Sulaku

Рувики-späi


← Sulaku →
Ez To Ko Ne Vi So Pü
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      
2026. voz'

Sulaku (ven.: Апре́ль, latin.: Aprīlis — variantad: "avaitud", "lämbitadud päiväižel", "Afroditan ku") — voden nellänz' ku Grigorianan da Julianan kalendarin mödhe.

Апрель, Вепсский календарь по месяцам, Респ Карелия, Петрозаводск.jpg

Amuižrimalaižen voden toine ku, mitte zavodiše Cezarin reformaspäi keväz'kuspäi. Üks' nelläs kuspäi, mitte jatktase 30 päiväd.

Pohjoižes manpoliškos om keväden toine ku, suvimanpoliškos — sügüzen toine ku.

Nügüdläižel aigal 18. sulakud Grigorianan kalendarin mödhe päiväine om Kala-tähthudes, 18. sulakuspäi — Oven-tähthudes[1][2].

Hibused puiš sulakus

Statistik da tedod

Sulakun keskmäine temperatur Podmoskovjes +3,7 °С, päiväižen hoštatesen norm — 164,5 časud[3].

Sutkan keskmäraine temperatur om enamb nollad läz 3. sulakud, kaikid aigemba — 13. keväz'kud (1933), möhemb — 24. sulakud (1929). Lumi sulab läz 12. sulakud, kaikid aigemb aig — 17. keväz'kud (1921), möhemb — 21. sulakud (1926). Läz 20. sulakud ma sulab kogonalaz, kikid aigemb aig — 8. sulakud (1935), möhemb — 5. semendkud (1929). Sulaku — täuz'veden ku[3].

Necil kul (Podmoskovjen tedoiden mödhe) koivun sokun augotiž. Konz lumi sulab, änikoičeba leskenleht, orešnik, rusked raid, lep, pereleskad, händikahan nin', čist'ak, l'utik da toižed[3].

Suvespäi tuleba čibisad da kurged. Kun lopuks (jäl'ghe 24. sulakud) kägi kukkub[3].

Külälaižen ižandan da ogorodnikan täht sulaku om üks' kaikiš jügedoišpäi radkuišpäi. Kesk-Jevropas necil kul semetas leibäd, ovoščid, imičaine da m.e. Siloi-ki puhtastadas da ičtutadas pud, valatas nit'ud, ogorodoiš semetas da ištutadas erazvuiččed ovoščid. Aigaližiden leibiden semendamine mal Venäman keskregionoiš om vaiše lumen sulamižen jäl'ges, sulakun toižes palas. Sulakus ühtes kazvmusiden änikoičendanke zavodiba rata mezjaižed. Sulakul om tärged znamoičend rahvahan ekonomižes elos, nece nägub rahvahaližiš muštatišiš libo sändoiš. Sä paksus vajehtase, sikš necil kul vajehtajad säd nimitadas sulakun säks, necen sün taguiči sän vajehtamine nimitadas paksus sulakun čudoks[4].

Istorii da etimologii

Sulakun nimi, voib olda, mäneb, kut sanuiba jo endevanhad (ozutesikš Makrobii "Saturnalijoiš"[5], kus oma tedod aigaližiš avtoroiš), latinalaižes aperire-verbaspäi (libo aperio) — "avaita", sikš ku necil kul Italijas avaižihe, zavodihe keväz', änikoičiba pud da änikod[4]. Necidä etimologijad tugetab rindatuz nügüdläižen grakalaižen ἁνοιξις-sanan kävutamiženke (anoixis) — "adaidamine" keväden znamoičendan täht. Toižen versijan mödhe, kun nimi latinalaižes apricus-sanaspäi — "lämbitadud päiväižel"[3].

"Keväz'", (Bottičellin taidehkuva, 1477), keskuses om Venera-jumal

Erased rimalaižed kud mugažo oli nimitadud jumaloiden muštho, sikš sulaku omištihe vep. jumalale (Festum Veneris). Sikš ku Fortunae Virilis-praznik tehtihe kun ezmäižel päiväl, meletihe, miše kun Aprilis-nimi om tehtud Aphrilis-sanaspäi, siš om grekalaižen Afrodita-jumalan johtutez (mugažo Aphros), se associiruitas rimalaižil Veneranke, kudamb oli sündunu vahtospäi, sišpäi om kun Aprilis-nimi, mitte om tehtud άφρός-sanaspäi (vaht), voi kirjutadas, kut Aphrilis[5]; necen jumalan venälaine variant — Апру (Apru). Jakob Grimm pagiži gipotetižen jumalan libo hengen polhe, kenen nimi oli Апера (Aper) libo Апруса (Aprus)[6].

Sulakus om nügüd' 30 päiväd, no Julii Cezarin reformahasai oli vaiše 29 päiväd[4]. Necil aigal avaižihe kaikid pit'kemb aigkeskust, mitte om omištadud jumaloile (19 päiväd), sen aigan Amuižes Rimas ei radnugoi kaik sudorganizacijad. Sulakus vodel 65, jäl'ghe Pizonan puhegid, miččed oli oigetud imperatorad Neronad vasthapäi, pöl'gästoitud Senat sanui sulakun nimen vajehtamižes da tegihe "neronijaks"; nece nimi jäl'ghe Neronan surmad vodel 68 läksi paginaspäi.

Istoriližed anglialaižed sulakun nimed ozutaba sen anglosaksonine Oster-monath libo Eostur-monath-znamoičend. Beda Dostopočtennii sanui, miše necen kun nimel oliba Äipäiv-praznikan jured (Easter — nügüdläižel anglijan kelel). Paiči necidä, hän meleti, miše kun nimi voi olda Eostre-jumalan muštoks, kudambad arvosteldihe necil aigal. Karl Sur' tahtoi mugažo kaita sen täht germanialaižen Ostermonat-nimen — "äipäivän ku"; gollancoil sulakun nimi oli Grasmonat ("heinän ku"). Jo udel aigal germanialaižes Ešenburg-komunnas tahtoitihe udesnimitada sidä Wandelmonat libo Wandelmond-nimeks ("vajehtusiden kuks")[4]. Amuižvenälaižes kalendariš (edel ortodoksižen uskondan vahvištoitust) kun nimi oli berezozol[7], rahvahaližiš kalendariš mugažo — snegogon, ručeinik, vodolei, pervocvet.

Toižil kelil

Jevropan äjiš keliš sulakun nimi om tehtud latinalaižen tradicijan mödhe. No om erzvuiččid eroid.

"Sulaku" (Leanardo Bassanon taidehkuva, voded 1595/1600)

Suomen kelel kun nimi om huhtikuu, toižil sanoil "puiden poltusen ku", sikš ku necil kul čaptihe da polttihe pud, miše puhtastada mad radoiden täht[8]. Čehijan kelel sulakun nimi om duben, "dub"-sanaspäi. Ukrainan kelel — квітень, pol'šan kelel — kwiecień, "änikoičend"-sanaspäi. Läheli om belorussijankeline sulakun sana — красавік — "änikoičii". Horvatijan kelel — travanj — "heinäsine". Turcijan kelel sulaku nimitadas — Nisan — kut amuižes lähelipäivnouzman tradicijannoks, kus jured oma šumeroiden nisag-sanaspäi — "ezmäižed plodud". Litvan kelel sulaku nimitadas balandis, toižil sanoil — "golub'"[9].

Nügüdläižil kitajan da japonijan kelil sulaku znamoičeb "nellänz' ku".

Kul'turas

Muzik

  • "Sulaku" — "Kino"-muzikgruppan pajo, ven.: "Звезда по имени Солнце"-al'bom, voz' 1989.
  • "Sulaku" — belorussijan didžei, elektromuzikant da bitmeiker.
  • "April" — Deep Purple-muzikgruppan pajo.

Taideh

  • "Sulaku" — vep. taidehkuva, voded 1595/1600.

Kinematograf

  • Sulaku — lühüd sovetskii Otar Ioselianin fil'm, voz' 1961.
  • Sulaku — venälaine voden 2001 Konstantin Murzenkon kinofil'm.
  • Sulakun vihmad — amerikalaine ripmatoi voden 2009 fil'm.

Praznikad

"Sirdäjad"
  • Äipäiv.
  • Peisah.
  • Vesak (kudmaižen öl) — Buddan sündundpäiv.
  • Veden tippuine — kuldan muruine (sulakun ezmäine pühäpäiv).
  • Toine sobat — Kesk-Uralan rahvahiden päiv (vodelpäi 2003).
  • Ezmäine pühäpäiv — Geologan päiv.

Homaičendad

  1. ↑ За год Солнце проходит не через 12, а через 13 созвездий. Новый знак зодиака — «Змееносец». Дата обращения: 8 tal'vkud 2025. Архивировано 20 sügüz'kud 2011 года.
  2. ↑ Климишин И. А. Календарь и хронология. — Изд. 3. — М.: Наука. Гл. ред. физ.-мат. лит., 1990. — С. 41. — 478 с. — 105 000 экз. — ISBN 5-02-014354-5.
  3. ↑ 1 2 3 4 5 В. Д. Грошев. Календарь российского земледельца (народные обычаи и приметы). — МСХА. — М., 1991. — С. 21. — ISBN 5-7230-0074-8.
  4. ↑ 1 2 3 4 Апрель // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  5. ↑ 1 2 Макробий. Книга первая, главы 12—16 // Сатурналии.
  6. ↑ Jacob Grim Geschichte der deutschen Sprache. Cap. "Monate"
  7. ↑ Березозол // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  8. ↑ Chisholm, Hugh, ed (1911). "April". Encyclopædia Britannica (11th ed.). Cambridge University Press.
  9. ↑ Все про литовский на сайте о языках. web.archive.org. Дата обращения: 8 tal'vkud 2025.

Lähtked

  • Календарь // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907. V. V. Vitkovskijan kirjutez
Kud

Viluku | Uhoku | Keväz'ku | Sulaku | Semendku | Kezaku | Heinku | Eloku | Sügüz'ku | Reduku | Kül'mku | Tal'vku

Om sadud "https://vep.ruwiki.ru/w/index.php?title=Sulaku&oldid=452309"