Kosmonavtikan päiv

Рувики-späi
Kosmonavtikan päiv
Pätem kosmonavt[d]
Riik
  • SSSR
Voden päiv 12. sulakud
Kuva
Логотип РУВИКИ.Медиа Медиафайлы на Викискладе

Kosmonavtikan päiv (ven.: День космон́автики) — ezmäks praznuitihe SSSRas, möhemba toižiš valdkundoiš, praznik om omištadud ristitun ezmäižele lendandale avarudehe[1].

Praznuitas 12. sulakud, päiv oli märitadud ristitun ezmäižen lendandan avarudehe muštoks, sidä tegi Jurii Gagarin vodel 1961[1].

Istorii da praznuičend

12. sulakud vodel 1961 sovetskii kosmonavt Jurii Gagarin "Vostok-1"-avaruzlaival lehdaškanzi "Baikonur"-kosmodromaspäi da ezmäine mirus lendi avarudes ümbri Man planetas[2]. Jurii Gagarinan lendand avarudes jatksi 108 minutad[3], hän ištuihe male Saratovan agjas. Ištundsijas möhemba oli tehtud Kosmonavtoiden puišt Jurii Gagarinan nimel[4].

Kosmonavtikan päivän praznuičemine oli märitadud udel vodel jäl'ghe gagarinan lendandad Sovetskijan Sojuzan Ülembaižen Nevondižton Prezidiuman käsköl 9. sulakud vodel 1962, siloi-žo oli tehtud sen nimi — Kosmonavtikan päiv. Uden praznikan pakičijan oli Sovetskijan Sojuzan toine lendai-kosmonavt German Titov, kudamb oigenzi KPSSan keskeižehe komitetaha pakičusen 26. keväz'kud vodel 1962[5][6].

Necil päiväl mugažo praznuitas Mail'man aviacijan da kosmonavtikan päiv, sen nimi da praznuižendpäiv, mitte om mugoine-žo, kut oli tehtud Sovetskijas Sojuzas, oli vahvištadud Rahvahidenkeskeižel aviacijan federacijan Generaližel 61.konferencijal käsköl kül'mkus vodel 1968 (p. 17), da Nevondišton pätandal, se oli vahvištadud 30. sulakud vodel 1969 Sovetskijan Sojuzan Aviavijan sportan federacijan taričendan mödhe[7].

Vodel 1980 SSSRas Kosmonavtikan päivän praznuičemine oli vahvištadud toižen kerdan Sovetskijan Sojuzan Ülembaižen Nevondišton Prezidiuman käsköl № 3018-Х 1. redukud "Praznik-, muštpäiviš"[1].

Venämal Kosmonavtikan päiv praznuitas necil-žo päiväl, kut Sovetskijas Sojuzas Federaližen zakonan 1.1 kirjutesen mödhe 13. keväz'kuspäi vodelpäi 1995 № 32-FZ "Venäman vointetabuden da muštpäividen polhe"[8]. Päazjtegod praznuičemižen aigan mäneba Moskvas da Kalugas: Moskvan planetarijas pidetas ekskursijad, a Kosmonavtikan muzejas vaumitas projektad, lekcijad da vastused, tehtas azjtegod Valdkundaližes kosmonavtikan istorijan muzejas Kalugas, ezmäine kivi, miččen alandust pani Jurii Gagarin[9][10][11].

Tematižed azjtegod, miččed om omištadud Kosmonavtikan päiväle, tehtas Venäman kaikiš regionoiš, vodelpäi 2016 pidetas "Avaruz' - nece mö" - Gagarinan urok (vodelpäi 2017 se mugažo tehtas Venäman irdpolel)[12].

Ristitun ezmäižen lendandan evarudehe 50-voččeks jubilejaks vodel 2011 Venämal oli vedätud Venälaižen kosmonavtikan voz', 55-voččeks jubilejaks — voz' 2016 oli nimitadud Jurii Gagarinan vodeks. Necil-žo vodel zavodihe "Mö uskom avarudehe" - art-projekt[12].

Jurii Gagarinan lendandan 60-voččeks jubilejaks vodel 2021 oli pidetud erazvuiččed tematižed azjtegod, pä miččišpäi oli "Ezmäine" - ozuteluz moskvalaižes Kosmonavtikan muzejas, kus päeksponatan oli "Vostok-1" pästtud laivan apparat, miččel Jurii Gagarin pörzihe Male[12].

Vodel 2023 konz oli heittud koronavirusan röunatused, Kosmonavtikan päivän praznuičemine oli lujas leved. Muga Moskvas oli tehtud tematižed ozutelused, mastar'-klassad, kino-ozutelused, lekcijad, performansad[13]. Saratov, kus Jurii Gagarin openzihe norišton aigan Kosmonavtoiden randirdal Jurii Gagarinan muštpachanno mäni praznikaline miting, kuna ühtniba oficialižed mehed da kosmonavtad. Saratov tradicijan mödhe tegese ühteks Kosmonavtikan päivän praznuičemižen päkeskusespäi[14].

Mugažo kaiken aigan pidetas azjtegod Kosmonavtikan päiväks Venäman toižiš-ki lidnoiš — Kazaniš[15], Kalugas[16][17], Piteriš[18], Arhangel'skas[19] da toižiš lidnoiš.

Iniciativad praznikan statusan vajehtusen mödhe Venämal

Aktivistad ei üht kerdad tahtoiba vajehtada Kosmonavtikan päivän statusad Venämal, tehta sidä valdkundaližeks praznikaks da pühäpäiväks. Necidä tahtod tugedaba äjad kosmonavtikan muzejad, nügüdläižed da enččed kosmonavtad, mugažo erazvuiččed valdmehed.

Necidä tahtod tugeziba erazvuiččiden politižiden partijoiden deputatad erazvuiččel aigal.

Ezmäižen kerdan taht tehta Kosmonavtikan päiväd rahvahaližeks oli anttud Valdkundaližehe dumaha vodel 2001. Zakonoprojektan iniciatorad oliba deputatad "Venäman regionad", "KPRF", "LDPR", "Narodovlastije", "Jedinaja Rossia", "Otečestvo - Vs'a Rossia", "Medved'" - partijoišpäi. Zakonoprojekt kactihe Valdkundaližes dumas vozil 2001—2002, no parlamentarijad ei tugenugoi sidä. Semendkus vodel 2006 tahtoitihe möst vajehtada praznikan statusad. Necil kerdal iniciatoroiden keskes oliba "Rodina" da "KPRF" - partijoiden deputatad, sid' heid tugezi "Jedinaja Rossia"-partijan deputat Gennadii Raikov. Hö taričiba sirtta Venäman päiväd 12. kezakuspäi 12. sulakuhusai. Nece zakonoprojektan iniciativ kactihe vozil 2006—2008, no ei olend vahvištadud.

Vodel 2013 oli tehtud möst hašk sirtta necidä idejad sijalpäi da tehta 12. sulakud rahvahaližeks praznikaks. Zakonoprojektad Valdkundaližehe dumaha andoiba "Spravedlivaja Rossia"-frakcijan deputatad Sergei Mironov, Nikolai Levičev, Valerii Čerešnev, Mihail Jemeljanov, Aleksandr Agejev. Necil kerdal "Spravedlivaja Rossia" tariči otta päivän Raštvoiden lebupäivišpäi, miše 12. sulakud tegižihe rahvahaližeks lebupäiväks. Zakonoprojekt kactihe vozil 2013-2015, oigetihe Venäman Prezidentale, Venäman parlamentaha da valdmehištoho[20].

Vodel 2017 sanutihe völ kerdan zakonoprojektan iniciativan polhe. Venäman Kundaližes palatas taritihe tehta Kosmonavtikan päiv lebupäiväks, no zakonoprojekt möst ei olend vahvištadud[21].

Vodel 2021 Jurii Gagarinan lendandan 60-voččeks jubilejaks möst taritihe tehta 12. sulakud lebupäiväks. Necil kerdal "Kommunistad Rossii"-partii sanui iniciativas[22]. Mugoižen tahton polhe sanui lendai-kosmonavt, Valdkundaližen duman ekologijan da londusen komitetan pämez' Jelena Serova[23].

Vodel 2023 praznikan status ei olend vajehtadud, ei olend vahvištadud projekt, miččen mödhe 12. sulakud tegižihe praznikaližeks lebupäiväks.

Rahvahidenkeskeine ristitun lendandan avarudehe päiv

Sal'ut Kosmonavtikan 50-voččeks jubilejaks 12. sulakud vodel 2011

7. sulakud vodel 2011 Ühtenzoittud rahvahiden organizacijan eriližel plenarižel ištundal oli vahvištadud rezol'ucii, mitte ofocialižesti sanui, miše 12. sulakud om Rahvahidenkeskeine ristitun lendandan avarudehe päiv. Rezol'ucijoiden avtoraks tegihe enamba mi 60 valdkundad[24][25]. Pätuz oli vahvištadud ristitun lendandan avarudehe 50-voččeks jubilejaks[26].

Necen päivän toižed azjtegod

20 vodes päliči jäl'ghe ristitun ezmäšt lendandad avarudehe, 12. sulakud vodel 1981 zavodihe ezmäine lendand pilotoidenke amerikalaižen "Speis Šattl"-programman mödhe[27].

Molemban lendandan (Jurii Gagarinan da "šattlan") muštoks mail'man erazvuiččiš lidnoiš vodelpäi 2001 pidetas rahvahidenkeskeine "Jurjevan ö"-festival'. Sen tegijad oma Avaruden polven konsul'tativine nevondišt, valdkundalitoi organizacii, mitte ühtenzoitab ühtnikoid enamba mi 60 mail'man valdkundaspäi[28].

Vodel 2019 festival' mäni erazvuiččiš mirun valdkundoiš, oli registriruitud enamba sadad azjtegod, miččed mäniba festivalin aigan. Rahvahidenkeskeižiden sijoiden keskes oliba - Amerikan Avaruden fondan "Discovery"-keskuz Kolorado-Springsas, Aviacijan da avaruden muzei Vašingtonas, Avaruz'keskuz Floridas, "Amundsen-Scott - tedokeskuz Suvipoliškos[28].

Kul'turas

Roskosmos tegi ven.: "Трава у дома"-pajon venälaižen kosmonavtikan oficialižeks gimnaks, mitte kulub siloi, konz kosmonavtad lähteba adivpertišpäi lendandpäiväl[29].

Moskvas kaiken aigan tehtas festival', miččen nimi om ven.: "Пора в космос!", se om omištadud Kosmonavtikan päiväle. Festivalin tegijad pidäba festivalid VDNH-sijas, avaruz'paviljonan rindal.

Azjtegin pätegii — Venäman kosmonavtikan muzejoiden associacii, se mäneb Roskosmosan tugel.

Filatelii

  • Počtmark Jurii Gagarinan modkuvanke. SSSR, 1964

    Počtmark Jurii Gagarinan modkuvanke. SSSR, 1964

  • Počtmark Aleksei Leonovan modkuvanke. SSSR, 1967

    Počtmark Aleksei Leonovan modkuvanke. SSSR, 1967

  • Počtmark. SSSR, 1972

    Počtmark. SSSR, 1972

  • Počtmark "Mir"-orbitanstancijanke. SSSR, 1990

    Počtmark "Mir"-orbitanstancijanke. SSSR, 1990

  • Počtmark. Kazahstan, 1996

    Počtmark. Kazahstan, 1996

  • Jubileine mark ristitun lendandan avarudehe 50-voččeks jubilejaks. Ukraina, 2011

    Jubileine mark ristitun lendandan avarudehe 50-voččeks jubilejaks. Ukraina, 2011

  • Počtmarkas om ozutadud konstantin ciolkovskijan modkuva da "Angara-A5" - raket-kandišii, mitte lendab ülähäks tähtakahal taivhan tagamal. Venäma, 2024

    Počtmarkas om ozutadud konstantin ciolkovskijan modkuva da "Angara-A5" - raket-kandišii, mitte lendab ülähäks tähtakahal taivhan tagamal. Venäma, 2024

Numizmatik da faleristik

  • Venäman Bankan jubileine monet "50 vot ristitun ezmäižen lendandaspäi avarudehe", 2011

    Venäman Bankan jubileine monet "50 vot ristitun ezmäižen lendandaspäi avarudehe", 2011

  • Gagarin znam 1961 SSSR

    Gagarin znam 1961 SSSR

  • Znam 12. sulakud Kosmonavtikan päiv

    Znam 12. sulakud Kosmonavtikan päiv

  • Znam 12. sulakud Kosmonavtikan päiv

    Znam 12. sulakud Kosmonavtikan päiv

Homaičendad

  1. ↑ 1 2 3 День космонавтики (10 малоизвестных фактов о полёте Юрия Гагарина). Ульяновский государственный университет (12 sulakud 2019). Дата обращения: 9 elokud 2023.
  2. ↑ 12 апреля 1961 года состоялся первый полёт человека в космос. Российское историческое общество (12 sulakud 2023).
  3. ↑ Давыдов В. А. Первый Пилотируемый Полёт, том 2. — М.: Родина Медиа, 2011. — С. 42. — 1096 с. — ISBN 978-5-905350-01-6.
  4. ↑ Парк покорителей космоса им. Юрия Гагарина. Объединённый мемориальный музей-заповедник Ю. А. Гагарина. Дата обращения: 9 elokud 2023.
  5. ↑ День воздушного флота, День космонавтики. Стенгазета МАП СССР «Крылья Родины». Дата обращения: 9 elokud 2023. Архивировано 26 keväz'kud 2013 года.
  6. ↑ Дмитрий Писаренко. «Орёл» и романтик. В чём космонавт № 2 оказался первым? Аргументы и факты (11 sügüz'kud 2020). Дата обращения: 9 elokud 2023.
  7. ↑ День авиации и космонавтики // Авиация: Энциклопедия / гл. ред. Г. П. Свищев. — М.: Большая Российская Энциклопедия, 1994. — ISBN 5-85270-086-Х.
  8. ↑ Федеральный закон Российской Федерации от 13 марта 1995 г. № 32-ФЗ «О днях воинской славы и памятных датах России». КонсультантПлюс. Дата обращения: 9 elokud 2023.
  9. ↑ День космонавтики в Московском планетарии. Московский планетарий (1 sulakud 2021). Дата обращения: 9 elokud 2023.
  10. ↑ В Калуге отметили День космонавтики. Калуга BezФормата (12 sulakud 2023). Дата обращения: 9 elokud 2023.
  11. ↑ По всей Калужской области проведут мероприятия в честь Дня космонавтики. НикаTV (12 sulakud 2023). Дата обращения: 9 elokud 2023.
  12. ↑ 1 2 3 История Дня космонавтики. ТАСС (11 sulakud 2021). Дата обращения: 9 elokud 2023.
  13. ↑ День космонавтики в Москве 2023: экскурсии, спектакли и тематические игры (12 sulakud 2023). Дата обращения: 9 elokud 2023.
  14. ↑ В Саратове началось празднование Дня космонавтики. Саратов BezФормата (12 sulakud 2023). Дата обращения: 9 elokud 2023.
  15. ↑ На «реактивном» субботнике в Казани за 108 минут собрали 14 КАМАЗов мусора. Официальный портал органов местного самоуправления города Казани (12 sulakud 2019). Дата обращения: 9 elokud 2023.
  16. ↑ Полпред президента присвоил Калуге звание «научно-популярной столицы космонавтики». Калуга24 (13 sulakud 2022). Дата обращения: 9 elokud 2023.
  17. ↑ Материалы по тегу День космонавтики: Калужская неделя. Дата обращения: 9 elokud 2023.
  18. ↑ День космонавтики в Санкт-Петербурге 2023. Комсомольская правда (Sulaku 2023). Дата обращения: 9 elokud 2023.
  19. ↑ Аким Самедов, Светлана Михеевская, Юрий Теленков. Портрет Гагарина и космический остров: как в Поморье отметили День космонавтики. телеканал «Регион 29» (13 sulakud 2023). Дата обращения: 9 elokud 2023.
  20. ↑ Светлана Субботина, Юлия Цой, Анастасия Миткевич. День космонавтики предлагают сделать нерабочим. Известия (12 sulakud 2013). Дата обращения: 9 elokud 2023.
  21. ↑ В Общественной палате предложили сделать День космонавтики выходным. РИА Новости (12 sulakud 2017). Дата обращения: 9 elokud 2023.
  22. ↑ Мария Левонян. В Госдуме предложили сделать 12 апреля выходным днем. Сургут BezФормата (7 vilukud 2021). Дата обращения: 9 elokud 2023.
  23. ↑ Александр Емельяненков. День космонавтики в год юбилея предложили сделать выходным. Российская газета (8 vilukud 2021). Дата обращения: 9 elokud 2023.
  24. ↑ 12 апреля – Международный день полёта человека в космос. Новости ООН (12 sulakud 2022).
  25. ↑ Резолюция A/65/271 от 25 марта 2011 года. Организация Объединенных Наций. Дата обращения: 9 elokud 2023.
  26. ↑ День космонавтики. Центр космонавтики и авиации на ВДНХ. Дата обращения: 9 elokud 2023.
  27. ↑ «Приблизили новые миры»: как США запустили шаттл в годовщину полёта Гагарина. Газета.ru (12 sulakud 2021). Дата обращения: 9 elokud 2023.
  28. ↑ 1 2 «Юрьева ночь» в память о полете Гагарина пройдет в десятках стран. ТАСС (6 sulakud 2019). Дата обращения: 9 elokud 2023.
  29. ↑ Ко Дню космонавтики. Тульская областная специальная библиотека для слепых (12 sulakud 2022). Дата обращения: 12 sulakud 2024.

Tarkendused
Om sadud "https://vep.ruwiki.ru/w/index.php?title=Kosmonavtikan_päiv&oldid=290785"