Pedroidenpidäjan päiv
| Pedroidenpidäjan päiv | |
|---|---|
 | |
| Praznuitas | Pohjoižen igähižil rahvahil |
| aigal | keväz'kuspäi sulakuhusai |
| Praznuičend | rahvahan praznik, kargud, pajod, verod, sportvoibud |
| Om sidotud | keväz'päiväižendseižundanke, pohjoižön lopindanke |
Pedroidenpidäjan päiv (ven.: День оленевода) — Venäman Pohjoižen, Sibirin i Edahaižen Päivnouzman igähižiden vähäluguižiden rahvahiden praznik Sovetskijas Sojuzas i Venämal.
Istorii i tedod
Pedroidenpidäjan päiväd zavottihe praznuita vozil 1950—1960 ühtes toižidenke professionaližidenke praznikoidenke[1]. Sidä pidetas kevädel, keväz'kus [2][3] vai sulakus[4]. Sidä praznuitas Murmanskan agjas i Amuran agjas, Hanti-Mansiiskan i Jamalo-Neneckijan avtonomižiš ümbvrištoiš, Taimiral, Kamčatkal i toižiš man regionoiš[3]. Murmanskan agjas Pedroidenpidäjan päiväd pidetasPohjoižen praznikan aigan[5].
Sovetskijas Sojuzas Pedroidenpidäjan päiväd vediba valdkundan ezitajad, heiden täht nece praznik oli rahvahaližen da professionaližen politikan palan: pidab, miše kaikuččel rahvahal, kaikuččel eloradol oliži ičeze praznik[1]. Vozilpäi 1990 praznikan tegemižehe ühtneba ei vaiše valdkund, no i mavoin da londuzgazan organizacijad[1]. Praznik vahvištoitab kosketusid igähižiden rahvahiden keskes ühtes polespäi i valdkundan da organizacijoiden keskes toižes polespäi[6].
Sovetskijas Sojuzas praznik zavodihe paginištundaspäi, sihe mülüiba tehmusiden ozutelused, koncertad, tradicionaližed sportvoibud: ajandad pedroil val'l'astadud regil, ambund, arkanan tacind[7]. Venämal kaitas kut ozutelisid, muga sportvoibuid-ki[3][4][8]. Vägestai ajandas pedroil val'l'astadud regil sab lumimotokezran (Jakutias, Taimiral, Jamalal)[1][4][8].
Sovetskijas Sojuzas praznikan aigan valdmehed napriba vajehtada pedran tradicionaližen uskondan radol. Venämal mäneb necen vajehtusen inversii: ozutesikš, Taimiral vodel 1992 tehtihe pedrad, a Jamalal vodel 2009 pedrad todihe žertvaks[9].
Kut homaičeb etnograf M. Momzikova, Pedroidenpidäjan päiv om tehtud praznik, mitte jatktab kehitoittas[10]. Etnograf O. Stepanova sanub, miše praznikan idei, mitte sündui Sovetskijan Sojuzan aigan oli satusekaz, sikš sidä praznuitas nügüd'-ki[11].
Pedroidenpidäjan päiv — oficialine praznik Kamčatkan agjas vodelpäi 2010. Se om vahvištoittud Kamčatkan agjan zakonal N 361 voden 2009 tal'vkun 16. päiväspäi "Kamčatkan agjan praznikoiš i muštpäiviš"[12][13]. Praznikad pidetas keväz'kun ezmäižen pühäpäivän.
Homaičendad
- ↑ 1 2 3 4 Момзикова, 2013, с. 231.
- ↑ Тульцева, 1985, с. 78.
- ↑ 1 2 3 Момзикова, 2013, с. 227.
- ↑ 1 2 3 Коренные малочисленные народы…, 2012, с. 540.
- ↑ Сулейманова, 2018, с. 48—49.
- ↑ Момзикова, 2013, с. 233—234.
- ↑ Тульцева, 1985, с. 78—80.
- ↑ 1 2 Степанова, 2018, с. 149.
- ↑ Момзикова, 2013, с. 233.
- ↑ Момзикова, 2013, с. 234.
- ↑ Степанова, 2018, с. 155.
- ↑ Праздники и памятные дни в Камчатском крае. Дата обращения: 25 sügüz'kud 2025.
- ↑ О внесении изменения в статью 2 Закона Камчатского края «О праздниках и памятных датах Камчатского края» : Закон Камчатского края от 25.07.2017 № 117. Дата обращения: 25 sügüz'kud 2025.
Literatur
- Коренные малочисленные народы Севера и Сибири в условиях глобальных трансформаций (на материале Красноярского края). Ч. 1 Концептуальные и методологические основы исследования. Этнокультурная динамика коренных малочисленных народов Красноярского края / ред. Н. П. Копцева. — Красноярск: Сибирский федеральный университет, 2012. — 640 с. — ISBN 978-5-7638-2403-2.
- Момзикова М. «Северная масленица»: День оленевода в советском и современном российском контекстах // Мифологические модели и ритуальные поведение в советском и постсоветском пространстве: сборник статей / сост. А. Архипова. — М.: РГГУ, 2013. — С. 227—237. — 472 с. — ISBN 978-5-7281-1549-6.
- Степанова О. Б. Связь двух эпох: воплощение в празднике // Вестник археологии, антропологии и этнографии ИПОС СО РАН. — 2018. — № 2 (41). — С. 148—156.
- Сулейманова О. А. «Праздник Севера и традиционный День оленевода»: к проблеме изучения культурно-массовой деятельности как формы актуализации этнокультурных традиций аборигенного населения Мурманской области // Труды Кольского научного центра РАН. — 2018. — № 11—15 (9). — С. 42—52.
- Тульцева Л. А. Современные праздники и обряды народов СССР / отв. ред. Ю. В. Бромлей. — М.: Наука, 1985. — 191 с. — (Страны и народы).
- Dudeck S. Der Tag des Rentierzüchters: Repräsentation indigener Lebensstile zwischen Taigawohnplatz und Erdölstadt in Westsibirien(saks.). — Fürstenberg; Havel: Kulturstiftung Sibirien, 2013. — 351 S. — ISBN 978-3-942883-17-7.
Lähtked
Venäman professionaližed praznikad | |
|---|---|
| |
