Keväz'ku

← Keväz'ku →
Ez	To	Ko	Ne	Vi	So	Pü
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30	31
2026. voz'

Keväz'ku (ven.: Март, latin.: Mārtius mēnsis - Marsoiden ku) - voden koumanz' ku Grigorianan da Julianan kalendariden mödhe, amuižrimalaižen ezmäine voden ku, mitte zavodiše Cezarin reformaspäi

keväz'kuspäi.

Üks' seičemes kuspäi, mitte jatktase 31 päiväd. Pohjoižes manpoliškos keväz'ku om ezmäine keväden ku, suvimanpoliškos — ezmäine sügüzen ku.

Nügüdläižel aigal 11. keväz'kuhusai Grigorianan kalendarin mödhe päiväine om Vodolejan tähthaižes, 11. keväz'kuspäi — Kaloiden tähthaižes^[1] (toižiden tedoiden mödhe — 12. keväz'kud^[2]).

Statistik da tedod

Necil kul om keväden ravnodenstvii — 20. keväz'kud — päiv om mugoine-žo kut i ö.

Lumen sulamižen keskaigmär Podmoskovjes — 16. keväz'kud, kaikid aigaližemb — 3. uhokud (1914), möhemb — 10. sulakud (1895)^[3].

Päiväižen paštatesen üleine aigmär om 109,3 časud^[3].

Mättaz keväz'kus

Keväz'kun lopus lämbitadud päiväižel mäthuzil, kus lumi suli, da sulatud sijoil voiba ozutadas ezmäižed änikod. Aigaline sokun lähtend koivul^[3].

Linduiden tulendan keskmäine aigmär: mustad varišad — läz 12. keväz'kud, kegonpaniilindud — läz 28. keväz'kud, kodalindud — läz 30. keväz'kud. Ezmäine pom'ot vauktal janišal. Hirbil kazvaba uded sarved. kondi heraštub tal'vunespäi^[3].

Istorii da etimologii

Marsan vestatuz (Jork, IV voz'sadan augotiž), miččen nimel om nimitadud keväz'ku.

Ičeze nimen keväzku sai rimalaižen voinan da varjoičijan Mars-jumalan muštoks. Amuižes Rimas, kus il'mišt oli pehmed, keväz'ku oli ezmäine keväden ku, sišpäi zavodihe manradod, da se oli hüvä aig voinkampanijan augotišen täht.

"Keväz'ku"-nimi (ven.: «март») tuli venän kel'he Vizantijaspäi. Amuižes Venämas vodhesai 1492 keväz'ku oli ezmäine ku; konz voz' lugeškatihe sügüz'kuspäi, vodhesai 1699 se oli seičemenz' ku; а vodelpäi 1700 — koumanz' ku. Keväz'kuspäi zavodihe venälaine proletii ("keväz'", sana läksi kirjkävutamižespäi). Erasiš venälaižiš alapaginoiš keväz'kun ezmäine päiv nimitadas udeks. Ende 1. keväz'kud venälaižil maorjil lopihe aigmär tal'vradole da zavodihe keväz'radod.

Velikobritanii da sen kolonijad lugiba voden augotišt 25. keväz'kuspäi vodhesai 1752, konz valdkundas oli vahvištadud Grigorianan kalendar'.

Istoriližed jevropalaižiš keväz'kun nimiš oma saksonnimed: Lentmonat (om nimitadud päivän da ön ühtejiččeks da päivä pidenzoituseks), mugažo Rhed-Monat libo Hreth-monath (Rhedam libo Hreth - saksonjumalan muštoks, sille necil kul todihe žertvad)^[4]. Anglad nimitiba keväz'kud Hyld-monath - "torokan kuks". Amuižvenälaižes kalendariš (edel ortodoksižuden vahvištoitust) kun nimi oli kuiv, rahvahaližiš kalendariš mugažo — zimobor, protal'nik, gračevnik, kapel'nik.

Toižil kelil

Špalera "Keväz'ku" (1503—1509), üks' kaks'tošt'kümnespäi, om kudotud markizan Džan Džakomon Trivul'cion täht (Italii).

Jevropan äjil kelil keväz'ku nimitadas latinalaižen tradicijan mödhe. No om ersid eroid.

Suomen kelel ku nimitadas maaliskuu da sündub maallinen kuu — "man ku" — necil aigal lumen alpäi ozutase ma. Čehijan kelel keväz'ku nimitadas březen, ukrainan kelel — березень, "koiv"-sanaspäi, konz zavodiše sok. Läheli om belorussijan kelen сакавік-nimi, "sok"-sanaspäi (koivusine). Horvatan kelel keväz'ku — ožujak, lugetas, miše nimen jured oma horvatialaižes sanaspäi, mitte znamoišeb "kelastuz", nece pagižeb siš, miše sä necil kul paksus vajehtase. Litvan kelel nece ku om kovas, kohtha — "must variš"^[5].

Kazahan kelel keväz'ku — "Наурыз", se om sidotud "Novruz"-praznikanke, mitte praznuitas necil kul.

Nügüdläižiš kitajan da japonijan kelil keväz'ku znamoičeb kut "koumanz' ku".

Jakutijan kelel keväz'ku nimitadas — «Кулун тутар», jakutijan kelespäi nece znamoičeb kut "varzoiden sündumižen ku". Necil kul sündub äi varzoid heboil, varzoiden sündumine om uden elon simvol. Hebod oma päkodiživatad jakutoil, varzoiden sündumižel om lujas sur' znamoičend heiden elos.

Praznikad

"Keväz'ku" (Gercogan Berriiskijan čoma časoslov, 1410—1490-е)

Keväz'kun ezmäine pühäpäiv — Rahvahidenkeskeine lapsiden televidenijan da radion päiv.
3. keväz'kud — Mail'man kirjutajan päiv.
5. keväz'kud — Kirgizijan sudsisteman radnikan päiv.
Keväz'kun toine pühäpäiv — Geodezijan da karttedon radnikoiden päiv Venämal.
8. keväz'kud — Rahvahidenkeskeine naižiden päiv.
9. keväz'kud — Rahvahidenkeskeine didžejan päiv.
11. keväz'kud — Narkotikoiden tarkišteluzerištoiden radnikan päiv Venämal.
12. keväz'kud — Puiden ištutamižen päiv Kitajas.
14. keväz'kud — oficialitoi Pi-lugun päiv; Rahvahidenkeskeine päiv plotinoid vasthapäi.
Koumanz' pühäpäiv — Möndan, kodiholitusen radnikoiden päiv Venämal.
16. keväz'kud — Rahvahaližen Muai Tai boksan päiv Tailandas.
17. keväz'kud — Pühän Patrikan päiv Irlandijas, Pohjoiž-Irlandijas da Kanadan provincijas - njufaundlenas da Labradoras.
19. keväz'kud — Vedenaluižen merimehen päiv Venämal.
20. keväz'kud — Rahvahidenkeskeine frankofonijan päiv.
21. keväz'kud — Mail'man runotusen päiv.
21—23. keväz'kud — Novruz — keväden praznik da uden voden augotiž iranan rahvahil da türkilaižil rahvahil.
25. keväz'kud — Kul'turradnikan päiv Venämal; pühän Bogorodican Blahoveščenjan päiv.
27. keväz'kud —
- Venäman Sijaližiden azjoiden ministerstvan sijaližiden voiskiden päiv;
- Mail'man teatran päiv.
28. keväz'kud — Azerbaidžanan rahvahaližen varumatomuden erištoiden radnikoiden päiv.
29. keväz'kud — Juridižen služban azjantundijan päiv Venämal.
31. keväz'kud — Sesar Čavesan päiv.

Kul'turas

Taideh

Keväz'ku — Isaak Levitanan taidehkuva, 1895;
Aigaline keväz' — Aleksei Savrasovan taidehkuva, voded 1880.

Kinematograf

Aigaline keväz' — japonialaine fil'm, drama, voz' 1956.

Runod

ven.: Весна в лесу (1956), ven.: Весеннею порою льда (1931), ven.: Март (1947), ven.: Ледоход (1916) — Boris Pasternakan runod.

Venälaižed sanutesed da primetad

"Aigaline keväz'" (Aleksei Savrasov, voded 1880)

Keväz'ku — ei ole keväz', a aig edel kevät^[6].

Homaičendad

↑ За год Солнце проходит не через 12, а через 13 созвездий. Новый знак зодиака — «Змееносец» (неопр.). Дата обращения: 25 kül'mkud 2025. Архивировано 20 sügüz'kud 2011 года.
↑ Климишин И. А. Календарь и хронология. — Изд. 3. — М.: Наука. Гл. ред. физ.-мат. лит., 1990. — С. 41. — 478 с. — 105 000 экз. — ISBN 5-02-014354-5.
↑ ¹ ² ³ ⁴ В. Д. Грошев. Календарь российского земледельца (народные обычаи и приметы). — МСХА. — М., 1991. — С. 18. — ISBN 5-7230-0074-8.
↑ History of March - by Lillith - Helium (англ.). web.archive.org. Дата обращения: 11 kül'mkud 2025.
↑ Все про литовский на сайте о языках (неопр.). web.archive.org. Дата обращения: 11 kül'mkud 2025.
↑ Круглый год. Русский земледельческий календарь / сост. А. Ф. Некрылова. — М.: Правда, 1989. — С. 118. — 496 с.

Literatur

Круглый год. Русский земледельческий календарь. — М.: Правда, 1989. — ISBN 5-253-00598-6.
Народный Месяцеслов. — М.: Современник, 1992. — ISBN 5-270-01376-2.

Lähtked

Март // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
Календарь // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907. Статья Витковского В. В.

Kud

[1] За год Солнце проходит не через 12, а через 13 созвездий. Новый знак зодиака — «Змееносец» (неопр.). Дата обращения: 25 kül'mkud 2025. Архивировано 20 sügüz'kud 2011 года.

[2] Климишин И. А. Календарь и хронология. — Изд. 3. — М.: Наука. Гл. ред. физ.-мат. лит., 1990. — С. 41. — 478 с. — 105 000 экз. — ISBN 5-02-014354-5.

[G-3] ¹ ² ³ ⁴ В. Д. Грошев. Календарь российского земледельца (народные обычаи и приметы). — МСХА. — М., 1991. — С. 18. — ISBN 5-7230-0074-8.

[4] History of March - by Lillith - Helium (англ.). web.archive.org. Дата обращения: 11 kül'mkud 2025.

[5] Все про литовский на сайте о языках (неопр.). web.archive.org. Дата обращения: 11 kül'mkud 2025.

[6] Круглый год. Русский земледельческий календарь / сост. А. Ф. Некрылова. — М.: Правда, 1989. — С. 118. — 496 с.

[1]

[2]

[3]

[4]

[5]

[6]

Ссылки на внешние ресурсы
Vajehnikad da tedokirjad	Большая датская Большая каталанская Большая норвежская Britannica (онлайн)
Bibliografižiš katalogoiš	BNF: 131952471 GND: 4334968-7 J9U: 987007532631805171 LCCN: sh2001002062