Ruskeala

	«Ruskeala»-mägenpuišt
	suom.: “Ruskeala” -vuoripuisto
	; «Ruskeala»-mägenpuišt sügüzel vodel 2014.; Upotud mramornian karjeran kuva
	61°56′46″ с. ш. 30°34′53″ в. д.GЯO
Valdkund	Venäma;
Sija	Sortavalan rajon Karjalan Valdkund
Status	ОКН № 1002532000№ 1002532000
Sait	ruskeala.ru
	diskussii • redaktiruida

«Ruskeala»-mägenpuišt ven.: Го́рный парк «Рускеа́ла» (suom.: Ruskeala — «Коричневая, Бурая» ) — om turistine kompleks, mitte sijadase Sortavalan rajonas Karjalan Valdkundas. Kompleksan päkalu om mavezil upotadud mramornii karjer, mitte om kul'turan kal'huz'.

Sanansündund

Venäman tedoakademian tedomehen da toponimistan Irma Mulloižen versijadme nimed, miččiden lopus om -la peitas mehen ičenašt nimed, mitte om tehnu necidä küläd vai om elänu neciš küläs. Sana «Ruskie» karjalan kelel znamoičeb veps.: «rusked» ven.: «красный»; muga nimitihe mehid ruzaviden hibusidenke, sid' om sündunu-ki närituznimi. Muga, Ruskeala-külän nimi znamoičeb «Ruskea-sugun eländtaho»^[1].

Geografii

Sijadase läz Ruskeala-küläd 30 kilometras Sortavala-lidnaspäi pohjoižpolhe, Tohmajogi-randal.

Puištonno om Sortavala — Ruskeala raudtematkan Ruskeala-tupikraudtestancii.

Üleižed tedod

Karjeran piduz' pohjoižespäi suvi polehe om 460 metrad, leveduz' — 100 metrahasai. Karjeran ülembaižespäi seinan tahospäi sen pohjahasai om enamb 50 metrad. Veden sel'ktuz' om 15—18 metrad^[2].

Amuižen karjeran seiniš oma manaluižed štol'n'ad da štrekad, miččed oma sidotud vertikaližil kaivusil. Äjäd miččiš Suren voinan jäl'ghe tegihe uponuzikš; heitta vet miččišpäi ei olend voimust. Ühthine mägen kaivusiden piduz' om kuverz'-se kilometroid. Om kaičenus zavodanohjandusen pert', mitte om tehtud peniš mramoran paloišpäi da erased päčiden palad mouckiven poltandan täht.

Istorii

Kivižomad, miččed löuzi pastor, kodi-istorijan tundii, Valdaližen ekonomikan sebran ühtnik Samuil Alopeus, zavottihe kävutoita vodel 1765, Jekaterina II ohjandusen augotišes. Ezmäine kivižoman ohjandai om - Andrei Pil'ugin, miččen konsultoidihe kiviradoiš italialaižed tundijad.

Sur' mramoran karjer

Italialaine karjer

Olendtahol om tehtud viž karjerad, kus buran da porohan abunke saiba nel'l' mujud mramorad - tuhk-hahkad, hahk-vihandad, vauktad hahkoiden jonoidenke, vauged-sinine-hahkad. Kivižomal radoi läz 500 mest.

Ruskealan mramor om ottud Piterin suriden kivisižiden pertiden da dvorcoiden sauvondaha. Sil om pälitud Isaakian jumalanpert' (Og'ust Monferran iče oli tulnu kivižomale, miše valita tarbhašt kivirodud), pandud lavad Kazanskian jumalanpertiš, tehtud ikunpölused Ermitažiš, ramkatihe Mramaram dvorcan iknad da Mihailan zamkan pertinoc, а toižes poles voz'sadal XX — «Primorskii»-metrostancijan da «Ladožskii»-metrostancijan manaluižed zalad.

Arhitektor Og'ust Monferran Isaakian jumalanpertin sauvondan aigan ei üht kerdad oli tulnu kivižomale vozil 1818—1858.

Vodel 1846, konz oli tehtud vezipilind- i siledoituzzavod da om ladidud izvestin samine mramoraspäi, kivižoman radnikoiden lugumär tegihe 800 mest.

Vodel 1859 kivižomale oli tulnu francialaine kirjutai Aleksandr D'uma^[3], min polhe hän om kirjutanu «Matkan mel'kuvad. Venämas»-tedotös (ven.: «Путевые впечатления. В России»).

Vozil 1939—1947 karjer ei radand. Udes mramor-izvestkovan zavodan rad zavodihe vodel 1947 da katksihe vozihesai 1990.

Počtmark, mitte om omištadud vodel 2020 Karjalan Valdkundan da «Ruskeala»-mägenpuišton voz'sadandeks

Vodel 1998 mramaran päkarjer om ottud valdkundaližen kaičusehe, kut kul'turan jäl'gendusen taho.

Vodel 1999 mramaran päkarjer mülütadihe rahvahidenkeskeižehe turistmatkaha «Sinivauvaz te» (ven.: «Голубая дорога»).

Vodel 2010 Ruskeala-küläs oma tehtud «T'omnii mir»-fil'man sjemkad.

Vodel 2013 Hiidensel'g-küläs da Ruskeala-mägenpuištos oliba «Seičemenz' runa»-serialan sjemkad^[4].

Vodespäi 2017 joga voden mägenpuištos pidetas kezaližen mizikfestivalin «Ruskeala Symphony»^[5].

1. kezakud vodel 2019 om pästtud Sortavala-raudtestancijaspäi Ruskeala-mägenpuišt-stancijahasai turistine retropojezd, mitte kožub «Nikolajevskii ekspress»-pojezdaha da ajab parul^[6].

Homaičendad

↑ Основатель Рускеалы был рыжим? О значении названия популярного туристического бренда Карелии (неопр.). Карелия.Ньюс. Дата обращения: 21 heinkud 2022.
↑ Рускеала. Мраморный карьер Рускеала. (рус.) (30 redukud 2010). Дата обращения: 30 redukud 2010.
↑ Александр Дюма о своем посещении Рускеалы (неопр.).
↑ Анастасия Филатова. Юлия Снигирь снова рискует жизнью (рус.). 7days.ru. 7дней.ru (23 elokud 2013). Дата обращения: 6 sulakud 2022.
↑ Музыкальный фестиваль «Ruskeala Symphony» собрал шесть тысяч зрителей (рус.). ptzgovorit.ru. Дата обращения: 10 keväz'kud 2020.
↑ РЖД запустит ретропоезд на юге Карелии (неопр.). Интернет-журнал «Республика» (24 semendkud 2019).

Literatur

Морозова Л. В. Владимир Иванович Вернадский в Карелии. Геологическая экскурсия в Рускеала. Карельский республиканский Совет Всероссийского общества охраны природы. Карельский экологический журнал «Зелёный лист»; 2012 г., декабрь, № 2. С. 25-26.

Tarkendused

Карьер мраморных ломок в пос. Рускеала (рус.). Объекты культурно-исторического наследия Карелии. Дата обращения: 17 keväz'kud 2020.
Горный парк «Рускеала» (рус.). ruskeala.info. Дата обращения: 17 keväz'kud 2020.
Vladimir Kezling. Северное Приладожье / Горный парк «Рускеала» (рус.). kezling.ru (8 heinkud 2010). — Фоторепортаж о мраморном карьере. Дата обращения: 17 keväz'kud 2020.
Рускеальский мраморный карьер (рус.). Дайвинг-центр ORCA. Дата обращения: 17 keväz'kud 2020.
Рускеала: Мраморный карьер (неопр.). «Рускеала» (2010). Дата обращения: 17 keväz'kud 2020.

[1] Основатель Рускеалы был рыжим? О значении названия популярного туристического бренда Карелии (неопр.). Карелия.Ньюс. Дата обращения: 21 heinkud 2022.

[2] Рускеала. Мраморный карьер Рускеала. (рус.) (30 redukud 2010). Дата обращения: 30 redukud 2010.

[3] Александр Дюма о своем посещении Рускеалы (неопр.).

[4] Анастасия Филатова. Юлия Снигирь снова рискует жизнью (рус.). 7days.ru. 7дней.ru (23 elokud 2013). Дата обращения: 6 sulakud 2022.

[5] Музыкальный фестиваль «Ruskeala Symphony» собрал шесть тысяч зрителей (рус.). ptzgovorit.ru. Дата обращения: 10 keväz'kud 2020.

[6] РЖД запустит ретропоезд на юге Карелии (неопр.). Интернет-журнал «Республика» (24 semendkud 2019).

[1]

[2]

[3]

[4]

[5]

[6]