Lapsiden kazvatajan päiv

Рувики-späi
Lapsiden kazvatajan päiv
Детский сад №135 Нижний Новгород.png
Tip Professionaline praznik
Toižin ven.: Праздник работника дошкольных учреждений, ven.: День воспитателя и всех работников дошкольного образования
Znamoičend Kingitab kundaližiden sebroiden da valdkundoiden homaičust lapsiden päivkodiden radho. Jogavozne kazvatajiden ozatelend i eloradon popul'arizoitand noriden keskes.
Om tehtud 27. sügüz'kud vodel 2003
Tegii Ühthižvenälaižed pedagogižed painused
Praznuitas  Venäma
Päiv 27. sügüz'kud
Om sidotud 27. sügüz'kud vodel 1863 Piteriš Vasiljevskijal sarel Sofja Andrejevna L'ugebil' avaiži ezmäižen lapsiden päivkodin lidnas.

Lapsiden kazvatajan päiv (ven.: Де́нь воспита́теля и все́х дошко́льных рабо́тников) — professionaline praznik, mitte om sidotud pedagogižen radonke, ristituidenke, kudambad radaba opendusen alovehes. Joga voden se praznuitas Venämal 27. sügüz'kud vodelpäi 2004. Se oli vahvištoittud kundaližiden pedagogižiden painusiden tomotusen mödhe.

Istorii

27. sügüz'kud vodel 2003 mugoižiden ühthižvenälaižiden pedagogižiden painusiden mödhe kut "Lapsiden päivkodi kaikiš polišpäi"-lehtez, "Školanedeline openduz"- da "Vandeh"-kulehtesed taritihe vahvištoitta "Lapsiden kazvatajan päiväd". Päivmäraks valitihe 27. sügüz'kud[1]:

  • 27. sügüz'kud vodel 1863 Piteriš Vasiljevskijal sarel Karl Jakimovič L'gebil'an professoran ak i germanialaižen opendajan Fridrih Fröbelin jäl'genik Sofja Andrejevna L'ugebil' avaiži ezmäižen lapsiden päivkodin lidnas.

31. keväz'kud vodel 2008 Venäman opendusen da tedon ministerstvan (ven.) (vep. käskön № 03-584 mödhe "Lapsiden kazvatajan päivän praznuičendas" valdkundaližen politikan departamentan da oiktudenkontrolin pämez' Igor' Remorenko tugezi idejan oficialižes praznikpäivän vahvištoituses[2].

18. sulakud vodel 2016 Venäman valdmehišton pämehen Dmitrii Medvedevan käskön № 703-р mödhe Lapsiden kazvatajan päiv oli pandud Venäman professionaližiden praznikoiden lugetišehe oficialižesti (ei ole lebupäiv)[3].

Praznikan pätegend om kingitada kundaližiden sebroiden da valdkundoiden homaičust lapsiden päivkodiden da toižiden školanedeližiden organizacijoiden radho. Mugažo pidab joga voden ozatelda kaikid lapsiden kazvatajid praznikanke i popul'arizoitta nece elorad noriden keskes.

27. sügüz'kud vodel 2004 ezmäižen kerdan praznuitihe "Lapsiden kazvatajiden päiv".

Sidotud aigtegod

1970.-voziden redukun lopus Ulan-Udes lidnan valdmehišton tomotusen mödhe pidetihe Lapsiden kazvatajan päiv. Necil päiväl ozateldihe Dramateatran parahimid radnikoid (anttihe pauklahjoid i kitändkirjeižid). Kazvatajiden täht oli maksutoi matk ajamiš, a mugažo hö voiba tehta hibuzleikatuz ilma maksuta da jäl'genduseta[4].

Oma mugoižed rahvahaližed i rahvahankeskeižed professionaližed praznikpäiväd, miččed om sidotud opendusen alovehenke:

Openduzčas päivkodin lapsiden täht (Moskva).

Azjtegod

Lapsiden kazvatajan päiväl tehtas mugoižid azjtegoid:

  • tematižed azjtegod lapsiden päivkodiš;
  • vastused, opendajiden suimad, seminarad lapsiden kazvatajiden täht;
  • parahimiden radnikoiden pauklahjoičend, kitändkirjeižiden andmine.

Vodel 2004 Piteriš sijaližen lehtesen radnikad vaumištiba erazvuiččid azjtegoid kazvatajiden täht[4].

Vodelpäi 2022 Venäman Tedolevitusen ministerstvan (ven.) (vep. tomotusen mödhe joga voden mäni akcii "SanuSpasibOpendajale". Socialižihe verkoihe pandihe fotokuvid, vedeoid runoidenke i erazvuiččiden starinoidenke, miččed om omištadud opendajile da lapsiden kazvatajile[5].

Vodel 2023 Samaran agjas Borskoje-küläs "Sur' opendajan nedal'"-azjtegoiden aigan mäni lapsiden kazvatajiden konferencii. Mugažo pauklahjoitihe parahimid radnikoid i mäni päivkodin lapsiden koncert. Otradnii-lidnas "Venäma"-kul'turpertiš mäni lapsiden kazvatajiden "Kaik zavodiše laps'aigaspäi"-festival'[6][7].

Vodel 2024 Moskvan agjan Tedolevitusen ministr (ven.) (vep. i aigsijaline ministr pauklahjoičiba Ühthižvenälaižen "Venäman voden lapsiden kazvatai"-konkursan vägestajid. Anttihe kitändkrjeižid, diplomid, rahalahjoid. Mugažo anttihe "Venäman arvostadud radnik lasiden da noriden kazvatandan alovehes"-, "Arvostadud opendai"-arvnimed, "Venäman tedolevitusen parahim radnik"-arvznam i toižid[4].

Necil-žo vodel Tatarstanas Kukmaran rajonas Tujembašksoje-külän kirjištos tehtihe "Lapsiden kazvatajan päiv"-kirjozuteluz, miččel voi kacta openduzabukirjoid i taidehliteraturad[8].

Azjtegod mäniba Vologdan agjas-ki Požarskoje-külän kul'turpertiš, Groznii-lidnan Valdkundaližes kul'turan da taidehen keskuses, также в детских садах Čuvašijan lapsiden päivkodiš[9].

Kazvatai noremban gruppan lapsidenke

Sociologižed oppindad

Vodel 2008 Moskvan sociologijan kolledž i erased lehtesed man 10 agjas tegiba sociologižen oppindan päivkodiden kazvatajiden keskes. Heid küzutihe: "Kut tö meletat, pidab-ik panda kalendarihe professionaline praznik lapsiden kazvatajiden täht?". 81,6 % küzutud kazvatajišpäi sanuiba "ka". Nece-žo küzund tehtihe toižiden eloradoiden ristituile: 66,7 % sanui, miše mugoine praznik pidab tehta. Nece oppind oli oigetud raderištusen profsojuzaha i Openduzministerstvaha[4].

Kazvatai vedäb openduzčasun noremban gruppan lapsiden täht

Melentartuižed faktad

  • Germanialaižen opendajan Fridrih Fröbelin abul eloho tuli mugoine tärtuz kut "Lapsiden päivkodi". Hänen teorijan mädhe, kazvatajad oliba sadunholitajad, a lapsed — änikod[9];
  • Vodel 1859 Venälaine imperii Gol'singforsas (Helsinki) avaitihe ezmäine lapsiden pöivkodi[10];
  • 20. tal'vkud vodel 1917 tedotadihe školanedeližen opendusen deklaracijas, miččen päprincip om — maksutoi kebnpäzund[1];
  • 1930.-vozil sündui "Školanedeline kazvatand"-kulehtez. Sen andmusiden mödhe päivkodiš oli läz 2 millionad last[11];
  • Vodel 1959 Venämal tehtihe ezmäižid gruppoid, miččihe ottihe vagahaižid lapsid kahtes kuspäi[12];
  • Venäman valdkundaližen statistikan mödhe vodeks 2025 mas om enamb 45 000 tuh. lapsiden päivkodid[1][13].

Homaičendad

  1. ↑ 1 2 3 День воспитателя в России 2025: дата, история и традиции праздника работников дошкольного образования, Lenta.ru. Дата обращения: 8 sügüz'kud 2025.
  2. ↑ Указ № 03-584 "О праздновании Дня работников дошкольного образования" (PDF). web.archive.org. Дата обращения: 8 sügüz'kud 2025.
  3. ↑ Распоряжение №703-р (PDF). static.government.ru. Дата обращения: 8 sügüz'kud 2025.
  4. ↑ 1 2 3 4 День воспитателя в 2025: какого числа, история, кого поздравляют - Российская газета, Российская газета. Дата обращения: 8 sügüz'kud 2025.
  5. ↑ День воспитателя: дата, история и традиции, РБК Life. Дата обращения: 8 sügüz'kud 2025.
  6. ↑ Конференция работников дошкольного образования, посвященной Дню воспитателя и всех дошкольных работников | ГБУ ДПО ЦПК "Ресурсный центр" (неопр.). rcneftegorck.ru. Дата обращения: 8 sügüz'kud 2025.
  7. ↑ В Отрадном чествовали работниц детских садов, Вестник города Отрадного. Дата обращения: 8 sügüz'kud 2025.
  8. ↑ Книжная выставка «День дошкольного работника» 2024, Кукморский район — дата и место проведения, программа мероприятия., Культура.РФ. Дата обращения: 8 sügüz'kud 2025.
  9. ↑ 1 2 День воспитателя 2024: какого числа отмечают, история праздника и традиции, РЕН ТВ. Дата обращения: 8 elokud 2025.
  10. ↑ Как в России появились детские сады и как они были устроены | Familio.Media, Familio.Media. Дата обращения: 8 elokud 2025.
  11. ↑ День воспитателя и всех дошкольных работников, РИА Новости. Дата обращения: 9 sügüz'kud 2025.
  12. ↑ Андреева, Юлия. День воспитателя в России: история и традиции праздника, Пятый канал. Дата обращения: 9 sügüz'kud 2025.
  13. ↑ День воспитателя 2024: когда отмечается и что подарить педагогам - Газета.Ru, Газета.Ru. Дата обращения: 9 elokud 2025.

Lähtked

Om sadud "https://vep.ruwiki.ru/w/index.php?title=Lapsiden_kazvatajan_päiv&oldid=528382"