Geologan päiv

Geologan päiv
Geologan päiv
Tip	Professionaline praznik
Znamoičend	Rahvahaline professionaline praznik neniden täht, kenen rad om sidotud giologijan tedoidenke da radmahtoidenke.
Om tehtud	1966
Tegii	Sovetskijan Sojuzan Ülembaižen nevondišton prezidium
Praznuitas	Venäma; Belorussii; Kazahstan; Kirgizii
Päiv	sulakun ezmäine pühäpäiv
	Mediafailad RUWIKI-tedoiš

Geologan päiv (ven.: Де́нь гео́лога) — rahvahaline professionaline praznik, mitte praznuitas sulakun ezmäižen pühäpäivän vodelpäi 1966.

Istorii

24.—26. uhokud vodel 1965 Kaikensojuzan geologoiden suimal (ven.) (vep. Sovetskijan Sojuzan geologad akademikan Aleksandr Janišan (ven.) (vep. ohjandusel taričiba säta "Geologan päiv"-praznikad. Praznikan süks tegihe mugoine azjtego^[1]:

Vodel 1965 avaitihe ezmäine Päivlaskman-Sibirin mavoin da gazan sündundtaho.
Geolog — nece ei ole radmaht, nece om elon lad. Nece om filosofii. Ku ristit navedib geologijad, hän tegese geologaks. I ni-mi ei telusta hänele, - sanui geologijan-mineralogijan tedodoktor, Sibirin valdkundaližen industrijan universitetan professor J. M. Gutaka^[1].

31. keväz'kud vodel 1966 Sovetskijan Sojuzan Ülembaižen nevondišton prezidiuman käskön mödhe oli vahvištoittud praznik, mitte oli omištadud Sovetskijan Sojuzan geologoile, kudambad sädiba mineraliž-mankaivatusiden alandusen man täht^[1]^[2].

Mugažo praznik oli vahvištoittud mugoižil käsköil, kut^[1]:

Sovetskijan Sojuzan Ülembaižen nevondišton prezidiuman käsk № 3018-Х 1. redukud vodel 1980 "Praznik- da muštpäiviš";
Sovetskijan Sojuzan Ülembaižen nevondišton prezidiuman käsk № 9724-XI 1. kül'mkud vodel 1988 "Vajehtusiden panendas Sovetskijan Sojuzan zakonoiden tegendan kundaha praznik- da muštpäiviš";
Venäman prezidentan käsk № 659 31. heinkud vodel 2013 "Muštpäividen da professionaližiden praznikoiden vahvištoitandas Venämal";

"Geologan päiv" pidetas sulakun ezmäižen pühäpäivän. Päivmär om sidotud vaumičendan augotišenke kezapöudradoihe da ekspedicijoihe jäl'ges tal'ved^[1].

Sovetskijan Sojuzan Ülembaižen nevondišton prezidiuman käsk jogavoččen "Geologan päiv"-praznikan vahvištoitandas // Izvestija. 1966.

Ked praznuičeba

Geologoiden ližaks necidä päiväd praznuičeba mugažo^[3]^[2]:

baraudajad;
markšeiderad;
geofizikad;
poukahtoitajad;
geomorfologad;
kaivanikad;
tarbhaižiden manvaroiden ecijad da sajad;
mantedomehed;
geomehanikad.

Pidi aigad, miše tehtas geologaks. Kaikes elos minä tegin erazvuttušt radod: olin vedäjan, svarščikan, reklaman menedžeran, no el'genzin, miše kaik nece ei ole minun azj. Nacein, sikš minä en voind rata hätken. Ectes radod hengen täht, minä askai lopin juridižen tedokundan, no jäl'ges el'genzin, miše nece oli vär pätuz. Geologijanke minä sidoin ičein elod muite. Rad libutab minun henged, kaikuččen päivän minä tahtoin sada uzid tedoid. Mindai čudutoitaba geologijan masštabad. Sinä void eläda necil sijal kaiken elon, kävelta necil mal i ei teta, miše man al om sur'kulu mineral. Se ei seižu ühtel sijal, a kaiken aigan vajehtase. Ved' million vozid sehe painab ma, painastaba pohjveded da likundad. Necišpäi ruda kaiken aigan vajehtase, a mö voim nähta necidä man läbi, — starinoiči pagištoitusen aigan Tominskan kivikombinatan vanhemb geolog A. M. Cibuk^[4].

"Geologan päiv" praznuitas geologižiš maiš da kivisaskelmižiš organizacijoiš^[3]:

"Geologad"-vestatusen kompozicii kahtes figuraspäi. Vestai: А. B. Grigor'an.

Azjtegod

Joga voden pauklahjoitas necen radalovehen parahimid radnikoid^[5].

Pidetas mugoižid azjtegoid^[3]:

geologoiden täht tehtas konferencijoid, seminaroid, tedopaginoid i m.e.;
azjtegoid erazvuiččiden organizacijoiden radnikoiden täht;
tehtas ozutelusid, kus om ezitadud kiviroduid, fotokuvid ekspedicijoišpäi, a mugažo paleontologižid löudusid;
lugetas lekcijoid kaikiden tahtnikoiden täht.

Vodel 2025 Moskvas mäniba mugoižed azjtegod, kut^[3]:

Avtoran pajon koncert "Geologan päiv — 2025" (Valdkundaline geologine muzei Venäman tedoakademijan V. I. Vernadskijan nimel);
lekcijad geologijan polhe ("Zapovednoje posol'stvo"-tedokeskuz);
"Geologii. Kaceglahj nähta"-ozuteluz (Valdkundaline Darvinan muzei).

Praznik pidetas Venäman geologižiš muzejiš^[3]:

Mineralogine muzei A. J. Fersmanan nimel (Moskva);
Kivimuzei (Piter);
Valdkundaline mineralogine muzei A. V. Sidorovan nimel (Irkutsk);
Uralan geologine muzei (Jekaterinburg);
Kesk-Sibirin geologijan muzei (Krasnojarsk);
Manvoin da gazan geologijan muzei (Hanti-Mansiisk).

Sovetskijan Sojuzan počtmark: Geolog löutud almazanke i rusttoidenke kristalloidenke

Homaičendad

↑ ¹ ² ³ ⁴ ⁵ История праздника – День геолога | Официальный сайт ТОИ ДВО РАН (рус.). poi.dvo.ru. Дата обращения: 9 tal'vkud 2025.
↑ ¹ ² Харитонов, Тимур. Забытый праздник День геолога, Ураловед. Дата обращения: 9 tal'vkud 2025.
↑ ¹ ² ³ ⁴ ⁵ День геолога: дата, история и традиции, РБК Life. Дата обращения: 9 tal'vkud 2025.
↑ "Геолог – это не свитер с оленями и борода": специалисты о стереотипах, любви к профессии и работе в поле, NUR.KZ. Дата обращения: 9 tal'vkud 2025.
↑ День геолога в России: история и традиции праздника (рус.). rg.ru. Дата обращения: 4 tal'vkud 2025.

Literatur

Валяева О. С днём геолога! // Вестник института геологии Коми научного центра Уральского отделения РАН. — 2007. — № 4.
Плоскова С., Пискунова Н. День геолога и квн-2004 // Вестник института геологии Коми научного центра Уральского отделения РАН. — 2004. — № 4.

Lähtked

[:0-1] ¹ ² ³ ⁴ ⁵ История праздника – День геолога | Официальный сайт ТОИ ДВО РАН (рус.). poi.dvo.ru. Дата обращения: 9 tal'vkud 2025.

[:2-2] ¹ ² Харитонов, Тимур. Забытый праздник День геолога, Ураловед. Дата обращения: 9 tal'vkud 2025.

[:1-3] ¹ ² ³ ⁴ ⁵ День геолога: дата, история и традиции, РБК Life. Дата обращения: 9 tal'vkud 2025.

[4] "Геолог – это не свитер с оленями и борода": специалисты о стереотипах, любви к профессии и работе в поле, NUR.KZ. Дата обращения: 9 tal'vkud 2025.

[5] День геолога в России: история и традиции праздника (рус.). rg.ru. Дата обращения: 4 tal'vkud 2025.

[1]

[2]

[3]

[4]

[5]