Karjalan parlament

Karjalan zakonoiden tegendan kund
Karjalan zakonoiden tegendan kund
	karj.: Karjalan tašavallan lakijenhyväkšymiskokouš,; livv.: Karjalan tazavallan zakonoinhyväksyndykerähmö
	VII kucund
Tip
Tip	üks'honusine
Pämehed
Pämez'	Elissan Šandalovič, (Jedinaja Rossia) ; с 6. redukud vodel 2021
Struktur
Ühtnikoid	36
Frakcijad	Jedinaja Rossia (22); Spravedlivaja Rossia (4); KPRF (4); LDPR (2); Jabloko (2); Novije l'udi (1); Pensioneroiden partii (1);
Valičused
Änestamižen sistem	segoitadud
Jäl'gmäižed valičused	19. sügüz'kud vodel 2021
Paginištundan zal
	Petroskoi, Kuibiševan ird, 5
Päofis	Petroskoi, Venäma;
	karelia-zs.ru
	Mediafailad RUWIKI-tedoiš

Karjalan zakonoiden tegendan kund (ven.: Законода́тельное собра́ние Респу́блики Каре́лия) — Karjalan valdkundan tärged da üksjaine zakonoiden tegendan azjmihišt^[1].

Karjalan zakonoiden tegendan kundaha mülüb 36 deputatad, kudambid valitas peitänestusel. Karjalan zakonoiden tegendan kundan deputatoiden valdoiktusiden aig om viž vot^[2].

Karjalan zakonoiden tegendan kundabn pert' om Petroskoiš Kuibiševan da German Titovan irdoiden ristikoičendal (enzne Karjalan KPSSan sijaližen komitetan pert', 1952, arhitektor Farid Rehmukov).

Istorii

Karjalan zakonoiden tegendan kund om sätud vodel 1994, ende sen sijal oli XII kucundan Karjalan ASSRan Ülembaine nevondišt (ven.) (vep..

Zakonoiden tegendan kund sädihe siloi, konz udištadihe Venäman kaik politiksistem. Venäman Konstitucijan (ven.) (vep. mödhe, mitte vahvištoittihe vodel 1993, valdmehišt jagetihe tegendan, zakonoiden tegendan da sudin valdmehištoihe.

17. vilukud vodel 1994 XII kucundan Karjalan Ülembaine nevondišt (pämez' Viktor Stepanov) vahvištoiti uden zakonan Karjalan zakonoiden tegendan kundan deputatoiden valičusiš^[3].

Zakonoiden tegendan kundas oli kaks' valdhonust: Valdkundan honuz' i Ezitajiden honuz'. Molembiden valdhonusiden deputatoid valitihe nelläks vodeks^[4].

Valdkundan honuses oli 25 deputatad. Deputatoid valitihe üks'mandatižiden ümbruzkundoiden mödhe: üks' deputat 30000 änestajilpäi, no ei vähemba üht valičuzümbrusespäi, mitte ühtel aigal oli administrativine keskuz (rajonan, lidnan) voden 1994 vilukun 1. päiväks. Valdkundan honusen deputatad radoiba kaiken aigan i saiba paukan.
Ezitajiden honuses oli 36 deputatad. Heid valitihe äimandatižiden valičuzümbrusiden mödhe, pidi olda kaks' deputatad valičuzümbrusespäi, mitte ühtel aigal om administrativine keskuz (rajonan, lidnan) voden 1994 vilukun 1. päiväks. Ezitajiden honusen deputatad radoiba ei kaiken aigan i saiba lahjpaukan Karjalan b'udžetaspäi valdhonusen radon aigas.

17. sulakud vodel 1994 oliba I kucundan Zakonoiden tegendan kundan deputatoiden valičused. Valičusihe ühtni 42 % Karjalan valičijad^[5].

Vilukus vodel 2000 Karjalan pämez' Sergei Katanandov andoi Karjalan zakonoiden tegendan kundale uden Konstitucijan projektan. Projektas oli taritud zakonoiden tegendan kundan üks'honusine struktur, miččehe mülüi 57 deputatad, kudambad radaškandeba päazjas ei kaiken aigan.

26. keväz'kud vodel 2000 valdkundas tehtihe referendum parlamentan udištusen mödhe — tahtoitihe tehta kaks'honusižespäi strukturaspäi üks'honusižen. Hökkähtui 69,79 % änestajad (271 328 mest)^[6].

Voden 2001 augotišes Karjalan uz' Konstitucii oli vahvištoittud molembil Zakonoiden tegendan kundan valdhonusil.

28. sulakud vodel 2002 oliba valičused III kucundan Zakonoiden tegendan kundaha — üks'honusižes parlamentas 57 deputatad. Uz' parlament oli valdkundan tärged da üksjaine zakonoiden tegendan azjmihišt, II kucundan Zakonoiden tegendan kundan Valdkundan honusen da Ezitajiden honusen, niiden oiktusiden da velgusiden jäl'gestai.

Kül'mkus vodel 2014 alenzoittihe minimaline äniden lugumär 7 %-späi 5 %-hasai partijoiden lugetišiden täht valičusil Zakonoiden tegendan kundaha^[7].

Voden 2016 redukuspäi kaiken aigan 36 deputataspäi radab 17 — Zakonoiden tegendan kundan pämez', kaks' varapämest, Zakonoiden tegendan kundan komitetoiden pämehed da varapämehed^[8].

Zakonoiden tegendan kundan kucundad

Kucund	Valdoiktusiden aig	Pämez'	Deputatoiden lugu
I kucundan Zakonoiden tegendan kund	1994—1998	* Valdkundan honuz — pämez' Ivan Petrovič Aleksandrov * Ezitajiden honuz — pämez' Valentina Pivnenko	61
II kucundan Zakonoiden tegendan kund	1998—2002^[9]	* Valdkundan honuz — pämez' Natalja Vladimirovna Koc'uba^[10]("Meiden pert' om Venäma"), voden 2000 vilukun 13. päiväspäi pämez' — Vladimir Vasiljevič Šil'nikov (KPRF)^[11] * Ezitajiden honuz — pämez' Valentina Pivnenko, voden 2000 uhokuspäi pämez' — Nikolai Ivanovič Levin	61
III kucundan Zakonoiden tegendan kund	2002—2006	Nikolai Ivanovič Levin	57
IV kucundan Zakonoiden tegendan kund	2006—2011	Nikolai Ivanovič Levin ("Jedinaja Rossia"), voden 2009 heinkun 10. päiväspäi — Aleksandr Borisovič Pereplesinan ("Jedinaja Rossia") varapämez', voden 2010 uhokun 18. päiväspäi pämeheks tegihe А. B. Pereplesin.	50
V kucundan Zakonoiden tegendan kund	2011—2016	Vladimir Nikolajevič Sem'onov ("Jedinaja Rossia")^[12].	50
VI kucundan Zakonoiden tegendan kund	2016 — 2021	Elissan Šandalovič ("Jedinaja Rossia")^[13]	36
VII kucundan Zakonoiden tegendan kund	2021 — 2026	Elissan Šandalovič ("Jedinaja Rossia")^[14]	36

Zakonoiden tegendan kundan jouk

Mülüb 36 deputatad, kudambid valičeba valdkundan eläjad peitänestusel. Ühten kucundan deputatoiden valdoiktusiden aig om viž vot.

Zakonoiden tegendan kundan struktur

Zakonoiden tegendan kundan pämez';
Zakonoiden tegendan kundan ezmäine varapämez';
Zakonoiden tegendan kundan varapämez';
Zakonoiden tegendan kundan komitetad da komissijad;
Karjalan Pämehen ezitai Zakonoiden tegendan kundas;
Zakonoiden tegendan kundan valdmehišt.

Komitetad^[15]

Zakonoiden da oiktuzjärgendusen komitet;
Politiksisteman da sijaližen ičenaižen valdelimen komitet;
Ekonomižen politikan komitet;
Opendusen, kul'turan, sportan da noriden politikan komitet;
B'udžetan da nalogoiden komitet;
Tervehtoitusen da socialižen politikan komitet;
Londuzvaroiden da ekologijan komitet.

Zakonoiden tegendan kundan valdmehišt

Valdmehišton pämez', varapämehed;
Zakonoiden tegendan kundan pämehen nevonikad;
Azjoiden ohjanduz;
Ohjanduzkund;
Oiktusiden erišt;
Valdkundan sisteman erišt;
Ekonomižen politikan erišt;
Socialižen politikan erišt;
Tedo-analitine ohjanduz;
Rahavaroiden erišt;
Valdkundaližen služban da radnikkundan erišt.

Homaičendad

↑ Конституции Республики Карелия (неопр.). Дата обращения: 27 redukud 2025.
↑ В редакции Законов РК от 01.04.2005 N 859-ЗРК, от 16.02.2006 N 961-ЗРК, от 20.10.2015 N 1933-ЗРК, от 21.03.2003 N 661-ЗРК, от 16.02.2006 N 961-ЗРК) (рус.). Дата обращения: 27 redukud 2025.
↑ О введении в действие Закона Республики Карелия «О выборах депутатов Законодательного Собрания Республики Карелия», 17 января 1994 г. N XII-23/612 (рус.). docs.kodeks.ru. Дата обращения: 27 redukud 2025.
↑ Законодательному Собранию Республики Карелия 30 лет (рус.). 30.karelia-zs.ru. Дата обращения: 27 redukud 2025.
↑ Общественно-политическое развитие (рус.). welcome-karelia.ru. Дата обращения: 27 redukud 2025.
↑ Референдум в Карелии (неопр.). Дата обращения: 27 redukud 2025. Архивировано 13 keväz'kud 2016 года.
↑ Снижен избирательный барьер для партий на выборах Законодательного собрания (неопр.). Дата обращения: 27 redukud 2025.
↑ Больше половины депутатов Заксобрания Карелии будут работать без зарплаты (неопр.). Дата обращения: 27 redukud 2025.
↑ Список депутатов Законодательного Собрания Республики Карелия второго созыва (неопр.). Дата обращения: 27 redukud 2025.
↑ Н. В. Коцюба (рус.). npmsopau.ru. Дата обращения: 27 redukud 2025.
↑ В. В. Шильников (рус.). 30.karelia-zs.ru. Дата обращения: 27 redukud 2025.
↑ Депутаты заксобрания Карелии выбрали спикера (рус.). rg.ru. Дата обращения: 27 redukud 2025.
↑ Э. В. Шандалович (биография) (неопр.). Дата обращения: 27 redukud 2025.
↑ Элиссан Шандалович переизбран Председателем Законодательного Собрания Карелии (рус.). Дата обращения: 27 redukud 2025.
↑ Комитеты Законодательного собрания 6 созыва (неопр.). Дата обращения: 27 redukud 2025.

Lähtked

[1] Конституции Республики Карелия (неопр.). Дата обращения: 27 redukud 2025.

[2] В редакции Законов РК от 01.04.2005 N 859-ЗРК, от 16.02.2006 N 961-ЗРК, от 20.10.2015 N 1933-ЗРК, от 21.03.2003 N 661-ЗРК, от 16.02.2006 N 961-ЗРК) (рус.). Дата обращения: 27 redukud 2025.

[3] О введении в действие Закона Республики Карелия «О выборах депутатов Законодательного Собрания Республики Карелия», 17 января 1994 г. N XII-23/612 (рус.). docs.kodeks.ru. Дата обращения: 27 redukud 2025.

[4] Законодательному Собранию Республики Карелия 30 лет (рус.). 30.karelia-zs.ru. Дата обращения: 27 redukud 2025.

[5] Общественно-политическое развитие (рус.). welcome-karelia.ru. Дата обращения: 27 redukud 2025.

[6] Референдум в Карелии (неопр.). Дата обращения: 27 redukud 2025. Архивировано 13 keväz'kud 2016 года.

[7] Снижен избирательный барьер для партий на выборах Законодательного собрания (неопр.). Дата обращения: 27 redukud 2025.

[8] Больше половины депутатов Заксобрания Карелии будут работать без зарплаты (неопр.). Дата обращения: 27 redukud 2025.

[9] Список депутатов Законодательного Собрания Республики Карелия второго созыва (неопр.). Дата обращения: 27 redukud 2025.

[10] Н. В. Коцюба (рус.). npmsopau.ru. Дата обращения: 27 redukud 2025.

[11] В. В. Шильников (рус.). 30.karelia-zs.ru. Дата обращения: 27 redukud 2025.

[12] Депутаты заксобрания Карелии выбрали спикера (рус.). rg.ru. Дата обращения: 27 redukud 2025.

[13] Э. В. Шандалович (биография) (неопр.). Дата обращения: 27 redukud 2025.

[14] Элиссан Шандалович переизбран Председателем Законодательного Собрания Карелии (рус.). Дата обращения: 27 redukud 2025.

[15] Комитеты Законодательного собрания 6 созыва (неопр.). Дата обращения: 27 redukud 2025.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

Karjala temoiš
Istorii	Korela Korelan ma Korelan ujezd Oloncan gubernii Karjalan radkommun Avtonomine Karjalan SSR Karjalaiž-Suomalaine SSR Karjalan ASSR Karjalan Valdkund Karjalan kodirandan istorii
Geografii	Administrativiž-territorialine jagamine Petroskoi Karjalan lidnad Eländtahod Il'mišt Eläjad Varjoitadud londuzsijad Järved Joged Sod Mecad Mad Toponimii Rusked kirj
Politik	Konstitucii Pämez' Valdmehišt Zakonoiden tegendan kund Ülembaine sud
Simvolad	Valdkundanznam Flag Gimn Pauklahjad
Ekonomik	Rahvahaline bank Venäman tedoakademijan Karjalan tedokeskusen Ekonomikan institut Karjalan predprijatijad Ajamed Turizm Počt Energetik
Kul'tur	Karjalaižed Karjalan kel' Vepsläižed Vepsän kel' Karjalaine sönd Openduz Karjalas Karjalan melentartuisijad Praznikad Lehtišt Sport Karjalaine mitropolii
"Karjala"-portal "Karjala"-kategorii Kuvad (kursival om ozutadud lähtked kategorijoile)