Stepanov Viktor Nikolajevič

Рувики-späi
Viktor Nikolajevič Stepanov
Степанов Виктор Николаевич.jpg
Флаг
Karjalan Parlamentan
IV—VI kucundoiden deputat
8. redukud vodel 2006 — 19. sügüz'kud vodel 2021
Флаг
Venäman Federaližen keradusen Federacijan Nevondišton ühtnik Karjalan tegiivaldmehištospäi
Флаг
14. tal'vkud vodel 2001 — 7. sulakud vodel 2006
Ken oli ende Sergei Katanandov
Ken tuli jäl'ghe Andrei Nelidov
23. vilukud vodel 1996 — 10. kezakud vodel 1998
Ken oli ende radsija om heittud
Ken tuli jäl'ghe Sergei Katanandov
Флаг
Karjalan valdmehišton pämez'
Флаг
17. semendkud vodel 1994 — 1. kezakud vodel 1998
Prezident Boris Jel'cin
Ken oli ende radsija om heittud,
Sergei Blinnikov kut Karjalan Ministroiden nevondišton pämez'
Ken tuli jäl'ghe Sergei Katanandov
Флаг
Venäman federaližen keradusen Federacijan nevondišton deputat
11. vilukud vodel 1994 — 15. vilukud vodel 1996
Флаг
Karjalan Ülembaižen Nevondišton pämez'[1]
18. sulakud vodel 1990 — 17. semendkud vodel 1994
Ken oli ende Ivan Jemeljanov
Ken tuli jäl'ghe radsija om heittud
Флаг
Karjalan ASSRan Ülembaižen nevondišton prezidiuman pämez'
27. tal'vkud vodel 1989 — 18. sulakud vodel 1990
Ken oli ende Kuz'ma Filatov
Ken tuli jäl'ghe radsija om heittud, hän iče kut Karjalan Ülembaižen nevondišton pämez'
Sündundpäiv 27. vilukud 1947(1947-01-27) (79 лет)
Partii KPSS (vodehesai 1991)
Karjalan kommunistoiden ühtmuz
Spravedlivaja Rossija (vodespäi 2008)
Openduz 1. Karjalan valdkundaline pedagogine institut
2. Piterin ülembaine partijan škol
Tedostepen' filosofijan tedokandidat[d]
Pauklahjad
Логотип РУВИКИ.Медиа Mediafailad RUWIKI-tedoiš

Viktor Nikolajevič Stepanov (ven.: Ви́ктор Никола́евич Степа́нов, om sündunu 27. vilukud 1947, Vidlica[d], Oloncan rajon) — om sovetskii da venälaine valdmez' da politikmez'.

Karjalan pämez' (1989—1998). Karjalan ezitai Venäman Parlamentas (1993—1998, 2001—2006). Karjalan Parlamentan IV—VI kucundoiden deputat (2006—2021).

Elostarin

Om sündunu 27. vilukud vodel 1947 Vidlica-küläs Oloncan rajonas Karjalaiž-Suomalaižes SSRas. Rahvahuden mödhe om karjalaine[2][3].

Openduz da rad

Lopi Karjalan valdkundaližen pedagogižen institutan vodel 1975, Piterin Ülembaižen partijan školan vodel 1980, Čehoslovakian kommunistižen partijan päkomitetan Ülembaižen partiiškolan aspiranturan Pragas vodel 1987. Om filosofijan tedokandidat.

Vodelpäi 1964 vodehesai 1968 — Vidlican Il'jinskan meczavodan pusep'. Vodelpäi 1968 oli sädaierišton ohjandajan, vodelpäi 1970 vodehesai 1973 — toine, sidä jäl'ghe ezmäine Oloncan RK VLKSM-organizacijan sekretar'. Vodelpäi 1973 — nevonik, vodelpäi 1974 — erišton ohjandai, vodelpäi 1976 — VLKSMan Karjalan obkoman toine sekretar'.

Partijan karjer

Vodelpäi 1980 — Kommunistižen partijan Karjalan obkoman nevonik. Vodelpäi 1980 vodehesai 1982 — Oloncan Kommunistižen partijan komitetan toine sekretar', vodelpäi 1982 vodehesai 1984 — Karjalan ASSRan KPSSan Präžan rajonan komitetan ezmäine sekretar'. Vodel 1987 om pandud KPSSan Karjalan obkoman erišton ohjandajask.

Vodelpäi 1988 radoi KPSSan päkomitetan apparatas rahvahidenkeskeižiden kožmusiden erišton nevonikan, ohjanzi pohjoižtahoid, sen lugus Čukotka da Evenkii[4].

Karjalan pämez' (1989—1998)

Tal'vkus vodel 1989 Karjalan ASSRan Ülembaižen nevondišton XI kucundan vižtoštkümnendel ližasesijal oli valitud Karjalan ASSRan Ülembaižen nevondišton Prezidiuman pämehen. Keväz'kus vodel 1990 oli valitud Karjalan ASSRan Ülembaižen nevondišton XII kucundan deputataks, a sulakus — sen ohjandajaks.

RSFSRan Zakonkogomusehe mülütadud vajehtusiden taguiči Karjalan nimi vajehtihe kahtišti: ezmäi oli "Karjalan SSR" (24. semendkud vodel 1991), a sidä jäl'ghe "Karjalan Valdkund (Karjala)" (21. sulakud vodel 1992).

Ühtni RSFSRan rahvahaližiden deputatoiden valičisihe, miččed oliba 4. keväz'kud vodel 1990 da oli valitud rahvahaližeks deputataks.

Vozil 1990—1993 — Venäman rahvahaline deputat, oli Rahvahiden nevondišton laudkundan rahvahuz'valdkundaližen sädamižen da rahvahidenkeskeižiden kožmusiden mödhe ühtnikan, ohjanzi deputatoiden "Suverenitet da ravenstvo"-joukud, oli "Venäman kommunistad"-frakcijan ühtnikan.

Sügüz'kus vodel 1990 om valitud udes tetud RSFSRan Kommunistižen partijan päkomitetan politbüron ühtnikakas.

Voden 1991 elokun 19-21. päividen azjtegoiden aigan, kacmata joukmitingoihe, miččed oliba Petroskoiš, da Petroskoin lidnalaižen nevondišton aktivižehe antiputčistskaha mel'pidoho, valdkundaline valdmehišt hätken puččihe antta sel'genzoitusid azjtegoihe sikš, miše ei olend todesižid tedoid Moskvan azjtegoiš. Oficialine käsk, mitte sudi GKČP-laudkundan tegoid, oli vahvištoitud vaiše jäl'ghe tedotust valdankumardusen murenduses, miččes tedotihe venälaižen parlamentan sessijal[5].

22. sügüz'kud vodel 1993 Karjalan Ülembaine nevondišt XII kucundad tugezi Venäman rahvahaližiden deputatoiden suiman pätusen da vahvištoiti, miše prezidentan Jel'cinan tegoil oli zakonkogomusetoi znamoičend, da sidä jäl'ghe tedoti hänen käskon vägetomaks Karjalas. 30. sügüz'kud Stepanov ajoi Moskvaha, kus ühtneda federacijan subjektoiden ühtnikoiden keradusel, miše pagištoitta küzundoiš krizisas lähtendaspäi[6]. Parlamentan pätand sai suren vastustuen käskvaldmehišton ezitajiden polespäi, ezmäi kaiked Ministroiden nevondišton pämehen Sergei Blinnikovan da Petroskoin pämehen Sergei Katanandovan — premjer gräzi mureta kožmusid Ülembaižen Nevondištonke, ku se ei vajehta ičeze mel'pidod. Rida valdmehišton erištoiden keskes lopihe mitingoita da ocastusita, konz lopihe krizis pälidnas.

Jäl'ghe sidä, kut oli pästtud Venäman rahvahaližiden deputatoiden suim redukus vodel 1993, Stepanov kadoti rahvahan deputatan statusad. No 12. takl'vkud vodel 1993 ühtni uden Venäman Parlamentan (ven.) (vep. valičusihe.

Ühtes Sergei Blinnikovanke Stepanov oli valitud Venäman Parlamentaha ezmäižen kucundad Karjalan ümbruzkundaspäi (№ 10).

17. sulakud vodel 1994, oli üks'jäine kandidat (Blinnikov heiti ičeze kandidaturad valičusilpäi), kudambad valičiba Karjalan valdmehišton pämeheks (Valdkundan pämehen radsija) 68,6 % änil.

Vodelpäi 1994 Karjala tegihe Barenceva/Jevroarktižen regionan ühthižtön aktivižeks ühtnikaks, vodel 1995 ühtni ühthižtöhö Baltian meren valdkundoiden nevondišton (ven.) (vep. pol'tme. Surembad rahvahidenkeskeižed projektad Stepanovan valdoičendan aigan oma "Atlantika-Karjala" da "Arhangel'skan koridor" kehitoituzprojektad.

Vilukuspäi vodelpäi 1996 radsijan mödhe mülüi toižen kucundan Venäman Parlamentaha, oli Ripmatomiden valdkundoiden ühtištusen komitetan varapämehen.

Oldes gubernatoran radsijal, Stepanov oli Karjalan kommunistoiden ühtištuz-partijan (SKK, kaikid suremb valdkindaližen partiistruktur sil aigal, vodelpäi 1997 toižetihe KPRF-partijaha) ütnikan, no varaitei ridad Kremlinke, ei tugedand ühtižtöd sijaližiden kommunistoidenke da eskai abuti ven.: "Наш дом - Россия"-partijan kehitoitust valdkundas[7].

Vodel 1997 Stepanovan valdmehišt sai negativišt arvostelendad, sidä jäl'ghe kut Segežan CBK-kombinatan uz' ižand, Švecian AssiDoman-koncern, valdkundaližen valdmehišton paginan velgmaksmižiš l'gotoiš Pensionnijale fondale da b'udžetale aigan azoti tegendan kombinatal, a pigai, konz ei voin ladidas valdmehištonke, läksi kombinatalpäi da jäti radišton jügedoiš oloiš[8].

Valičusil kevädel vodel 1998 "Karjala"-sirdändanke, KPRF-partijan da Venäman rahvaz-valdkundaližen partijan ühtištuses ühtni voibištelendaha valdkundan pämehen radsijas Petroskoin pämehenke Sergei Katanandovanke, kudamb oli tugedud "Meiden pert' — Venäma" da LDPR-partijoiden abul. Stepanov pästi händast edehe ezmäižes (sai 34 %), muga i toižes (43,16 %) turoiš[9] Voimuz' ridelta sudas valičusiden satusiš ei sand hänele ozad[10].

Senator da deputat

Voden 1998 tal'vkuspäi voden 2001 tal'vkuhusai — Belorussijan da Venäman ühtmuden (ven.) (vep. Käskiikomitetan azjoiden ohjanduzkundan pämez'. Tal'vkus vodel 2001 om pandud Venäman Parlamentan ezinikaks Karjalan valdmehištospäi voden 2002 semendkuhusai, jäl'geližiden Karjalan pämehen valičusid jäl'ghe händast udes vahištoitihe necile radsijale. Vodel 2006 Venäman Parlamentan ühtnikan valdoiktuded oma heittud.

Vodel 2006, Karjalan Parlamentan nelländen kucundan valičusil, Sergei Mironovan hökkähtusen mödhe, kudamban nevonikan hän oli, ohjanzi Venäman Elon partijan valdkundaližen lugetišen, mitte hänen personan taguiči, sai toižen sijan äniden mödhe. Nelländen kucundan Parlamentas Stepanov ohjanzi uden ven.: "Справедливая Россия — ЖИЗНЬ"-frakcijan. Oficialižen ühtnendan partijaha vahvištoiti sulakus vodel 2008. Vozil 2011 da 2016 oli udes valitud Spravedlivaja Rossia-partijan regionaližen lugetišen päsijal. Karjalan Parlamentan deputatan valdoiktuded lopihe sügüz'kus vodel 2021, valičusil VII kucundad hän ei ühtnend[11].

Kundaline rad

Eläb Moskvas, no ei erigoičend kožmusid Karjalanke. Om Valaaman monastirin abunevondišton ühtnik. Vodel 2022 Jemel'janovan sarel om avaitud jumalanpert', miččen sauvotusen vodelpäi 2012 ohjanzi Stepanov[12].

Ühtes monastirin vellidenke da külän eläjidenke udišti jumalanpertin Vidlica-küläs[12].

Arvnimed da pauklahjad

  • Karjalan küläelomišton arvostadud radnik;
  • Arvostusen orden;
  • Radon veteran-medal';
  • Medal' "Arvtegoiš Karjalan Valdkundan edes" (8. kezakud vodel 2020) — arvtegoiš Karjalan da sen eläjiden edes, sures panendas valdkundan social'no-ekonomižehe kehitoitusehe da aktivižes rados Karjalan tegemižen 100-voččen jubilejan praznuičendan vaumičendan Valdkundaližen laudkundan joukus[13];
  • Olonec-lidnan arvostadud eläi (1998)[14];
  • Karjalan arvostadud eläi (ven.) (vep. (4. kezakud vodel 2014)[15].

Kanz

Om leskiuk. Oma tütär da vunuk.

Mel'dub šahmatoihe, navedib lugeda. Moskvas kävub pälidnan kaikiš vanhembaha Roždestva Pühä Bogorodican-jumalanpertihe, mitte om tehtud vodel 1370[12].

Homaičendad

  1. ↑ Karjalan ASSRan, semendkun 24. päiväspäi vodelpäi 1991 — Karjalan SSRan, semendkun 16. päiväspäi vodelpäi 1992 — Karjalan Valdkundan.
  2. ↑ Степанов Виктор Николаевич. Дата обращения: 14 kezakud 2026.
  3. ↑ Научно-Исследовательский Институт Социальных Систем. Дата обращения: 14 kezakud 2026.
  4. ↑ Степанов Виктор Николаевич. Peoples.ru. Дата обращения: 14 kezakud 2026.
  5. ↑ В Москве стреляли. В Петрозаводске печатали. интернет-журнал "Лицей" (14 elokud 2011). Дата обращения: 14 kezakud 2026.
  6. ↑ Октябрь 1993. Хроника переворота. Дата обращения: 14 kezakud 2026. Архивировано 9 kezakud 2011 года.
  7. ↑ Политические партии в Карелии: историческая справка. Дата обращения: 14 kezakud 2026.
  8. ↑ Карелия выдвинула ультиматум концерну AssiDoman. kommersant.ru (10 heinkud 1997). Дата обращения: 14 kezakud 2026.
  9. ↑ Губернаторские выборы — 1998. Дата обращения: 14 kezakud 2026. Архивировано 17 keväz'kud 2014 года.
  10. ↑ Кремль «сдает» губернаторов // «Коммерсантъ». — 1998. — 19 semendkud (№ № 87 (1490)).
  11. ↑ История созывов. Законодательное Собрание Республики Карелия. Дата обращения: 14 kezakud 2026.
  12. ↑ 1 2 3 Наталья Захарчук. «Нужно просто любить людей». Правила жизни Виктора Степанова – человека, который руководил Карелией в самые тяжелые времена, Карелия.Ньюс, karelia.news (15 tal'vkud 2022). Дата обращения: 14 kezakud 2026.
  13. ↑ Указ Главы Республики Карелия от 8 июня 2020 года № 58 «О награждении государственными наградами Республики Карелия.
  14. ↑ Виктор Степанов. Биографическая справка. Дата обращения: 14 kezakud 2026. Архивировано 4 keväz'kud 2016 года.
  15. ↑ О присвоении звания «Почетный гражданин Республики Карелия» Степанову В. Н. Национальная библиотека Республики Карелия (4 kezakud 2014). Дата обращения: 14 kezakud 2026.

Literatur

  • Народные избранники Карелии: Депутаты высших представительных органов власти СССР, РСФСР, РФ от Карелии и высших представительных органов власти Карелии, 1923—2006: справочник. — Петрозаводск, 2006. — 320 с.
Om sadud "https://vep.ruwiki.ru/w/index.php?title=Stepanov_Viktor_Nikolajevič&oldid=531499"