Rahvahaližen aviacijan radnikan päiv

Рувики-späi
Rahvahaližen aviacijan radnikan päiv
День работников гражданской авиации.jpg
Tip Professionaline
Päiv 9. uhokud
Tradicijad praznikazjtegod, pauklahjoičendad, konferencijad, vastused veteranoidenke, tematižed ozutelused

Rahvahaližen aviacijan radnikan päiv (ven.: День рабо́тника гражда́нской авиа́ции) — rahvahaližen aviacijan kaikiden radnikoiden professionaline päiv Venämal. Se praznuitas joga voden 9. uhokud[1][2][3].

Istorii

9. uhokud vodel 1923 Sovetskijan Sojuzan Radon da polestusen nevondišt tegi käskön "Rahvahaližen aviacijan nevondišton sädandas" da "Il'mlinijoiden varjoičusen andmižes Il'mlaivišton päohjanduzkundale". Nened azjbumagad tegihe oiktuz'alanduseks kodimaižen rahvahaližen il'mlaivišton tegemižen täht[4].


Kezakus vodel 1923 oli avaitud ezmäine kaikenaigaine südäinavialinii, mitte ühtenzoiti Moskvad da Nižnii Novgorod-lidnad. Vodel 1932 oli sätud ühthine "Aeroflot" (ven.) (vep.-aviaorganizacii, vodel 1964 oli sätud Sovetskijan Sojuzan rahvahaližen aviacijan ministerstv.

Matklendim Ан-10А tuli aeroportaha, 1961

Oficialižesti Rahvahaližen aviacijan radnikan päiv oli vahvištoittud Venäman prezidentan käskön № 98 mödhe voden 2013 uhokun 9. päiväspäi[1][5].

Vodel 2023 Venäman rahvahaline aviacii Venämal praznuiči 100-voččen jubilejan[6][7].

Muštpachan avaiduz, mitte om omištadud Rahvahaližen aviacijan 100-voččele jubilejale Hodinskan pöudol Moskvas

Sido Aeroflotanke

Rahvahaližen aviacijan radnikan päiv om sidotud Aeroflotan päivänke, mitte pit'kha praznuitihe Sovetskijas Sojuzas. Professionaline praznik oli vahvištoittud vodel 1979 i se praznuitihe joga voden uhokun toižen pühäpäivän. Praznikan oficialine status oli vodehesai 1988, sen jäl'ghe erižel käsköl oli ühtenzoittud Il'mlaivišton päivänke, mitte oli uhthižen aviacijan praznikan kut rahvahaližeden, muga voinlendajiden täht[8].

Erižen professionaližen praznikan udessündutand rahvahaližen aviacijan radnikoiden täht oli vodel 2013. Nece azjtego oli sil-žo päiväl, konz täudui 90 vot rahvahaližen aviacijan oficialižespäi sündundaspäi Venämal.

Praznuičendan tradicijad

Rahvahaližen aviacijan radnikan päivän praznuičendaha mülüba kut oficialižed, muga korporativižed azjtegod[7].

Tradicijan mödhe tehtas kogomusid da pauklahjoičendoid, miččil Venäman ajamiden ministerstv, Il'majamiden federaline agentstv i aviaorganizacijoiden pämehišt homaitas parahimid radnikoid[2]. Parahimile tundijoile anttas valdkundaližid pauklahjoid da kitändkirjeižid, sidä kesken rindznam "Il'majamiden parahim tundii"[9].

Praznikan aigan vedetas raderištuzkonferencijoid da ištundoid, kus letas aktualižid küzundoid, miččed koskeba rahvahaližen aviacijan kehitoitust, lendandoiden varumatomut, lugutehnologijoiden kävutandad, regionaližiden matkoiden levinzoitandad da hüvin opetud radnikoiden vaumičendad.

Necil päiväl sur' homaičuz anttas rahvahaližen aviacijan veteranoile. Aviaopenduzerištoiš kursantoiden täht tehtas vastusid mahtokahiden opendajidenke i vedetas tedopäivid tulijoiden tundijoiden täht[2].

Aviacijan muzejiš avaitas tematižid ekspozicijoid, miččed om omištadud kodimaižen il'mlaivišton istorijale[9].

Homaičendad

  1. ↑ 1 2 9 февраля — День гражданской авиации в России: история, традиции, поздравления, Известия (9 uhokud 2026). Дата обращения: 10 uhokud 2026.
  2. ↑ 1 2 3 Юлия Осокина. Не только крылья: без них самолёт не взлетит, Рамблер/карьера (7 uhokud 2026). Дата обращения: 10 uhokud 2026.
  3. ↑ 9 февраля в России отмечают День гражданской авиации, Парламентская газета (9 uhokud 2021). Дата обращения: 10 uhokud 2026.
  4. ↑ НП ИнфоРост. Электронная библиотека исторических документов (ЭБИД) | Постановление Совета Труда и Обороны. О возложении технического надзора за воздушными линиями на Главное Управление воздушного флота и об организации Совета по гражданской авиации. 9 февраля 1923 г. docs.historyrussia.org. Дата обращения: 10 uhokud 2026.
  5. ↑ Указ Президента РФ от 09.02.2013 N 98 "О Дне работника гражданской авиации". base.garant.ru (9 uhokud 2013). Дата обращения: 10 uhokud 2026.
  6. ↑ 100 лет гражданской авиации России. rostec.ru (9 uhokud 2023). Дата обращения: 10 uhokud 2026.
  7. ↑ 1 2 Торжественный вечер по случаю 100-летия гражданской авиации России, Президент России (9 uhokud 2023). Дата обращения: 10 uhokud 2026.
  8. ↑ 20 августа — День Воздушного флота России. Вольская жизнь (20 elokud 2023). Дата обращения: 10 uhokud 2026.
  9. ↑ 1 2 Беседа «День гражданской авиации России», Культура.РФ. Дата обращения: 10 uhokud 2026.

Lähtked

Om sadud "https://vep.ruwiki.ru/w/index.php?title=Rahvahaližen_aviacijan_radnikan_päiv&oldid=528229"