Venäman biznesmehiden päiv

Рувики-späi
Venäman biznesmehiden päiv
800px-День российского предпринимательства.jpg
Om tehtud 18. redukud vodel 2007 Venäman prezidentan käsköl №1381
Praznuitas Venämal
Päiv 26. semendkud
Praznuičend joga voden
Om sidotud biznesrad

Venäman biznesmehiden päiv (ven.: День российского предпринимательства) om professionaline praznik, mitte om tehtud Venäman prezidentan Vladimir Putinan käskol mödhe 18. redukud vodel 2007, miše kingitada homaičust Venäman ekonomikan kehitoitusehe, da völ kesk-, penen da suren biznesan problemoihe[1]. Praznik praznuitas vodelpäi 2008 joga voden 26. semendkud.

Istorii

Praznik om vahvištoitud Venäman prezidentan Vladimir Putinan käskol 18. redukud vodel 2007. Se om sätud jäl'ghe sidä kut om vahvištoitud "Venäman keskmäižen da penen biznesan kehitoituses"-zakon, mitte tuli eloho 1. vilukud vodel 2008, da mitte märiči kožmuznormad personaližiden biznesmehiden, juridižiden personoiden da valdkundan keskes. Völ zakonas om kirjutadud tugedusen azjtegoiš biznesan täht.

Praznikan pätego om tobjeta homaičust biznesan problemoihe da ülenzoitta tavaroiden da holitesiden tegijoiden statusad. Völ praznik ozutab biznesradon znamoičendad valdkundaližes ekonomikas. Venäman valdmehišton pämehen Mihail Mišustinan sanoiden mödhe "nece päiv om omištadud azjantahtoižile ristituile, kudambad voidas strategišti meletada, ezitada rohktoid idejoid, ühtneda rahvahaližiden pätegoiden pätandaha, suriden pätegoiden pätandaha, miččed oma Venämal"[2].

Biznesan kehitoituz om vahvištoitud Venäman zakonal: "Predprijatijoiden da biznesmehiden radon polhe" 25. tal'vkud vodel 1990, mitte märiči predprijatijoiden tegemižen oiktuden, ekonomikan da socialižen pohjad[3].

Vodel 2019 om vahvištoitud "Pen' da keskbiznes da individualižen biznesmehiden tomotusen tugeduz"-rahvahaline projekt, miččen pätego om levenzoitta penen da keskbiznesan subjektoiden satust rahavaroihe, sen lugus l'gotan finansirovanijaha[4].

Vozil 2022—2024 Päivlaskman sankcijoiden aigan Venäman valdmehišt vahvištoiti penen da keskbiznesan ližatugedusen azjtegod[5]. Sen lugus:

Venäman prezidentan Vladimir Putinan vastuz venälaižiden bizneserišton ezitajidenke
  • kreditoiden voimusižen lendand,
  • nalogovijad pästused da l'gotad,
  • l'gotan lizing,
  • IT-kompanijoiden tugeduz,
  • vigamaksoiden da vastusenpidändan penenzoitand,
  • paralleline import da programoiden rahapidon kompensacii,
  • grantad,
  • ičeradnikoiden tugeduz[6].

Venäman ekonomikan kehitoitusen ministerstvan (ven.) (vep. tedoiden mödhe vilukuks vodeks 2024 biznesmehiden lugumär Vanämal sai maksimumad vodelpäi 2016 — 6,35 mln individuališt biznesmest da juridižid personad[7].

26. semendkud vodel 2026 Venäman prezident Vladimir Putin vastusel venälaižiden biznesan ezitajidenke, mitte om omištadud Venäman biznesmehiden päiv-praznikale, homaiči, miše kacmata sihe, miše verazmaižed kompanijad läksiba rinkalpäi elitoiden käskon mödhe, mil manitiba venälaižid ühtesradnikoid, Venäma jatktab edeleze tugeta venälaižid biznesmehid, miše heiden tomotused tuliba eloho[8].

Tradicijad

Praznikan aigan tehtas biznes-forumad da konferencijad, seminarad, ozutelused da kehkerad stolad, miččil pagištas penen da keskbiznesan azjoiš. Völ necil päiväl pidetas bizneskundan ezitajiden pauklahjoičendad.

Pälidnas joga voden pidetas Moskvan biznesradon nedal', miččen aigan biznesmehed, azjantundijad da investorad voidas pagišta suriden kompanijoiden top-menedžeroidenke iče. Azjtegos ozutadas da pagištas bizneskundan vestištoiš.

Toižiš maiš

Rahvahaližed biznesmehiden päiväd praznuitas i toižiš maiš:

  • Belorussijas — 2. redukud;
  • Kirgizijas — 20. sügüz'kud;
  • Azerbaidžanas — 25. sulakud;
  • Amerikas — kül'mkun koumanden pühäpäivän. Praznikan vahvištoiti Barak Obama vodel 2010;
  • Ukrainal — sügüz'kun ezmäižen pühäpäivän[1].

Rindaližed praznikad

Ičeradnikoiden päiv Venämal (ven.) (vep. om oficialitoi professionaline praznik, mitte praznuitas joga voden 27. kül'mkud. Päiv om omištadud Venäman prezidentan federaližen zakonan № 422-FZ ven.: «О проведении эксперимента по установлению специального налогового режима „Налог на профессиональный доход“» allekirjutesele 27. kül'mkud vodel 2018. Nece praznik om omištadud ičeradnikoiden mehiden znamoičendale valdkundan ekonomikas da radon ičein päle popul'arizacijale[9].

Homaičendad

  1. ↑ 1 2 Кирилл Юрьев. День предпринимателя в России 2025: дата, история традиции праздника, Lenta.RU (23 мая 2025). Дата обращения: 25 semendkud 2026.
  2. ↑ Михаил Мишустин поздравил российских предпринимателей с профессиональным праздником. government.ru (26 semendkud 2025). Дата обращения: 25 semendkud 2026.
  3. ↑ О предприятиях и предпринимательской деятельности. pravo.gov.ru. Дата обращения: 25 semendkud 2026.
  4. ↑ 26 мая — День предпринимательства: история и традиции праздника, Известия (20 semendkud 2025). Дата обращения: 25 semendkud 2026.
  5. ↑ Мишустин рассказал о мерах поддержки бизнеса на фоне санкций, Известия (2 keväz'kud 2022). Дата обращения: 25 semendkud 2026.
  6. ↑ Михаил Шичанин. Меры господдержки для малого и среднего бизнеса в 2024 году, ГАРАНТ (25 марта 2024). Дата обращения: 25 semendkud 2026.
  7. ↑ Бьём все рекорды — число предпринимателей в России достигло максимума с 2016 года (16 vilukud 2024). Дата обращения: 25 semendkud 2026.
  8. ↑ «Нужно долбить, долбить, долбить»: что сказал Путин на встрече с бизнесом, Коммерсантъ (26 semendkud 2025). Дата обращения: 25 semendkud 2026.
  9. ↑ Российские самозанятые отмечают свой праздник (24 kül'mkud 2024). Дата обращения: 25 semendkud 2026.

Lähtked

Om sadud "https://vep.ruwiki.ru/w/index.php?title=Venäman_biznesmehiden_päiv&oldid=527857"