Karjalan valdmehišt

Рувики-späi
Karjalan valdmehišt
  • karj.: Karjalan tašavallan hallituš
  • livv.: Karjalan tazavallan halličus
  • suom.: Karjalan tasavallan hallitus
Изображение логотипа
Karjalan valdmehišton pert'
Karjalan valdmehišton pert'
Üleižed tedod
Ma  Venäma
Jurisdikcii  Karjala
Augonpanendan päiv 17. kezakud vodel 1994
Edeltai Karjalan ASSRan ministroiden nevondišt,
Karjalan ministroiden nevondišt
Organizacii
Päofis Petroskoi,
Leninan prospekt, 19
Sait gov.karelia.ru
Kart

Karjalan valdmehišt (ven.: Правительство Республики Карелия) — kaikenaigaine radai Karjalan valdkundan ülembaine tegendazjmehišt[1].

Üleižed tedod

Karjalan valdmehištod ohjandab Karjalan pämez' (ven.) (vep., kudamb sädab Karjalan valdmehišton kundad.

Karjalan valdmehišt tegeb ičeze radod Venäman zakonkogomusen, federaližiden zakonkogomusen zakonoiden, federaližiden zakonoiden i toižiden Venäman oiktuz'aktoiden, Karjalan zakonkogomusen (ven.) (vep., Karjalan zakonan № 1679-ЗРК "Karjalan valdmehištos" 5. uhokud vodel 2013 i toižiden Karjalan oiktuz'aktoiden mödhe[2].

Istorii

Valdmehišton pert, mittušt ohjanzi Otto Kuusinen, 1940.-voded

Elokus vodel 1990 Karjalan ASSRan Ülembaine nevondišt vahvištoiti "Deklaracijan Karjalan ASSRan valdkundaližes ripmatomudes".

Karjalan ASSRan Ülembaižen nevondišton 12. kucundan kümnendel sessijal 13. kül'mkud vodel 1991 pättihe vajehtada valdkundan nimi. Karjalan ASSRaspäi tuli Karjalan Valdkund.

12. tal'vkud vodel 1993 ühthižvenälaižen referenduman aigan oli vahvištoittud Venäman zakonkogomuz (ven.) (vep.. 24. tal'vkud vodel 1993 oli vahvištoittud udištadud Karjalan zakonkogomuz, miččen abul oli sätud Karjalan sud, Karjalan valdmehišton pämehen radsija, Karjalan parlament.

Voden 1993 Karjalan zakonankigomusen mödhe Karjalan valdmehišton kundan valiči nelläks vodeks i ohjanzi Karjalan valdmehišton pämez', kudamb ühten aigan oli tegendazjmehišton pämez' i Karjalan korged person.

Vodel 2002 tehtihe Karjalan valdmehišton premjer-ministran radsija, mitte oli heittud vodel 2010.

18. uhokud vodel 2016 Karjalan pämez' Aleksandr Hudilainen kirjuti käskön "Karjalan valdmehišton heitändas"[3][4].

24. keväz'kud vodel 2016 Karjalan parlament vahvištoiti zakonanprojektoid vajehtusiden panendas Karjalan zakonankogomusehe, Karjalan zakonaha "Karjalan valdmehištos", a mugažo zakonaha "Erasiš küzundoiš, miččed koskeba valdkundališt službad da personoiden statusad, kudambad aigaks oma valdkundaližil radsijoil". Udes sädihe Karjalan valdmehišton premjer-ministran — Karjalan ezmäižen varapämehen radsijoid. Karjalan pämez' — Karjalan tegendazjmehišton ohjandai.

Käskön № 21 mödhe 6. sulakud vodel 2016 oli vahvištoittud uz' valdmehišton struktur[5].

Karjalan pämehen käskön № 108 mödhe 25. sügüz'kud vodel 2017 oli vahvištoittud uz' valdmehišton struktur[6].

5. uhokud vodel 2025 Karjalan gubernator Artur Parfenčikov sanui radsijoiden vajehtusiš regionaližes valdmehištos[7].

Valdoiktusiden märaig Valdmehišton ohjandajan radsija Valdmehišton ohjandai
13. kül'mkud vodel 1991 — 14. heinkud vode 1994 Ministroiden nevondišton pämez'
(radsija om heittud vodel 1994) 		Sergei Blinnikov
17. semendkud vodel 1994 — 1. kezakud vodel 1998 Valdmehišton pämez' Viktor Stepanov
1. kezakud vodel 1998 — 12. semendkud vodel 2002 Valdmehišton pämez'
(radsija om heittud vodel 2002) 		Sergei Katanandov
12. semendkud — 31. tal'vkud vodel 2002 Premjer-ministr Sergei Katanandov
1. vilukud vodel 2003 — 27. heinkud vodel 2010 Premjer-ministr Pavel Černov
28. heinkud — 26. elokud vodel 2010 Premjer-ministr
(radsija om heittud vodel 2010) 		Andrei Nelidov
26. elokud vodel 2010 — 22. semendkud vodel 2012 Karjalan pämez' Andrei Nelidov
24. semendkud vodel 2012 — 15.uhokud vodel 2017 Karjalan pämez' Aleksandr Hudilainen
15. uhokud — 27. keväz'kud vodel 2017 Karjalan pämez' Artur Parfenčikov
27. keväz'kud vodel 2017 — uhoku voz' 2025 Premjer-ministr Aleksandr Čepik[8]
Voden 2025 semendkun 27. päiväspäi Premjer-ministr Andrei Sergejev

Karjalan valdmehišton kund

Karjalan valmehišton struktur om vahvištoittud Karjalan pämehen käskön № 108 mödhe "Karjalan valdmehišton kundas" 25. sügüz'kud vodel 2017:

  • Karjalan pämez'
  • Karjalan ezmäine varapämez' — Karjalan valdmehišton premjer-ministr;
  • Karjalan varapämez' — Karjalan pämehen administracijan ohjandai;
  • Karjalan sijaližiden azjoiden varapämez';
  • Karjalan varapämez' ühthižradon mödhe oiktuz'kaičendan azjmehištonke;
  • Karjalan varapämez' — Karjalan kaikenaigaine Venäman prezidentan täuz'valdaine ezitai;
  • Karjalan pämehen ezitai Karjalan parlamentas;
  • Karjalan valdmehišton ekonomikan varapremjer-ministr;
  • Karjalan valdmehišton socialižiden küzundoiden varapremjer-ministr;
  • Karjalan valdmehišton infrastrukturan kehitoitusen varapremjer-ministr;
  • Karjalan valdmehišton varapremjer-ministr — Karjalan man da kalan elomišton ministr;
  • Karjalan rahavaroiden ministr;
  • Karjalan ekonomižen kehitoitusen da tegeližuden ministr;
  • Karjalan elomišton da manvaroiden ohjandusen ministr;
  • Karjalan londuzvaroiden da ekologijan ministr;
  • Karjalan tervehtoitusen ministr;
  • Karjalan socialižen kaičendan ministr;
  • Karjalan kul'turan ministr;
  • Karjalan opendusen ministr;
  • Karjalan sauvondan, kodiholitusiden sisteman da energijan ministr;
  • Karjalan rahvahaližen da regionaližen politikan ministr;
  • Karjalan teslužban, ajamiden da sidon ministr;
  • Karjalan norišton azjoiden, likundan da sportan ministr.

Valdmehišton valdoiktuded

  • Todenzoitab eloho tegoid ristitun oiktusiden kaičendan, omištusen varjoičendan kundaližen järgendusen, terrorizman da pahan tegon vastetegendoiden mödhe;
  • tegeb Karjalan rahavaroiden projektad, miše ezitada sidä Karjalan parlamentas, a mugažo Karjalan sicialiž-ekonomižiden programmoiden projektoid;
  • ohjandab Karjalan rahavaroid i vaumištab tegonsatusen rahavaroiden kävutandas, a mugažo tegonsatusid Karjalan socialiž-ekonomižen kehitoitusen programmoiden tegendas, miše Karjalan pämez' (ven.) (vep. voiži antta niid Karjalan parlamentale;
  • sädab tošt Karjalan tegendazjmehištod;
  • ohjandab Karjalan elomištod Karjalan zakonoiden mödhe, a mugažo ohjandab federališt elomištod, mitte om anttud Karjalaha Venäman zakonoiden da toižiden oiktuz'aktoiden mödhe;
  • voib tarita sijaližele ičenaižele valdelimele, valitud vai toižele ičenaižen valdelimen radsijan personale järgestada Venäman zakonoiden mödhe niil tehtud oiktuz'aktoid siloi, konz nened aktad vastkaroičeba Venäman zakonkogomust, federaližid zakonoid vai toižid Venäman oiktuz'aktoid, Karjalan zakonkogomust, Karajalan zakonoid da oiktuz'aktoid;
  • todenzoitab eloho toižid tegoid, miččed om vahvištoittud federaližil zakonoil, Karjalan zakonankogomusel da zakonoil, a mugažo kožmusil federaliženke tegendazjmehištonke Venäman zakonkogomusen 78. statjan mödhe.

Homaičendad

  1. ↑ Конституция Республики Карелия о Правительстве Республики Карелия (статья 54). gov.karelia.ru. Дата обращения: 18 kül'mkud 2025.
  2. ↑ Закон Республики Карелия «О Правительстве Республики Карелия» от 5 февраля 2013 года № 1679-ЗРК. gov.karelia.ru. Дата обращения: 18 kül'mkud 2025.
  3. ↑ Глава Карелии Александр Худилайнен подписал указ «Об отставке Правительства Республики Карелия». stolicaonego.ru. Дата обращения: 18 kül'mkud 2025.
  4. ↑ Указ Главы Республики Карелия от 18.02.2016 № 7. Дата обращения: 18 kül'mkud 2025.
  5. ↑ Указ от 6 апреля 2016 года «О составе Правительства Республики Карелия». publication.pravo.gov.ru. Дата обращения: 18 kül'mkud 2025.
  6. ↑ Указ Главы Республики Карелия от 25 сентября 2017 № 108 «О составе Правительства Республики Карелия». publication.pravo.gov.ru. Дата обращения: 18 kül'mkud 2025.
  7. ↑ Подписаны указы о назначении членов правительства Карелии, КарелИнформ. Дата обращения: 18 kül'mkud 2025.
  8. ↑ Премьер-министр правительства Карелии Александр Чепик покидает республику. factornews.ru. Дата обращения: 18 kül'mkud 2025.

Lähtked

Om sadud "https://vep.ruwiki.ru/w/index.php?title=Karjalan_valdmehišt&oldid=529597"