Karjalan Ülembaine sud

Karjalan Ülembaine sud
Karjalan Ülembaine sud
	; Karjalan valdkundaline gerb
Vid	federacijan subjektan ühthižen jurisdikcijan sud
Instancii	ezmäižen instancijan sud, apell'acionižen instancijan sud
Jurisdikcii	Karjala
Obžalovanijan azjmehišt	Ühthižen jurisdikcijan toine apell'acionine sud, ühthižen jurisdikcijan koumanz' kassacionine sud
Om tehtud	25. vilukud vodel 1923
Ähtnikoid	47 sudjad
Ohjanduzkund
Pämez'	Anatolii Vladimirovič Nakvas
Tuli radsijale	8. kezakud vodel 2020
Sudan ištundan zal
Sijaduz	Petroskoi
Adres	Kirovan ird, 27
Koordinatad	61°47′40″ с. ш. 34°21′55″ в. д.GЯO
Sait
	http://vs--kar.sudrf.ru

Karjalan Ülembaine sud (ven.: Верховный суд Республики Карелия) om sudan valdmehišton ülembaine federaline azjmehišt ühthižen jurisdikcijan sudoiden sistemas Karjalas Venämal, miččehe mülüb 17 federališt lidnalašt, rajoništ sudad da mail'man sudjoiden 38 sudan tahod^[1].

Om Venäman Ülembaižen sudan valdas. Om Karjalan ühthižen jurisdikcijan apel'l'acionine instancii rajonižiden (lidnalaižiden) sudoiden täht.

Sudan rad om märitud Venäman Zakonkogomusel da Federaližel konstitucionižel "Venäman sudan sistemas"-zakonal.

Ülembaižes sudas om sätud Prezidium, kriminaližiden da rahvahaližiden azjoiden sudan kollegijad. Valdkundan Ülembaižen sudan prezidiumas om sudan pämez', sudan varapämez', kudambad mülüdas sudan prezidiuman joukuhu radsijan mödhe, da toižed sudjad, kudambiden lugumäran märičeb Venäman Prezident. Prezidiuman joukun vahvištoitab Venäman Prezident Venäman Ülembaižen sudan pämehen ezitamižen mödhe, miččel om sättujal kvalifikacionižen sudjoiden kollegijan hüvä loppätuz.

Istorii

Nimi

vilukun 25. päiväspäi vodespäi 1923 — Karjalan radkommunan (ven.) (vep. agjaline sud;
sügüz'kun 4. päiväspäi vodespäi 1923 — Avtonomižen Karjalan SSRan päsud;
kezakuspäi vodespäi 1937 — Karjalan ASSRan Ülembaine sud;
vodelpäi 1940 — Karjalaiž-Suomalaižen SSRan Ülembaine sud;
vodelpäi 1956 — Karjalan ASSRan (ven.) (vep. Ülembaine sud;
vodelpäi 1991 — Karjalan Ülembaine sud.

Pämehed

vilukun 25. päiväspäi vodelpäi 1923 voden 1926 elokuhusai — Vasilii F'odorovič Loginov;
vodelpäi 1926 vodehesai 1929 — Al'fons Jakovlevič Luht;
kezakuspäi vodelpäi 1935 sügüz'kuhusai vodehesai 1937 — Al'bert Davidovič Iost;
voden 1937 lopuspäi vodehesai 1948 — Pavel Illarionovič Miščenko;
vozil 1948—1975 — F'odor Andrejevič Pentukov;
vozil 1975—1987 — Nikolai Aleksandrovič Belotelov;
vodelpäi 1987 voden 2013 kül'mkuhusai — Boris Konstantinovič Taratunin;
kezakuspäi vodelpäi 2014 kezakun 8. päivähasai vodehesai 2020 — Anatolii Vladimirovič Nakvas (ezmäine radsijale panend);
8. kezakuspäi vodelpäi 2020 nügüd'aigahasai — Anatolii Vladimirovič Nakvas (om udes pandud Venäman prezidentan käskon № 377 mödhe), ezmäine kvalifikacionine sudjan klass^[2].

Sijaduz

vozil 1923—1996 — Petroskoi, Leninan avoird, 2 (Karjalaiž-Suomalaižen SSRan okkupacijan aigan redukuspäi vodelpäi 1941 kezakuhusai vodehesai 1944 sud oli ezmäi Pudož-lidnas, sidä jäl'ghe Arhangel'sk-lidnas);
vozil 1996—2010 — Petroskoi, Krasnaja-irdal, 33;
vodelpäi 2010 — Petroskoi, Kirovan ird, 27.

Nügüd'aigaine pert'

Karjalan Ülembaižen sudan pert' sijadase Petroskoin istoriližes keskuses Kirovan irdal pert' nomer 27. Nel'l'žiruine kirpičsauvotuz om tehtud sovetskijan neoklassicizman stiliš. Südäinkalutamižes om praznikpordaz, sudan ištundoiden zalad, miččiš om videokonferencühtenzoituz, da pämehen vasthaotandhonuz.

Sudan valdoiktuded

Karjalan Ülembaine sud kacub ezmäižen instancijan mödhe:

kriminaližed azjad kvalificiruidud rikondoiš (erikovendusenke, kaht vai enamba personad) da miččed-se erikovad pahategod mehen polen vasthapäi;
rahvahaližed azjad verazmaižiden rahvahanikoiden otandas poigikš lapsid, kudambad oma valdkundan lapsiden kodiš, azjad, miččed om sidotud valdkundaliženke petusenke;
аdministrativižed azjad, sen lugus Karjalan Parlamentan deputatoiden valičendoiden satusiden ridoiš, ridoiš satusiš päelokaludišton objektoiden kadastrmaksas.

Apel'l'acionižes jär'genduses sud otab tarkištusehe abidkirjeižed sudanmäričusile da rahvahaižiden azjoiden pätusele, miččed paniba valdkundan rajonižed da lidnalaižed sudad. Kassacionižes jär'genduses — abidkirjeižed rajonižiden (lidnalaižiden) sudoiden da Karjalan mail'man sudjoiden pätandoihe^[3].

Karjalan Konstitucionižen sudan heitänd

Federaližen konstitucionižen zakonan mödhe 8. tal'vkud vodel 2020 № 7-FKZ "Vajehtusiš eriližiš federaližiš konstitucionižiš zakonoiš" om vahvištoitud, miše Venäman subjektoiden konstitucionižed sudad pidab heitta vilukun 1. päivähasai vodehesai 2023. Nece pätand tuli eloho sikš, ku tariž oli tehta zakonoidenkogomusen vastatest Venäman käskišton 118 kirjutesen uden painusen mödhe, miččes regionaližiš sudoiš ei johtutase.

13. vilukud vodel 2021 Karjalan pämez' Artur Parfenčikov eziti valdkundan Parlamentaha zakonoprojekt "Karjalan Konstitucionižen sudan heitändas da erasid zakonpätandoiden (zakonpätandoiden azbumagoiden) kadotadud väges". Konstitucionižen sudan heitändan abul joga voden b'udžetas jäb läz 19 millionad rubl'ad, miččed ende kävutoitihe sudjoiden töpaukale da necen azjmehišton apparatale.

Sidä aigal tarkištelendan valdoiktuded Karjalan oiktuden pätandoiden Karjalan käskištole da federaližele zakonantegemižele vastatez mülüi Karjalan Ülembaižehe sudaha. Tal'vkun 19. päiväspäi vodelpäi 2020 subjektoiden konstitucionižed sudad ei otkoi tarkištelendaha uded azjad, a azjoiden tarkištelend, miččed oliba ottud edel, tariž loptä sudan heitändan edel, ei möhemba 1. vilukud voden 2023^[4].

Homaičendad

↑ Карелия: энциклопедия / гл. ред. А. Ф. Титов. — Петрозаводск: ПетроПресс, 2007. — Т. 1: А — Й. — С. 207—208. — ISBN 978-5-8430-0123-0.
↑ Руководство Верховного суда Республики Карелия (неопр.). Верховный суд Республики Карелия. Дата обращения: 8 kezakud 2026.
↑ Закон и справедливость (неопр.). Республика (16 heinkud 2018). Дата обращения: 8 kezakud 2026.
↑ Федеральный конституционный закон от 08.12.2020 № 7-ФКЗ (неопр.). Официальный интернет-портал правовой информации (8 tal'vkud 2020). Дата обращения: 8 kezakud 2026.

Lähtked

[1] Карелия: энциклопедия / гл. ред. А. Ф. Титов. — Петрозаводск: ПетроПресс, 2007. — Т. 1: А — Й. — С. 207—208. — ISBN 978-5-8430-0123-0.

[2] Руководство Верховного суда Республики Карелия (неопр.). Верховный суд Республики Карелия. Дата обращения: 8 kezakud 2026.

[3] Закон и справедливость (неопр.). Республика (16 heinkud 2018). Дата обращения: 8 kezakud 2026.

[4] Федеральный конституционный закон от 08.12.2020 № 7-ФКЗ (неопр.). Официальный интернет-портал правовой информации (8 tal'vkud 2020). Дата обращения: 8 kezakud 2026.

[1]

[2]

[3]

[4]

Karjala temoiš
Istorii	Korela Korelan ma Korelan ujezd Oloncan gubernii Karjalan radkommun Avtonomine Karjalan SSR Karjalaiž-Suomalaine SSR Karjalan ASSR Karjalan Valdkund Karjalan kodirandan istorii
Geografii	Administrativiž-territorialine jagamine Petroskoi Karjalan lidnad Eländtahod Il'mišt Eläjad Varjoitadud londuzsijad Järved Joged Sod Mecad Mad Toponimii Rusked kirj
Politik	Konstitucii Pämez' Valdmehišt Zakonoiden tegendan kund Ülembaine sud
Simvolad	Valdkundanznam Flag Gimn Pauklahjad
Ekonomik	Rahvahaline bank Venäman tedoakademijan Karjalan tedokeskusen Ekonomikan institut Karjalan predprijatijad Ajamed Turizm Počt Energetik
Kul'tur	Karjalaižed Karjalan kel' Vepsläižed Vepsän kel' Karjalaine sönd Openduz Karjalas Karjalan melentartuisijad Praznikad Lehtišt Sport Karjalaine mitropolii
"Karjala"-portal "Karjala"-kategorii Kuvad (kursival om ozutadud lähtked kategorijoile)