Viluku

Рувики-späi
← Viluku →
Ez To Ko Ne Vi So Pü
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  
2026. voz'
Январь. Календарь на вепсском языке по месяцам. Республика Карелия, Петрозаводск.jpg

Viluku (ven.: Янва́рь, latin.: Jānuārius mēnsis "Janusoiden ku") — ezmäine voden ku Grigorianan da Julianan kalendarin mödhe, amuižrimalaižen voden üks'tošt'kümnenz' ku, se zavodiše edel Julii Cezarin reformad keväz'kuspäi. Üks' seičemes kuspäi, miččes om 31 päiv. Nece om kaikid vilukahamb voden ku Pohjoižes manpoliškos (kus viluku om tal'ven toine ku), kaikid lämemb voden ku Suvimanpoliškos (kus viluku — kezan toine ku).

Nügüdläižel aigal 20. vilukuhusai Grigorianan kalendarin mödhe Päiväine om Strelec-tähthudes, 20. vilukuspäi — Kozerog-tähthudes[1] (toižiden tedoiden mödhe — 19. vilukud[2]).

Statistik da tedod

Kavag'puiš klestad (ven.) (vep. tegeba pezoid. Hirb' da pedr heitäba sarvid. jorš uinotab, madeh kudob[3].

Lumekaz ku vilukus

Istorii da etimologii

Viluku sai ičeze nimen rimalaižen aigan, uksiden da verajiden Janus-jumalan muštoks (Ianuarius).

Kun nimi znamoičeb "uksed vodhe" (latinalaine "uks'"-sana om ianua). Tradicionaližes rimalaižes kalendariš om 10 kud, miččiš om 304 päiväd ilman tal'veta, se lugetihe kut "aig ilman kuita". Läz vodel 713 edel meiden erad pol'mifine Romula-jumal, car' Numa Pompilii, starinan mödhe, ližazi vilukud da uhokud, miše kalendar' oliži mugoine-žo kut standartine päiväižen voz' (365 päiväd) da tahtoi, miše viluku oliži voden ezmäine ku, siloi kut ezmässai voden emäine ku endevanhas kalendariš oli keväz'ku[4], (originaližed lähtked eroneba toine toižespäi). Om tetpas kahten konsuloiden nimed, miččed tuliba radisijoile 1. semendkud da 15. keväz'kud vodel 153 edel meiden erad, jäl'ghe sidä tulemine udele radsijale oli 1. vilukud.

Janusan vestatuz, kudamban muštoks om nimitadud viluku

endevanhas Jevropas voden augotižen täht küvutadihe erazvuiččed päiväd, kuna mülüiba 25. keväz'kud, 25. tal'vkud, 1. keväz'kud (vodhesai 1492 — Rusiš), 1. sügüz'kud (Vizantijas, Rusiš — jo Udel vodel — vozil 1492—1699). Kaiken se endevanhoiš kalendariš kut aigemba-ki kävutoitihe rimalaine jagamine kuikš, miččed jagoihe kaks'toštkümneks palaks vilukuspäi tal'vkuhusai. Zavottes XVI voz'sadaspäi jevropalaižed valdkundad lugeškat'he 1. vilukud kut Uden voden augotiž, nece püiv nimitadas völ "Čapamižen stilikš", sikš ku 1. vilukud oli Hristosan "čapamine" (ven.) (vep., nece oli kahesanz' päiv Raštvoišpäi, 25. tal'vkud. Venämal nece stil' (ühtes lugemiženke "Raštvoišpäi") oli tehtud Petral I 1. vilukuspäi vodelpäi 1700.

Istoriližiš jevropalaižiš vilukun nimiš om saksonine znamoičend Wulf-monath ("händikahan ku") da nimi, miččen andoi Karl Sur' — Wintarmanoth ("tal'vesine/viluku"). Amuižvenälaižes kalendariš (edel ortodoksižen uskondan vahvištoitust) kun nimi oli sečen', rahvahaližiš kalendariš mugažo — prosinec, perezimje, l'utovei, treskus, lomonos.

Pühäkodin-slavilaižes keles latinalaine vilukun nimi tuli Vizantijan abul, kus ku znamoiči genovarisaks[5]. Pühäkodin sana genuar', genuarii, genvar' kävutoitihe Venämal ühtes janvar-sananke, vastihe oficialižiš azjbumagoiš. Völ orfografižes voden 1847 vajehnikas "genvar'" da "viluku"-sanad kävutoitihe ühtel aigal. "Genvar'"-sana lopuks läksi küvutamižespäi vaiše siloi, konz oli heittud akademižespäi ven.: "Русское правописание"-kirjaspäi, miččen kirjuti Jakov Grot (vodel 1885), tuli ühtejitte znamoičend neciš küzundas<[6].

Toižil kelil

Jevropan äjiš keliš voden ezmäižen kun nimi om kirjutadud latinalaižen tradicijan pohjal. No oma erazvuiččed erod.

"Viluku" (Leanardon Bassanon taidehkuva, voded 1595/1600)

suomen kelel kun nimi om tammikuu, toižil sanoil "duban ku", no ezmäine znamoičend oli "tal'ven keskku", sikš ku tammi agemba znamoiči "värtmuz" libo "südäin". Čehijan kelel vilukun nimi om leden, toižil sanoil "jäspäi tehtud". Ukrainan kelel — січень, horvatijan kelel — siječanj, "seč'"-sanaspäi, voib olda znamoičeb puiden čapamine hougoikš libo sidä, miše endevanhas necil aigal puhtastiba mad kandoišpäi, miše kevädel semetada niid möst. Necen radon nimi oli "seča". Pol'šan kelel styczeń mugažo znamoičeb ortod. *sěčьnь, no se oli vajehtadud tyka-sanan abul, mitte znamoičeb "arz'"[7]. Belorussijan kelel viluku — студзень, студзіць-sanaspäi, mitte znamoičeb "vilusine". Saamen kelel sen nimi om ođđajagimánnu, se znamoičeb "uz'vozline ku". Turcijan kelel kun nimi om Ocak — "päč", "kamin". Litvan kelel se nimitase sausis — sausu-sanaspäi — "kuiv", sikš ku Litvas necil kul oma süväd übused, lumi ei sula, sikš nimitadas "kuivaks". Nügüdläižel tataroiden kelel latinalaine nimi om гыйнвар, se tuli pühäpertin-slavilqaižes kelespäi Vizantijaspäi, kus kun nimi oli genovaris.

Nügüdläižel kitajan da japonijan kelel kud Grigorianan kalendarin mödhe kirjutadas luguil, muga viluku — "ezmäine ku", uhoku — "toine ku" da m.e. Amuižes japonialaižes kudmaižen kalendariš ku, mitte om läheli vilukud (da möhemba senke associiruitud), nimitadihe Муцуки (睦月), sen znamoičendas om erazvuiččid teorijoid.

Vilukun simvolad

  • Kitajalaižes tradicijas vilukun simvol om japonialaižen slivan änik.
  • Japonialaine vilukun änikemblem — kamelii.

Praznikad

  • 1. vilukud — Uz' voz'; Kuban pästusen päiv; Kamerunan ripmatomuden päiv; Mail'man kožmusen päiv (Mail'man kožmusen loičendoiden päiv); mokičijan Vonifatii Tarsiiskijan muštpäiv (voz' 290).
  • 2. vilukud — Uznikan päiv.
  • 4. vilukud — mokičijan Anastasia Uzorešitel'nican muštpäiv[8] ortodoksižes uskondas.
  • 5. vilukud — Zervanan-Karanan praznik (zoroastrizm); Tucindan (Bosnijan, Černogorijan, Serbijan praznik).
  • 6. vilukud — Pühä eht Venämal; Jumalan ozutamine (Vederistmäd, Epifanii) ortodoksižil uskojil, kudambad kävutoitaba "ut stil'ad", ozutesikš: Bolgarijas, Armenijas; Jol' — kesktal'ven praznik Islandijas; Jamaikal.
  • 7. vilukud — Raštvad Venämal ortodoksižes uskondas, kudambad kävutoitaba "ut stil'ad".
"Viluku" (Čoma kalendar' gercogal Berriiskijal, voded 1410—1490)
"Шествие трёх царей" (Кадис, Испания, 5 января, 2006 г.)
Täuz'igäižen päiv — valdkundaline japonialaine praznik, mitte praznuitas toižel ezmärgel vilukus

Vilukun libo uhokun erazvuiččil päivil oma:

  • edel ut kudmašt — Dugžuuba — buddan Puhtastusen päiv;
  • edel ut kudmašt — Baldan Lhamo — buddan Opendusen polestajiden päiv;
  • uden kudmaižen aigan — Sagaalgan — buddan Uz' voz';
  • jäl'ghe ut kudmašt — Monlam Čenmo (15 Buddan (ven.) (vep. čudod);
  • 15 švat — Tu bi-švat — jevrejalaine Puiden Uz' voz'.

Venälaižed rahvahaližed sanundad

  • Viluku — tal'ven gosudar'.
  • Vilukus eskai pada päčil kül'meb.
  • Viluku mecas — pimed aigkeskust.
  • Vilukule-bat'ale pakaižed, uhokule — uhod.

Kud

  • Kuiv viluku — ku, konz om humalan vähenzoitamine, sen jured oma Velikobritanijas.

Homaičendad

  1. ↑ За год Солнце проходит не через 12, а через 13 созвездий. Новый знак зодиака – «Змееносец». neznal.ru. Дата обращения: 5 tal'vkud 2025.
  2. ↑ Климишин И. А. Календарь и хронология. — Изд. 3. — М.: Наука. Гл. ред. физ.-мат. лит., 1990. — С. 41. — 478 с. — 105 000 экз. — ISBN 5-02-014354-5.
  3. ↑ В. Д. Грошев. Календарь российского земледельца (народные обычаи и приметы). — М.: МСХА, 1991. — ISBN 5-7230-0074-8.
  4. ↑ Макробий. Книга первая, главы 12—16 // Сатурналии.
  5. ↑ Яд, яма, январь - этимологический словарь - Успенский Лев - Почему не иначе? - происхождение слов - стр.395. web.archive.org. Дата обращения: 5 tal'vkud 2025.
  6. ↑ Рождественский Н. С. — глава из книги Шапиро А. Б.  «Русское правописание» — М: АН СССР, 1951, С. 160—198. speakrus.ru. Дата обращения: 5 tal'vkud 2025.
  7. ↑ Boryś W. Słownik etymologiczny języka polskiego. — Wydawnictwo Literackie. — Kraków, 2005. — С. 585. — ISBN 978-83-08-04191-8.
  8. ↑ Дневники: 4 января — День памяти святой Анастасии-узоразрешительницы. liveinternet.ru. Дата обращения: 5 tal'vkud 2025.

Lähtked

  • Январь // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  • Календарь // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  • Январь, Mixstory.ru (2 vilukud 2014). Дата обращения: 5 tal'vkud 2025.
Kud

Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

Om sadud "https://vep.ruwiki.ru/w/index.php?title=Viluku&oldid=456429"