18. heinkud

18. heinkud (ven.: 18 июля) — 199. voden päiv (200. päiv visokosnijas vodes) Grigorianan kalendarin mödhe. Voden lophusai om 166 päiväd. Petroskoiš ☀️Päiväine nouzeb 3 časud 28 minutad homendest, laskese 21 časud 57 minutad ehtad. Päivän piduz' 🕒 18 časud 28 minutad. 🌒 Nor’ kudmaine (kun igä 3.37 päiväd).

Vodhesai 1582 15. redukuhusai — 18. heinkud Julianan kalendarin mödhe, vodelpäi 1582 15. redukuspäi — 18. heinkud Grigorianan kalendarin mödhe.

XX da XXI — voz'sadoil sättub 5. heinkule Julianan kalendarin mödhe.

Praznikad da muštpäiväd

•  Ühtenzoittud rahvahiden organizacii — Rahvahidenkeskeine Nel'son Mandelan päiv (ven.: Международный день Нельсона Манделы).
•  Urugvai — Urugvajan konstitucijan päiv (ven.: День Конституции).

Nimipäiväd

• Ortodoksižed: Anna, Arsenii, Afanasii, Varvara, Vasilii, Jelizaveta, Kirill, Sergei, Stepan, Tihon.

Azjtegod

• 64 — Amuižes Rimas töngahti pažag, mitte koleti kaiken lidnan.
• 1770 — Venälaine armii vägesti turkoid toras Larga-jogel.
• 1792 — Venälaine armii vägesti pol'sko-litovskijad armijad toras Dub'onkan al.
• 1942 — Ladogan järven pohjal om pandud truboprovod poltandainehen pästandan täht okkupiruitud Leningradas.
• 1954 — Om tehtud ühthine opendamine Sovetskijan Sojuzan školoiš.
• 1958 — Om allekirjutadud paindusele Anna Ahmatovan runokogomuz'.
• 2025 — klassižen muzikan Ruskeala Symphony-festivalin augotiž, mitte tehtas Karjalas kaikuččen voden.

Sündnuded

• 1833 — Aleksandr Puškin, venälaine general, Aleksandr Puškinan runoilijan poig.
• 1872 — Jurii Veselovskii, venälaine runoilii, kändai, literaturvedäi.
• 1909 — Andrei Gromiko, sovetskii politik- da valdmez', Sovetskijan Sojuzan verhiden azjoiden ministr (1957—1985)
• 1925 — Anatolii Ananjev, venälaine sovetskii kirjutai, «Okt'abr'»-kulehtesen pätoimitai.
• 1932 — Jevgenii Jevtušenko, venälaine sovetskii runoilii, prozaik, publicist, ohjandai, scenarijan kirjutai.
• 1953 — Grigorii Gladkov, sovetskii da venälaine muzikkirjutai, bard, Venäman arvostadud taidehradnik.
• 1956 — Lübov' Kazarnovskaja, sovetskii da venälaine operpajanik, opendai, professor.

Kolnuded

• 1610 — Mikelandželo Karavadžo, italialaine taidehpirdai, evropalaižen realistižen taidehen augonpanii.
• 1979 — Prokkonen Pavel Stepanovič, sovetskii valdmez' da politik, Rahvahan komissaroiden nevondišton ohjandai — Karjalaiž-Suomalaižen SSRan Rahvahan ministroiden nevondišton ohjandai (1940—1947, 1950—1956), Karjalan ASSRan Ülembaižen nevondišton prezidiuman ohjandai (1956—1979).
• 1982 — Roman Jakobson, kel'tedomez', literaturan tedomez'.

Primetad

Afanasijan päiv. Kuiden praznik.

• Kut vask oma pakuižed pil'ved — vihmaks.
• «Öbokaspäi taivaz om kattud pil'vil — linneb vihm».

Homaičendad

Tarkendused