Man elomišton da tulotandtegeližuden radnikoiden päiv

Man elomišton da tulotandtegeližuden radnikoiden päiv
Man elomišton da tulotandtegeližuden radnikoiden päiv
Tip	Praznik
Toižin	Man elomišton radnikoiden päiv
Om tehtud	Venäman prezidentan käskön mödhe
Praznuitas	Venäma
Päiv	31. semendkud vodel 1999
Praznuičend	redukun toine pühäpäiv
Tradicijad	man elomišton da tulotandtegeližuden radnikoiden pauklahjoičend

Man elomišton da tulotandtegeližuden radnikoiden päiv (ven.: День работника сельского хозяйства и перерабатывающей промышленности) — professionaline praznik kaikiden täht, ken radab man elomišton da tulotandtegeližuden raderištos Venämal. Nece päiv praznuitas joga voden redukun toižen pühäpäivän^[1].

Praznikan istorii

Praznikan istorii zavodiše vodelpäi 1966. Siloi Sovetskijan Sojuzan Ülembaižen nevondišton prezidiuman käskön mödhe oli vahvištoittud Kaiken Sovetskijan Sojuzan man elomišton radnikoiden päiv. Praznuičendan täht valitihe redukun toine pühäpäiv. Sil-žo vodel vahvištoittihe Sömtegeližuden radnikoiden päiv, mitte praznuitihe redukun koumanden pühäpäivän.

Vodel 1986 kaks' päiväd ühtenzoittihe. Praznik sai nimen "Man elomišton da agrotegeližuden kompleksan tulotandtegeližuden radnikoiden päiv". Prezidiuman käskön mödhe pättihe prazuita se kül'mkun koumanden pühäpäivän. Belorussias da Kazahstanas nece praznik pidetas necil päiväl.

Venäman prezidentan käskön № 679 mödhe 31. semendkud vodel 1999 vahvištoittihe, miše "Man elomišton da tulotandtegeližuden radnikoiden päiv" praznuitas joga voden redukun toižen pühäpäivän^[2].

Azjtegod

Man elomišton da tulotandtegeližuden radnikoiden päiväl man kaikiš regionoiš pidetas praznikazjtegoid, miččil ozateldas kaikid, ken om sidotud necen päivänke: fermeroid, mehanizatoroid, pöudradnikoid, ekologoid, biotehnologoid, živatoiden parahimiden roduiden kazvatajid vai selekcioreroid i toižid.

Ozutesikš, Venäman valdmehišton käskön № 536-р mödhe 11. sulakud vodel2000 joga voden Moskvas tehtas Venäman agrotegeline "Kuldaine sügüz'"-ozuteluz (ven.) (vep.^[3]. Vodel 2025 sen avaiduz oli 8. redukud i se radoi redukun 11. päivähasai. Necen azjtegon aigan vedetas semenaroid, paginištundoid, kus pagištas aktualižiš küzundoiš, miččed koskeba agrotegelišt kompleksad.

Kacmata valitud päivmäraha erasiš regionoiš agrotegeližen kompleksan radnikoid ozateldas aigemba vai möhemba, paksus nece om sidotud rahnmižaigan lopunke.

Toziazjad

Man elomišton ministran Oksana Lutan sanoiden mödhe vodeks 2025 agrotegeližen kompleksan raderištos Venämal radab 6,4 mln radnikad. Voden 2023 satusiden mödhe mail'mas man elomištos radoi eläjiden 26 % . Vodel 1991 — 43 %. "Avoto Rad"-servisan andmusiden mödhe voden 2025 augvoz'poliškos tahtnikoid rata man elomišton raderištos tegihe enamba 68 %-le, ku rindatada vodenke 2024. Paukan taričused kazvoiba 22 %-le^[1].

Homaičendad

↑ ¹ ² Когда отмечают День работника сельского хозяйства в 2025 году (рус.). РБК. Дата обращения: 25 kül'mkud 2025.
↑ Указ Президента Российской Федерации № 679 от 31 мая 1999 года (неопр.). Дата обращения: 25 kül'mkud 2025.
↑ Российская агропромышленная выставка «Золотая осень» (рус.). Золотая осень - Российская агропромышленная выставка. Дата обращения: 25 kül'mkud 2025.

[РБК-1] ¹ ² Когда отмечают День работника сельского хозяйства в 2025 году (рус.). РБК. Дата обращения: 25 kül'mkud 2025.

[2] Указ Президента Российской Федерации № 679 от 31 мая 1999 года (неопр.). Дата обращения: 25 kül'mkud 2025.

[:1-3] Российская агропромышленная выставка «Золотая осень» (рус.). Золотая осень - Российская агропромышленная выставка. Дата обращения: 25 kül'mkud 2025.

[1]

[2]

[3]