Prokkonen Pavel Stepanovič

Venäman tedoakademijan azjtarkištuz

Om tehtud
Venäman tedoakademijan azjtarkištuz

Venäman tedoakademii

Pavel Stepanovič Prokkonen
Pavel Stepanovič Prokofjev
3. Karjalan ASSRan Ülembaižen nevondišon prezidiuman ohjandai
20. elokud 1956 — 18. heinkud 1979
Ken oli ende	radsija om udištadud
Ken tuli jäl'ghe	Ivan Man'kin
RSFSRan Ülembaižen nevondišton prezidiuman pämehen varamez'
11. sulakud 1967 — 18. heinkud 1979
3. Karjalaiž-Suomalaižen SSRan Ministroiden nevondišton ohjandai
24. uhokud 1950 — 16. heinkud 1956
Ken oli ende	Vol'demar Matvejevič Virolainen
Ken tuli jäl'ghe	radsija om heitud
1. Karjalaiž-Suomalaižen SSRan Ministroiden nevondišton ohjandai
15. keväz'kud 1946 — 1947
Ken oli ende	radsija om sätud
Ken tuli jäl'ghe	Vol'demar Matvejevič Virolainen
2. Karjalaiž-Suomalaižen SSRan Rahvahan komissaroiden nevondišton ohjandai
heinku 1940 — 15. keväz'kud1946
Ken oli ende	radsija om sätud
Ken tuli jäl'ghe	radsija om heitud
Suomen Demokratižen Valdkundan Karjalan azjoidme ministr
1. tal'vkud 1939 — 12. keväz'kud 1940
Sündundpäiv	16. heinkud 1909(1909-07-16) Suojärven rajon
Kolendpäiv	18. heinkud 1979(1979-07-18) (70 лет) Petroskoi, RSFSR[d], Sovetskii Sojuz
Mahapanendan sija	Sulažgoran kaumišt[d]
Nimi	Pavel Stepanovič Prokofjev
Partii	Sovetskijan Sojuzan Kommunistine partii
Openduz	1. Leningradan sovetskijan sauvondan institut M. I. Kalininan nimel 2. KPSSan Keskuzkomitetan Ülembaižen partijan škol 3. Piterin valdkundaline universitet
Professii	jurist, ohjandai
Rad	valdmez', politik
Pauklahjad
Torad	Sur' Kodiman voin

Pavel Stepanovič Prokkonen (ven.: Па́вел Степа́нович Про́кконен, suom.: Paavo Prokkonen; todesine familii — Prokofjev;16. heinkud 1909, Suojärven rajon — 18. heinkud 1979, Petroskoi) om sovetskii valdmez' da politik, Rahvahan komissaroiden nevondišton ohjandai — Karjalaiž-Suomalaižen SSRan Rahvahan ministroiden nevondišton ohjandai (1940—1947, 1950—1956), Karjalan ASSRan Ülembaižen nevondišton prezidiuman ohjandai (1956—1979).

Elostarin

Om sündunu karjalaižes Kl'ušina Gora-küläs, gol'l'an karjalaižen maradnikan kanzas. Laps'aigas ühtni rusttoiden partozanoiden joukuihe tahol, mitte oli suomen voiskan valdas. Möhemba putui laps'kodihe. Vozil 1922—1925 openzihe Padanoiden külälaižes školas. Vodelpäi 1925 radoi personaližes elomištos, mecradnikan mecvarandandal, kooperativižen möjan, abukassan manradnikoiden sebran komitetan ohjandajan, sekretarin, Kl'ušinogorskan külän nevondišton ohjandajan.

Ühthižvenälaižen kommunistižen partijan ühtnik vodelpäi 1930. Vodel 1934 lopi Leningradan sovetskijan sauvondan institutan M. I. Kalininan nimel, sidä jäl'ghe om pandud Oloncan rajonižen radnikoiden deputatoiden nevondišton ispolkoman nevonikan radsijale, miččen ispolkoman ohjandajaks jo tegihe vodel 1937. Vodel 1938, jäl'ghe Karjalan ASSRan ohjanduzkundan puhtastust, om pandud Karjalan ASSRan Rahvahan komissaroiden nevondišton ohjandan radsijale.

Tal'vkus vodel 1939 Paavo Prokkonen nimel (suom.: Paavo Prokkonen) oli mülütadud Terijokskan valdmehištoho, miččen sädi sovetskii valdmehišt, miše vajehtada Suomen todesišt valdmehištod, ku Rusked Armii sab täut vägestust Tal'veližen voinan aigan. Oldes karjalaižen rahvahuden mödhe, valdmehištos Prokkonen sai "Karjalan azjoiden ministran" portfelin. Iče ühtni vointegoihe, sädi suksiden joukuid. Sai kontuzijan voimtoras läz Loimola-küläd. Sovetsko-suomalaižen voinan lopuks Terijokskan valdmehišt heiti radon. Prokkonen jätksi karjeran Karjalaiž-Suomalaižen SSRan valdkundaližiš azjmehištoiš, vodel 1940 om pandud Karjalaiž-Suomalaižen SSRan Sovnarkoman ezmäižeks ohjandajaks, om valitud Karjalaiž-Suomalaižen SSRan Ülembaižen nevondišton deputataks.

Konz zavodihe Sur' Kodiman voin oli pandud ohjandajaks KFSSRan Valdkundaližen polestuzkomitetan Kirovskan raudten udištusen da mecvaradandan ohjandajaks. Sidä paiči, sädi oružjan da ambundvaroiden tegemižen frontan täht. Iče ühtni granatoiden kodvusehe, sidä paiči kadoti oiktan käziteran.

Vodel 1947 om oigetud opendusele KPSSan Keskuzkomitetan Ülembaižen partijan školaha, miččen lopi vodel 1950 da oli pandud KFSSRan Ministroiden nevondišton ohjandajaks.

Vodel 1957 ičenaižen opendusen abul lopi Leningradan valdkundaližen universitetan juridižen tedokundan.

Sidä jäl'ghe, konz KFSSR tegihe Karjalan ASSRaha da ičeze radsijalpäi läksi O. V. Kuusinen händast valitihe Karjalan ASSRan Ülembaižen nevondišton prezidiuman ohjandajaks. Necil radsijal hän oli ičeze surmhasai vodel [[1979].

Händast valittihe Kommunistižen partijan XIX—XXV suimoiden delegataks. KPSSan Keskuztarkištusen komissijan ühtnik (1952—1961).

Om pandud maha Petroskoin Sulažgorskan kaumištol.

Muštlaud seinäl Petroskoiš Kirovan irdal, pert' № 24

P. S. Prokkonen muštpacaz Sulažgorskan kaumištol

Pauklahjad

• Kaks' Leninan ordenad;
• Kodiman voinan II stepenin' orden;
• Kaks' Radon Rusttan Znaman ordenad;
• Rahvahiden sebruden orden (13. 07. 1979);
• Kaks' "Arvostusen znam" ordenad(sen lugus 15. 07. 1969).

Paindud kirjutesed

• Прокконен П. С. Героизм народа в дни войны: Воспоминания.. — 2-е, исправленное и дополненное. — Петрозаводск: Карелия, 1971. — 222 с. — 3000 экз.

Homaičendad

Literatur

• Прокконен, Павел Степанович // Прокат — Раковины. — М. : Советская энциклопедия, 1955. — С. 13. — (Большая советская энциклопедия : [в 51 т.] / гл. ред. Б. А. Введенский ; 1949—1958, т. 35).
• Алексей Арикович Макаров. П. С. Прокконен: жизнь — Карелии!. — Петрозаводск: Карелия, 2010 год. — ISBN 978-5-7545-1552-9.
• Веригин С. Г. Карелия в годы военных испытаний: Политическое и социально-экономическое положение Советской Карелии в период Второй мировой войны 1939-1945 гг. — Петрозаводск: ПетрГУ, 2009 год. — 544 с. — 700 экз. — ISBN 978-5-8021-0932-8.
• Народные избранники Карелии: Депутаты высших представительных органов власти СССР, РСФСР, РФ от Карелии и высших представительных органов власти Карелии, 1923—2006: справочник / сост. А. И. Бутвило. — Петрозаводск, 2006. — 320 с.