Juristan päiv

Juristan päiv
Juristan päiv
Tip	Professionaline praznik
Praznuitas	joga voden
Päiv	3. tal'vkud

Juristan päiv (ven.: День юриста) — juristoiden professionaline praznik, kacmata sihe, kus hö radaba.

Venäma

Venämal Juristan päiv praznuitas 3. tal'vkud.

Praznik oli vahvištoittud vodel 2008 Venäman Prezidentan käskön mödhe № 130 "Juristan päivän vahvištoitandas" 4. uhokud vodel 2008^[1]. Edel necidä päiväd Venämal ei olend ühthišt praznikad juristoiden täht. Oliba vaiše praznikad juristoiden erasiden kategorijoiden täht.

Ühten versijan mödhe praznikan täht oli valitud 3. tal'vkud, sikš ku pätničan 20. kül'mkud vanhan kalendarin mödhe (3. tal'vkud uden kalendarin mödhe) vodel 1864 Venämal vahvištoittihe sudan käskkirjoiden i toižiden zakonaktoiden serii, ned pandihe sudan reforman (ven.) (vep. pohjaze, i necidä päiväd vodehesai 1917 venälaižed juristad lugiba ičeze professionaližeks päiväks. Päivmär 3. tal'vkud, mitte om Venäman Prezidentan käskös № 130 "Juristan päivän vahvištoitandas" voden 2008 uhokun 4. päiväspäi i Piterin zakonas № 555-78 "Praznikoiš da muštpäiviš Piteriš" voden 2005 redukun 12. päiväspäi, Zakonan kohendusen punkt 43.1, Piterin udištadud zakonas № 427-83 voden 2009 redukun 5. päiväspäi, — i Imperatoran Aleksandran I käskön päivmär voden 1864 kül'mkun 20. päiväspäi (3. tal'vkud uden kalendarin mödhe) oma erazvuiččed.

Vodelpäi 2009 Juristan päiväl anttas Venäman juridine korged "Voden jurist"-premii.

Juristoiden erasiden kategorijoiden praznikad da muštpäiväd[vajehta | redaktiruida purde]

12. vilukud — Venäman prokuraturan radnikan päiv;
29. keväz'kud — Juridižen služban tundii Venäman vinvägiš;
6. sulakud — Venäman sijaližiden azjoiden ecindazjmehišton radnikoiden päiv;
26. sulakud — Notariatan päiv^[2].
19. semendkud — Pühän Ivo Kermartenskijan, juristoiden, notariusoiden da advakatoiden kaičijan päiv;
31. semendkud — Venäman oiktuz'nevondišton päiv;
14. kezakud — Venäman sirdändslužban radnikoiden päiv;
5. heinkud — Venäman rahvahaližen gvardijan voinvägiden oiktuz'holišton erištoiden päiv;
19. heinkud — Venäman sijaližiden azjoiden juridižen služban päiv;
19. heinkud — Kreminaliž-tegendan sisteman oiktuztedon päiv;
25. heinkud — Venäman ecindsisteman radnikan päiv;
1. kül'mkud — Sudpristavan päiv.

Belorussia

Belorussias Juristan päiv praznuitas joga voden tal'vkun ezmäižen pühäpäivän Belorussian Prezidentan käskön № 157 mödhe 26. keväz'kud vodel 1998 "Valdkundaližiš praznikoiš, praznikpäiviš i muštpäiviš Belorussias"^[3].

Kazahstan

Kazahstanas Juristan päiv praznuitas 30. sügüz'kud. Kazahstanas nece praznik oficialižesti oli vahvištoittud Kazahstanan Prezidentan käskön mödhe 28. elokud vodel 2012.

Kirgizia

Kirgizias Juristan päiv praznuitas kezakun jäl'gmäižen pühäpäivän. Praznik oli vahvištoittud vodel 1993^[4].

Moldavia

Moldavias juristan päiv praznuitas 19. redukud.

Ukraina

Juristan päiv praznuitas 8. redukud. Praznik om vahvištoittud Ukrainan Prezidentan käskön mödhe vodel 1997. Mugažo Ukrainal praznuitas Oiktuz'nevondišton da Notariatan päivid.

Enččen SSSRan valdkundoiš

2. kül'mkud — Juristan päiv Suvi-Osetias.
3. tal'vkud — Juristan päiv Prednestrovjes.

Pojavad praznikad

Amerika[vajehta | redaktiruida purde]

Amerikas ei ole Juristan päiväd. Necen praznikan sijas om Oiktuden päiv (angl.: Law Day). Praznik oli vahvištoittud Amerikan prezidentan Duait Eizenhaueran käskön mödhe vodel 1958. Se praznuitas 1. semendkud. Äjiš maiš nece praznik praznuitas kut Keväden da radon päiväd (Amerikan mugažo om iče Radon praznik), no sikš ku Radon päivän azjtegoid lugetihe kommunistižikš, 1. semendkud Amerikas praznuitas Oiktuden da uskoližuden päiv^[5].

Homaičendad

↑ Указ Президента РФ об установлении Дня юриста (рус.). kremlin.ru. Дата обращения: 8 kül'mkud 2025.
↑ Указ Президента Российской Федерации от 26.04.2016 г. № 195, Президент России, kremlin.ru. Дата обращения: 8 kül'mkud 2025.
↑ Об установлении праздничного дня — Дня юриста (рус.). etalonline.by. Дата обращения: 8 kül'mkud 2025.
↑ Постановление Правительства Кыргызской Республики от 24 июня 1993 года № 272 (рус.). cbd.minjust.gov.kg. Дата обращения: 8 kül'mkud 2025.
↑ U.S. Code, Title 36, Subtitle I, Part A, Chapter 1, § 113 (неопр.). law.cornell.edu. Дата обращения: 8 kül'mkud 2025.

[1] Указ Президента РФ об установлении Дня юриста (рус.). kremlin.ru. Дата обращения: 8 kül'mkud 2025.

[2] Указ Президента Российской Федерации от 26.04.2016 г. № 195, Президент России, kremlin.ru. Дата обращения: 8 kül'mkud 2025.

[3] Об установлении праздничного дня — Дня юриста (рус.). etalonline.by. Дата обращения: 8 kül'mkud 2025.

[4] Постановление Правительства Кыргызской Республики от 24 июня 1993 года № 272 (рус.). cbd.minjust.gov.kg. Дата обращения: 8 kül'mkud 2025.

[5] U.S. Code, Title 36, Subtitle I, Part A, Chapter 1, § 113 (неопр.). law.cornell.edu. Дата обращения: 8 kül'mkud 2025.

[1]

[2]

[3]

[4]

[5]