Pakaiž-ukon pojezd
| Поезд № liternii «Pakaiž-ukon pojezd» | |
 | |
| Pätedod | |
|---|---|
| Kategorii |
firmaine |
| Kompanii |
RŽD |
| Matk |
Sibir', Edahaine Päivlaskmanpol', Ural, Venän Pohjoižen da Jevropan pol' |
| Seižutimiden lugumär |
64 |
| Surembad lidnad |
Komsomol'sk-na-Amure, Južno-Shalinsk, Habarovsk, Vladivostok, Ulan-Ude, Irkutsk, Krasnojarsk, Omsk, Čel'abinsk, Magnitogorsk, Ufa, Alahaine Novgorod, Jekaterinburg, Moskva, Piter, Petroskoi, Murmansk |
| Aig matkas |
85 sutkad |
| Piduz' |
enamb 30000 км |
| Kut paksus |
Kaikuččen voden |
| Tehnižed tedod | |
Pakaiž-ukon pojezd (ven.: По́езд Де́да Моро́за) — praznikaližesti čomenzoitud eriline Venäman raudten pojezd 19 vagonaspäi "Pakaiž-ukon sirttud rezidencijanke", mitte ajab Venämadme. Tehtas Pakaiž-ukon "kodimal" Sures Ust'ugas Vologdan agjas, ajab redukuspäi vilukuhusai Venäman 130 lidnad möto Uden Voden levedemban praznuičemižen täht.
Pojezdas paiči "rezidencijad" oma vagonad interaktivižiden čogaižidenke, "Sarnaline külä", vagonad vändoiden vedämižen täht da uz'voz'ližiden kvestoiden tähtvagon-lauk muštlahjoidenke, vagon-restoran pohjoižsömänke, foto-kupe, tehnižed vagonad radnikoiden täht[1][2][3][4][5].
Istorii
Ezmäižen kerdan Pakaiž-ukon pojezd läksi Sures Ust'ugaspäi vodel 2021 Uden Voden praznuičemižen täht Venäman edahaižiš regionoiš da lidnoiš, kus eläjile om jüged tulda "Pakaiž-ukon rezidencijaha", kus hän eläb kaiken aigan, pit'kiden dorogoiden taguiči. Pojezdan rednikoiden keskes oma Venäman Pakaiž-uk Sures Ust'ugaspäi, Lumineičukaine Kostromaspäi, artistoiden da animatoroiden kollektiv, mitte vändab sarnaližid urohid, — Auška-t'otašt, Ut Treskunad, gnomad, kodijänišaižid, tigroid, lumiukod da šuršikad. Kaikiš lidnoiš da kaikil tulendstancijoil hö ozutaba praznikališt programmad: vändoid, karguid da ozutelusid.
Kävuda Pakaiž-ukon pojezdaha, nägištada sen sarnurohid stancijoil, vokzaloil, vokzalan avoinirdoil da väta heidenke ilman rahoita voiba kaik tahtnikad; erasiš tegoiš pojezdas da lahjoiš pidab ostta biletad. Jäl'ghe Uden Voden praznuičendan lopendad kaikuččen voz'aigan vilukus Pakaiž-ukon pojezd tuleb Karjalaha, kus Moroznaja-platformal Sortavalan stancijal tegese ekspozicijaks udhe lähtendahasai uden tal'vaigan redukus[1][6].
Vozil 2021/2022
Vozil 2021—2022 Pakaiž-ukon pojezd ajoi enamba 15 tuhad kilometrad da oli 36 lidnas. Praznikaližihe azjtegoihe stancijoil da vokzaloil ühtni läz 200 tuhad ristitud, heišpäi läz 10 tuhad mest iče ajoi pojezdal.
Vozil 2022—2023
Vozil 2022—2023 23. redukud Pakaiž-ukon pojezd läksi koumekuižehe matkaha Venämadme Sures Ust'ugaspäi Vladivostokahasai da Venäman raudten kaikid edahaižehe čokimehesai — Tihookeanskaja da Nahodka - stancijoihesai. Üleine matkan piduz' molembaha agjaha om 33 tuhad kilometrad. Pojezdan matk oli BAMan da Transsibirskan magistralin lidnoiden, Venäman jevropalaižen palan, Soči, Piter da Moskva - lidnoiden kal't; planoiš oli tehta 200 azotest[6][7].
Vozil 2023/2024
Vozil 2023—2024 Pakaiž-ukon pojezd läksi 11. kül'mkud Sures Ust'ugaspäi, a 27. tal'vkud oli Moskvas. Kaikes 64 päiväs pojezd oli enamb mi 80 lidnas Venäman erazvuiččiš regionoiš, mäni enamb mi 32 tuhad kilometrad da lopi ičeze dorogad Sures Ust'ugas 13. vilukud vodel 2024.
Vozil 2024/2025
Vozil 2024—2025 Pakaiž-ukon pojezd läksi matkaha Venämadme 19. kül'mkud Sures Ust'ugaspäi, ezmäine azotez oli Taišet-stancijal[8][9]. 27. kül'mkud pojezd jo oli Komsomol'sk-na-Amure - lidnas[10]. Lehtišton tedoiden mödhe 54 päiväs pojezd oli enamb mi 60 eländtahoiš da ajoi läz 30 tuhad kilometrad. Se ajab Baikal-Amuran magistralidme, azotase Edahaižen Päinlaskmanpolen, Sibirin, Uralan da Venäman jevropalaižen polen lidnoiš[11].
Venäman Pakaiž-uk starinoiči ičeze matkasSahalin-sarele, a vilukun augotišes pördamoi kodihe Sur' Ust'ug-lidnaha.
"RŽD"-kompanijan varapämehen Ivan Kolesnikovan sanoiden mödhe pojezd ajab Edahašt Pävlaskmanpoledme, Transsibirin magistralidme, da pördase tagaze Sibirin, Uralan, Venäman keskusen kal't. Kolesnikov ližazi: "Meiden planoiš tulda Sahalin-sarele. Sahalinan lapsed ezmäižen kerdan nägeškandeba Pakaiž-ukod, hänen sarnališt pojezdad"[12].
Praznikaline programm
Pakaiž-ukon pojezd nece om rezidencii, mitte sirdäse da kus oma vastuz-honuz, sarnaline külä vändoiden da kvestoiden täht, vagon-lauk muštlahjoidenke, tätüine teatr da vagon-restoran čajun jomižen täht. Pojezdan ezisijal om P36 serijan parovoz, mugažo harvinaine "ВЛ-82м"-serijan retro-elektrovedim[13].
Pakaiž-ukon pojezdan ilosine programm
Seižutimen aigpidusespäi rippub ilosine programm, mitte jagase kahthe palaha:
Standartine programm (enamba 3 časud):
- Pakaiž-ukon sirttud rezidencijan kävund — kvest animatoroidenke, vastuz Pakaiž-ukonke Sures Ust'ugaspäi, maged lahj Pakaiž-ukolpäi da čajun jomine vagon-restoranas, počtkartaine sebranikoiden libo heimolaižiden oigendamižen täht.
- Tätüižen teatran vagon, kus ozutadas 45-minutaine spektakl' Pakaiž-ukon pojezdan tätüižidenke, miččed eciba noidust. Biletan maksuhu mülüba spektakl', maged tomaine Pakaiž-ukolpäi da hänen video-ozateluz.
- Ken ei ehtind ostta biletan, voib kävuda vagon-laukha da vagon-restoranha, kus om pohjoižsöm. Paiči necidä jäl'ghe pojezdan tulendad Pakaiž-uk lähteb rezidencijaspäi da tervehtoitab adivoid, a edel pojezdan lähtendad — prostiše kaikidenke.
Lühüd programm (vähemba 2 časud):
- Ozutamišt pojezdan scenal voib nägištada ilman rahoita, miše kacta spektakl'an tätüižes teatras da sirttud rezidencijas, pidab ostta biletad.
Biletoiden maks Pakaiž-ukon pojezdale
Mödas erazvuiččed biletad:
- Vaiše lapsele 6 vodespäi 13 vodhesai — 2450 rubl'ad;
- Lapsele (3 vodespäi 5 vodhesai) da vanhembale (14 vodespäi) — 2950 rubl'ad.
Biletan maksuhu mülüb "Pakaiž-ukon sirttud rezidencii":
- Animacionnii programm pojezdas;
- Vastuz Pakaiž-ukonke da Lumineičukaiženke Pakaiž-ukon sirttud rezidencijas;
- Tomaine Pakaiž-ukolpäi vaiše lapsele;
- Čajun jomine;
- Počtkartaine sebranikoiden da heimolaižiden oigendusen täht.
"Tätüine teatr":
- 45-minutaine ozutamine;
- Tomaine Pakaiž-ukolpäi vaiše lapsele;
- Pakaiž-ukon video-ozateluz.
Röunatuz lapsed biletan mödhe tätüižehe teatraha — 6 vodespäi 10 vodhesai. Tätüižen teatran programmaha vastuz Pakaiž-ukonke ei mülü! Biletoiden mönd zavodiše RŽD-kompanijan saital 30 sutkas edel pojezdan tulendad[14].
Matk 2024
| № | Päiv | Lidn |
|---|---|---|
| 1 | 19.11.2024 | Taišet |
| 2 | 20.11.2024 | Vihorevka |
| 3 | 21.11.2024 | Lena (Ust'-Kut) |
| 4 | 22.11.2024 | Severobaikal'sk |
| 5 | 24.11.2024 | Novaja Čara |
| 6 | 25.11.2024 | Tinda |
| 7 | 26.11.2024 | Fevral'sk |
| 8 | 26.11.2024 | Novii Urgal |
| 9 | 27.11.2024 | Komsomol'sk-na-Amure |
| 10 | 30.11.2024 | Nevel'sk |
| 11 | 30.11.2024 | Iljinskoje (Sahalinan agj) |
| 12 | 01.12.2024 | Poronaisk |
| 13 | 01.12.2024 | Timovsk |
| 14 | 01.12.2024 | Noglikad |
| 15 | 02.12.2024 | Dolinsk |
| 16 | 02.12.2024 | Južno-Sahalinsk |
| 17 | 05.12.2024 | Habarovsk |
| 18 | 06.12.2024 | Ussuriisk |
| 19 | 06.12.2024 | Vladivostok |
| 20 | 07.12.2024 | Birobidžan |
| 21 | 08.12.2024 | Blagoveščensk |
| 22 | 08.12.2024 | Belogorsk (Amuran agj) |
| 23 | 09.12.2024 | Skovorodino |
| 24 | 09.12.2024 | Jerofei Pavlovič |
| 25 | 09.12.2024 | Mogoča |
| 26 | 10.12.2024 | Karimskoje |
| 27 | 10.12.2024 | Čita |
| 28 | 11.12.2024 | Petrovskii zavod |
| 29 | 11.12.2024 | Ulan-Ude |
| 30 | 13.12.2024 | Irkutsk |
| 31 | 14.12.2024 | Čeremhovo |
| 32 | 14.12.2024 | Zima-lidn |
| 33 | 15.12.2024 | Krasnojarsk |
| 34 | 16.12.2024 | Abakan |
| 35 | 17.12.2024 | Novokuzneck |
| 36 | 18.12.2024 | Novosibirsk |
| 37 | 19.12.2024 | Omsk |
| 38 | 20.12.2024 | Ščadrinsk |
| 39 | 21.12.2024 | Kurgan |
| 40 | 22.12.2024 | Čel'abinsk |
| 41 | 23.12.2024 | Kartalad |
| 42 | 23.12.2024 | Magnitogorsk |
| 43 | 24.12.2024 | Sterlitamak |
| 44 | 24.12.2024 | Salavat |
| 45 | 25.12.2024 | Ufa |
| 46 | 26.12.2024 | Samara |
| 47 | 27.12.2024 | Balakovo |
| 48 | 28.12.2024 | Saransk |
| 49 | 29.12.2024 | Nižnii Novgorod |
| 50 | 30.12.2024 | Kirov |
| 51 | 31.12.2024 | Jekaterinburg |
| 52 | 02.01.2025 | Dzeržinsk |
| 53 | 03.01.2025 | Moskva |
| 54 | 04.01.2025 | Pskov |
| 55 | 05.01.2025 | Velikii Novgorod |
| 56 | 05.01.2025 | Čudovo |
| 57 | 06/07.01.2025 | Piter (Uz' Petergof) |
| 58 | 08.01.2025 | Petroskoi |
| 59 | 09.01.2025 | Murmansk |
| 60 | 10.01.2025 | Vologda |
| 61 | 11.01.2025 | Kotlas |
| 62 | 11.01.2025 | Sur' Ust'ug |
Radnikad
Pojezdas radab raudtemehiden jouk 100 radnikaspäi — nene oma tehnikad, kohendajad, mašinvedäjad, pojezdan pämehed, provodnikad, administracii, varjoičijad, bufetan da restoranan radnikad, lämoitegijad da toižed[1][6].
Ližatedod
Vodel 2023 Pakaiž-ukon pojezd mülüi поезд Деда Мороза вошёл в Книгу рекордов России. За три месяца он преодолел 33 686 км[15].
Pojezdan ajelusen kahtes vodes praznikoihe ühtni enamb 900 tuhad mest enamba mi 150 Venäman lidnas[16].
Galerei vodel 2022
Pakaiž-ukon pojezd tal'vkus 2022
Pakaiž-ukon da Lumineičukaižen rezidencii
Pakaiž-ukon pojezd matkan aigan. 2023. voz'
Displei pojezdan aigmäranke
Treskun-ded pojezdan vagonas
Čajun jomižen vagon Pakaiž-ukon pojezdas
Auška-baban pert' pojezdan vagonas
Homaičendad
- ↑ 1 2 3 Дед Мороз из Великого Устюга отправился в путешествие по стране. ТАСС (22 redukud 2022). Дата обращения: 5 kül'mkud 2022.
- ↑ Поезд Деда Мороза отправится в рейс по 100 городам России. Известия (22 redukud 2022). Дата обращения: 5 kül'mkud 2022.
- ↑ Поезд Деда Мороза из Великого Устюга отправился в турне по стране. Интерфакс (22 redukud 2022). Дата обращения: 5 kül'mkud 2022.
- ↑ Из Великого Устюга стартует новогодний поезд. Российская газета (1 tal'vkud 2021). Дата обращения: 5 kül'mkud 2022.
- ↑ Дед Мороз отправился в большое путешествие по России на сказочном поезде. Первый канал (6 tal'vkud 2022). Дата обращения: 5 kül'mkud 2022.
- ↑ 1 2 3 Поезд Деда Мороза отправился на Дальний Восток. Российская газета (5 kül'mkud 2022). Дата обращения: 5 kül'mkud 2022.
- ↑ Стало известно, когда в Петербург приедет волшебный поезд Деда Мороза. Фонтанка (5 kül'mkud 2022). Дата обращения: 5 kül'mkud 2022.
- ↑ 1 2 Поезд Деда Мороза отправится в путешествие по России 19 ноября, РБК Life. Дата обращения: 11 kül'mkud 2024.
- ↑ Иванова, Т. Поезд Деда Мороза прибыл в Тайшет 19 ноября. Комсомольская правда (19 kül'mkud 2024). Дата обращения: 19 kül'mkud 2024.
- ↑ В Комсомольск-на-Амуре приехал поезд Деда Мороза. otr-online.ru (27 kül'mkud 2024). Дата обращения: 27 kül'mkud 2024.
- ↑ Поезд Деда Мороза сделает остановки на четырёх амурских станциях, Gzt-sv (11 kül'mkud 2024). Дата обращения: 11 kül'mkud 2024.
- ↑ «Поезд Деда Мороза» прибудет в Москву 3 января, Информационный Центр Правительства Москвы (21 redukud 2024). Дата обращения: 11 kül'mkud 2024.
- ↑ В Великом Устюге презентовали поезд Деда Мороза, TACC. Дата обращения: 15 kül'mkud 2024.
- ↑ Поезд Деда Мороза. poezddedamoroza.ru. Дата обращения: 15 kül'mkud 2024.
- ↑ Поезд Деда Мороза вошел в Книгу рекордов России. Как он выглядит, РБК Life. Дата обращения: 11 kül'mkud 2024.
- ↑ РИА Новости, 27 декабря 2023. В Москву прибыл поезд Деда Мороза