Beluga Leonid Leontjevič

Рувики-späi
Leonid Beluga
Леонид Леонтьевич Белуга.jpg
Nimi Leonid Leontjevič Beluga
Sündundpäiv 11. heinkud 1960(1960-07-11) (66 лет)
Sündundtaho
Rahvahuz'
Openduz
Organizacii Holding "Lotos"
Radsija augonpanii, prezident

Leonid Leontjevič Beluga (ven.: Леонид Леонтьевич Белуга, om sündunu 11. heinkud 1960, Karjalan Valdkund или Petroskoi) — venälaine biznesmez', Karjalan surembad radišton "Lotos"-holdingan prezident[1], "Petrozavodskmaš"-radišton pämehiden nevondišton pämez', "Karelbummaš"-radišton pämez', Venäman avtotegijoiden ühtištusen Karjalan erišton pämez', kaks' kerdad händast valitihe Petroskoin lidnan nevondišton deputataks, oli Karjalan parlamentan III i IV kucundoiden deputatan, vodel 2001 mülüškanzi Venäman parahimiden menedžeroiden lugetišehe, äi kerdoid tegihe Karjalan voden laureataks (1995, 1998, 2005), mülüb Petroskoin tetabambiden ristituiden 100-luguhu, "KarelInform"-joukvestišton andmusiden mödhe vodel 2025 hän om 5. sijal Karjalan kaikid bohatambiden ristituiden lugetišes[2].

Elostarin

Leonid Beluga om sündnu 11. heinkud vodel 1960 Petroskoiš. Openzihe sportškolas-internatas, nügüd' nece om Petroskoin taidehškol № 1. Opendusen aigan školas hänele oli mel'he kahtentora, ühtni erazvuiččihe voibuihe, äi kerdoid tegihe Karjalan čempionaks valdaližes sporttaras. Mugažo hänele oli mel'he matematik, ühtni matematikolimpiadoihe[3].

Školan jäl'ghe päzui opendamhas Karjalan valdkundaližehe pedagogižehe akademijaha (ven.) (vep. likundkazvatusen tedokundale. Vodel 1982 lopi institutan "likundkazvatuz"-specialižuden mödhe. Radoi sportškalas harjoitajan-opendajan. Oli službal vastil'masižen polestusen voinvägiš. Vodel 2002 lopi Piterin mectehnižen akademijan "ekonomik da ohjanduz meckompleksan radištoiš"-specialižuden mödhe[4].

Karjera

Vodel 1989 pani "Lotos"-holdingan augun i nügüdehesai ohjandab sidä. Nece om üks' surembišpäi Karjalan radištoišpäi, miččel om regionaline znamoičend. Videlpäi 2015 nece radišt mülüb päorganizacijoiden lugetišehe, miččed painastaba rahvahan radho da socialižehe vajehtomatomudehe eloho Karjalas. Leonid Belugan ohjandusel om anttud 3 tuhad ut radsijad, om todenzoittud eloho äi progressivižid nügüdläižid projektoid: ezmäine sur' ičevaličendmarket i gipermarket Karjalas, ezmäižed tavar-ilotuzkompleksad: Petroskoiš "Lotos PLAZA" i Kondopogas "LOTOS CITY"[5].

Vodelpäi 1995 Leonid Belugad kaks' kerdad valitihe Petroskoin lidnan nevondišton deputataks, oli ekonomikan da rahavaroiden kaikenaigaižen komissijan ühtnikan.

Vodel 1998 avaiži Karjalas personaližen humaljomižiden "Prionežskii"-zavodan. Vozil 1998—2002 Leonid Belugale ozastui ostta Läskelän bumagantegeližuden zavodan i Karjalan suremban avtotegeližen "Petrozavodskmaš"-radišton[6].

Voden 2001 satuseks hän mülüškanzi Venäman parahimiden menedžeroiden lugetišehe, äi kerdoid oli Karjalan voden laureatan, mülüi Petroskoin tetabambiden ristituiden 100-luguhu.

Vozil 2003—2010 oli "Petrozavodskmaš"-radišton pämehen, pämehiden nevondišton pämehen. Vodel 2001, konz vaumičihe valičusikš, hän avaiži Karjalas "Karjalan uzištod"- (ven.: «Вести Карелии»)-lehtesen. Vozil 2002—2006 händast valitihe Karjalan parlamentan III kucundan deputataks. Vodel 2006 händast valitihe Karjalan parlamentan IV kucundan deputataks Petroskoin Zaicevan üks'mandatižen valičuzümbrištodme. "Jedinaja Rossia"-frakcijan ühtnik[7].

Ühtni valičusihe Karjalan parlamentaha vodel 2011, siloi vägesti "Spravedlivaja Rossia"-partijan kandidat Aleksei Gavrilov. Aigan mändes Leonid Beluga möndan ližaks zavodi sauda[8]. Vodel 2022 Leonid Belugan ohjandusel letihe "Lotos Plaza"-mönd-ilotuzkeskuz, "Akvamarin"- da "Svoi bereg"-elätadud kompleksad[9].

Kül'mkus vodel 2024 Beluga tedoti siš, miše sügüz'kus vodel 2025 zavodib leta akvaparkan "Lotos Plaza"-mönd-ilotuzkeskuses[10].

Leonid Beluga suren homaičusen andab hüväntegelusele. Hän tugedab rahoil Karjalan muzikteatrad, veteranoiden "Patriot"-sebrad, muzikškolad, Suren Kodiman voinan invalidoiden-lapsiden sebrad (Petroskoi), turistoiden objektoid, sportazjtegoid i toižid projektoid. Venäman äkkiližuden azjoiden ministerstvan (ven.) (vep. kal't abutab Karjalan eläjile, kudambad putuiba jügedoihe elonoloihe. Kaiken aigan abutab mecoiden aviatarkištelendas, mecpaloiden sambutandas Karjaladme požarvarukahan aigan.

Mugažo Leonid Beluga abutab venälaižile saldatoile i ičetahtnikoile eriližen voinoperacijan sijoil. Keratas i oigetas počtpaketoid, miččihe pandas kaik, mi tarbiž saldatoile, tugetas voinmehiden kanzoid[11].

Rikondtaht

4. sügüz'kud vodel 2002 Karjalan biznesmest habi ei riktud. Hänen vahvištoittud mašin oli amptud Petroskoiš granatom'otaspäi. Koli hänen vedäi Valentin Botner. Iče Beluga jäi eloho[12]. Vahvištoittud mašinan verai kändihe südäimehe, granata vajehti tenpolen i putui vedäjaha. Kriminaline azj jäi sel'genzoitamata[13].

"Černika"-online-žurnalan uzištoiden mödhe voden 2002 istorii om sidotud senke, mi Beluganke nügüdläižen elonke[14].

Kriminaline azj

Vodel 2023 Belugan vastte zavottihe kriminaline azj (p. 5 st. 291 VF KK), händast väritadas otan andmižes edeližele Petrosovetan pämehele Gennadii Bodnarčukale. Se oli anttud kuti odvenduzmaks koumen fateran ostmižes elitižes eletadud "Svoi bereg"-kompleksas Änižen randal. Ecinjoukun versijan mödhe rahalahj oli anttud sauvondlaskendan holetomas samižes Petroskoin administracijas[15].

1. redukud vodel 2025 Petroskoin sud väriti Leonid Beluginad otan andandas, sudii Tatjana Petina andoi märičesen — vigamaksun 499 mln 970 tuhad rubl'ad[16].

15. redukud vodel 2025 valdkundaline väritai Natalja Silkina oigenzi Ülembaižehe sudha (ven.) (vep. appel'acijan Petroskoin sudan pätusen vastte siš, miše tehta türmätandad 12 vodeks i maksta vigamaksud 86 mln 765 tuhad 500 rubl'ad[17].

16. redukud Leonid Beluga i hänen oiktuz'nevonik Dmitrii Iljin pakičiba Petroskoin sudad heitta märičesen i tehta uden polestuzmäričesen[18][19].

Kanz

Leonid Belugan tat — arvostadud pohjoižen tundii Sibirin Tiksi-küläspäi, radoi vedäjan Edahaižes Pohjoižes. Mam tuli Petroskoihe Sibirišpäi, radoi Petroskoin ZAGSas. Om vanhemb vel'l' Jurii[3].

Oli nainu kaks' kerdad. Ezmäine ak Tatjana om "Lotos"-möndholdingan pämehiden nevondišton pämez'. Heiden kanzas om nel'l' last: vanhemb poig Roman, toine poig Leonid, tütär Svetlana i noremb tütär Milana[20][21].

Toine ak Marina ohjandab turizmbiznesad i Severnaja (Petroskoin adivpert') Petroskoiš[8], kanzas om koume tütärt[22].

Pauklahjad

  • Venäman arvostadud avtotegii (2007)[23];
  • Venäman arvostadud avtotegii (2010)[24];
  • Karjalan voden laureat (1995, 1998, 2005);
  • Venäman mönd-tegeližen palatan arvokaz znam;
  • Karjalan, Petroskoin, Karjalan openduz- da norišton azjoiden ministerstvan kitändkirjeižed;
  • Petroskoin arvokaz eläi[25];
  • "Venäman parahim menedžer"-arvnimi[26].

Homaičendad

  1. ↑ Белуга Леонид Леонтьевич. vestikarelii.ru. thlotos.ru. Дата обращения: 16 kül'mkud 2025.
  2. ↑ ТОП богатых Республики Карелия 2025. karelinform.ru. Дата обращения: 16 kül'mkud 2025.
  3. ↑ 1 2 Леонид Белуга о себе, развитии города и «почетном звании». vestikarelii.ru. Дата обращения: 16 kül'mkud 2025.
  4. ↑ Белуга Леонид Леонтьевич. karelnovosti.ru (1 semendkud 2017). Дата обращения: 16 kül'mkud 2025.
  5. ↑ Сведения об организациях и ИП, в которых участвует Белуга Леонид Леонтьевич. vbankcenter.ru. Дата обращения: 16 kül'mkud 2025.
  6. ↑ Владельцы Карелии. Диверсификация и прочность “Лотоса” Леонида Белуги. karelinform.ru. Дата обращения: 16 kül'mkud 2025.
  7. ↑ Законодательное собрание Республики Карелия. Белуга Леонид Леонтьевич. 30.karelia-zs.ru. Дата обращения: 16 kül'mkud 2025.
  8. ↑ 1 2 Наталья Захарчук. Леонид Белуга: «Мы – простые люди». stolicaonego.ru. Дата обращения: 16 kül'mkud 2025.
  9. ↑ Леонид Белуга рассказал о новом масштабном строительстве в районе Университетского городка и других проектах холдинга «Лотос». gubdaily.ru. Дата обращения: 16 kül'mkud 2025.
  10. ↑ Леонид Белуга рассказал, когда начнется строительство аквапарка в ТРК «Лотос Плаза». karelia.news. Дата обращения: 16 kül'mkud 2025.
  11. ↑ Бизнесмен Белуга получил награду за поддержку бойцов в зоне СВО. factornews.ru. Дата обращения: 16 kül'mkud 2025.
  12. ↑ Карельского олигарха спасла броня. kommersant.ru. Дата обращения: 16 kül'mkud 2025.
  13. ↑ Кто заказал Белугу? rep.ru. Дата обращения: 16 kül'mkud 2025.
  14. ↑ Алексей Владимиров. Алкоголь, граната, депутат: как устроена «ликвидация» в Карелии. mustoi.ru. Дата обращения: 16 kül'mkud 2025.
  15. ↑ Обвиняемого в даче взятки бизнесмена Карелии Леонида Белугу ждет приговор. factornews.ru. Дата обращения: 16 kül'mkud 2025.
  16. ↑ «Противоречит всякой логике»: карельский политолог прокомментировал приговор Белуге. karelinform.ru. Дата обращения: 16 kül'mkud 2025.
  17. ↑ Прокуратура настаивает на отмене приговора горсуда Петрозаводска бизнесмену Белуге. Дата обращения: 16 kül'mkud 2025.
  18. ↑ Бизнесмен Белуга просит Верховный суд Карелии его оправдать. factornews.ru. Дата обращения: 16 kül'mkud 2025.
  19. ↑ Апелляция Белуги опоздала на день. karelia.news. Дата обращения: 16 kül'mkud 2025.
  20. ↑ Петрозаводские семьи поборются за премию. karelinform.ru. Дата обращения: 16 kül'mkud 2025.
  21. ↑ Дети карельских «вип-персон»: чем занимаются и как живут. gubdaily.ru. Дата обращения: 16 kül'mkud 2025.
  22. ↑ Наталья Захарчук. Известный предприниматель Карелии Леонид Белуга стал отцом в седьмой раз. stolicaonego.ru. Дата обращения: 16 kül'mkud 2025.
  23. ↑ Белуга Леонид. karelnovosti.ru. Дата обращения: 16 kül'mkud 2025.
  24. ↑ В Карелии появился "Заслуженный машиностроитель России". karelinform.ru. Дата обращения: 16 kül'mkud 2025.
  25. ↑ Белуга и Алиханов стали почетными горожанами. ptzgovorit.ru. Дата обращения: 16 kül'mkud 2025.
  26. ↑ 1000 самых профессиональных менеджеров России. Газета «Коммерсантъ». Дата обращения: 16 kül'mkud 2025.

Lähtked

Om sadud "https://vep.ruwiki.ru/w/index.php?title=Beluga_Leonid_Leontjevič&oldid=528745"