vladimir Putin andoi Katanandovan kandidaturad kacmaha Karjalan zakonoiden tegendan kundale. Jo 3. keväz'kud deputatad vahvištoitiba händast Karjalan pämeheks (videks vodeks).

Katanandovan ohjandusen aigan sur' krizis valdkundan täht oli siloi, konz Kondopogas sügüz'kus vodel 2006 zavodihe rahvahanlibundad (ven.) (vep., miččiden päsün oli se, miše tulijad pahoin pidetihe sijaližid eläjid[16]. Kül'mkuks ectes problemoiden pätusid olod regionas tegihe pahembaks, valdkundas zavodihe krizis — ühesa rajonoiden pämest heittihe radsijalpäi, mugažo heittihe radsiajlpäi ičenaižen valdelimen da regionaližen politikan valdkundaližiden komitetoiden pämehid[17]. Vladimir Putinale ei tulend mel'he se, miše Katanandov ei varastand Kondopogan rajonan sijaližen azjmehišton panendad i läksi lebumatkaha Portugaliaha. Ezmäižen kerdan ičeze rados prezident ei voind eskai soitta regionan pämehele[18][19].

Sügüzel vodel 2007 gubernatoran da Petroskoin lidnan nevondišton (ven.) (vep. keskes oli rida, miččes päühtnikoin oliba "Spravedlivaja Rossia"- da "Jabloko"-partijoiden ezitajad. Nevondišton pämez' Vasilii Popov 20. sügüz'kud oigenzi Venäman prezidentale kirjeižen pakičusenke heitta Katanandovad radsijalpäi, väritades händast korrupcijas. Vastha gubernator väriti deputatoid kelastuses, andoi iskan lidnan sudaha i pakiči 50 mln rubl'ad tehtud moral'pahudes. Sud hüväksi iskad i vähenzoiti maksud 200 tuhazesai rubl'ahasai[20][21].

Semendkun lopus vodel 2009 Katanandov ahtišti maksutont "Iskra"-lehtest, sikš ku siš paindihe arvostelendkirjutez prezidentan Dmitrii Medvedevan polhe. Lehtesen omištai oli Vasilii Popov[22][23].

30. kezakud vodel 2010 Katanandov aigvodhejäti valdkundan pämehen radsijan[24].

Kritik i radsijan jätandan süd

Homaitas, miše Katanandovan heitändas radsijalpäi pagištihe völ vodel 2006 jäl'ges joukvastustusid Kondopogas[25]. Regionan pämehen polhe oli äi küzundoid ekonomikan mödhe, ridoiden mödhe, miččed koskiba ščebn'an sündundtahoid, oli jüged situacii kodi-holitusiden sostemas-ki.

Federacijan nevondišton ühtnik Karjalaspäi (2010—2017)

S. L. Katanandov Federacijan nevondištos, 2016

Voden 2010 sügüz'kun 22. päiväspäi — Venäman Federaližen Parlamenran Federacijan nevondišton (ven.) (vep. ühtnik Karjalan tegendazjmehištospäi. Federacijan nevondištos Sergei Katanandov oli Pohjoižen azjoiden, ičenaižen valdelimen, regionaližen politikan, federativižen sädandan komitetan ezmäine varapämez', a mugažo hän mülüi Rahvahaližen ühthižkundan institutoiden kehitoitusen komissijaha.

14. kezakud vodel 2012 om pandud Karjalan pämehen radsijale Aleksandr Hudilaižen käskön mödhe[26].

Federacijan nevondišton radon jäl'ghe

Nügüd' Katanandov eläb Piteriš, om Öbokan institutan valdkundaližen da municipaližed ohjandusen kafedran pämez'[27].

Toine

Filosofijan tedokandidat. Venäman inženeran akademijan radai ühtnik.

Ohjanzi "Jedinaja Rossia"-partijan regionališt erištod Karjalas sen augonpanendaspäi 1. keväz'kud vodel 2002. "Jedinaja Rossia"-partijan ühtnik voden 2004 tal'vkun 22. päiväspäi[28].

Pauklahjad

  • IV stepenin orden "Arvtegoiš Kodiman edes" (29. keväz'kud vodel 2004) — sures panendas Venäman valdkundan vahvištoitusehe i äivoččes hüväs rados[29];
  • Aleksandr Nevskijan Orden (20. keväz'kud vodel 2017) — sures panendas venälaižen parlamentarizman kehitoitandaha i aktivižes rados[30];
  • Arvostusen orden (Venäma. 24. sulakud vodel 2000) — sures panendas Karjalan socialiž-ekonomižehe kehitoitusehe i äivoččes hüväs rados[31];
  • Sebruden orden (8. redukud vodel 2010) — arvtegoiš valdkundan edes i sures panendas sebruden da rahvahiden keskes ühthižradan vahvištoitusehe[32];
  • Venäman valdmehišton kitändkirjeine (2. tal'vkud vodel 2013 — aktivižes ühtnendas zakonanprojektoiden tegendaha i parlamentarizman kehitoitandaha[33];
  • Karjalan rahvahan elomišton arvostadud radnik" (1995);
  • Anatolii Konin medal' (Venäman justicijoiden medal', 2000);
  • Medal' "Venäman justicijoiden ministerstvan 200-voččeks muštoks", (Venäman justicijoiden ministerstv, 2002);
  • Medal' "Voinühtištusen vahvištoituses" (Venäman polestusen ministerstv, 2001);
  • Medal' "Abus narkotikoiden tarkištelendalužbale" (2008);
  • Venäman äkkiližiden azjoiden ministerstvan znam "Arvtegoiš (2000);
  • "Venäman opendusen arvokaz radnik"-znam (Venäman opendusen da tedon ministerstv, 2002);
  • Pühän kn'azin Daniil Moskovskijan II stepenin orden (2000);
  • Pühän Sergii Radonežskijan I stepenin orden (2002);
  • Pühän Andrei Rubl'ovan II stepenin orden (2004);
  • Pühän kn'az'an Vladimiran II stepenin orden (2007);
  • Federacijan nevondišton znam "Arvtegoiš parlamentarizman kehitoituses (2004);
  • Venäman Federaližen Parlamentan Federacijan nevondišton kitändkirjeine (2001);
  • Petroskoin valdkundaližen universitetan arvokaz doktor (2000)[34];
  • Suomen L'van ordenan komandor (2010)[35];
  • Petroskoin arvokaz eläi (2011)[36];
  • Karjalan arvokaz eläi (2020).

Kanz

Ak — Natalja Leonidovna Katanandova (Rižkova), om sündunu vodel 1955 tetaban karjalaižen boilogan kanzas. Lopi istoriliž-filologižen fakul'tetan Petroskoin valdkundaližes universitetas. Radoi logopedan lidnan poliklinikas. Om Karjalan tervehtoitusen arvostadud radnik (2005). Om kaks' last. Aleksandr (1973) — Petroskoin valdkundaližes universitetan tegeližen da rahvahaližen sauvotusen tedokundan pästnik, radab programmistan. Denis (1982) lopi Petroskoin valdkundaližen universitetan juridižen tedokundan, om Karjalan Ülembaižen sudan sudja.

Homaičendad

  1. ↑ Краткая биографическая справка: Катанандов Сергей Леонидович. Дата обращения: 22 kül'mkud 2015.
  2. ↑ Карелия (энциклопедия, том 2). — 46 с.
  3. ↑ Карелия (энциклопедия, том 2). — 47 с.
  4. ↑ Катанандов Сергей Леонидович. fedpress.ru. Дата обращения: 22 kül'mkud 2025.
  5. ↑ 30 лет назад Петрозаводск возглавил Сергей Катанандов. ptzgovorit.ru. Дата обращения: 22 kül'mkud 2025.
  6. ↑ В Москве стреляли. В Петрозаводске печатали. Дата обращения: 30 semendkud 2012.
  7. ↑ Решение Петрозаводского городского Совета от 28.12.1993 № XXII—I/4 "О выборах председателя Петрозаводского городского Совета"
  8. ↑ Глава Карелии Сергей Катанандов досрочно покинул должность. forbes.ru. Дата обращения: 22 kül'mkud 2025.
  9. ↑ Главная интрига выборов председателя правительства Карелии. kommersant.ru. Дата обращения: 22 kül'mkud 2025.
  10. ↑ Политические партии в Карелии: историческая справка. Дата обращения: 22 kül'mkud 2025. Архивировано 29 redukud 2011 года.
  11. ↑ За семилетний срок полномочий Президента РФ высказался глава Карелии Сергей Катанандов. karel.mk.ru. Дата обращения: 22 kül'mkud 2025.
  12. ↑ Распоряжение Президента Российской Федерации от 12.03.2001 г. № 121-рп «О президиуме Государственного совета Российской Федерации». kremlin.ru. Дата обращения: 22 kül'mkud 2025.
  13. ↑ Глава Карелии удержал власть. kommersant.ru. Дата обращения: 22 kül'mkud 2025.
  14. ↑ Катанандову пригрозили штурмом. ng.ru. Дата обращения: 22 kül'mkud 2025.
  15. ↑ Обязательства необходимо брать реальные. ng.ru. Дата обращения: 22 kül'mkud 2025.
  16. ↑ В Кондопоге наступил комендантский час. kommersant.ru. Дата обращения: 22 kül'mkud 2025.
  17. ↑ Обрушение вертикали. ng.ru. Дата обращения: 22 kül'mkud 2025.
  18. ↑ Сергей Катанандов сожалеет, что до него не дозвонился президент Путин. stolicaonego.ru. Дата обращения: 22 kül'mkud 2025.
  19. ↑ Катанандов провел работу над ошибками в кабинете Путина. stolicaonego.ru. Дата обращения: 22 kül'mkud 2025.
  20. ↑ Петрозаводские депутаты пожаловались на губернатора себе в убыток. kommersant.ru. Дата обращения: 22 kül'mkud 2025.
  21. ↑ Катанандова хотят убрать. ng.ru. Дата обращения: 22 kül'mkud 2025.
  22. ↑ В Петрозаводске появится новая газета. vestikarelii.ru. Дата обращения: 22 kül'mkud 2025.
  23. ↑ Партия «Яблоко»: «Власти Карелии хотят расправиться с председателем горсовета Петрозаводска за его убеждения». regnum.ru. Дата обращения: 22 kül'mkud 2025.
  24. ↑ Дмитрий Медведев подписал Указ «О досрочном прекращении полномочий Главы Республики Карелия». kremlin.ru (30 kezakud 2010). Дата обращения: 22 kül'mkud 2025.
  25. ↑ «Это благо для республики». Глава Карелии Сергей Катанандов ушёл в отставку. zaks.ru. Дата обращения: 22 kül'mkud 2025.
  26. ↑ Сергей Катанандов будет представлять Карелию в Совете Федерации. rg.ru. Дата обращения: 22 kül'mkud 2025.
  27. ↑ Строитель, политик, руководитель Карелии: Сергей Катанандов отмечает 70-летний юбилей. rk.karelia.ru. Дата обращения: 22 kül'mkud 2025.
  28. ↑ Катанандов возглавляет региональное отделение партии «Единая Россия» в республике Карелия. actualcomment.ru. Дата обращения: 22 kül'mkud 2025.
  29. ↑ Указ Президента Российской Федерации от 29 марта 2004 года № 434 «О награждении орденом „За заслуги перед Отечеством“ IV степени Катанандова С. Л. docs.cntd.ru. Дата обращения: 22 kül'mkud 2025.
  30. ↑ Указ Президента Российской Федерации от 20 марта 2017 года № 119 «О награждении государственными наградами Российской Федерации». kremlin.ru. Дата обращения: 22 kül'mkud 2025.
  31. ↑ Указ Президента Российской Федерации от 24 апреля 2000 года № 716 «О награждении орденом Почёта Катанандова С.Л.» kremlin.ru. Дата обращения: 22 kül'mkud 2025.
  32. ↑ Указ Президента Российской Федерации от 8 октября 2010 года № 1220 «О награждении орденом Дружбы Катанандова С. Л.» kremlin.ru. Дата обращения: 22 kül'mkud 2025.
  33. ↑ Распоряжение Правительства Российской Федерации от 2 декабря 2013 года № 2238-р «О поощрении Правительством Российской Федерации». publication.pravo.gov.ru. Дата обращения: 22 kül'mkud 2025.
  34. ↑ Почётные доктора ПетрГУ. petrsu.ru.
  35. ↑ Глава администрации Карелии награжден командирским знаком Ордена Финского Льва. kp.ru. Дата обращения: 22 kül'mkud 2025.
  36. ↑ Сенаторы от Карелии стали почетными гражданами Петрозаводска. council.gov.ru. Дата обращения: 22 kül'mkud 2025.

Literatur

  • А. И. Бутвило. Народные избранники Карелии: Депутаты высших представительных органов власти СССР, РСФСР, РФ от Карелии и высших представительных органов власти Карелии, 1923—2006: справочник. — Петрозаводск, 2006. — 320 с.

Lähtked

Om sadud "https://vep.ruwiki.ru/w/index.php?title=Katanandov_Sergei_Leonidovič&oldid=528766"