Svarščikan päiv
| Svarščikan päiv | |
|---|---|
 | |
| Tip | Professionaline |
| Oficialižesti | oficialižetoi |
| Om tehtud | vodel 1990 |
| Praznuitas | kaikuččen voden |
| Päiv | semendkun jäl'gmäine pätnič |
Svarščikan päiv (ven.: День сва́рщика) — azjantegijoiden praznik, kenen rad om sidotud svarkanke. Venämal praznuitas oficialižetomižesti, praznuitas semendkun jäl'gmäine pätnič. Ei ole märitadud praznikan üks' päiv; tradicii praznuita sidä sündui vozil 1990.
Istorii
Vodel 1802 venälaine tedomez' Vasilii Vladimirovič Petrov ühtenzoiti elektrodan, avaiži elektrižen bemblen effektad, sen temperatur oli 8000° С, se andoi voimust sulada metallad. Päliči 80 vodes kaks' tošt venälašt tedomehed Nikolai Gavrilovič Slav'anov da Nikolai Nikolajevič Benardos, läz ühtel aigal tegi muga, miše ühtenzoitiba metallad molekul'arižel tazol elektrobemblen abul[1].
Ezmäine svarščikoiden ühtištuz oli tehtud Piteriš XIX voz'sadan lopus. Praznuita professionališt praznikad Venämal svarščikad zavodiba vaiše vozil 1990 . Praznik ei ole oficialine da praznuitas vaiše zavodoil, kus radaba azjantegijad svarkan mödhe. Necil praznikal anttas kitändkirjeižid da toižid pauklahjoid[2].
Melentartuižed toziazjad
- Ezmäine muštpacaz svarščikale oli pandud vodel 2009 Seversk-lidnas Sibirin himijan kombinatan laboratorijan tanhal. Muštpacaz om tehtud metallaspäi da raudbetonaspäi[3].
- Muštpachad svarščikale mugažo om pandud Armaviras, Kalugas, Penes Sludas (Komin Valdkund), Rostov-na-Donu-, Krivoi Rog-lidnoiš, Luganskas, Jekaterinburgas, Bremerhafenas (Germanijan ma), Hüvinkäja (Suomen ma)[4].
- Miše tehtas svarščikaks, pidab loptä kolledžan libo radmahttehnikuman. Opendusen programm om 2-3 vot[5].
- Svarščikan rad om tarbhaine da siš hüvin makstas, no se tob surt riskad tervhuden täht, sil'mile da hengestusele pölun taguiči.
Homaičendad
- ↑ Лукин Михаил Анатольевич. Научно-технический уровень сварочного производства в современной России // Вестник Псковского государственного университета. Серия: Экономика. Право. Управление. — 2014. — № 4.
- ↑ Svarščikan päiv praznuitas tämbei Venämal. «Учебный Центр» ИТЦ ПТМ. Дата обращения: 6 semendkud 2024.
- ↑ Ульяна Светачёва. Svarščikan päiv 2024: miččel päiväl, praznikan istorii da tradicijad, Комсомольская правда. Дата обращения: 6 semendkud 2024.
- ↑ Svarščikan päiv. Istorii da toziazjad. Российский университет кооперации (27 semendkud 2022). Дата обращения: 6 semendkud 2024.
- ↑ Svarščikan päivän praznuičemine, istorii da tradicijad vodel 2024. Оренбургское региональное телевидение. Дата обращения: 6 semendkud 2024.