Venäman tedon päiv

Рувики-späi
Venäman tedon päiv
RR5111-0074R 275-летие Российской академии наук.gif
Om tehtud vodel 1999 prezidentan käskön mödhe Tedoakademijan 275-voččeks jubilejaks
Tegii Venäman prezident Boris Jel'cin
Praznuitas joga voden
Päiv 8. uhokud
Om sidotud Sovetskijan tedon päivänke

Venäman tedon päiv (ven.: День росси́йской нау́ки) — Venäman praznik om vahvištoittud Venäman prezidentan Boris Jel'cinan käskön mödhe 7. kezakud vodel 1999[1]. Sidä praznuitas joga voden 8. uhokud. Ezmäižen kerdan sidä praznuitihe vodel 1999 Tedoakademijan 275-voččen jubilejan praznuičendan aigan.

8. uhokud — Venäman tedon päiv

Istorii

Paznik om tehtud Piterin tedoakademijan (ven.) (vep. avaidusen päiväks. Se oli avaitud imperatoran P'otr I (ven.) (vep. käskön mödhe vilukun 28. päiväspäi (8. uhokud udeks) vodel 1724.

Sovetskijas Sojuzas Tedon päiväd praznuitihe sulakun koumanden pühäpäivän, sikš ku vodel 1918 keskustal sulakun 18. päiväspäi 25. päivähasai Vladimir Lenin tegi "Tedo-tehnižiden radoiden edelpäiplanan".

Toižed voimusižed päiväd

Nügüdehesai äjad tedokollektivad praznuičeba Tedon päiväd "vanhan kalendarin mödhe" — sulakun koumanden pühäpäivän (ozutesikš, vodel 2022 praznik oli 17. sulakud)[2], sikš ku ani keskustal sulakun 18. päiväspäi 25. päivähasai vodel 1918 Vladimir Lenin tegi "Tedo-tehnižiden radoiden edelpäiplanan".

Sündund

Vodelpäi 1999 Venäman tedon päiväd praznuitas joga voden 8. uhokud Venäman prezidentan käskön mödhe voden 1999 kezakun 7. päiväspäi, ottes homaičusehe meiden man tedon rolid valdkundan da rahvazkundan kehitoitandas da istoriližid tradicijoid da Venäman tedoakademijan 275-vottušt jubilejad sen augonpannendaspäi[3].

Azjtegod

Äjad tedo-organizacijad pidäba necile päiväle omištadud openduzazjtegoid lapsiden da aigvoččiden täht. Toižid azjtegoid (ozutesikš, ozutelusid, lekcijoid, mastar'-klassoid, tedo-popul'arižid šoud da toižid akcijoid) tegiba Moskvan valdkundaline universitet (ven.) (vep. da Vkontakte[4], Oppindkeskuz "Kurčatovan institut"[5], Timir'azevan akademii[6], Piterin kirjišt V. I. Leninan nimel[7], Valdkundaline Darvinan muzei[8], "Zar'adje"-park[9], Pohjoiž-Kavkazan kivi-metallurgine institut[10]. Venäman bank pästi eriližen monetoid serijan, miččen nimi oli "Tedo" Tedoakademijan 275-voččeks jubilejaks.

Erazvuiččiš organizacijoiš tehtas praznikkoncertoid. Ned mäniba, ozutesikš, Kazanin valdkundaližes kul'turan institutas[11]. Moskvas Kremlin dvorcas vodel 2020 mäni praznikkoncert. Koncertan aigan norid tedomehid pauklahoitihe premijoil[12]. Samaras vodel 2024 mäni praznikkoncert Tedoakademijan 300-voččeks jubilejaks. Gubernator Dmitrii Azarov andoi premijoid da pauklahjoid regionoiden tedomehile[13].

Tedolaboratorii kirjištos V. I. Leninan nimel (Piter)

Homaičendad

  1. ↑ Указ Президента Российской Федерации от 07.06.1999 г. № 717, Президент России. Дата обращения: 15 redukud 2025.
  2. ↑ Дряхлова, Ирина. День российской науки: как отметят праздник в 2022 году?, Пятый канал. Дата обращения: 15 redukud 2025.
  3. ↑ День российской науки.
  4. ↑ 8 февраля - День российской науки: мероприятия от Минпросвещения РФ. unifirst.ru. Дата обращения: 15 redukud 2025.
  5. ↑ Мероприятие для детей в рамках празднования Дня Науки 2024 (неопр.). www.pnpi.nrcki.ru. Дата обращения: 15 redukud 2025.
  6. ↑ 08 февраля 2024 – Расписание мероприятий ко Дню российской науки, РГАУ-МСХА. Дата обращения: 15 redukud 2025.
  7. ↑ Библиотеки Петроградской Стороны. pr-cbs.ru. Дата обращения: 15 redukud 2025.
  8. ↑ День российской науки в Дарвиновском музее в Москве 2024: билеты и цены, даты проведения, программа, где пройдет и как добраться. Дата обращения: 29 redukud 2025.
  9. ↑ День российской науки в парке «Зарядье» 2024. kudamoscow.ru. Дата обращения: 15 redukud 2025.
  10. ↑ Мероприятия ко Дню Российской науки, Северо-Кавказский горно-металлургический институт. Дата обращения: 15 redukud 2025.
  11. ↑ Праздничный концерт ко Дню Российской науки. kazan.ruc.su. Дата обращения: 15 redukud 2025.
  12. ↑ День российской науки (неопр.). Государственный Кремлёвский Дворец. Дата обращения: 15 redukud 2025.
  13. ↑ В Самарской филармонии состоялось торжественное мероприятие ко Дню российской науки и 300-летию РАН. Дата обращения: 15 redukud 2025.

Lähtked

Om sadud "https://vep.ruwiki.ru/w/index.php?title=Venäman_tedon_päiv&oldid=528415"