Kaiken Venäman kirjištoiden päiv

Kaiken Venäman kirjištoiden päiv
Toižin	Kirjištoiden päiv, Kirjišton holitajan päiv
Znamoičend	Kirjištoiden panend kul'turan, tedon da opendusen kehitoitandaha, a mugažo niiden rol' rahvazkundan elos
Om tehtud	27. semendkud vodel 1995 Venäman prezidentan B. N. Jel'cinan käskön mödhe
Tegii	V. N. Zaicev — Venäman kirjištoiden associacijan prezidend, Venäman rahvahaližen kirjišton pämez'
Päiv	27. semendkud
Om sidotud	27. semendkud vodel 1795 oli sätud Venäman ezmäine kirjišt kaikiden täht (Imperatoran rahvahaline kirjišt)
Mediafailad RUWIKI-tedoiš

Kaiken Venäman kirjištoiden päiv (ven.: Общеросси́йский де́нь библиоте́к) — Venäman kirjištoiden radnikoiden professionaline praznik, mitte praznuitas joga voden 27. semendkud vodelpäi 1995.

Istorii

27. semendkud vodel 1995 Venäman prezidentan B. N. Jel'cinan käskön mödhe vahvištoittihe "Kaiken Venäman kirjištoiden päiv"-praznik.

Praznikan tomotajan oli Venäman rahvahaližen kirjišton pämez', Venäman kirjištoiden associacijan prezidend Vladimir Zaicev.

Praznikan praznuičendan täht valitihe 27. semendkud, päiväd konz oli avaitud Venäman ezmäine kirjišt kaikiden täht (1795).

Necen praznikan pätegendan oli kirjištoiden panend kul'turan, tedon da opendusen kehitoitandaha, a mugažo niiden rol' rahvazkundan elos.

27. semendkud vodel 1996 ezmäižen kerdan pidetihe "Kaiken Venäman kirjištoiden päivän" praznik.

Temad

Joga voden valitas tem praznikan täht:

• 2022 — "Venäman kirjištoiden fondan kehitoitand da kaičend";
• 2023 — "Lugem ühtes";

• 2024 — "Kirjišton kanz — kaičem tradicijoid".

Azjtegod

Kaiken Venäman kirjištoiden päiväl kirjištoiš, lugendhonusiš pidetas erazvuiččid azjtegoid:

• kirjoiden ozutelusid;
• tedo-opendusen azjtegoid;
• tedopäivid;
• tundijoiden personaline da jouktedotuz;
• prezentacijoid;
• kluboid melentartusiden mödhe;
• tedokonferencijoid;
• ühtnend kirjišton akcijoihe;
• tedokonkursoid da kvestoid.

Vodel 2017 Sevostopol'as tehtihe "Kirjišton eht", mitte mäni Kirjišton päkeskuses da lidnan keskkirjištos L. N. Tolstojan nimel:

• "Mobil'kirjišt"-projektan prezentacii;
• kirjoiden ozuteluz, mitte oli omištadud Venäman ekologijale i miččel oli ezitadud eksponat "Travitusen Miss" antiekoligižes platjos;
• "Erine kirj"-konkurs taktiližiden kirjoiden tegemižen mödhe sogedoiden da hondoinnägijoiden täht;
• kirjišton fondan kirjozuteluz, mitte oli omištadud slavilaižiden kirjutuzkelele da kul'turale;
• kalligrafijan et'udoiden tegend "Čudokahiden kirjoiden honuses" — "AZBUKART"-projekt;
• tedo-opendusen keskusen prezentacii "Venälaine muzei: virtualine filial".

Vodel 2018 praznikan aigan mäni Ühthižvenälaine akcii "Luge — ma!".

Vodel 2024 Moskvas Venäman valdkundaližes kirjištos noriden täht mäni "Ičeopendusen päiv". Kaikutte voi:

• tehta kirjištbiletan;
• antta online-konsul'tacijoid saital;
• rata RFID-tehnologijidenke;
• tehta tegoid kirjišton fondas;
• rata registraciihonuses, verazmaižen literaturan, gumanitarižiden, taidehliteraturan da taidehen, kirjoiden kaičendan zaloiš, a mugažo "Muzikkarzn'as".

Venäman valdkundaližes kirjištos sogiden täht mäni kirj- da kuvaozuteluz, miččen nimi oli "Kirjišton holitai taidehliteraturas".

Venäman rahvahaližes kirjištos pauklahjoitihe kirjišton radnikoid, anttihe kitändkirjeižid da diplomoid, mugažo mäniba XXXIV tedolugendad "Venäman rahvahaližen kirjišton harvinaižed kirjad".

Paškovan pertiš mäni Venäman rahvahaližen kirjišton radnikoiden pauklahjoičend.

Venäman rahvahaližes lapsiden kirjištos pidetihe:

• literaturižid, teatraližid openduzčasuid da lekcijoid,
• mastar'-klassoid da difil'moiden ozutand.

Venäman valdkundaližes taidehen kirjištos:

• "Venäman valdkundaližen taidehen kirjišton ezmäižen pämehen Aleksandr Fominan personaline kirjišt. Ezmäižed satused rekonstrukcijaha"-mastar'-klass;
• Moskvan valdkundaližen A. G. Šnitken muzikinstitutan üläopenikoiden "Muzikan palitr"-koncert.

Venäman valdkundaližes kundaližes istorijan kirjištos tehtihe ozuteluz, mitte oli omištadud Pavel Ščapovale.

R'azanin lidnan S. A. Jeseninan kirjištos tehtihe akcijoid:

• "Lugijoiden aid" — ozatelusid da toivoid kirjištole;
• "Maged vajehtuz" — anttihe kanfetoid runos kirjišton, kirjan da lugendan polhe;
• "Kirjištole armastusel"-akcii Vkontakte-socialižes verkos.

Jelec-lidnas lapiden "Lučkovskaja"-kirjištos vedetihe urok "Kirjan peitused: kut ičeleze valita kirjad kirjišto".

• 

  Imperatoran kirjišt Piteriš. Grav'ur, 1800.-voziden augotišes

• 

  Prezidentan B. N. Jel'cinan kirjišt

• 

  Venäman valdkundaline kirjišt

Sidotud azjtegod

• 27. semendkud vodel 1795 imperatrican Jekaterina II käskön mödhe oli sätudezmäine valdkundaline kirjišt kaikiden täht — Imperatoran rahvahaline kirjišt i kirjoiden kaičuztaho.
• 27. semendkud vodel 1902 Kirgizstanas avaitihe ezmäine rahvahaline kirjišt kaikiden täht.
• 27. semendkud vodel 2009 Piteriš Sinodan pertiš avaitihe Prezidentan B. N. Jel'cinan kirjišt.

Homaičendad

Lähtked

• Общероссийский день библиотек, МБУ ТГО БИЦ, 2024