Tatjanan päiv

Рувики-späi
Kodvdud kirjutez
Tatjanan päiv
Moskvan valdkundaližen universitetan üläopenikad Tatjanan päiväl
Moskvan valdkundaližen universitetan üläopenikad Tatjanan päiväl
Tip Muštpäiv venämal
(vodelpäi 2005)[1], hristianine[2]
Oficialižesti Venälaižiden üläopenikoiden päiv[3]
Toižin Üläopenikan päiv
Mugažo Tatiana Rimskaja da hänenke žertvad Rimas(pühäkodi)[2]
Praznuitas Venäma, Belorussii, Moldavii
Päiv 12 (25) vilukud[2][3]
Praznuičend Tatjanoiden ozatelend nimipäivänke, üläopenikoiden ozatelend heiden päivänke
Om sidotud Pühän Tatjanan arvostandanke i Moskvan valdundaližen universitetan avaidusenke[4]
Логотип РУВИКИ.Медиа Mediafailad RUWIKI-tedoiš

Venälaižiden üläopenikoiden päiv (ven.: День росси́йского студе́нчества (toižeks Tatjanan päiv (ven.: Татья́нин день) vai Üläopenikan päiv (ven.: День студе́нта)) — muštpäiväd Venämal[3], a mugažo Pühän mokičijan Tatiana Rimskajan muštpäiv ortodoksižes kalendariš[2]. 12. (23) vilukud vodel 1755 Pühän mokičijan Tatiana Rimskajan päiväl imperatric Jelizaveta Petrovna allekirjuti käskön Moskvan universitetan avaiduses. Siš aigaspäi Tatjanan päiväd zavottihe praznuita kut universitetan sündundpäiväd, möhemba kut üläopenikoiden päiväd[4].

Vodelpäi 2005 25. vilukud Venämal praznuitas Venälaižiden üläopenikoiden päiväd oficialižesti[1].

Pühän mokičijan Tatjanan jumalaine, XIX voz'sada

Venälaižiden üläopenikoiden päivän istorii

12. (23.) vilukud vodel 1755, mokičijan Tatiana Rimskaja (ven.) (vep.n muštpäiväl venälaine imperatric Jelizaveta Petrovna hüväksi Ivan Šuvalovan pakičendan i allekirjuti käskön Moskvan universitetan avaidamižes, mitte tegihe ezmäižeks klassižeks universitetaks Venälaižes imperijas (ven.) (vep.[4][5]. Om kaitud johtutesed:

Šuvalov valiči necen päivän, miše toda imperatricale projektan ei muite, Pühän Tatjanan mokičijan muštpäiväl hänen mamal oli sündundpäiv. I hän tahtoi ihastoitta mamad udel venälaižen universitetan kuratoran radsijal[6].

Möhemba vodel 1791 ühtes vanhan sauvotusen paviljonoišpäi oli tehtud Pühän mokičijan Tatjanan pühäkodi[5], a iče Pühä Tatjana tegihe kaikiden venälaižiden üläopenikoiden kaičijaks[4][7].

Praznik oli vahvištoittud vodel 1850[8]. Päivmäraks valitihe ei käskön allekirjutesen päiväd, a mokičijan Tatjanan praznuičendpäiväd, hänen muštoks oli-ki pühätud universitetan pühäkodi. Ezmäi nece oli Moskvan universitetan (ven.) (vep. üläopenikoiden praznik, möhemba sidä zavodiba praznuita toižiden openduzerištoiden üläopenikad[9].

Pühän mokičijan Tatjanan pühäkodi Mohovaja-irdal (Moskva)

Okt'abr'skijan revol'ucijan jäl'ghe Tatjanan päiväd jouhtutadihe harvoin. Konz vodel 1995 Moskvan universitetas avaitihe pühäkodi mokičijan Tatjanan muštoks, necidä praznikad udes zavottihe praznuita. Voden 2005 vilukun 25. päiväspäi se praznuitas Venämal kut Üläopenikan päiväd[1].

Praznik om sidotud üläopenikoidenke, sikš ku 25. vilukud om jälgmäine openduzsessijan päiv ezmäižes semestras, miččen jäl'ghe zavodiše üläopenikoiden tal'vpästused[4]. Sen ližaks, Tatjana grekan kelespäi kändase kut "sädai", mi mugažo om sidotud Moskvan universitetan sädandanke[10].

Praznuičend

Üläopenikan päiv praznuitihe Venälaižes imperijas veslas da judukahašti. Sikš nece praznik pidetihe vaiše Moskvas, no sen praznuičendaha ühtni kaik lidn. Praznik zavщdihe loičendaspäi universitetan pühäkodiš, möhemba universitetha kuctihe korktoid adivoid i pidetihe oficialižid praznikazjtegoid[11]. Ičeze surmahasai sur' kn'az' Segei Aleksandrovič ičeze akanke JelizavetaF'odorovnanke joga voden oliba necil praznikal. Oli uskon, ku ken-ni üläopenioišpäi sab ühten änikoišpäi, miččid lahjoitihe surele kn'agin'ale, se ristit linneb ozakahan i hüvin päzub ekzamenoišpäi[12].

Jäl'ges judukahad da veslad praznikazjtegod mäniba lidnas. Eskai francialaine L'usjen Olivje, enzne "Ermitažan" ižand andoi restoranan zalan, miše üläopenikad da professorad voižiba praznuita praznikad. Jäl'ges 21.00 časud ehtad üläopenikad mäniba "Jar"- da "Ster'na"-restoranoihe. Sigä jomižišpäi oli vaiše vodka da olut, mittušt valatihe bučuišpäi[11]. Advokatad, kudambad lopiba Moskvan universitetan juridižen tedokundan joga voden praznuičiba Tatjanan päiväd "Praga"-restoranas[13][14].

Necil vodel jodihe kaik, mi oli jomižišpäi, paiči Moskva-joged, i se sikš, miše se jädui... Pianino i rojalid räzäižiba, orkestrad ei vaikastunugoi. Oli muga vessel, eskai üks' üläopenik lanksi rezervuaraha, kus ujuiba sterl'adid.A. P. Čehov

Kacmata sihe, miše necil päiväl joiba äi humalad, carin žandarmad ei kosknugoi humalaižid üläopenikoid i taričiba heile ičeze abud[7].

Nikonz Moskvan irdoil ei olend mugošt judud, kut necil päiväl. Policii, — mugoine heil oli käsk, — necil päiväl ei pidätand üläopenikoid. Peitagentoile kel'dihe putta üläopenikoiden sil'mile[15].V. А. Gil'arovskii

Jäl'ges voden 1905 revol'ucijad üläopenikad ei kävunugoi "Ermitažha" i ei olend judukahid praznuičendoid. Vodel 1910 Tatjanan päiv mäni hilläs[16].

Vozil 1910 Moskvan lidnan dum tariči praznuita Tatjanan päiväd humalata i vajehtadad restoranoid muzejaha, mitte oli Nikitinan verajanno[11].

Om kaičenus johtutesed Tatjanan päivän praznuičendas vodel 1918, konz oli saubatud universitetan pühäkodi (ven.) (vep.. Üläopenikoil oli praznik koncertanke da karguidenke sömsijas Bronnaja-irdal. Professorad kerazihe universitetan zalas, joiba čajud, a jäl'ges rektor läksi üläopenikoidennoks. Üläopenikoiden praznikal oliba rahvahan komissariatan ohjandajad Nikolai Semaško i Anatolii Lunačarskii, runoilii Konstantin Bal'mont[17].

Nügüdläižed üläopenikad jatktaba praznuita necidä päiväd tämbei-ki. Heid ozateleba universitetan rektorad, professorad, kaik opendajad, tetabad ristitud, man da Venäman subjektoiden pämehed. Vedetas pästnikoiden vastusid-ki uzidenke üläopenikoidenke, necil päiväl anttas pauklahjoid openduzsatusiš, tehtas hüväntegelusiden akcijoid-ki[8].

Üläopenikoiden primetad da uskondad

Üläopenikoil, kudambad praznuičeba necidä päiväd, oma mugomad uskondad:

  • Ku pirtta tedokodvusiden kirjaižen jäl'gmäižel lehtpolel penen pertin turunke, miččespäi mäneb savu, siloi openduz linneb satusekahan. Mi pidemba savu, se paremba[18].
  • Miše kodvaig mäniži kebnemba, necil päiväl pidab lähtta gardelejale avaitud tedokodvusiden kirjaiženke i koume kerdad heikahtada "Hal'ava, tule!" i saubata tedokodvusiden kirjaine[18].
  • Veslas vedetud Üläopenikan päiv — znam hüvin päzuda kodvaigaspäi; ekzamenoiden edel om kel'tüd koskta openduzkirjoid da lehtesid, miše ei küksta ozad[19].

Arvostelend

Ortodoksižed papid äi kerdoid sanuiba, miše Üläopenikan päivän praznuičendan tradicijad vastkaroičeba Tatjanan päivän hristianoiden kal'huzid. Hö sudiba üläopenikoiden ičtainvedändad, humaljondad, heiden uskondid. Papid oma sidä mel't, miše necil päiväl pidab muštta mokičijan Tatjanan surmad, nece ei ole praznuičendan sü.

Muga, revol'ucijahasai üläopenikad praznuičiba Tatjanan muštpäiväd. Necil päiväl hö loičiba üläopenikoiden kaičijale. Nece oli tobjimalaz azj noriden täht. Žandarmad nimidä ei voinugoi tehta humalahižile üläopenikoile, a hö vaiše pajatiba: "Oh, Tatjana, oh, Tatjana, kaik oma humalahižed, lujas humalahižed".Protoijerei Andrei Tkačov[20]

Ku tö praznuičet necidä päiväd i teiden täht se om sidotud mokičijan Tatjanan muštonke, ka muštkat händast ei gul'biščal da oludel, pahoil pajoil, karguil surmhasai da razvratal, a tradicijoiden mödhe, miččiden pohjaze om pandud grähkiden da pahoiden harjenemusiden vastustuz"...Protoijerei Dmitrii Šiškin

Ortodoksižes uskondas

Mokičijad Tatiana Rimskajad arvostadas kaikiš hristianižiš konfessijoiš (katalizmas hän ei ole muga tetab)[21]. Ortodoksižiš pühäkodiš mokičijan Tatianan päiväl homendesel mäneb loičendslužb[22], erasiš pühäkodiš mugažo möneb loičendslužb Pühän muštoks[23] i tehtas ristastundoid[24].

Rahvahan kalendariš

Tradicijad

Päivnouzmann slavilaižil lugetas, miše Tatjanan päiv — nece om sajiden aigkeskust. Mugažo kactihe säha tal'vel, necišpäi rippui mitte lineb sö kevädal da kezal. Ku mäneb lunt, ka keza linneb vihmakaz, ku paštab päiväine — aigaližeks kevädeks[25].

XX voz'sadan augotišes necil päiväl naižed tegiba langkeroid kut voib kinktemba da suremba, miše kapust oliži hüvä. Sen ližaks manradnikoil oli vero — kunaine sündui necil päiväl, hän linneb hüvän emägan: "Tatjana karavajad paštab, hurstud jogel löb i horovodad vedäb".

Muštatesed da rahvahan primetad

  • Konz päiväine laskihe, ala zavodi karavajad paštta, ika ičtaiž päiväd zavodid;
  • Aigaline päiväine — aigaližed lindud;
  • Tatjanaha kacuhtab päiväine aigoiš — aigoiš lindud lendaba;
  • Tatjana karavajad paštab, hurstud jogel löb i horovodad vedäb;
  • Meiden Tatjana vedespäi humalzub[26];
  • Ku Tatjanan päiväl linneb pakaine i päiväine — hüväks satuseks, läm' da uho — sömnäl'gaks.

Homaičendad

  1. ↑ 1 2 3 Указ Президента Российской Федерации от 25.01.2005 г. № 76. Президент России. Дата обращения: 19 sügüz'kud 2025.
  2. ↑ 1 2 3 4 Православный календарь. Православие.Ru. Дата обращения: 19 sügüz'kud 2025.
  3. ↑ 1 2 3 Федеральный закон от 13.03.1995 N 32-ФЗ (ред. от 28.09.2023) "О днях воинской славы и памятных датах России". Статья 1.1. Памятные даты России. КонсультантПлюс. Дата обращения: 19 sügüz'kud 2025.
  4. ↑ 1 2 3 4 5 25 января. РИА Новости. Дата обращения: 19 sügüz'kud 2025.
  5. ↑ 1 2 Ю. Рубан. Татьянин день. Азбука веры. Дата обращения: 19 sügüz'kud 2025.
  6. ↑ Татьянин день – история и традиции праздника, РИА Новости. Дата обращения: 19 sügüz'kud 2025.
  7. ↑ 1 2 25 января -Татьянин день -День российского студенчества. Администрация Санкт-Петербурга. Дата обращения: 19 sügüz'kud 2025.
  8. ↑ 1 2 День студента 2024 — история и традиции главного молодежного праздника. Известия. Дата обращения: 19 sügüz'kud 2025.
  9. ↑ Руга В., Кокорев А. Москва повседневная. — М.: Олма-Пресс, 2005. — 282 с. — ISBN 5-224-05095-2.
  10. ↑ Фаворит Императрицы Елизаветы Петровны - Иван Шувалов. Historicus. Дата обращения: 19 sügüz'kud 2025.
  11. ↑ 1 2 3 Дмитрий Буткевич. «Празднование Дня студента в Российской империи было крайне шумным». Коммерсантъ (25 vilukud 2021). Дата обращения: 19 sügüz'kud 2025.
  12. ↑ Руга В., Кокорев А. Москва повседневная. — М.: Олма-Пресс, 2005. — 282 с. — ISBN 5-224-05095-2.
  13. ↑ Иван Жуковский. «Татьяна» всех равняет. Moscow Daily News. Дата обращения: 14 sügüz'kud 2025.
  14. ↑ Руга В., Кокорев А. Москва повседневная. — М.: Олма-Пресс, 2005. — 282 с. — ISBN 5-224-05095-2.
  15. ↑ Гиляровский В.А.: Студенты. Фрагмент 2. Летопись Московского университета. Дата обращения: 19 sügüz'kud 2025.
  16. ↑ Руга В., Кокорев А. Москва повседневная. — М.: Олма-Пресс, 2005. — 282 с. — ISBN 5-224-05095-2.
  17. ↑ Императорский Московский университет: 1755—1917: энциклопедический словарь / А. Ю. Андреев, Д. А. Цыганков. — М.: Российская политическая энциклопедия (РОССПЭН), 2010. — С. 709—710. — 894 с. — 2000 экз. — ISBN 978-5-8243-1429-8.
  18. ↑ 1 2 Анастасия Москвитина. Сегодня Татьянин день: народные приметы и традиции в День студента. Якутия Daily. Дата обращения: 19 sügüz'kud 2025.
  19. ↑ Лиза Офман. Приметы на Татьянин день или День студента 2023: что нельзя делать. Sputnik. Дата обращения: 19 sügüz'kud 2025.
  20. ↑ Протоиерей Андрей Ткачёв. Упаси нас Бог праздновать в невежестве. КОНТ. Дата обращения: 19 sügüz'kud 2025.
  21. ↑ 25 января – день памяти святой мученицы Татьяны. Вятская и Слободская Епархия. Дата обращения: 19 sügüz'kud 2025.
  22. ↑ Богослужебные указания за 25 января 2024 года. Русская православная церковь. Дата обращения: 19 sügüz'kud 2025.
  23. ↑ В Татьянин день отслужили молебен в ЮГУ. Югра православная. Дата обращения: 19 sügüz'kud 2025.
  24. ↑ Крестный ход в Татьянин день. Алтайский государственный технический университет им. И.И. Ползунова. Дата обращения: 19 sügüz'kud 2025.
  25. ↑ О. А. Ботякова. «Татьянин день». Российский этнографический музей. Дата обращения: 19 sügüz'kud 2025.
  26. ↑ Пушкарёв Л. Н. Духовный мир русского крестьянина по пословицам XVII—XVIII веков. — М.: Наука, 1994. — 192 с. — ISBN 5-02-009755-1.

Literatur

  • Императорский Московский университет: 1755—1917: энциклопедический словарь / А. Ю. Андреев, Д. А. Цыганков. — М.: Российская политическая энциклопедия (РОССПЭН), 2010. — С. 709—710. — 894 с. — 2000 экз. — ISBN 978-5-8243-1429-8.
  • Капуста / Усачёва В. В. // Славянские древности: Этнолингвистический словарь : в 5 т. / под общ. ред. Н. И. Толстого; Институт славяноведения РАН. — М. : Межд. отношения, 1999. — Т. 2: Д (Давать) — К (Крошки). — С. 457–461. — ISBN 5-7133-0982-7.
  • Русские / Отв. ред. В. А. Александров, И. В. Власова, Н. С. Полищук. — М.: Наука, 1999. — 725 с. — ISBN 5-88590-309-3.
  • Церковно-народный месяцеслов на Руси / [Соч.] И.П. Калинского. — Санкт-Петербург: тип. В. Киршбаума (б. Майкова), 1877. — 216 с.
  • Январь / Валенцова М. М., Плотникова А. А., Ясинская М. В. // Славянские древности: Этнолингвистический словарь : в 5 т. / под общ. ред. Н. И. Толстого; Институт славяноведения РАН. — М. : Межд. отношения, 2012. — Т. 5: С (Сказка) — Я (Ящерица). — С. 632–636. — ISBN 978-5-7133-1380-7.
  • Громыко М. М. Трудовые традиции русских крестьян Сибири: (XVIII — первая половина XIX в.). — Новосибирск: Наука, 1975. — 349 с.
  • Ермолов А. С. Народная сельскохозяйственная мудрость в пословицах, поговорках и приметах. — СПб.: Типография А.С.Суворина, 1901. — Т. 1. Всенародный месяцеслов. — 691 с.
  • Когинов Ю. Иван Шувалов: Татьянин день. — М.: АСТ, 1998. — ISBN 5-7632-0805-6.
  • Пушкарёв Л. Н. Духовный мир русского крестьянина по пословицам XVII—XVIII веков. — М.: Наука, 1994. — 192 с. — ISBN 5-02-009755-1.
  • Пчелов Е. В. Когда праздновать годовщину Бородинской битвы? (Решение простой хронологической задачи) // Отечественная война 1812 года: Источники. Памятники. Проблемы. Материалы IX Всероссийской научной конференции. Бородино. 4—6 сентября 2000 г. — М.: Калита, 2001. — С. 222—230.
  • Руга В., Кокорев А. Москва повседневная. — М.: Олма-Пресс, 2005. — 282 с. — ISBN 5-224-05095-2.
  • Терентьева Е. Ю. Народные названия церковных праздников в русской и болгарской православной традиции // Автореферат диссертации на соискание учёной степени кандидата филологических наук. МГУ. — М.: МГУ, 2012.
  • Чесноков В. И. Некоторые актуальные вопросы истории дореволюционных российских университетов // Российские университеты в XVIII—XX веках : сборник научных статей. — Воронеж: Издательство Воронежского государственного университета, 2002. — Вып. 6. — С. 141—146. — ISBN 5-7455-1236-9.

Lähtked

Om sadud "https://vep.ruwiki.ru/w/index.php?title=Tatjanan_päiv&oldid=528529"