Programmistan päiv

Рувики-späi
Programmistan päiv
Программист за работой.jpg
Om tehtud 11. sügüz'kud vodel 2009 Venäman Prezidentan Dmitrii Medvedevan käskol №1034
Praznuitas  Venäma
Päiv 256 voden päiv (13. sügüz'kud visokosnitomas vodes, 12. sügüz'kud  — visokosnijas vodes)
Vodel 2025 13.09.2025
Vodel 2026 13.09.2026
Vodel 2027 13.09.2027

Programmistan päiv (ven.: День программиста) — Venäman professionaline praznik, mitte praznuitas 256 voden päiväl. 256 (28) päiv om valitud sikš, miše nece om erazvuiččid znamoičendoid lugu, mitte voib ozutada kahesarazr'adnian baitan abul. Völ nece om maksimaline 2 lugun stepen', mitte ei ülita voden päividen lugumärad (365 vai 366).

Visokosnitomas vodes praznikan praznuitas 13. sügüz'kud, visokosnijas vodes - 12. sügüz'kud.

Istorii

Ezmäine «Programmistan päiv»-praznikan praznuičendas sanui «Kompjuterra»-painišton pämez' Dmitrii Mendrel'uk heinkun 15. päiväl vodel 1996. Programmistan päiväks ottihe ezmäine sügüz'kun pätnič, kudambad nimittihe «Puhtaz pätnič»[1]. Vodel 2002 «Parallel'nii tehnologii»-veb-studijan radnikad Valentin Balt da Mihail Červ'akov keraziba sanoiden al allekirjutesid Venäman valdmehišton täht, miččes pakitihe vahvištoitta 256 voden päiväd oficialižeks programmistoiden praznikaks[2].

Heinkun 24.päiväl vodel 2009 Venäman ühtenzoitusen da joukvestišton Ministerstv om tehnu da andnu Venäman valdmehištoho Venäman prezidentan käskon projekt «Programmistan päiväs»[3][4].

Sügüz'kun 11.päiväl vodel 2009 Venäman prezident Dmitrii Medvedev allekirjuti käsk № 1034[5], mitte oli vaumištud Venäman ühtenzoitusen da joukvestišton Ministerstv, kudamb vahvištoitab Venäman uz' oficialine praznik — «Programmistan päiv»[6][7].

Toižed praznikpäiväd

  • 30. kül'mkud — Rahvahidenkeskeine vestišton kaičend päiv, praznuitas vodespäi 1988. Necel vodel om ottud homaičushe ezmäine Morisa madon joukepidemii, mitte sai tegijan nimen.
  • 10. tal'vkud — Ada Avgusta Bairon King, grafin'a Lavleisan ezmäižen programmistkan sündundpäivän arvostuses 10. tal'vkud vodel 1815. Ada om kirjutanu ezmäižen istorijas analitižen Bebbidža mašinan tedomašinprogramm, ezmäižen kävutoiti sanad «radjačeikad», «cikl» i toižed. Endusti nügüd'laižiden aifunkcionaližiden tedomašinoiden tulendad ei vaiše lugemižen täht, no i grafikan da änen radon täht. Hänen arvtegoiš tetabale programmiruindkelele om anttud hänen Ada-nimi.
  • 22. sulakud — Venämal, om anttud arvostuz vanhtunuden radon 2204 kodirovkan täht (möhemba 220400)[8] (lugemižen tehnikan da avtomatiziruižiden sistemoiden programmtedotamine). Venäman uden radlugetišen mödhe radon ven.: «ПО ВТ и АС» kod om 230105.65 — sündui voimuz' praznuičemha «Programmistan päiv» 23. vilukud.
  • 14. uhokud vodel 1946 — voinan jäl'ghe rahvahan da lehtišton edes om ezitadud ENIAK.
  • Voib olda päivänmär ( ezmäi kaiked web-programmistoiden tänt) — 4. sulakud (Viga 404). 4. sulakud kaik katoline mail'm praznuičeb tedomašinoiden da Internetan kävutajiden kaičijan Pühän Isidora Sevil'skian päivän.
  • Serveranohjandajan päiv

Homaičendad

  1. ↑ День программиста настанет? Компьютерра (27 semendkud 2009). Дата обращения: 12 sügüz'kud 2020. Архивировано 23 sügüz'kud 2020 года.
  2. ↑ «Праздник 256-го дня» Архивная копия от 11 sügüz'kud 2014 на Wayback Machine. CNews
  3. ↑ «У программистов может появиться свой официальный праздник» Архивная копия от 6 tal'vkud 2020 на Wayback Machine Минкомсвязи
  4. ↑ «Российские программисты получат профессиональный праздник». Коммерсантъ
  5. ↑ Указ Президента РФ от 11.09.2009 № 1034 «О Дне программиста». Дата обращения: 12 sügüz'kud 2016. Архивировано 15 sügüz'kud 2016 года.
  6. ↑ «Президент России подписал указ об утверждении Дня программиста» Архивная копия от 6 tal'vkud 2020 на Wayback Machine Минкомсвязи
  7. ↑ «Медведев утвердил 13 сентября Днем программиста» Архивная копия от 14 sügüz'kud 2014 на Wayback Machine. CNews
  8. ↑ «Был бы программист, а праздник найдётся» Архивная копия от 13 sügüz'kud 2012 на Wayback Machine. РИА Новости
Om sadud "https://vep.ruwiki.ru/w/index.php?title=Programmistan_päiv&oldid=506634"