Ruskeala Symphony
| Ruskeala Symphony | |
|---|---|
 | |
| Sija |
|
| Sait | ruskeala-symphony.com |
 Mediafailad RUWIKI-tedoiš | |
Ruskeala Symphony (ven.: Рускеала Симфони) — klassižen muzikan jogavoz'ne festival' Karjalas. Tehtas vodelpäi 2017 "Ruskeala"-mägenpuištos.
Festivalin tegijad oma Karjalan valdmehišt, Karjalan kul'turministerstv, Karjalan valdkundaline filarmonii da "Ruskeala"-mägenpuišt.
Istorii
Ruskeala Symphony sündui vodel 2017 Karjalan Valdkundan pämehen Artur Parfenčikovan tahton mödhe da sid'-žo mülüškanzi Venäman regionaližiden azjtegoiden top-15 lugetišhe. Siš aigaspäi tehtas kaikuččen kezan.
Vodel 2018 festival' mäni 24.—25. elokud da kerazi 6000 mest[1]. Festivalin aigan voi kulištada barokkon da klassicizman muzikad nügüdläižele manerale, a mugažo mužikad tedomašinan vändoišpäi.
Vodel 2019 festival' mäni 19.—20. elokud, miččel ezini Kazahstanan valdkundaline akademine simfonine orkestr Tolepbergen Abdraševan nimel, anglialaine DJ Mr Switch, muzikantoiden trio Armenijaspäi, Suren teatran, Karjalan rahvahaližen teatran da Karjalan tätüteatran pajanikad, Camerata Vocal Group Belorussijaspäi da venälaižiden rahvahaližiden vändimiden "Onego"-orkestr. Festivalin erialižeks adivoks tegihe britanialaine diriž'or Marius Stravinskii[2].
Biletoiden mönd IV Ruskeala Symphony - festivalile lopihe sutkas edel festivalin augotišt, sikš ku tahtnikoid putta sille oli enamb, mi voib mülütada puištoho. Festivalile tuli 8000 mest. Möhemba se sai gran-prin "Parahim turistine azjtego kul'turan alovehes"-nominacijas IX Rahvahaližel "Russian Event Awards-2020»-premijal turizman azjtegoiden alovehes. Festivalin adivoiden keskes oli Sergei Žukov da Regina Todorenko[3].
Ruskeala Symphony'2021 jubileifestivalin avaidamine oli oigetud kinon muzikale: scenalpäi kuluiba pajod kodimaižiš da verazmaižiš kinofil'moišpäi, siš aigas miččed oli snimdud Karjalas. Festivalin znamasine azjtego necil vodelpäi oli rojalin sirdämine mägenpuištoho: vät'he Čaikovskijan ezmäine koncert. Erased biletad lahjoitihe nenile mehile, ken ühtni mecpažagoiden sambutamižehe Karjalas, mugažo armotomile lapsile da heiden kacujile[4].
Vodel 2022 festivalin programmaha tuliba: kurkpajo da Kuban džaz. Tähthaižiden keskes oliba Jurii Bašmet da Mihail Porečenkov[5].
Vodel 2023 Ruskeala Symphony - festivalile, mitte necil kerdal mäni 15. da 16. heinkud, tuli enamba 7000 mest. Oli ozutadud ühesa koncertad. Ühtnikoiden keskes — Karjalan filarmonijan orkestr, ven.: «Виртуозы Москвы» -kamernii orkestr, ven.: «Купалинка»-fol'klorgrupp Belorussijaspäi, "L’esprit du Vent"-ansambl' da "Eilenkrig Crew" - džazkvintet[6].
Vodel 2024 festival' mäni 26. da 27. heinkud[7][8].
Vodel 2025 se om 18. da 19. heinkud[9].
Festivalin polhe
Festivalin scenad oma Ruskeala-mägenpuišton erazvuiččiš sijoiš: "Italialaižes karjeras", "Mramorkanjonas" da toižiš sijoiš.
Festival' tehtas kaikuččen voden. Sen programm om oigetud eri-igäižile kundlijoile da kacujile da ked navediba erazvuittušt muzikad. Paiči necidä open-air formatan abul voib ühtenzoitta kul'turlebud kul'turjäl'gestusen objektan da istorijan muštpachan kacumiženke, mitte oli täuttud enččen mramorkanjonan vedel.
Muzik vedel
Ruskeala Symphony - festivalin aigan tehtas koncertad vedel: muzikantad vändaba lautal, mitte ujub järvedme, a festivalin adivod kacuba venehilpäi libo randalpäi.
Pauklahjad
- IV Ruskeala Symphony - festival' sai Gran-prin "Parahim turistine azjtego kul'turan alovehes"-nominacijas IX Rahvahaližel "Russian Event Awards—2020»-premijal turizman azjtegoiden alovehes.
Homaičendad
- ↑ Ольга Лузина. 6000 зрителей собрал второй музыкальный фестиваль Ruskeala Symphony. Карелinform. Дата обращения: 14 heinkud 2025.
- ↑ Наталья Шарай. Фестиваль Ruskeala Symphony состоялся! Комсомольская правда. Дата обращения: 14 heinkud 2025.
- ↑ Юля Краснова. Побывали на фестивале Ruskeala Symphony-2020: рассказываем, как там все устроено. Daily Карелия. Дата обращения: 14 heinkud 2025.
- ↑ Светлана Цыганкова. В Карелии прошел музыкальный фестиваль в горном парке Рускеала. Российская газета. Дата обращения: 14 heinkud 2025.
- ↑ В горном парке Карелии открывается международный музыкальный фестиваль. РИА Новости (15 heinkud 2022). Дата обращения: 14 heinkud 2025.
- ↑ Фоторепортаж: более семи тысяч человек посетили фестиваль Ruskeala Symphony. КарелInform (16 heinkud 2023). Дата обращения: 14 heinkud 2025.
- ↑ Международный музыкальный фестиваль «Ruskeala Symphony». Дата обращения: 14 heinkud 2025.
- ↑ «Замечательно»: как прошел фестиваль Ruskeala Symphony в Карелии. Дата обращения: 14 heinkud 2025.
- ↑ IX Международный музыкальный фестиваль Ruskeala Symphony. Дата обращения: 14 heinkud 2025.