Il'mdesantvägiden päiv

Рувики-späi
Il'mdesantvägiden päiv
Il'mdesantvägiden päivan praznuičend VDNHas, Moskvas, 2013.
Il'mdesantvägiden päivan praznuičend VDNHas, Moskvas, 2013.
Om tehtud om vahvištoittud vodel 2006, praznuitihe aigemba-ki
Praznuitas  Belorussii,
 Kazahstan,
 Venäma,
 SSSR (1930—1991)
Päiv 2. elokud (joga voden)
Praznuičend voinvaras olijoiden desantnikoiden astund, koncertad
Tradicijad vastused armijan sebranikoidenke
Логотип РУВИКИ.Медиа Mediafailad RUWIKI-tedoiš

Il'mdesantvägiden päiv (ven.: День Возду́шно-деса́нтных войск) — praznik il'mdesantvägiden muštoks Venäman, Belorussian i toižiden ripmatomiden valdkundoiden ühtištusen maiden voinvägiš.

Praznuitas joga voden 2. elokud[1].

Istorii

Il'mdesantvägiden päiv oli sätud 2. elokud vodel 1930[1]. Necil päiväl Moskvan voinümbrišton voinil'mvägiden ozutuzopendusen aigan Voronežan röunal ezmäižen kerdan Sovetskijas Sojuzas desantnikoiden jouk, miččes oli 12 mest, laskihe parašutoiden abul vointegon tegemižen täht[2].

Il'mdesantväged (ven.) (vep. tehtihe möhemba — vodel 1931, päliči vodes ned mülüškanziba sovetskijoiden voinil'mvägiden (ven.) (vep. joukuhu[3].

Kacmata sihe, miše 60 vodes niiden sündundaspäi il'mdesantvägiden joukud ühtniba äjihe voinridoihe i ozutiba hüvid satusid, ičenaižen statusan ned saiba vaiše vodel 1991[3]. Necišpäi päiväspäi zavottihe levedas tehta praznikazjtegoid, miččed om omištadud Il'mdesantvägiden päiväle.

Oficialižesti nece praznik vahvištoittihe vodel 2006 Venäman prezidentan Vladimir Putinan käskön № 549 mödhe voden 2006 semendkun 31. päiväspäi "Professionaližiden praznikoiden da muštpäividen vahvištotandas Venäman voinvägiš", miččen pätegend om udessündutada i kehitoitta kodimaižid vointradicijoid, vahvištoitta voinslužban arvod da arvostada vointundiojoid, kudambad pidäba vastust valdkundan polestuses da varumatomudes[4][3].

R'azanin il'mdesantvägiden opišton kursantoiden ozutuztacind

Vodel 1997 sijal, kus ezmäižen kerdan man istorijas laskihe desantnikoiden jouk (Voronež, Liz'ukovan generalan irdal) pandihe muštznam — granitkivi i muštlaud, kus om kirjutadud : "Täga 2. elokud vodel 1930 ezmäižen kerdan Sovetskijan Sojuzan istorijas laskihe 12 desantnikad"[5]. Laskendan päiväspäi lugetas, äjak vot om il'mdesantvägile, a ei siš päiväspäi, konz Il'mdesantväged oli sätud. Vodel 2020 Venäman il'mdesantvägile täudui 90 vot[6]. Sured azjtegod, miččed om omištadud necile, mäniba R'azaniš, mitte nimitadas "il'mdesantvägiden pälidnaks" — sigä om R'azanin korged il'mdesantvägiden opišt (ven.) (vep.[7]. Nece om üks' kahtes voinopenduzerištospäi, kus vaumitas desantnikoid-oficeroid (sen ližaks R'azanin korged il'mdesantvägiden opišt armijan generalan V. F. Margelovan nimel om pauklahjoitud Suvoravan ordenal i kaks' kerdad Rusttan flagan ordenal — nece om üksjaine opišt, kus vaumitas oficeroid-desantnikoid[8]).

Praznikazjtegoiden agan pajatadas pajo "R'azan' om il'mdesantvägiden pälidn", miččen kirjuti "Krilataja pehota"-ansambl'.

Praznikastund flagoidenke R'azanin opištos

R'azanin voinopištile anttihe generalan Vasilii Margelovan (ven.) (vep.nimi, hän oli il'mdesantvägiden sädai. Kacmata sihe, miše hän tuli nenehe voinvägihe möhemba, mi ned oli sätud, iče Margelov sädi il'mdesantväged nügüdläižes nägos, hänen ohjandusel sünduiba äjad desantnikoiden tradicijad. Hänen muštoks iloks anttihe nimi voinvägile — "Voinväged Vas'a-dädän täht"[9].

R'azaniš om il'mdesantvägiden muzei (ven.) (vep., mitte om läz Opištod, i üks' päambundpöudoišpäi, kus harjoiteldas[10].

Vodel 2022 Il'mdesantvägiden päivän päazjtegod praznuitihe Moskvan agjan "Patriot"-puištos, kus erazvuiččed azjtegod pidetihe 2.-7. elokud[11].

Praznuičendan tradicijad da erigoičused

Il'mdesantvägiden päiv om nügüdläižiden da varas olijoiden voinmehiden professionaline praznik, se praznuitas kaikel Venämal, Belorussias i toižiš ripmatomiden valdkundoiden ühtištusen maiš[12]

Enččid i nügüdläižid desantnikoid ozateleb Venäman prezident Vladimir Putin[13].

R'azaniš, kus mäneba päpraznikazjtegod Il'mdesantvägiden päiväks tehtas koncert Leninan avoirdal, mitte om lidnan keskuses. Sil ezineb "Krilataja pehota"-grupp, mitte pajatab pajoid desantnikoiden täht, üks' pajoišpäi om "Sineva"[14], mitte om il'mdesantvägiden gimn[15].

Mugažo praznikazjtegoid pidetas "Spartak"-stadional, kus voib nägištada desantnikoiden ezitusid, koncertnomeroid, mugažo desantnikad laskese parašutoiden abul stadionale vai rindal senke[16].

Praznikazjtegoihe voiba ühtneda il'mavaruz'vägiden joukud. Muga, vodel 2019 stadional päl, kus mäni praznik, lendiba "Strižad"- da "Venälaižed vit'azid"-voinlendimed Kubanišpäi, a mugažo "Berkutad"-voinpöruilendimed Toržok-lidnaspäi[17].

Jekaterinburgas desantnikad laskese parašutoiden abul randirdale läz lidnuitod[18]. Il'mdesantvägiden päiväd praznuitas äjiš Venäman lidnoiš. Desantnikad ozutaba ezitusid, ozateldas il'mdesantvägiden veteranoid, tehtas koncertoid, vedetas hüväntegijoid akcijoid, radaba jarmarkad, vointehnikan ozutelused, rahvaz iloitelese[19].

Moskvas praznikazjtegod mäneba 2. elokud Kul'turan da lebun keskuzpuištos Maksim Gor'kijan nimel, kus vasttase desantnikad merimehiden paidoiš da sinivauvhad beretad päs, johtutaba ičeze voinsebranikoid, ozateleba veteranoid i mušteleba kolnuzid saldatoid[18].

Desantnikoiden kül'bend fontanoiš tegihe jo praznikan tradicijaks, sil om erine znamoičend — muga desantnikad tahtoiba olda lähemba taivhannoks, mitte kuvastub vedhe[3].

Tradicionaline päsömine necil päiväl om arbuz[3].

Laskend parašutoiden abul R'azaniš praznikan aigan

Il'mdesantvägiden päivän praznuičend vodel 2024

Il'mdesantvägiden päiväl desantnikad paneba päle sinivauvhoid beretoid da merimehiden paidoid i vasttase ičeze voinsebranikoidenke. Muga, vodel 2024 Moskvas 10:00 časud oli änikoiden panend saldatoiden-internacionalistoiden muštpachale da Il'mdesantvägiden ohjandajiden kaumoile Kumarduzmägel, Trojekurovan da Novodevičjen kaumištoil. Jäl'ges mäniba ristan astund Iljinka-irdadme, ezitused Rusttal avoirdal i praznikkoncert Vasiljevan laskendal[20][21].

Voronežas avaitihe il'mdesantvägiden muzei (ekspozicijas om 50 kalud), a mugažo mäni enamba 40 erazvuittušt azjtegod[22][23].

Arhangel'skas praznikazjtegod da koncert mäniba Vologdan kaumišton sijal "Mušton avoird"-muštpachištonno[24].

Il'mdesantvägiden päiv vodel 2024

Homaičendad

  1. ↑ 1 2 Воздушно-десантные войска отмечают 92-ю годовщину со дня образования. — Сегодня 92-ю годовщину со дня образования отмечают прославленные гвардейские Воздушно-десантные войска России (ВДВ). РИА Новости. Дата обращения: 1 elokud 2025.
  2. ↑ Первый десант. Дата обращения: 1 elokud 2025.
  3. ↑ 1 2 3 4 5 2 августа — День ВДВ: история и традиции праздника «голубых беретов», Известия (1 elokud 2023). Дата обращения: 1 elokud 2025.
  4. ↑ Указ Президента Российской Федерации В. Путина от 31 мая 2006 года № 549 «Об установлении профессиональных праздников и памятных дней в Вооружённых Силах Российской Федерации». Дата обращения: 1 elokud 2025.
  5. ↑ 1930 год — в СССР высажен первый парашютный десант. Дата обращения: 1 elokud 2025.
  6. ↑ Воздушно-десантные войска отмечают 90 лет со дня своего образования - ТАСС, TACC. Дата обращения: 1 elokud 2025.
  7. ↑ Руководитель следственного управления принял участие в торжественном мероприятии, посвященном 93-й годовщине образования Воздушно-десантных войск - Следственного комитета Российской Федерации по Рязанской области. ryazan.sledcom.ru. Дата обращения: 1 elokud 2025.
  8. ↑ Рязань – столица ВДВ. К 90-летию образования Воздушно-десантных войск. kraeved.rounb.ru. Дата обращения: 1 elokud 2025.
  9. ↑ "Войска дяди Васи". Почему генерала Маргелова называют отцом ВДВ, РИА Новости (20181227T0800). Дата обращения: 1 elokud 2025.
  10. ↑ Крылья для пехоты, ВО. Дата обращения: 1 elokud 2025.
  11. ↑ День ВДВ 2 августа 2022 в Москве и Подмосковье: программа, перекрытие движения, купание в фонтанах, Телеканал Царьград (1 elokud 2022). Дата обращения: 29 elokud 2025.
  12. ↑ Десантники отмечают свой профессиональный праздник. — Сегодня в России отмечается День Воздушно-десантных войск. Интернет-портал Российской газеты» // rg.ru (2 elokud 2006). Дата обращения: 1 elokud 2025.
  13. ↑ Путин поздравил десантников с Днем ВДВ, Радио Sputnik. Дата обращения: 1 elokud 2025.
  14. ↑ А мы – крылатая пехота. Рязанские ведомости (2 elokud 2023). Дата обращения: 1 semendkud 2025.
  15. ↑ В Рязани отмечают День ВДВ всем городом - Российская газета, Российская газета (2 elokud 2023). Дата обращения: 1 elokud 2025.
  16. ↑ День ВДВ отпраздновали в Рязани. ryazpressa.ru. Дата обращения: 1 elokud 2025.
  17. ↑ День ВДВ в Рязани: танцы Дедов Морозов и рукопашный бой. Дата обращения: 1 elokud 2025.
  18. ↑ 1 2 Праздник "без ерундистики": День ВДВ в России, РИА Новости (20220802T1439). Дата обращения: 1 elokud 2025.
  19. ↑ Праздник «без ерундистики»: День ВДВ в России. — В России отмечают День Воздушно-десантных войск. Дата обращения: 1 elokud 2025.
  20. ↑ План проведения праздника «2 августа — день ВДВ» в г. Москве (неопр.). Союз Десантников России. Дата обращения: 1 elokud 2025.
  21. ↑ План проведения праздничных мероприятий, посвящённых 94-й годовщине образования ВДВ и дню пророка Божия Илии — Союз Десантников России имени Героя Советского Союза, генерал-полковника Востротина В.А. sdrvdv.ru. Дата обращения: 1 elokud 2025.
  22. ↑ В Воронеже торжественно открыли музей Воздушно-десантных войск (неопр.). vrn.kp.ru. Дата обращения: 1 elokud 2025.
  23. ↑ Что увидели воронежцы на открытии музея Воздушно-десантных войск. Дата обращения: 1 elokud 2025.
  24. ↑ Как будут праздновать День ВДВ в Архангельске: программа мероприятия, 29.ру - новости Архангельска (31 heinkud 2024). Дата обращения: 1 elokud 2025.

Lähtked

Om sadud "https://vep.ruwiki.ru/w/index.php?title=Il%27mdesantvägiden_päiv&oldid=528268"