Venäman painusen päiv

Рувики-späi

Prezidentan kirjišton B.N. Jel'cinan nimel materialad

Library.png
Neciš kirjuteses om kävutoitud materialad Prezidentan B.N. Jel'cinan nimen kirjišton fondaspäi
К материалам
Venäman painusen päiv
День печати.jpg
Tip Kaiken Venäman professionaline praznik
Znamoičend Om omištadud ezmäižen venälaižen paindud "Vedomosti"-lehtesen ezmäižen nomeran lähtendale
Om tehtud RSFSRan Ülembaižen Nevondišton prezidiuman käsköl 28. tal'vkud vodel 1991
Praznuitas lehtesiden da kulehtesiden radnikad, radion, teleradnikad, lehtmehed
Päiv 13. vilukud
Praznuičend praznikaližed azjtegod, konferencijad, forumad, ozutelused, pauklahjoiden da premijoiden andamine
Tradicijad Ozatelused toimištoiš, korporativižed azjtegod
Om sidotud Sovetskijan painusen päivänke

Venäman painusen päiv (ven.: День российской печати) — lehtesiden da kulehtesiden, radion da teleradnikoiden, lehtmehiden professionaline praznik, mitte praznuitas kaikuččen voden 13. vilukud[1].

Om vahvištadud RSFSRan ülembaižen nevondišton käsköl 28. tal'vkud vodel 1991[2] Sovetskijan painusen päivän sijaha, mitte praznuitihe Sovetskijas Sojuzas[2]. Praznikan päiv ezmäižen venälaižen paindud "Vedomosti"-lehtesen ezmäižen nomeran lähtendanke (ei sa segoita nügüdläižen ühtnimižen "Vedomosti"-lehtesenke), mitte oli tehtud Suren Petran käskön mödhe vodel 1703 13. vilukud[1]. Ei ole lebupäiv[3].

Istorii

Praznik oli tehtud RSFSRan ülembaižen nevondišton käsköl № 3043-1 28. tal'vkud vodel 1991[4]. Se tuli Sovetskijan painusen päivän sijaha, mitte praznuitihe Sovetskijas Sojuzas 5. semendkud — "Pravda"-lehtesen ezmäižen nomeran päiväl vodel 1912[5]. Uz' päiv oli valitud istoriližiden azjtegoiden mödhe[5]. Praznikan päiv — 13. vilukud — om sidotud ezmäižen venälaižen paindud "Vedomosti (ven.) (vep."-lehtesen ezmäižen nomeran lähtendanke. Ezmäine lehtesen nomer oli paindud Moskvas по указу Petran I käskön mödhe 13. vilukud vodel 1703 (2. vilukud vanhan stilin mödhe)[6]. Ezmäižen lehtesen täuz' nimi oli "Vedomostid voin- da toižiš azjoiš, miččid pidab teta da muštta, miččed mäniba Moskvalaižes valdkundas da toižiš läheližiš valdkundoiš"[5]. P'otr I kacui lugi lehtest abunikaks reformoiden tegemižes da tedoiden samižes azjtegoiden polhe valdkundas da sen irdpolel, iče ühtni nomeroiden tegemižehe[7][5].

Om tetpas, miše 13. vilukud vodel 1830 läksi eloho "Literaturlehtesen" ezmäine nomer, miččen tegi А. А. Del'vig.

Sovetskijan painusen päiv

Sovetskijas Sojuzas oli painusen radnikoiden professionaline praznik — Sovetskijan painusen päiv, mitte praznuitihe kaikuččen voden 5. semendkud, konz läksi eloho bol'ševikoiden "Pravda"-lehtesen ezmäine nomer vodel 1912[8]. rahvahan keskes praznikan lühenzoittud nimi oli Painusen päiv[8]. Jäl'ghe Sovetskijan Sojuzan murendad RSFSRan ülembaižen nevondišton prezidiuman käsköl 28. tal'vkud vodel 1991 praznik oli sirttud da tehtud 13. vilukud da sai uden nimen — Venäman painusen päiv[8].

Газета Правда.svg

Praznuičendan tradicijad

Venäman painusen päiväl tehtas oficialižed valdkundaližed azjtegod, mugažo oficialitomad praznuičendad toimištoiš[9].

Praznikan päazjtego - valdkundaližiden da professionaližiden pauklajoiden andamine[10]. Federaližel pordhal tehtas praznikaližed ceremonijad, pauklahjoitas parahimid lehtmehid, parlamentan lehtmehid Valdkundaližes Dumas[11]. Venäman prezident da valdmehišt andab premijoid korktoiš satusiš lehtmehile[12]. Pauklahjoitas lehtmehid regionoiš: subjektoiden pämehed da lidnoiden pämehed tegeba praznikaližed vastused, pauklahjoičeba premijoil da arvnimil, ozutesikš andaba "Arvostadud lehtmez'"-nimen[13].

Praznikan päiväl pidetas forumad, konferencijad, kehkerad stolad, mastar'-klassad, pagištas aktualižiš problemoiš da mediaerišton kehitoituses[14]. Pidetas tematižed ozutelused kirjištoiš, muzejoiš, miččed om omištadud kodimaižen lehtišton istorijale da harvinaižile lehtesile[15]. Kirjištoiš lugetas lekcijad da tehtas vastused lehtmehidenke[14].

Toimištoiš tehtas korporativižed azjtegod, miččil radnikad ozateleba toine tošt, a pämehed pagižeba satusiš[16][14].

Pauklahjad lehtmehiden täht

Praznikan päazjtego om Venäman valdmehišton premijoiden andamine lehtmehile. Ned oli tehtud vodel 2013[17][18]. Kaikuččen voden anttas 20 premijad, sen suruz' om 1 mln rubl'ad[18]. Premii voib anttas ristituile da avtoroiden kollektivale (5 ristituhusai). Azjbumagad otab Venäman luguministerstv[17]. Pauklahjoičemine tehtas kanman praznikad. Voden 2024 premijad anttihe 10. vilukud vodel 2025[19].

Vodel 2018 Venäman prezidentan käsköl oli tehtud "Venäman arvostadud lehtmez'"-arvnimi. Pauklahjad anttas federaližel da regionaližel pordhaižel.

paiči valdmehišton pauklahjoid, oma eriližed grantad da professionaližed konkursad[20]. Niiden keskes:

  • Kaiken Venäman konkurs parahimale lehtmehen kirjutesele — Venäman lehtmehiden ühtištusen jogavozne konkurs. Voib oigeta materialad, miččed om paindud vodes (ozutesikš, voden 2025 konkursan täht — 1. semendkuspäi vodelpäi 2024 - 1. semendkuhusai vodhesai 2025)[21].
  • Kaiken Venäman "SMIrotvorec"-konkurs — konkurs parahimale temaha rahvahidenkeskeižiš da etnokonfessionaližiš sidoiš, sidä tugeb Federaline agenstv rahvahiden azjoiden mödhe. Siš om eriline "Mul'timedian pol'v"-nominacii üläopenikoiden täht da avtoroiden täht, ked vaiše zavodiba kirjutada[22].
  • Noriden rahvahidenkeskeižiden lehtmehiden konkurs — Venälaižen nevondišton rahvahidenkeskeižiden azjoiden mödhe da Venäman lehtmehiden ühtištusen konkurs avtoroiden täht, kelle ei ole 36 vot[23].
  • Kaiken Venäman lehtmehiden radoiden "Fokusas laps'aig"-konkurs — jogavozne konkurs, mitte mäneb Venäman lehtmehiden ühtištusen tugel[24].
  • Valdkundaližed subsidijad da regionaližed grantad — Venäman luguministerstvan subsidijad lehtišton täht social-znamasižiden projektoiden täht[25].Erasiš venälaižiš subjektoiš oma grantoiden programmad, ozutesikš, Tivan Valdkundan pämehen grantad libo Čel'abinskan agjan Lehtmehiden ühtištusen grantad[26].

Statistik

2009 voden augotižes Venämal oli registriruitud enamba 33 000 paindud lehtest. Keskmäras kaikuččen päivän levenzoitihe enamba 20 mln ekzempl'arad.

Emblem painusen täht

12. vilukud vodel 2016 Venäman premjer-ministr Dmitrii Medvedev andoi Venäman valdmehišton todištused premijan laureatoile - lehtmehile 2015 vodes. Praznikaline vastuz oli tehtud Venäman painusen päiväl. Kümnes premijaspäi üks' anttihe valdmehišton tahton mödhe. Täl kerdal se anttihe Moskvan valdkundaližen universitetan lehtišton tedokundan pämehele Jasen Zasurskijale. Hän äi vozid sirdi Venäman lehtmehid edehepäi. D. Medvedev kingiti mugažo homaitust "Argumendad da faktad"-projektaha, mitte starinoiči Suren Kodimaižen Voinan polhe, konz oli paindud soldatoiden päivkirjad.

"Poka vse doma"-programman tegijad oli pauklahjoitud «Lapsen videopasport»-projektas, а «Kommersantan» eriline toimitai Ol'ga Allenovad kitihe painuzradoiš lapsiden problemoiš. Anttihe premijad tutabale literaturan kritikale Lev Ivanov-Anninskijale, mugažo Rahvahaližen teleradioassociacijan pämehele Eduard Sagalajevale. Oli pauklahjoitud Brestan agjan «Zara»-lehtesen pätoimitai (Belorussii) Aleksandr Logvinovič, mitte starinoiči ekonomikan, kul'turan, politikan ird- da südäinküzundoiš. "Uz' mir"-kulehtesen radnikad saiba premijan kodimaižen literaturan rados nügüdläižiden avtoroidenke. Kaks' regionališt sebrad "Surgut Inform-TV" da "MINUN"-lehtez saiba pauklahjan mugažo.

Nece premii oli tehtud Venäman valdmehištol vodel 2005, miše kehitoitta paindud lehtesid da levenzoitta niid rahvahan keskes. Möhemba sihe ühtniba elektronižed lehtesed da TV-projektad. Kaikutte vägestai sai 1 mln rubl'ad[27].

Vilukuks vodel 2025 Venämal Roskomnadzoran (ven.) (vep. tedoiden mödhe oli registriruitud enamb 155 tuhad lehtištod kut bumagal, muga elektroništ[28].

Venälaižen lehtmehen keskmäine pauk vodel 2024 oli 54 tuh. rubl.

Bumaglehtišton lugendan vähenzoitamine

Päsüiden keskes, miččiden mödhe venälaižed lugeškanziba vähemba paindud bumaglehtištod, oma elektronižiden lehtištoiden samine (29 %), paindud lehtišton arvoiden kazvatand (18 %) lehtesiden da kulehtesiden sauptand (11 %)[29]. Ku vodel 2014 34 % lugijad lugi lehtištod elektronižes formatas, ka vodel 2022 heiden lugumär tegihe 62 %[30].

VCIOMan oppindradoiden mödhe voden 2022 augotišeks lugijoiden lugumär, ked regul'arižesti lugiba bumaglehtištod, oli 14 % venälašt, völ 21 % mest lugi sidä aigemba, no ei lugekoi nügüd'. Enambišt homaiči, miše ei lugend sidä aigemba da ei luge sidä nügüd' (63 %), no nece ei znamoiče, miše neciš gruppas ei ole mugoižid, ked lugeba lehtesed, kulehtesed elektronižes formatas. Ühtel aigal om venälaižiden grupp, kenen täht bumaglehtesed oma tärktad tedoiden lähtked: nene oma ristitud, ked oma vanhemba 60 vot, hö lugeba lehtesed, kulehtesed kahthe kerdaha paksumba, mi venälaižed kogonalaz (26 %), toižil sanoil kaikutte nellänz' ristit neciš igägruppas. Nece lugu om korktemb külän eläjiden keskes (20 %) da aktivižiden telekacujiden keskes (33 %).

Lehtesiden reitingas, miččid lugeba Venäman eläjad, ezmäižel sijal om sijaline libo rajonlehtez[30].

Sovetskijan painusen päiv toižiš valdkundoiš

"Painusen päiv" praznuitas 5. semendkud Balorussijas.

Vodelpäi 1994 kaikuččen voden 3. semendkud om Mail'man painusen päiv.

Homaičendad

  1. ↑ 1 2 13 января — День российской печати. Брянский государственный университет имени академика И.Г. Петровского. Дата обращения: 12 vilukud 2026.
  2. ↑ 1 2 День российской печати в 2025 году: история и традиции праздника. Life.ru (13 tal'vkud 2024). Дата обращения: 12 vilukud 2026.
  3. ↑ День российской печати: дата, история и традиции. Кого нужно поздравлять с праздником. Конгресс-центр Якутия. Дата обращения: 12 vilukud 2026.
  4. ↑ Постановление Президиума ВС РСФСР от 28.12.1991 N 3043-1 «О Дне российской печати». КонсультантПлюс. Дата обращения: 12 vilukud 2026.
  5. ↑ 1 2 3 4 13 января — День российской печати. Репортер68 (13 vilukud 2024). Дата обращения: 12 vilukud 2026.
  6. ↑ Ко Дню российской печати: первому номеру русской печатной газеты «Ведомости» — 317 лет. История.РФ. Дата обращения: 12 vilukud 2026.
  7. ↑ В 1703 году в России вышел в свет первый номер российской газеты «Ведомости». Южная Осетия (13 vilukud 2024). Дата обращения: 12 vilukud 2026.
  8. ↑ 1 2 3 День российской печати: история и традиции праздника. Life.ru (13 vilukud 2024). Дата обращения: 12 vilukud 2026.
  9. ↑ Локальная выставка ко Дню российской печати. Национальная библиотека им. А.-З. Валиди Республики Башкортостан. Дата обращения: 12 vilukud 2026.
  10. ↑ День российской печати: история, традиции и современность. Кагальницкие вести. Дата обращения: 12 vilukud 2026.
  11. ↑ Вячеслав Володин поздравил журналистов парламентского пула с Днем российской печати. Государственная Дума. Дата обращения: 12 vilukud 2026.
  12. ↑ Премии Правительства в области СМИ. mos.ru. Дата обращения: 12 vilukud 2026.
  13. ↑ Московским журналистам вручили награды в День российской печати. Информационный центр Правительства Москвы. Дата обращения: 12 vilukud 2026.
  14. ↑ 1 2 3 День российской печати 13 января: история и традиции, кого поздравлять с этим праздником. Сиб.фм. Дата обращения: 12 vilukud 2026.
  15. ↑ «Летописцы времени»: ко Дню российской печати. Омские муниципальные библиотеки. Дата обращения: 12 vilukud 2026.
  16. ↑ День российской печати. Тинькофф Журнал. Дата обращения: 12 vilukud 2026.
  17. ↑ 1 2 Постановление Правительства РФ от 30.06.2013 N 543. КонсультантПлюс. Дата обращения: 12 vilukud 2026.
  18. ↑ 1 2 Премии Правительства в области СМИ. Правительство России. Дата обращения: 12 vilukud 2026.
  19. ↑ Мишустин вручил премии правительства в области СМИ за 2024 год. Интерфакс (10 vilukud 2025). Дата обращения: 12 vilukud 2026.
  20. ↑ Конкурсы. Союз журналистов России. Дата обращения: 12 vilukud 2026.
  21. ↑ Всероссийский конкурс на лучшее журналистское произведение 2025 года. Союз журналистов России. Дата обращения: 12 vilukud 2026.
  22. ↑ Конкурс «СМИротворец-2025» приглашает к участию СМИ и блогеров, освещающих тему межнациональных и этноконфессиональных отношений. Федеральное агентство по делам национальностей. Дата обращения: 12 vilukud 2026.
  23. ↑ Конкурс молодых журналистов-международников 2025. Российский совет по международным делам. Дата обращения: 12 vilukud 2026.
  24. ↑ Всероссийский конкурс журналистских работ «В фокусе – детство». Фонд поддержки детей, находящихся в трудной жизненной ситуации. Дата обращения: 12 vilukud 2026.
  25. ↑ Минцифры принимает заявки от СМИ на получение субсидий. Журналист (10 uhokud 2025). Дата обращения: 12 vilukud 2026.
  26. ↑ Конкурс на предоставление в 2025 году грантов за производство и распространение социально значимых проектов в печатных СМИ области. Союз журналистов Челябинской области. Дата обращения: 12 vilukud 2026.
  27. ↑ Медведев вручил дипломы лауреатам премии правительства в области СМИ за 2015 год. ТАСС. Дата обращения: 12 vilukud 2026.
  28. ↑ Перечень наименований зарегистрированных СМИ. Роскомнадзор. Дата обращения: 12 vilukud 2026.
  29. ↑ День российской печати: дата, история и традиции, РБК Life (10 vilukud 2025). Дата обращения: 12 vilukud 2026.
  30. ↑ 1 2 Пресса, которую мы (не) потеряли, ВЦИОМ. Новости (12 vilukud 2022). Дата обращения: 12 vilukud 2026.

Literatur

  • Погорелов, В. А. Ведомости времени Петра Великого: в память 200-летия первой русской газеты: вып. 1-2 / редактор Валерий Погорелов. — М.: Синодальная типография, 1903-1906.

Lähtked

Om sadud "https://vep.ruwiki.ru/w/index.php?title=Venäman_painusen_päiv&oldid=508424"