Ruskealan ekspress

Рувики-späi
Pojezd № 921/922 da 923/924
«Ruskealan ekspress»
Russia stamp 2021 № 2795.jpg
Pätedod
Kategorii turistpojezd
Tegii Vagontegendan Ammendorf-zavod
Kompanii ОАО «Venäman raudted» pigaühtenzoitusen pämehišt
Matk Sortavala — «Ruskeala»-mägenpuišt
«Ruskeala»-mägenpuišt — Sortavala
Seižutimiden lugumär ekspress
Aig matkas 1 čas
Piduz' 29 км
Kut paksus ünbri vodes, joga päivän
Tehnižed tedod
Логотип РУВИКИ.Медиа Mediafailad RUWIKI-tedoiš

Ruskelan ekspress (ven.: «Рускеа́льский экспре́сс») om firmine pigaretropojezd № 921/922 и 923/924, mitte radab Sortavala — «Ruskeala»-mägenpuišt — Sortavala turistmatkal 1. kezakuspäi vodelpäi 2019 [1].

Üksjäine Venämal pojezd parovoztägal, mitte tegeb ajelusen joga päivän. Jäl'gmäine Venämal jogapäiväine matkpojezd parovoztägal radoi voziden 1980  augotišes[2].

Istorii

Üks' Ruskealan ekspressan tegemižen taričijoišpäi om ezmäine «Ruskeala»-mägenpuišton pämez' Aleksandr Artemjev. Sidä idejad tugezi Dmitrii Pegov, mitte sil aigal oli OAO «Venäman raudted»-kompanijan matkajelusidme pämehen. Ezmäižen matkan retropojezd tegi 1. kezakud vodel 2019. Necen aigan muštoks Sortavala-stancijal tehtihe istorilišt aigad: matknikoid vastsiba «enččes aigaspäi mehed» XIX voz'sadan lopun — XX voz'adan augotišen sädoiš[3][4][5][6].

Pojezdan pästand Karjalan ühten pämelentartuisijannoks tuli jäl'ges kohenduzradoid: Sortavala — «Ruskeala»-mägenpuišt raudtel oli udištadud läz 2,5 km ted, kohetud Sortavala-stancijan platform da enččen veerlokomotivdepon kändandümbruz, tehtud parovozan veden samižen täht inženerkommunikacijoiden rekonstrukcii da sen tehnine holituz. Ei edahan mägipuištolpäi sauvoiba keskaigaižen platforman retropojezdan vastandan täht[7].

Ruskealan ekspressan pästandanke, mitte tob matknikoid Mramorkanjonannoks, turistmatknikoiden lugumär kazvoi 20 %[8]. Ekspressan ezmäižen kun radon aigas sidä kävuti 3600 matknikad[9]. vodes pojezdal ajoi enamba 50,5 tuhad matknikad[3].

Elokus vodel 2019 Raudten radnikoiden päiväks oli pästtud Troika-kart, miččel om pirttud Ruskealan ekspressan kuva. Kaiken om pästtud 300 kartad, miččen pala möse Moskvan metropolitenan (ven.) (vep. kassoiš [10]. Kül'mkun praznikoiden aigan vodel 2019 Karjalan kul'turan da taidehen kolledžan openikad vändiba Ruskealan ekspressas spektaklin süvenduzeffektanke[11].

26. tal'vkud vodel 2020 Ruskealas oli parovozoiden kändandümbrusen praznikavaiduz, miččen abul Ruskealan ekspressan täht voib kävutada ühten parovozan kahten sijas[12].

Ruskealan ekspressan pästand ozuti Pohjoiž-Priladožjan da Venämal turizman kehitoitusen vektoran: kehitaitaškanzihesoiš parovozmatkad Venämal, oma avaitud uded matkad, miččed koskeba Sortavalad da Sortavalan rajonad («Ladogan nerpaine», kaks'žiruine pojezd Moskvahasai, rel'savtobusad (ven.) (vep. erazvuiččihe polihe)[4].

1. kezakud vodel 2024 Sortavalas viž-vozne pojezdan jubilejan praznuičemine: oliba praznikazjad, sen lugus raudten fotokuviden ozuteluz, «parovozoiden parad» da praznikkoncert, miččiden lopus oli fejerverk. Vides vodes Ruskealan ekspress vedi enamba 670 tuhad matknikad, ajoi enamba 270 tuhad km, tegi enamba 7000 matkad[4].

Ruskealan ekspressan sabutuz kehitoiti kosketusid Pakaiž-ukon pojezdanke, mi tegi necidä turistmatkad popul'arižeks i  tal'ven aigan[4].  

Sostavan harakteristik

Ruskealan ekspressan lokomotivad — nece oma sovetskijad parovozad. Ezmäižen sostavan vedi Er-serijan parovoz. Jäl'ges kävutoitihe LV-, Pšä-, SO1’-, Su-serijoiden parovozad. Vodeks 2025 joga päivän ajelesoiš L-serijan parovozad[13].

Pojezdan sostavaha, kactes matknikoiden lugumäraha, mülüb 5—7 vagonad — kuperetrovagonad ištundsijoidenke da restoran-vagonad. Pojezdan vagonad om mujutadud sinižel mujul: nece muju kävutoitihe vodelpäi 1879  carin Venämal «berlinoiden» täht — ezmäižen klassan matkvagonad, miččed oliba lujas kodihahad da niid käviti aristokratii, sured valdmehed da bohatad matknikad [1][14][15].

Interjer

Pojezdan interjer om tehtud XIX voz'sadan lopun — XX voz'sadan augotišen stilin mödhe, mitte mugoičeb Venäman imperijan aigan raudten vagonoiden kalumišt. Comitusen täht om kävutadud kohtaižed elementad, miččed ozutadas istorilišt aigad: pehmed nahkasižen pälumiženke kaludišt, sanktad vihandad uudimed, lampad sidä aigan stiliš, must-hahkaižed fotokuvad. Pojezdan radnikad mugažo oma sädoiš, mitte om ombeltud arhivižiden ozutesiden mödhe, nece ližadab süvenduzeffektad  enččehe aigaha[16][17].

Pojezdas om eriline fotokupe, miččes om retrorekvizit: vintažkalud (šl'apad, veerad), vanhad lugendlehtesed da matkčemodanad. Nece zona om pigafotokuviden tegemižen täht[1].

Restoran-vagonad oma čomitadud erazvuiččiš stiliš[18]:

  • vagon XIX voz'sadan stiliš om tehtud istoriližen dizainelementoidenke, miččed oliba klassikraudten restoranoiš;
  • vagon vanhan venälaižen stilin vagonas om interjer, mitte ozutab venälaižen arhitekturan tradicijad puižiden elementoidenke da rahvahaližiden ornamentoidenke.

Vagonoiden istoriline čomitez om tehtud Voronežan vagonoiden kohenduzzavodal (ven.) (vep.[19].

Pojezdan matk da sen programm

Pojezd ajelese kezakun 1. päiväspäi voden 2019 Sortavala — Ruskeala-mägipuišt — Sortavala matkan möto. Pojezdan keskpiguz' om 40—60 km/č, aig matkas — 1 čas. Oficialižen nimen — «Ruskealan ekspress» — pojezd sai tulendsijan mödhe — Ruskeala-mägipuišt. Pojezdan aigmär om ühtenzoitud Piter — Sortavala Lastočka-elektropigapojezdan aigmäranke [16].

Jäl'ges tulendad «Ruskeala-mägipuištoho om viž časuine azotez, miččen aigan matknikad voidas kävuda magipuištoho kacmaha mramorkanjonad da čomid londuzkuvid, ajada trollejal (ziplainal (ven.) (vep.) järven päl, päzuda manaluižihe mägiondusihe, söda karjalašt sömišt  sijaližes kafes[18].

Горный парк Рускеала.jpg
Пещера горного парка Рускеала.jpg
Горный парк Рускеала зимой.jpg
Ruskeala-mägipuišton londuzkuva Ruskeala-mägipuišton mädionduz Ruskeala-mägipuišt tal'vel

Paiči matkad matknikoile om melentartušt nägištada kut tehtas Ruskealan ekspressan tehnižen holitesen: jäl'gmäižel stancijal parovozan punolikund ajandpolen vajehtamižen täht, sen täutand vedel da toižed.[8]

Galerei

Ühthine pojezdan irdnägo

Паровоз, Рускеальский экспресс 20210708 110751.jpg
Рускеальский экспресс на станции горного парка Рускеала.jpg
П36-0032 с поездом на станции Сортавала.jpg
Рускеала-Экспресс, август, Сортавала (6).jpg
Локомотив Рускеальского экспресса.jpg

Interjer

Ruskeala express interior - 1 st class car lounge zone.jpg
Ruskeala express interior - dining car.jpg
Ruskeala express interior - dining and music car.jpg
Ruskeala express interior - corridor (1).jpg
Интерьер сидячего купе ретровагона.jpg
Lebusija (laundž) ezmäižen klassan vagonas Restoran-vagon Muzikrestoran-vagon Ištundkupevagonan pertedes Ištundkupevagon

Homaičendad

  1. ↑ 1 2 3 История создания маршрута «Рускеальского экспресса»: от Сортавалы до Рускеалы. Журнал RUSSPASS. Дата обращения: 23 heinkud 2025.
  2. ↑ Официальный сайт поезда «Рускеальский экспресс». NaParovoze.ru. Дата обращения: 23 heinkud 2025.
  3. ↑ 1 2 За первый год курсирования ретропоезд «Рускеальский экспресс» перевез более 50,5 тыс. пассажиров. РЖД. Дата обращения: 28 semendkud 2025.
  4. ↑ 1 2 3 4 Чалых В. «Рускеальскому экспрессу» — 5 лет. Вести Приладожья. Дата обращения: 23 heinkud 2025.
  5. ↑ Gelio. Рускеальский экспресс — ретропоезд в Карелии, LiveJournal (6 heinkud 2021). Дата обращения: 23 heinkud 2025.
  6. ↑ Александр Артемьев, создатель горного парка «Рускеала». РБК. Дата обращения: 23 heinkud 2025.
  7. ↑ РЖД увеличат число рейсов ретро-поезда к горному парку «Рускеала» в Карелии. Интерфакс (9 kezakud 2019). Дата обращения: 23 heinkud 2025.
  8. ↑ 1 2 На ретро-поезде в Рускеалу. Интерфакс (14 kezakud 2019). Дата обращения: 23 heinkud 2025.
  9. ↑ Более 3 600 пассажиров воспользовались ретропоездом до Рускеалы. Республика (2 heinkud 2019). Дата обращения: 23 heinkud 2025.
  10. ↑ «Рускеальский экспресс» с 1 июня перевёз более 15 тысяч пассажиров. Интерфакс (21 elokud 2019). Дата обращения: 23 heinkud 2025.
  11. ↑ Более 500 человек стали зрителями театральной постановки в поезде «Рускеальский экспресс». Интерфакс (3 kül'mkud 2019). Дата обращения: 23 heinkud 2025.
  12. ↑ На круге поворотном. РЖД. Дата обращения: 23 heinkud 2025.
  13. ↑ «Рускеальский экспресс»: 5 лет на паровозной тяге // Комфортная жизнь в движении: журнал для пассажиров. — 2024. — Июнь. — С. 6—13.
  14. ↑ Состав поезда «Рускеальский экспресс» сократили из-за снижения спроса, РБК (16 redukud 2024). Дата обращения: 23 heinkud 2025.
  15. ↑ Штольни «Рускеалы» и калитки в Карелии. Интерфакс (18 sügüz'kud 2019). Дата обращения: 23 heinkud 2025.
  16. ↑ 1 2 В Карелии запустили ретропоезд до горного парка «Рускеала». ТАСС (1 kezakud 2019). Дата обращения: 23 heinkud 2025.
  17. ↑ Рыбина А. Где прокатиться на ретропоезде в России: Необычные идеи для путешествия по железной дороге, Tripster (22 sulakud 2025). Дата обращения: 23 heinkud 2025.
  18. ↑ 1 2 Байкал, Золотое кольцо, горный парк «Рускеала» и другие места, куда можно отправиться на ретропоезде, Яндекс Путешествия (2 tal'vkud 2022). Дата обращения: 23 heinkud 2025.
  19. ↑ Вагоны для малых и великих. Гудок. Дата обращения: 23 heinkud 2025.

Lähtked

Om sadud "https://vep.ruwiki.ru/w/index.php?title=Ruskealan_ekspress&oldid=510394"