Kalanikan päiv
| Kalanikan päiv | |
|---|---|
 | |
| Tip | Professionaline praznik |
| Om tehtud | 1965 |
| Tegii | Sovetskijan Sojuzan Ülembaižen nevondišton prezidium |
| Praznuitas | joga voden |
| Päiv | heinkun toine pühäpäiv |
 Mediafailad RUWIKI-tedoiš | |
Kalanikan päiv (ven.: Де́нь рыбака́) — professionaline praznik, mitte om omištadud kalasalištusen radnikoile. Sidä praznuitas joga voden heinkun toižen pühäpäivän.
Praznik om vahvištoittud Sovetskijan Sojuzan Ülembaižen nevondišton prezidiuman käsköl № 3519-VI voden 1965 semendkun 3. päiväspäi "Jogavoččes "Kalanikan päiv"-praznikan tegemižes"[1]. Voden 1965 heinkun 30. päiväspäi praznikad oficialižesti praznuitas Venämal da Ukrainal; möhemba sidä zavottihe praznuita enččen Sovetskijan Sojuzan toižiš maiš[2][3][4].
Vodel 2025 praznikad pidetihe 13. heinkud.
Tedod
Kalanik — om ristit, kudamab sab kalad da merisömtavaroid kut ühtes toižiden kalanikoidenke sures märas, muga üksnäin-ki. Nece radmaht ühtenzoitab erazvuiččid tundijoid:
- salištuzkalanikad;
- kalankaičusen inspektorad;
- ihtiologad i vedenkaičusen tundijad;
- kalantegeližuden radnikad;
- kalanikad-navedijad.
Praznuičendan päiv
Praznuičendan päiv om sidotud kalan kudondan lopindanke, konz lasktas sada kalad kezan aigan.
Sen ližaks, praznikan päiv om sidotud istoriližen aigtegonke — konz ezmäine "Zubatka"-salištandlaiv Murmanskaspäi läksi Barencan merele 21. kezakud vodel 1920[5].
Istorii
Necen professionaližen praznikan sündundaspäi zavodihe aktivižesti kehitoittas kalatez sovetskijan aigan: erasiš Sovetskijan Sojuzan regionoiš kalatez oli ekonomikan päraderištusen.
Ezmäižen kerdan oficialižetont praznikad pidetihe Murmanskas vodel 1964, а vodel 1965 se oli vahvištoittud oficialižesti Sovetskijas Sojuzas. Toižel vodel läksi Sovetskijan Sojuzan Ülembaižen nevondišton prezidiuman käsk № 3519-VI voden 1965 semendkun 3. päiväspäi "Jogavoččes "Kalanikan päiv"-praznikan tegemižes". Vodel 1980 oli allekirjutadud völ üks' Sovetskijan Sojuzan Ülembaižen nevondišton prezidiuman käsk, mitte oli omištadud praznik- da muštpäivile i mitte nügüdehesai radab Venämal. Käskös om sanutud Kalanikan päiväs-ki[1].
Azjtegod
Necil päiväl äjiš regionoiš tehtas kalatezvoibištelendoid. Vägestajid valitas erazvuiččiš satusiš: sures salhes, kaiked surembas vai penembas kalas i toižiš.
Enččen Sovetskijan Sojuzan läheližiš lidnoiš kalanikan päiv oli professionaline i sil-žo aigal kanzpraznik. Azjtegoihe mülüiba praznik keskuzavoirdoil da sporttandrehil, artistoiden ezitused da teatrozutesed kost'umoiš. Muga, Murmansk-lidnas, miččen kehitoituz om sidotud kalatezlaivištonke, praznikal om sur' znamoičend i sidä praznuitas kut lidnan päiväd-ki[4].
Kalanikan päiv-2024, Petropavlovsk-Kamčatskii
Kalanikan päiv-2024, Petropavlovsk-Kamčatskii
Lohilem' Kalanikan päiväl, Petropavlovsk-Kamčatskii
Kalanikan päiv-2024, Petropavlovsk-Kamčatskii
Homaičendad
- ↑ 1 2 Праздник «День рыбака» утвержден Указом Президиума Верховного Совета СССР от 1 октября 1980 г. № 3018‑Х «О праздничных и памятных днях» (в редакции Указа Президиума Верховного Совета СССР от 1 ноября 1988 г. № 9724‑XI «О внесении изменений в законодательство СССР о праздничных и памятных днях»)
- ↑ Указ Президента Украины № 464/95 от 22.06.1995
- ↑ День рыбака в 2025 году: когда и как отмечают в России. РИА Новости. Дата обращения: 7 redukud 2025.
- ↑ 1 2 День рыбака в 2024 году: история и традиции праздника. Комсомольская правда. Дата обращения: 7 redukud 2025.
- ↑ День рыбака. Владимирская областная научная библиотека. Дата обращения: 7 redukud 2025.
Venäman professionaližed praznikad | |
|---|---|
| |
