Metallurgan päiv
| Metallurgan päiv | |
|---|---|
 Metallurgan päivän praznuičemine Magnitogorskas | |
| Tip | Professionaline praznik |
| Om tehtud | Sovetskijan Sojuzan Ülembaižen nevondišton prezidium |
| Praznuitas |
 Venäma Ukraina Kazahstan Belorussii |
| Päiv | 28. sügüz'kud vodel 1957 |
| Praznuičend | joga voden, heinkun koumandel pühäpäiväl |
| Tradicijad | Ozatelused da kitändad ohjanduzkundan polespäi, rahvahaližed joukpraznikad, radištoiden uden kalundišton kävutamine |
 Mediafailad RUWIKI-tedoiš | |
| 21.07.24 |
| 20.07.25 |
| 19.07.26 |
| 18.07.27 |
| 16.07.28 |
Metallurgan päiv (ven.: День металлу́рга) om metallurgijan raderištusen radnikoiden professionaline praznik, mitte joga voden praznuičese Venämal da erasiš Ripmatomuden valdkundoiden ühtištusen maiš heinkun koumandel pühäpäiväl.
Necel päiväl ozateldas teravan raudan valadajid, prokatčikoid, metallvaladajid, suladajid, domenpäčiden radnikoid, kaivajid da toižid raderištusen radnikoid[1].
Istorii
Praznik om sätud Sovetskijan Sojuzan Ulembaižen nevondišton prezidiumal 28. sügüz'kud vodel 1957. 1. redukud vodel 1980 Metallurgan päiv om ližatud "Praznikoiš da muštpäiviš"-käskoho da toižen kerdan om vahvištoitud Sovetskijan Sojuzan Ulembaižen nevondišton käskol 1. kül'mkud vodel 1988[2].
Praznikan praznuičendan täht oli valitud vajehtoi päivmär — heinkun koumanz' pühäpäiv[3]. Päivmär ei ole valitud muite: metallurgižiden zavodoiden tärktembad tegendülitused Sovetskijas Sojuzas oliba homaitud heinkus.
Metallurgan päiv om vahvištoitud, miše kingitada tarkut raderištusen panendaha Suren Kodiman voinan vägestusehe da völ voinan jäl'geližehe ekonomikan udištamižehe. Praznikan pätego om arvostelda metallurgoiden radod da ozutada metallurgižen raderištusen znamoičendad valdkundaližes ekonomikas.
Jäl'ghe Sovetskijan Sojuzan murendad праздник Metallurgan päiv-praznik om jänu Ripmatomuden valdkundoiden ühtištusen maiš, miččiš metallurgijal om tärged znamoičend ekonomikas.
Professionaline praznik tradicijan mödhe praznutas mägi-bohatoitusen kombinatoiden, zavodoiden, radištoiden radnikad, kudambad ratas metallanke da völ tedomahtoižiden vuzoiden da suzoiden opendajad da üläopenikad. Kaikid suremba se praznuičese lidnoiš, kus oma sured Metallurgižed kompleksad: Alatagil , Vanh Oskol, Noril'sk, Novokuzneck, Magnitogorsk, Čerepovec, Čel'abinsk, Taganrog, Lipeck, Mončegorsk da toižed).
Praznikan tradicijad
Tradicijan mödhe, praznučemine zavodiše metallurgižiden radištoiden radnikoiden praznikastundal.
Sidä jäl'ghe praznikoloiš hulcehoiden da metallurgižiden kalundišton radnikoid, kudambad om radnuded enamba 15 vot, i toižid raderištusen veteranoid, kudambiden radvoded om enamba 20 vot pauklahjoitas "Venäman arvostadud metallurg"-arvnimel da anttas hobedaižen rindznaman[4]. Radištoiden ohjandajad ozateldas radnikoid da lahjoitas heile muštlahjad. Ani necel päiväl zavodoil tradicijan mödhe pästtas radho uden kalundišton[5].
Völ lidnoiš sätas koncertad, tematižed tundištoituzmatkad, zavodan muzejiden avoin verajiden päiväd, sportvoibištelendad, konkursad, mastar'-klassad da sädairadoiden ozutelused.
Numizmatik
30. kezakud vodel 2020 "Radon mez'"-serijas Venäman Bank pästi 10 rubl'aižen "Metallurgijan tegeližuden radnik"-monetan. Sil om ozutadud metallurg kaičiisobas, kauvaz sulatud metallanke da lendajad kibinad.
Istoriko-tematižes azjbumagas om kirjutadud, miše monet "om omištadud ühten tegeližuden päotraslišpäi radnikoile, mitte ühtenzoitab metallan samižen processoid kaivandoišpäi — metallurgoile"[6].
Toižiš maiš
Paiči Venämad, Metallurgan päiv-praznikan praznuitas toižiš maiš.
Valdkundad, miččiš praznuitas metallurgan päivän:
- Belorussii — Prezidentan käskon mödhe 26. semendkud vodel 1998 № 157 "Belorussian valdkundaližiš praznikoiš, praznikpäiviš da muštpäiviš" Metallurgan päiv praznuičese joga voden heinkun koumandel pühäpäiväl.
- Kazahstan — Valdkundan prezidentan voden 2003 käskon mödhe praznik mugažo praznuitas heinkun koumandel pühäpäiväl[7].
- Ukraina — Prezidentan käskon mödhe 3. kezakud vodel 1993 № 187/93.
- Armenijas sel-žo päiväl, kut i Venämal, Belorussias, Kazahstanas praznuitas "Kaivajan da metallurgan päivän"[8].
Homaičendad
- ↑ Олеся Роженцова. Когда отмечают День металлурга в 2024 году, РБК Life (15 tal'vkud 2025). Дата обращения: 30 kezakud 2025.
- ↑ Указ Президиума ВС СССР от 1 октября 1980 г. N 3018-Х "О праздничных и памятных днях". base.garant.ru. Дата обращения: 15 tal'vkud 2025.
- ↑ Праздничные (нерабочие) дни, профессиональные праздники и памятные дни (неопр.). consultant.ru. КонсультантПлюс. Дата обращения: 15 tal'vkud 2025.
- ↑ Кирилл Юрьев. День металлурга в России 2025: какого числа, история и традиции праздника, Lenta.RU (8 sulakud 2025). Дата обращения: 15 tal'vkud 2025.
- ↑ День металлурга в 2024 году: какого числа отмечают, история и традиции праздника, РЕН ТВ (16 heinkud 2024). Дата обращения: 15 tal'vkud 2025.
- ↑ Работник металлургической промышленности. cbr.ru. Дата обращения: 15 tal'vkud 2025.
- ↑ Дмитрий Смирнов. «Гвозди бы делать из этих людей!», Прометалл (19 heinkud 2022). Дата обращения: 15 tal'vkud 2025.
- ↑ Ашот Арамян. Выдать руду на-гора – лишь первый шаг. golosarmenii.am (21 heinkud 2024). Дата обращения: 15 tal'vkud 2025.
Venäman professionaližed praznikad | |
|---|---|
| |
