Rahvahidenkeskeine maröunan radnikan päiv
| Rahvahidenkeskeine manröunan radnikan päiv | |
|---|---|
 | |
| Tip | Professionaline praznik |
| Om tehtud | voz' 1983 |
| Praznuičend | 26. vilukud |
| Om sidotud | Mail'man maröunan organizacijan 30-voččen jubilejanke |
Rahvahidenkeskeine maröunan radnikan päiv (ven.: Mеждунаро́дный день тамо́женника , angl.: International Customs Day) om maröunslužboiden radnikoiden tedomahtoine (professionaline) praznik. Praznuičese joga voden 26. vilukud. Praznik om sündunu vodel 1983.
Istorii
Praznikan päivanmär om valitud ei muite — 26. vilukud vodel 1953 Brüssel'-lidnas om mänetadud ezmäine Mail'man maröunan organizacijan sessii, sidä aigan organizacijal oli Maröunan ühthižtön nevondišt-nimi[1]. Organizacii oli tehtud, miše garmoniziruida da unificiruida maröunan sistemoid, paremboita maröunan zakonoidenkogomust da tehnologijoid[2]. Mail'man maröunan organizacii nevob, ohjandab ma-ühtnikoiden maröunan azjmehištoid, voibištelese ekonomikan pahan tegoiden vasthapäi — zakonatomanke tondan da vendanke, keskustusenke satai azjbumagoiš, kontrobandan tondanke.
Rahvahidenkeskeine maröunan radnikan päiv ezmäižen kerdan om praznuitud vodel 1983, Mail'man maröunan organizacijan 30-voččen jubileivodel[3].
Vodel 2023 praznik oli omištadud tedoiden kul'turan vajehtusen da tedomahtoižen (professionaližen) ülendusen sirdändale maröunan azjmehištos[2].
Tradicijad da praznuičend
vep. oficialižel saital voib löuta tedoid, miččiš om kirjutadud[1]:
"Rahvahidenkeskeine maröunan radnikan päiv ei ole vaiše azjtego, mitte abutab ozutada kaiken mirun maröunan služboiden solidarnostid, no i voimuz' tehta radon ühthevedoid globalekonomikan kucundoiden oloiš".
Rahvahidenkeskeižen maröunan radnikan päiväl erazvuiččiš maiš vedädas vastused, press-konferencijad, služban parahimid radnikoid da veteranoid pauklahjoičend. Tedomahtoižiš openduzorganizacijoiš tehtas praznikezitused, lekcijad da seminarad tulijoiden maröunan radon tundijoiden tänt.
Ližatedod
- Venäman manröunan radnikan päiv
- Venäman südäinazjoiden azjmehišton radnikoiden päiv
- Irdpoline azjmehišton kaičiislužban päiv
- Kaičii-satajan služban päiv
Homaičendad
- ↑ 1 2 Международный день таможенника – 26 января. Федеральная таможенная служба (26 vilukud 2022). Дата обращения: 4 tal'vkud 2025.
- ↑ 1 2 Международный день таможенника. МИА «Россия сегодня» (26 vilukud 2023). Дата обращения: 4 tal'vkud 2025.
- ↑ Макеева, Ирина. День 26 января в истории. Парламентская газета (26 vilukud 2023). Дата обращения: 4 tal'vkud 2025.
Literatur
- Опыт ветеранов – на пользу таможенной службе // Таможенная политика России на Дальнем Востоке. — 2007. — № 2 (39).